زعلانه

[بنت العين]

اليوم كانت عندنا رحله فالجامعه...بيروحون معرض جايتكس للكبيوتر..بس ابويه ما خلاني اروح..:(


يكفي يا يبه تجريح
و خلك معي صريح
و عن سؤالي لاتشيح
ليش بثقتك شحيح
و ما تسمح لشبيه الريح
امشي على الدرب المريح
و خلك معي صريح

يا بنتي..خوفي منعني اخليج
و اني الموافقه اعطيج
و كوالد لزوم احميج
ومن العيون اداريج
و الاّ انا بروحي ترى افديج

ابويه..
تحقق و صار اللي انا اخافه
و صار بيني و بينك مسافه
و الثقه معدومه..يا حسافه
و صرت زادي وشربي اعافه
وصار واضح للعيان كافه
ملامح الحزن فيّه و اوصافه

يا بنتي جان الروحه ترضيج
انا المعرض بوديج
انتي من عندي يساويج

يا ابويه..
العين تاقت
و الروح شاقت
بس الحين النفس طابت

حاولت بهالكلام اعزي نفسي,,
وافهم ابويه بس للاسف ما قدرت :(:(:(

[عاشقة]

:(
لا تزعل .. والله حاسة فيك..
يعز علي زعلك والله..

الله يهديه أبوك.
بس ها تبي واسطة .. تراني حاضرة:)

[ثائر]

والله خفت عليج ...قلت مادري وش فيها بعد؟؟

:):)

يللا سلامات ..

ولكنهذا تراه في صالحج وكل ابو حريص هذا بالضبط موقفه ..:)
اثر حتى عنكم حكرةجذي ؟؟؟؟يعني مو بس عندنا؟؟:):):)


ماعليه احنا مقدرين ازمتج النفسيه لكن يللا

انبسطي والا باكتب فيج شعر ..

رضوة ..:)


هاه <<= قاعد اهدد:):)

[بنت العين]

اشكرج يالغاليه ..:)

ثائر..
شو نسوي..هذي حال الدنيا ,,بس و الله حاز في نفسي
قلت حق ابويه انا كد غلطت..قالي لا ..انا اثق فيج
بس ما اثق فغيرج...:( انا شو ذنبي..
و الله كان خاطريه فالروحه..خصوصا اني ما كد رحت رحله و انا فالجامعه :(...

اذا زعلي بيخليك تهددني بالقصيد..عيل انا كل يوم بزعل :)

[سراب]

^1

بنت العين: تصدقين أختي سايرة الرحلة اليوم:)

ما قصدي أغايظك:)

عموما رضا الله من رضا الوالدين..

بارك الله فيك وعوضك إن شاء الله خيرا

ورحلات الجامعة والله لوعة كبد..

من سنتين راحوا زميلاتي لمعرض جيتكس وردوا تعبانين وقالوا أنهم تلعوزوا وايد فيها، وقالوا توبة نسير مرة ثانية.

إن شاء الله تكون خيرتك...


وســـــــــــــلامي لك

[ابو الشيماء]

بصراحة اختي انا احسدك على هذا الاب الغيور

غيرك يدور اب والا اخ يغار علية مالقي !!


ومثل ما قالوا الي قبلي طاعة الوالدين اهم شيء

والباقي ملحووووووق

:):):)

[بنت العين]

اشكرج...و اختج صج عندنا فالجامعه
عيل خلينا نتعرف اذا انتي بعد فالجامعه:)
خاطريه اشوف وحده من سوالف:)
ابو الشيماء..
ترى صج رفعت معنوياتي
و الحين فهمت ابويه شوي :)

[الهيكل]

بنت العين بصراحه ابوكي عنده حق

لو انتي بنتي كنت حتى الشارع ماخليكي تخرجي لوحدك حتى الجامعه اخلي اثنين من الحراس معاكي

احد يكون عنده بنت صغيروووووونه وحلوه ودمه خفيف زيك وما يخاف عليها

عين العقل ابوك عمل :)

[بنت العين]

تراك خجلتني :)
و الحمد لله انك هب ابويه:)
ولاّ كنت بنحكر حكره :)

فرحتني و رفعت معنوياتي:)

مشكور:)


http://greetz.com/thankyou/view.html?thanke.gif

[صوت العقل]

مساء الخير بنت العين


انت محقة في كل ماقلتيةولكن لاتنسي انها عاداتنا وتقاليدنا


.....واللة اعتقد انك موكاتبتها بابوك


انا صريح واللي على قلبي على لساني

[بنت العين]

الابيات كتبتها فابويه البارحه

و كنت بسمّعه ..بس استحيت

واذا انته هب مصدق هذا شي راجعلك

اقول ترى انا كله و لا الجذب

ما اواطنه..

تحياتي لك

[سراب]

^1

أختي بنت العين

والله كان خاطري بعد أتعرف على أحد أعضاء سوالف على الطبيعة مثل ما يقولون، بس مالي نصيب الظاهر لأني تخرجت من الجامعة من سنتين تقريبا..ولله الحمد والمنة

بس أختي سنة ثانية بعدها في كلية الIT

ويمكن تكونوا تقابلتوا في يوم من الأيام بس ماعرفتوا بعض، بس ما عليه راح أخبرها عنج إن شاء الله وبالمناسبة هي أحد أعضاء سوالف أيضا.


وتقبلي تحياتي