حديث الريشة كذلك

[سردال]

http://hider.bizland.com/social/banner2.jpg
http://hider.bizland.com/social/banner1.jpg
http://hider.bizland.com/social/banner30.jpg

[mouza]

سردال

الحين في السواقه كيف يستوييغشون ويبرشمون

ههههههههههههههههههههههههههه


بس مال الرادار هذا الواقع
والله

بس اخر وحده ما فهمتها
فهمني اياها ؟

[سردال]

شفتي كيف البراشيم طويلة! هذا خبصها بكرامة وتم قبل الامتحان عند المصور عشان ينسخ ويصغر البراشيم :)..

الأخيرة معناها أن الأب رايح باريس، والأم أستراليا، والبنت باريس والولد بانكوك يعني عيلة تفرقت :)

[mouza]

عجيب يا سردال

من كثر الفلوس يعني كل واحد يسير مكان


هههههههههههههه

[سردال]

إي فلوس! :)

في ناس يا موزة ما عندهم فيستدينون من البنك عشان يسافرون! :) أنا شخصياً ما سافرت إلا السعودية وعمان بس، السعودية رحت مكة والمدينة وأبها وجدة وبس :)، عمان زرنا فيها صلالة الخضراء الجميلة :)

وفيه ناس يا موزة يروحون عاصمة العرب الصيفية "لندن" ويخسرون 100 ألف درهم عادي على البراد، ويشترون أشياء يمكن موجودة عندنا لكن مجرد فشخرة بس :)...

[شبوحة]

حسافة الصور للمرة الثانية مو راضية تطلع عندى

شو الحل؟؟؟؟؟؟

[سردال]

شبوحة: شو خبرتك في الحاسوب؟ إذا تعرفين الكثير اتبعي هذه الخطوات:

احذفي الملفات من history وكذلك من internet temporary fils وإن شاء الله تطلع لك الصورة :)

إذا ما عندك خبرة كبيرة خبريني وراح أفضل لك الخطوات :)

[mouza]

اتصدق انا بعد بس سرت السعوديه


ههههههههههههههه
مثلك

بس انت سرت عمان انا بس السعوديه

[الدكتور ريان]

مساء الخير..


هههههههههههههههههههههههههههههه من جد قتلتني ضحك ههههههههه واعجبتني الردار ههههههههه تصدق انا منهم هههههههه من الي يسرعون احيانا بس والله بسبب الدوام .

وبعدين ماشاء الله زورتو السعودية كلكم ..اشوف السعودية زايد نورها من يوم ماجيتو عندنا هههههه وحياك الله عيدو الزيارة ..

والله يحيكم .

[سردال]

موزة: إن شاء الله تروحين جميرا وديرة وحتى والإمارات الشمالية، تكفي وأحسن من السفر خارج البلاد! وما تكلف فلوس كثير :).

د. ريان: شو هذا؟! أنت تسرع! لا تسرع أخوي، الأحسن أنك تطلع من وقت وتمشي على راحتك، وإن تأخرت على الدوام فهذا أحسن لك من أنك ما توصل بالمرة :) الله يحفظك من الحوادث.

والبلاد منورة بأهلها :)

[توتة]

و الله صدقت ....

جميرا ماشي شرواتها :) <--- وحده من جميرا

مكان نظيف و هادي و مرتب .... :):):)

تعالي لنا يا موزة .... عالعين و الراس


حتى يوم نسافر ...
أحن لجميرا ... و اتوله عليها :):(


و انا مع الكاريكاتير الثاني هههاهاههههاهاهاههههههاهاه

لأني من هذيلا الجماعة اللي يحفظون مواقع الرادار ...

حافظة رادارات شارع الوصل و جميرا و خط الشيخ زايد :):):)

بصراحة اللي يسوق على 80 احتمال يدعم من البطء :(

و ممكن الناس يدعمونه .... !

لكن عاد الانسان المفروض ما يعدي 120 ... السرعة الزايدة
تقتل .. و ملايين الناس يموتون كل سنة بسبة الحوادث .. :(

دكتور ريان ---> انا بعد زرت السعودية 4 مرات ...
وودي أزورها أكثر .. و ان الله يكتب لي عمرة كل سنة
:)

و تسلم يا سردال على هذي الكاريكاتيرات الحلوة
و طمعانين بكاريكاتيرات أكثر :)

توتة :)

[رحيل]

مرحبتين أخي سردال ...
والله الصور حلوة وتضحك ...مع إنها تحكي واقع ..
البراشيم هاي تراها ممكن تكون مبايل موصول بالسماعة بس مش ورقه ..هههه:)
لكن هاي العايله صدق راهيه ..كل واحد بدوله !!
بس عاد السفر وايد حلو وممتع ...
وانا زرت نفس الدول اللي زرتهم انت +تايلاند وتركيا
لاوالعجيب في تركيا لقينا عايله يايبين معاهم 100000درهم ومب عارفين وين يدسونها وكيف يتكشتون فيها:):)
والله عجيبه ..يعني لو قعدوا في البلاد واستثمروا هالفلوس فيها جان ابرك...بس شو نقول عاد!

[يعسوب]

الكريكاتير فن جميل
من افضل الطرق للنقد الساخر
الذي بامكانه الوصول الى عقل الشخص العادي والمتعلم من اقصر الطرق........
وحيا الله الجميع في السعوديه
بس عاد خبرونا قبل عشان نستقبلكم ونكرمكم



تحياتي........

[غريب نجد]

ما شاء الله تبارك الرحمن اختيار موفق للموضوع ومحتواه ..

اعجبني ذلك القائد الذي اجتاز الامتحان بذكائه ولكن غيره ياخذها بطرق ملتويه ..

اعجبني ما فعله السائق بالردادر ..لان العله لا تعالج بالقوة ولا بالذكاء من قبل المسؤليين يجب انهم يضعون رادار على كل سياره والافضل ان يزرعوا ارادار في نفزس السائقين ..

ما شاء الله تبارك الرحمن اسرة متمدنه نتمنى لها التوفيق ..

تحياتي لكم جميعا

[مدردش متقاعد]

الله ياخذ إبليسك يا سردال:)

من وين يايب هالرسوم:) بصراحة تفطس من الضحك.. و أحلى شي مالة الرادار خصوصا و إني يالس أكتب موضوع عن الرادارات:)


بصراحة رسام مبدع ماشاء الله عليه:)


تحياتي