View Full Version : .. آسفـــه ..
<br><br><center><TABLE BORDER=1 WIDTH=500 Background="http://216.40.197.199/textures/natfl_b/natfl_b037.jpg"><TR><TD ALIGN=CENTER><h1><font size="4" face="monotype i" color="white"> <br><br><br><br>مو كافي انك بس تحسين بخطاك 00 ومو كافي انك بس تكونين عارفه
عقب مانتي ذبحيتني بجفاك ؟! 00 عقب شنهو بس تقولين آسفه
عقب جرح بقلبي اللي هواك 00 وعقب روح قبل لقياك نايفــه
كسرتيها00 واستذليت بغلاك 00 ودمعة بالعين من قساوتك طارفه
والحين عرفتي اني صادق معاك 00 الحين عرفتي صدق ذيك السالفه
أقولك ما غدرت ومنهو اللي نساك ؟! 00 من قال عني 00لا تقولين حالفه
قلتي بعيني 00 وادري باللي وراك 00 به ناس غروك 00 بوسط عينك شايفه
قولي اخدعوك وبعتي اللي شراك 00 وين الشجاعه 00 قولي اشفيك خايفه؟!
انتي ابدويه وحشمتك في غطاك 00 بالطيب والصدق وجود الأخلاق لا يفه
قولي أحبك واغمريني بدفاك 00 وباسامحك لوّك جحود وزايفه
وأبيّن اشواقي وخفوق بغاك 00 امشي بهجيرك وفي الاحباب عايفه
قولي عشقتك وباتناسا خطاك 00 بس يا حياتي 00 لا تقولين آسفه
أخوكم عشّاق
<br><br><br><br><font size="3" face="simplified arabic" color="#fef1bc"></marquee></TD></TR></TABLE></center><br><br><br><br><br><br>
عشاق ..
جميل .. جدا ..
مشاعر واضحة و قوية ..
" مو كافي انك بس تحسين بخطاك 00
ومو كافي انك بس تكونين عارفه "
و نهاية مؤثرة .. و جميلة ..
قولي عشقتك وباتناسا خطاك 00 بس يا حياتي 00 لا تقولين آسفه
:)
عجبني ..
عساه ان شاء الله دوم يعجبج اللي اكتبه 00 والحمد لله أخيرا
ردت أختنا ومشرفتنا الكبيره على شخابيطي :)
شكرا لك اختي من الاعماق 00 أحتاج منج دائما هذا التشجيع :)
عذوبة
12-07-2001, 06:23 PM
سامحني يا اخوي أنا دايماً متأخرة.....
بس بعد تدري الدنيا و أحوالها.....
المهم.......
دايما متألق في مشاعرك و كلماتك........
كلامك اليوم درر يا عشاق ......
تسلم عزيزي عالشعر العذب.......
بس ياليت الي جرحوني لو يوم واحد يقولونلي..."آسفة"......
و انت ما تبيها تقولك آسفة.....
ياالله ما عليه الله كريم......
الله يحفظك دايماً.......
وداعة الله .....
تحياتي للأخت هند.........
و مع السلامة.....
تحياتي:
عذوبة.................
عساه خير ان شاء الله
كلامك اليوم مو عاجبني ابد 00 روحك اليوم مو الاوليه
ان شاء الله غيمه وتعدي 00 ولهنا عليك 00 وان شاء الله ما نوله بعد
صمت الكلام
13-07-2001, 05:28 AM
عشاق .......حروف قصائدك تبوح بكل شيء
باول القصيدة انا قلت عنك قاسي
بمنتصف القصيده قلت مجروح
والابيات الاخيره توضح لي مدى عمق طيبتك
وحبك
الله يعطيك العافيه على هالقصيدة الراقيه
بس في بيت حيرني
أقولك ما غدرت ومنهو اللي نساك ؟! 00 من قال عني 00لا تقولين حالفه
مدري فيه شي غريب ؟ يعني ابي اجمع تفسير للنص الاول بالنص الثاني بالبيت مب قادره
اعذرني بس من كثر ما قريت القصيدة والبيت هذا مب راضي
يمشي معاها او بمعني ثاني مب راضي يفسر نصه الاولاني بنصه الثاني
وننتظر الاحلى منك دوم اخوي عشاق
اولا شكرا على الكلام الحلو اللي أنا تعوتد منك لحاجتي الى الستمرار فهو أصبح لي كغذاء للروح
ثانيا تفسير البيت الصعب ;)
قلت :أقول لك ما غدرت 00 واضح
ومنهو اللي نساك 00 أي أحدهم وشا بي وقال اني نسيتها
وقلت : من قال عني 00 اريد ان اعرف من هو الواشي
لا تقولين حالفه 00 لا تقولين انك حلفتي ما تقولين عن الشخص الذي وشا عني 00 اي انه أخذ عليها الوعد والحلفان بأن لا تقول انه الشخص الذي وصل هذه المعلومات 00 تعبت :(
ارجو بان يكون البيت واضح الحين :)
صمت الكلام
14-07-2001, 01:23 AM
كل شي تمام يا معلم
الحين كل شي واضح واشكرك على اهتمامك
الله يعطيك العافيه :)
عطر الندى
14-07-2001, 03:54 AM
عشاق لا أدري من أين تخط هذه الكلمات
انها غاية في الروعة بمعنىالكلمة
قولي عشقتك وباتناسا خطاك 00 بس يا حياتي 00 لا تقولين آسفه
هذه أحلى كلمات في الموضوع كله
غاية في الرقة والعذوبة
غاية في التسامح والعطاء
الله يعطيك على قد نيتك يا رب
ولامسامح كريم حتى لو ما قالت عشقتك
تقبل تحياتي العطرة
حياج الله وأي وقت
U R MOST WELLCOME
عر الله ايامك اختي00 وشكرا على كلامك الذي يجعل مني شاعرا
بدون موهبة 00 فموهبتي والهامي سأستمده من عبق كلماتك الحانيه
لك مني كل التحايا والاحترام اختي العزيزه :)
ثواني
16-07-2001, 11:59 AM
اخوي عشاق ..
ما شاء الله كتاباتك وايد حلوة ..
أهلا بك أختي من جديد 00 تغيبين فتره ثم ترجعين لنا بعد
هذه الغيبه بالاشراقة والابتسامة 00 اسعد الله ايامك وثوانيك
وشكرا على الاطراء أختي :)
BMW 320i
18-07-2001, 04:14 PM
ما شاء الله عليك ترى الكلام ها يضرب في الصميم و الله و صح لسانك
bent ubooha
19-07-2001, 12:26 AM
سبقني الجميع وأبدى رأيه...
وأنا ما علي سوى أن أضم صوتي لصوتهم جميعاً .. وأحيي مشاعرك الرقيقة..
أختك.. بنت أبوها
عذوبة
19-07-2001, 01:31 AM
هلا عشاق......
صدمتني لما قلت إن كلامي مو عاجبك.......
أتمنى إنه يعجبك هالمرة......
أنا ولهت عليك و عالمنتدى نفسه و على كل من هم فيه......
و أتمنى لو أقدر أكتب شعر نفس اللي إنت تكتبه......
و الله يا محمد إني أعزك واااايد.....و إنت مثل أخوي......
و الله يحفظك إن شالله من كل مكروه يا عزيزي.....
و إنشالله يا رب ما يوحشك غالي........
و يالله ما أخليك توله علي مرة ثانية.........
أنا يمكن أغيب فترة...........احتمال.....
و تقدر تراسلني عالأيميل......
بريدي الالكتروني هوal_3thooba@hotmail.com
و تحياتي لك و للجميع:
عذوبة..............
صح ابدنك أخوي وشكرا على الرد الغالي يالغالي :)
أعلا بك أهختي الفاضلة ولك كل التحية والاحترام على الكلام الررئع في حقي 00 من سبقوك قد اعطوني اكثر مما استحق وانتي اجزلتي العطاء فشكرا لك من الاعماق اختي الكريمة :)
أخجلتني كلماتك العذبة من أخت عزيزة وغاليه 00 انتظري ردي على الايميل :)
BMW 320i
19-07-2001, 11:23 AM
حياك اخوي ترى حاضرين و على الراس و العين
:)