View Full Version : أيهما أقـل أعطالا؟ الهوندا أكورد أم التويوتا الكامري ؟؟؟
كابريس
18-07-2001, 02:23 PM
بالأمس كنت مع اثنين من اقاربي
الأول معاه كامري XLi ECECUTIVE موديل 99 وماشي 100.000
والثاني معاه هوندا اكورد EXi موديل 2000
صاحب الهوندا قال لي لو تأخذ كامري أحسن لك عشان الصيانة وووووو
وصاحب الكامري قال لي ترى الهوندا اكثر اعطالا من الكامري !!!
المهم قال لي على واحد زميل له اعرفه معاه هوندا Lxi موديل 99
فسألته قال مرة اخترب عليه المكيف !!! وصار يقطع !!!
وودها الوكالة وصلحوها !! وسيارته موديل 99!!
فهل هذا معقول ؟؟!!
ويقول انه كل مادخلها الصيانة يخرج بـ 500-600 ريال
بينما صاحب الكامري يقول بالكثير انه يخرج بـ 250 ريال !!!
فايش رأيكم؟؟
Pure_Intimidation
18-07-2001, 02:53 PM
My vote is for the Camry :)
MR:SPEED
18-07-2001, 03:13 PM
الكامري اعطالها اقل من الاكورد
عشان كذا هي اكثر مبيعات من الاكورد
كابريس
18-07-2001, 09:59 PM
طيب الكامري تجميع أسترالي !!
والأكورد صناعة يابانية !!!
كيف تصير هاذي؟؟ :(
مقناص
19-07-2001, 05:19 PM
التويوتا كامري بشكل عام اقل جرابات وسعر صيانتها اقل من الاكورررررد بألف مره الهوندا غاليه من ناحيت قطع الغيار ولا مرسدس والمرسدس يستاهل يستاهل الغلا بس الهوند لا لا لا ومع الف سلامه يالطيب الغالي
مقناص
19-07-2001, 05:22 PM
قبل مده واحد من اخويائي يبي يا خذ فلتر من عندهم فلتر زيت 300 ريال الجديد الفلتر لدباب
كابريس
19-07-2001, 07:08 PM
غريبة!!
Holden
19-07-2001, 10:00 PM
مع ٌإحترامي الشديد للأعضاء أنا أختلف معكم في الرأي
أنا أعرف واحد عنده هوندا ماسمعته مره يشتكيلي منها وأنها قويه في العكوس ولا فيها أي مشاكل
أما جارنا عنده كامري 99 قير عادي نزل قير سيارته
وآخر عنده نفس الموديل أختربت دينمة النافذه الخلفيه
ياشباب عندي لكم نصيحه خليكم عن الكامري و الهوندا :4 سلندر الي تطلع حنته في الطريق في السرعات العاليه وأسمع صوت الشارع وأخذولكم لومـــــــــــــينا تراها مره حلوه
كابريس
21-07-2001, 01:15 AM
ايش يعني نزل قير سيارته؟؟؟
شوف كابريس
سيارتي الحالية هي أكورد موديل 92 يعني قديمة والأشياء إللي غيرتها من أشتريت السيارة "من حوالي 4 سنوات إلى الأن هي الأتي":
*سيور الجنزير "عددها 2" بـ180ريال ".
*سفائف فرامل أمامية 260ريال "صحيح أنها غالية بس تمشيني 100000كيلومتر ما أدري سفائف تويوتا لغاية كم كيلومتر وبعدين تتغير؟".
*مضخة الماء "طرمبة المويه" بـ350ريال.
*جلد العكوس "كلهم بـ200ريال".
*سيور الماكينة 120ريال.
يعني أنت إيش رايك في الأسعار؟؟؟؟
______
مقناص
أيش هذا الدباب إللي الفلتر حقه بـ300ريال؟؟؟؟؟؟؟؟
زين "كابريس" كان يسأل عن الأكورد والكامري فأيش دخل فلتر الدباب في الموضوع؟؟؟
وعلى فكرة أخوي يغير زيت سيارته "سيفيك" في الوكالة مع فلتر بـ65ريال.
شباب نسيت أقول شيء ،
هل أرقام المبيعات تدل على جودة السيارة وقلت أعطالها؟؟؟
معنى هذا أن الهيونداي من أحسن سيارات في الخليج وأكثرها جودة لأن مبيعاتها في تزايد مستمر !
وبعد تطلع الأودي سيئة لما نقارنها بمبيعات اللكزس و المرسيدس و البي أم!؟!؟!
والله انا اعرف انه الكامري ارخص في قطع الغيار عشان كذا الناس يفضلوها (وسيارة تتحمل)
بس الاكورد (مع اني معجب بهذي السيارة)مم مم مادري والله
الحقنا يا S2000
كابريس
21-07-2001, 11:41 AM
الأخ NFS
شكراً على التجاوب :)
وبعدين السيفيك حقت أخوك موديل كم؟؟
لأني بصراحة ركبتها وعجبتني :) وبدأت أفكر فيها :)
وبالنسبة للقطع الي انت غيرتها فمجموعها 1100 ريال
يعني مبلغ بسيط اذا كان خلال 4 سنوات
ابو الشيماء
21-07-2001, 03:07 PM
الى الاخ الي لاسأل عن الهوندا أكورد ....اقول:
الفرق بين الهوندا اكورد والكامري ان سمعة الكامري اقوى لكثرة دعايتها وكثرة مستخدمينها عاى عكس الاكورد مالها كل الي ذكرت وهذا يرجع الى تقصير الوكيل في المملكةولكن بالعقل الهوندا صناعة يابانية وقطع يابانية والكامري قطع يابانية وتجميع استرالي فهل هناك مقارنة!!
ثم انا انسان ابيع واشتري في السيارات ولدي معرض ولكن نصيحة لله ومن مجرب مع ان سيارتي الخاصة اكورد اقولك:اذا تبي سيارة سوق للبيع والشراء فالكامري جيدة واذا اردت سيارة استخدام فالأكورد اجمل وافضل ... والسلامن
كابريس
21-07-2001, 03:13 PM
طيب ياأخ ممكن تقول لي فين معرضك ؟؟
في أي مدينة؟؟
وهل تبيع سيارات مستعملة أم جديدة؟؟
وكم أسعار الكامري والأكورد عندك وشكراً
كابريس
22-07-2001, 09:05 AM
بانتظار الإجابة
Holden
23-07-2001, 03:38 AM
إلى الأخ كابريس معنى نزل قيره
أي ظهرت فيه بعض المشاكل وأضطر إلى أن يفكه
كابريس
24-07-2001, 01:07 AM
ابو الشيماء
فينك؟
كابريس
29-07-2001, 03:18 PM
أبو الشيماء
أنا بانتظار اجابتكلا :(:(:(
ابو الشيماء
31-07-2001, 06:33 PM
ِاخوي كابريس انا قلت لك على الي اعرف من ناحية السيارتين وسيارتي الخاصة هوندا اكورد 98م ومريحتني جدا
وبعدين عندنا بالمعرض جميع انواع السيارات المستخدم والجديد وفيه كامري مستعمل 99-98م عدد 3 لون ابيض وايضا اكورد 98م عدد 2 لون ابيض وعودي
واذا كنت تبي موقع المعرض انا انتظرك على الايمل .j555j@hotmail.com
الكامري اكثر عمليه من الهوندا وقطع الغيار ارخص.
ابو الشيماء
31-07-2001, 06:53 PM
اخوي انا الحقيقة مومعك في الي تقول علية لاننا كشباب مفروض تكون لنا نظرة افضل من نظرة الشيبان مع احترامي لهم
لكن الشيبان يمشون مع الدعاية والايسر ، والكامري من ناحية الدعاية ما يحتاج الوكيل مو مقصر .
ومن ناحية التسهيل بعد مايحتاج لان 90% من مبيعاتهم بالاقساط
على عكس الهوندا تماما ، نادر ماتعلن عن سياراتها، ومبيعاتها اكثرها بالكاش .
وانت انسان متعلم مفروض تنظر من ناحية الصناعة والمحركات وقوة الاداء الى غير ذلك
وشكرا على المتابعة..
كابريس
31-07-2001, 09:04 PM
طيب ارسل لي موقع المعرض لوسمحت :):):)
ابو الشيماء
01-08-2001, 04:17 AM
ياكابريس انا مابعد عملت موقع للمعرض على الشبكة لاني والله مشغول
واذا فيك شدة تعمل معروف..
السلام عليكم ورحمة الله وبركاته
اولا: اشكر الشباب اللي شاركوا في هذا الموضوع وخصوصاالاخ ابو الشيماءوNFSوC6واتمنى مشاركة العضو البارزS2000وينك محتاجينك
ياهووو والا ثقيل:)
ثانيا:اختلف مع بقية الشباب في وجهة النظر في هذا الموضوع
واقول لهم اني متأكد انه ما في ولا واحد منكم جرب السيارتين تقريبا
لاني مجرب للسيارتين واقول انه من ناحية الاعطال ان الأكورد اقل اعطالا بكثيييييير ولا يوجد مجال للمقارنةاقولهاو من واقع تجربة وبدون تحيز وتعصب للأكورد .
واعرف شخص يمتلك السيارتين كامري 98 واكورد 99 وبالتحديد هو خالي
واعطال الكامري على قدر معرفتي:
1)انقطاع سير الدركسون
2)تعطل العكوس الأمامية بصفة شبه مستمرة
3)الهوبات ومشاكلها الدائمه
4)البخاخات تحتاج الى تنظيف
هذه ابرز الأعطال ناهيك عن تفسخ الفرش الداخلي وقماش السقف وغيرهاكثييييييير لا اريد الإسهاب فيها عشان مايزعلوا الشباب
اما اعطال الأكورد على قدر معرفتي ايضا:
1)بعض المشاكل في الهوبات
2)لا يزال البحث جاري .
وذلك لأنها وبكل بساطة....صنعت بأيدي يبانية خالصة.....
اما حجة ان الكامري اكثر مبيعا فهذا دليل على جهل الشعب وليس دليل على جودة الصناعة وقوتهاابدا.
ثالثا :اسف على الأطالة واشكركم على الإنصات وحسن المتابعة:)
وارجو ان لا تكون وجهة نظري ازعجت البعض لأنها اولا واخيرا مجرد نظرتي الخاصةللسيارتين من واقع لمسته ولاأفرضها عليكم
والسلام مسك الختام
ــــــــــــــــــــــــ
للتواصل اكثر وتبادل وجهات النظرعبر الماسنجر:
VTI101@hotmail.com
كابريس
01-08-2001, 03:28 PM
شكراً
تعبت نفسك:):):):):):):):):):):)
ــــــــــــــــــــــ
للتواصل عبر الماسنجر:
vti101@hotmail.com
MR:SPEED
03-08-2001, 08:49 PM
انا امس رحت وكالة تويوتا و رحت وكالة هوندا
مبيعات الكامري اكثر بي كثير من الاكورد
حوالي اكثر من الضعف
و سالت شباب واحد معاه كامري 2000 و واحد معاه اكورد 2000
صاحب الكامري مايشتكي منها بس صاحب الاكورد و لله يشتكي
كابريس
03-08-2001, 09:19 PM
ابشركم ياشباب الوالد وافق على الكامري وان شاء الله خلال الأسبوع القادم أروح للوكالة وأتوكل وآخذ كامري بس بأنتظر واحد يشتغل في تويوتا ومسافر للأمارات بأنتظره يجي السعودية عشان يمكن يسوي لي تخفيض 1000-3000 ريال :)
شوف حبيبي
انا اخوي عنده هوندا 98 محافظ عليها على الخر
السياره حلوه وماعليها كلام وما تصف جنبها الكامري من حيث الأداء
بس شوف قطع غيار الله يعينك عليها
اسمع شو غير اخوي
حادث واحد بابين ورفرف ب15000 في الوكاله مو حرام :(
حادث ثاني في صدام وراء ب7000 ريال بس ماغيرنا ال الصدام والأصطب
بس با النسبه لي والهوندا اللي معي 2001 فهي فل الفل
شكرا
أبو نايف
04-08-2001, 12:18 AM
الهوندا افضل واجود من الكامري واقل خرابات....طبعا بشرط ان تحافظ عليها ..
وهذا ينطبق على كل سياره
وانا اعرف اثنين واحد معه هوندا 99 اكورد والثاني كامري XLi
الهوندا اداء وجوده ماتقارن بالكامري....
الكامري ميزتها في رخص قطع الغيار
كابريس
04-08-2001, 12:56 AM
خلاص ياهو صفينا على الكامري :):):)
سيارة الشعب :)
مبروك ألف مبروك على السيارة ، والله يعطيك خيرها ويكفيك شرها:)
MR:SPEED
04-08-2001, 03:59 AM
الله يعطيك خيرها و يكفيك شرها
ابو الشيماء
04-08-2001, 02:25 PM
اشكر اخوي VTI على المعلومات القيمة واقول له كلامك صح لاني فعلا استخدمت السيارتين واعرف عيوبها وشكرا
اخوك / ابو الشيماء
كابريس
19-08-2001, 03:38 PM
الله يبارك فيكم
وشكورين على الردود
مجنون الكامارو
20-08-2001, 03:29 PM
^1
أخوي كابريس
أولا مبروك السياره مقدما ويعطيك خيرها ويكفيك شرها0000000
أنا بعد يمكن يوم بومين راح أشتري كامري000000والله الكامري
ماعليها000000أنا عمي كااااان عنده كامري99 Gli ....على فكره
عمي مو كبير....عمره20 سنه وكان راعي تفحيط وكان كل مايجيني
القى في الكامري صدمه جديده0000000وفي الأخير ختمها(مسك)0000
قلب على الكامري مدري كم قلبه00000يعني إذا شفت الكامري بعد
الحادث00000تحلف أن راعيها ماطلع حي من السياره00000000الحمد
لله هو ماجاه شي000وصلح الكامري بـ11000ريال وباعهابثلاثين الف
بعد ماكان يبي يبيعها بـ8000ريال......يعني ربحان واجد00000
أنا بعد الحادث قررت أشتري كامري لمده سنه وبعدها إنشاء الله
كاماروووو0000000000تحياتي.
كابريس
21-08-2001, 08:48 PM
مشكور على الرد
السيارة حتى الآن لم تصل للوكالة لأني طلبتها طلبية وأول ماتوصل يتصلوا علي :):):)
لأنه الجير الأتوماتيك مافي منه كثير:(
مسمار
21-08-2001, 11:58 PM
وارجو ان لا تكون وجهة نظري ازعجت البعض لأنها اولا واخيرا مجرد نظرتي الخاصةللسيارتين من واقع لمسته ولاأفرضها عليكم
والسلام مسك الختام
وجهة نظر
كابريس
15-11-2001, 12:31 AM
خلاص صرنا من أصحاب الكامري :)
كابريس
10-01-2002, 01:30 PM
الحمد لله إلى الآن صار لي 3 شهور و10 أيام بالتقويم الميلادي والسيارة ماشية 8000 كلم بدوووووووون مشاكل والحمد لله:D
كاااااااااااااااامرررررررررررررري:D
IMPALA SS '96
10-01-2002, 05:51 PM
يا شباب من يوم عرفت كابرس وهو يقول كابرس وبس
وبعدين من زمان إعترف إن والده سيشتري له كامري.........
و أنا أقول إنه مو حاب السيارة بس حابب يقنع نفسه بالأمر الواقع:D
و من بعدها وهو يحاول بشكل غير مباشر أن يمدح الكامري ويبين محاسنها.......ووووو..........على مين يا كابرس...على مين تلعب على مين يابن الناس............:D
أبدا............كامري ...وبس..........ولا حتشوف غيرها..........
لا تحلم بالكابرس....................ها ها ها ها ها:D :D :D .......
ولا حتى بالهوندا...........ولا المكسيما........إنسى......خلاص
راحت عليك يا شايب ياراعي الكامري........
عندي إحساس إنها XLi لنها أبيض كمان...........:D :D
لا ودحين يبغا يقارنها بالهوندا............
خذ مني الكلام السنع..........الهوندا صحيح مكلفة وغالية......بس سيارة سعرها فيها...........ويكفي مكاينها الإقتصادية و القوية......
بلا كامري بلاكلام فاضي..........
يكفيكم القزاز "الشبابيك" الكهربا اللي تغير الدينمو حقه كل ما تغير فلتر الزيت..........
و العكوس مع كل تغيير لزيت الجربكس.........
وبعدين كونها أكثر.........فأقول زي ماقال خويي VTI
======================================
اما حجة ان الكامري اكثر مبيعا فهذا دليل على جهل الشعب وليس دليل على جودة الصناعة وقوتهاابدا.
======================================
و أزيد أن أغلب الناس "بالذات في المملكة" قد إبتلاهم الله بداء التويويوتوتوتا.........
و أعراض هذا المرض تصلب في أنسجة الدماغ ينتج عنه شراء أي شيء يحمل إسم تويوتا بشكل عشوائي غير مدروس...........حتى لو صنعت في جزر الواقواق....فطالما أنها تحمل العلامة........فخلاص......هي 100%
:D :D :D :D
تراني أمزح ياشباب و كابريس صديقنا القديم الحبيب و الله يبارك له في سيارته وعقبال الفياقرا.....أقصد الكابرس;)
بس بصراحة أنا أكره هذه السيارة و أكره الإندفاع نحوها من غير تفكير......
هي مش بطّالة بس ما تستحق أن تكون سيارة الشعب.........
أسلم عليكم.....
كابريس
10-01-2002, 09:27 PM
شوف أنا أخدت الكامري وفي نفس اليوم ولد عمتى أخد أكورد
وكلها جير أوتو
طبعا الأكورد لهفوه 250 ريال في صيانة 5000 كلم
أنا أخذو مني 135 ريال !!!
والباقي في الطريق
إلى الآن مافي أحد يشتكي من مشاكل والحمد لله
وكلنا في كلية الطب يعني حنخلي السيارة ان شاء الله مابين 7-8 سنوات
ونشوف وقتها مين الي صرف على سيارته أكثر من الثاني
ومين خرابات سيارته أكثر من الثاني
موعدنا لمن أجي أبيع الكامري وأطلع الكابريييييييييييييييس
كابريس 2008:D
أنا سيارتي كامري GLi جير أوتو
وهو هوندا اكورد VTi :D
الراوي
10-01-2002, 09:49 PM
اسمع كلامي بصراحه الكامري اقل أعطالها ,,,
انا عندي كامري موديل 99 XLi وبصراحه مافي اي مشاكل فيها من اول ما شريتها ....
اذا تبغي المتانه انصحك بالكامري :)
وانا مجرب
الصراحة يا شباب
الكامري أفضل من الأكورد من ناحية المتانة وهي إقتصادية وصيانتها أقل
واسهل وقطع الغيار رخيصة
كابريس
10-01-2002, 11:22 PM
الآن سيارتي كامري GLi جير أوتو :)
والحمد لله :D
gx-r limited
11-01-2002, 12:27 AM
الجواب معروف الله يعطيك العافيه
الكامري والي يقولك اكورد يضحك عليك