بكر السحاب

[حبيبها]

احيان احس انك تماري بي كثير
واحيان احس ان المعزه مذله

واحيان احس انك بلوعاتي خبير
واحيان اشوفك غادي عن محله

بك يستجير ويستخير ويستثير
قلب ملكت اقصاه كله وجله

طفل صغير ولابقى غير الصغير
اللي كبر في عين ولفه وخله

يا آخر اوجاع الزمان المستدير
ويا أول افراح الليال المقله

ويا آخر أيام الشتا والزمهرير
ويااول أيام الربيع المظله

يااتلى الصراط اللي مشاويره زفير
وبكر السحاب اللي مرابعك حله

يامنتهى لفح الظهاري والهجير
ويامبتدا ظل تنامى بظله

ويامنتهى حلم كبير ولاكبير
من له بليا طلتك بس من له

بك ينتهي اسر الليالي للاسير
وبك ينتهي بالروح مليون عله

وبك يبتدي ختم المسيره للمسير
خطو غريب ولالقى من يدله

ياليتي القى للاحاسيس تفسير
لاقمت احس ان المعزه مذله

وياليتي القى للتناهيد تقدير
في قلب من كلي هوى كل كله

[بنت العرب]

حبيبها....تلك المحظوظة



نطمع بقصائد فصيحة منك......وقريبا جدا!!


ما صار خط تلفون هذا اللي بتركبه!


:)

[عبودي 1]

رائع اخوي حبيبها

[حبيبها]

بنت العرب :

ازمة التيلفون عدت على خير

بس ماحنا عارفين نلاقيها منين والا منين ..انتفاضه وارهاب ..وتكالب امم ..

صدقيني اصبحنا نخجل من الشعر

===========

عبود : هلا