سؤالين ياشباب ....

[moka_moka]

السؤال الاول :
الزر اللي جنب القير في اللومينا (البور) وش فايدته الفعليه؟؟؟

السؤال الثاني :
الزر اللي يجي في السوبر سفاري والمسمى بالهزاز وش فايدته
(عندي من موديل 95 ولاقد استخدمته ولا مره):(:(:(

وتكفون الشرح بالتفصيل الممل:):):)

ومشكورين مقدما اللي ردوا واللي ماردوا;););)

[مجنون سيارات]

شوف أخوي موكاموكا انا اقدر افيدك في اللومينا
الزر الي تقول عنه بجنب القير (البور)
هذا حق القومات مثلاً عند الاشاره تبغي تقاوم
تظغط على الزر ويعطي السياره عزم أقوى مما
هي عليه واندفاع جربه ولا تخاف أما اللكزس
ما عندي فكره عنه وأتمني أنك فهمت.
اي سؤال ثاني تراني مستعد

[NFS]

زر الباور يستخدم عند الحاجة للتسارع مثل تجاوز سيارة على الطريق حيث يحتاج السائق في بعض الأحيان أن يبدل تبديل تنازلي للقير يعني من الثالث إلى الثاني مثلاً فهذا الزر يغنيك أن تدوس على دواسة البنزين للأخر علشان تبدل تبديل عكسي "أو تنازلي".


هل هنالك زيادة في عزم المحرك عند الضغط على زر الباور؟؟

الإجابة : لا ، فعندما يكون زر الباور مضغوط فأن القير يبدل تبديل عكسي أكثر من الطريقة العادية وذلك بمجرد الضغط الخفيف على دواسة البنزين وأيضاً لا يبدل لغيار أعلى إلا عند الخط الأحمر لمؤشرة الـRPM.



أما السؤال الثاني فما عندي خبرة عن سيارات الـ4×4.

[M5]

السؤال الثاني ....

بالنسبه للزر الموجود في الباترول والمسمى باللهزاز ( وهي تسميه خاطئه طبعاً ) .. هو لعمل غلق للتروس الفرقيه أو الـ Differential Lock ...

كيف يعني ؟؟

بمعنى ... ان التروس الفرقيه ... فائدتها أساساً .. جعل كل عجله ( يمين أو يسار ) تدور بحريه ، وبحسب وضعها .. مثل الدخول في منعطف .. تكون العجله الداخليه ( ناحية المنعطف ) سرعتها أقل من العجله الخارجيه ..

أو عند دخول السياره في منطقه وعره أو طريق غير مستو .. تجد أن العجله المعلقّه ( اللي ما عليها وزن ) تدور حول نفسها بدون فائده ( تفحط ) ..

هنا يجي دور الزر الموجود في الباترول ( وبعض الجيوب طبعاً ) .. الذي يعمل على غلق الدفرنس .. ( يلغي عمل التروس الفرقيه ) مما يجعل العجلتان الخلفيتان تدوران بنفس السرعه .. وتحت أي ظروف ...... والذي بدوره يساعد على الخروج من الأماكن الصعبه ..


ان شاء الله تكون الصوره واضحه الآن أخوي moka_moka :)
واذا جربت .. اعطينا النتائج ..
واذا بغيت بالتفصيل الممل .. احنا حاضرين :)



تحياتي ،،

[GX 2001]

الزر اللى في النيسان هو ((الديفلوك))وهو يشبك التايرين معاوالشباب اكثر شي يستخدمونه في النياسين ((للتخميس))يعني شغل الدفلوك وخمس مثل السبورت ..يعجبك..

[moka_moka]

مشكوووووورين ياشباب:):):)

مجنون سيارات-->اي لكزس الله يرحم والديك:):):)


NFS --> كفيت ووفيت ومشالله شرحك مفهوم ..

M5 --> هو فيه تفصيل اكثر من كذا ;)
مشالله عليك خبير سيارات درجه اولى
بس على فكره تسميه الهزاز متعارف عليها بين الناس
وحتى الوكاله كانوا يقولون هزاز بس هذا لايعنى ان
التسميه صحيحه...

GX 2001--> يعجبني ;)