اي سياره تنصحوني بها ؟؟؟؟؟

[*SS* POWER]

^1

الصراحه انا ناوي اشتري سياره جديده بداية 2002 بس محتاااار وايد ما ادري اي سيارة افضل !!!

السيارات الثلاث اللي في بالي اهم :
1- مكسيما GV
2- اكورد V6
3- اوميغا V6

ارجو من الجميع ابداء رأيهم بواقعيه بعيدا عن العواطف مع ذكر سبب تفضيله لسياره معينه , واذا كان مجرب السياره يكون افضل :)

انا بانتظار ارائكم وشكرا لكم :)

[E55]

من الثلاث اللي ذكرتهم ، أنا ما إستخدمت إلا سيارة وحدة واللي هي الماكسيما

جربت الأوميجا V6 كتجربة (مش الجديدة) وجربت الأكورد (مش V6)

ومن تجربتي ، أعتقد إن الماكسيما أفضل حتى من ناحية السعر

[البعير]

والباقي...!

[مسمار]

شوف اخوي مثل E55 انا ما حربت منهم الا الماكسيما

شوف في الفخامه راح تكون الماكس افخمهم

بس سعرها مو الأرخص ربما تكون مقاربه الأوميجا V6 افخم نوع سعرهم تقريبا 98 الف ريال ( افخم نوع بس من دون جلد للماكس )

الأكورد ممكن سعر القطع نار

الأوبل اشوفها منتشره كثير وكثير يمدحونها شوف CL600 عنده وحده ممكن يفيدك اكثر

* انصحك اذا ما عندك عائله بالماكس

[Eclipse]

لو انا مكانك اخذ الماكس

[lexus 92]

يا أخي MAX J30 وبس ........ماااااااكس إلى الموت ...

[*SS* POWER]

الظاهر ان الاغلبيه تصوت للماكس :)

انا اليوم رحت وكالة النيسان وشفت الماكسيما وفعلا عجبتني :)

الفول اوبشن كانت بـ 12500 دينار ومواصفات ماشاء الله احسن من اللكزس :)

لمبات زينون
فتحة سقف
سيدي مع مبدل 6 اسطوانات
ستاره خلفيه كهربائيه
جناح
رنقات

فعلا مواصفات حلوه وايد بس اشرايكم في السعر؟؟؟؟ ما تحسون انه مرتفع شوي؟؟؟

لا تقولون لي خذ J او GV 1 انا اذا باشتري سياره اخذها مواصفات كامله عشان ما اتندم بعدين :):):)

وسلامتكم

[ألأعرابي]

بور س س
ما عندك س س أنت
؟

[*SS* POWER]

اي عندي بس باشترى سياره ثانيه ذبحتني صرف بترول هذي كل يومين اترسها 5 دينار

[CL-Class]

اكورد وانت مغمض

[E55]

ليش ما تبيع الكابريس وتاخذ لك مرسيدس ولا بي أم ولا لكزس

أحس من سيارتين من النوع المتوسط

ولا شرايك ؟

[ألأعرابي]

وشلون يعني بتبيع الكابريس ولا لأ؟
بعدين ما اشوفه يصرف (اذا ما تستخدمه للدواره)

[شرخشين2000]

طيب عندي سؤال مرررررة محيّرني :)

كيف تقدر تسوق سيارة 6 سلندر بعد الـ SS ؟؟؟؟

بعدين موترك توّه جديد ‍‍‍ تبي تشتري موتر ثاني تدلّـع علينا ;)

نحياتــــ للجميع ـــــي

[المميز]

^1
بقولك شي في البداية بقولك ماكسيما وبس...
ثانيا الاوميغا بصراحه لاتغرك المواصفات لكن صراحه الى الان ماندري عنها هل سياره قويه وعمليه او لا ...
وثانيا ابعد عن الهوندا واناارشح الماكسيما وانت ورأيك...
اشتر اللي ترتاح لها...

[NFS]

أختر السيارة إللي تعجبك.

[مرسيدسCLK55AMG]

أنا من وجهة نظري أخذ لك أكورد V6

[S8]

بعيد عن كل العواطف والانحيازات الشخصية
انا من ناحيتي ولكل رأي شخصي ..
اقول من ناحيتي خذ اوبل وانت مغمض ....واذا ودك تتأكد ابحث عن مواضيع الاوبل ...لأن سطور فخامتها تمتد لصفحات في سوالف ....
والصفحات نفسها تشهد .

وفي النهاية انت حر .

[*SS* POWER]

شكرا :)

الحين انا محتار بين المكسيما والاوبل !!

شرخشين : انا ما تدلع ولا شي :) بس الوالد الله يطول عمره يستعمل الكابرس بعد وانا ابغي سياره خاصه حقي :) وبس !

[مرسيدسCLK55AMG]

إذا على كذا أجل أخذلك أوبل
يكفي أنها ألمانية

[zozo_911]

انصحك بالوميغا سياره قويه وفخمه وسعرها مناسب بس مشكلتها انها تحت يد الجميع لانو اذا وديتها الصيانه تاخد يومين او ثلاثه لكثره الزحمه
وسلامتكم

[مسيطر]

اسمع كلامي وخذلك ماكسيما,,

انا مجرب والله سياره مايحتاج,,,

الاكورد والله مادري عنها بس قطع غيارها والله والله غاليه,,

الاوميغا سياره مواصفاتها مغريه جداًً جداًً بس


ما اعجبتني ليه مادري

وبعدين واحد من جماعتنا معاه اوميغا موديل 2000 والله

والله خبطت عليه المكينه تصور,,,


والامر راجعلك,,,,

...................

[M5]

اكورد V6

[ابورشيد]

الاكورد وبس


لاني جربت الماكسيما سياره قويه وسريع وجميله بس الاكورد افضل من ناحية الجوده وتقنية الصناعه وكل شي غير القوه لمصلحة الاكورد حتى المسجل والمكيف

وبالنسبه للاوميغا سياره اي كلام لاتهمك ضيقه من الداخل وشكلها تعبان من بره ميزتها الوحيده انها صناعه المانيه واتمنى تكون الاوميغا اخر اختياراتك

مره ثانيه طعني أنا ناصح أمين

الاكووووورد:):)

[S2000]

اذا نصيحتي هي بالأكورد فهذي خالصين منها من زمااااااان ;)..

بس ودي انك تنتظر 2003 :)..
ومبروك مقدما..

[fist302]

والله حبيبي اتمنى لك كل خير...........
شوف اغلب الأراء هنا ترشح الماكسيما ...وهذا شي طبيعي...
بس في ملحوظة ..الماكسيما الجديدة بتتغير الى 260 حصان 6 نسب....مع تعديل بسيط في الشكل....نصيحتي بصرف النظر عن انه الماكسيما افضل بس حاول انك تشتري سيارة في اول موديل لها....
في المقابل الأوبل سيارة سمعتها طيبة..الى الأن...مع انه شكلها ..كئيب ومحركها أكئب لايتفق مع سائق متطلب مثلك.....
في المقابل تبقى الأكورد اختيار جيد اذا كانت جير عادي واذا واذا فقط لم يكن هناك شي اسمه....(((ماكسيما))).
تحياتي للجميع

[كابريس]

والله لو أنا مكانك آخذ الأكورد V6 وأنا غمض ;)

[كابريس]

ولو تاخذ كابريس LTZ أحسن لك :):):)

[البعير]

يا أخوي كفاية لما ترفع سماعة التيليفون وتكون مار على شباب...(من قدك;))...قولي..الماكس فيها تيليفون ولا نظام سمعي متطور يتكون من 10 سماعات من نظام بوز الشهير على مستوى العالم...أو تحتوي على لمبات زينون مميزة تقدر تعرفها من بعد كيلو...أو عجلات 17 إنش...أو تحتوي على سكان"دركسون" متطور يحتوي على أزرار يمكنك من خلالها التحكم في الكاسيت والمسجل والـCD والتيليفون في نفس الوقت!!!...هل الماكس لها هذه القدرة والتنظيم...والأوميغا تحتوي على لمبات"كشافات" خلفية مثل اللي في الـBM والمرسيدس..وما خفي أعظم من مواصفات الأوميغا...يعني شوف(باختصار)...الأوميغا أفضل بكثير من الماكس والأكورد بالخصوص...لأنه إذا فكرت في الأكورد راح أقولك أنها سعر مرتفع بدون أي مواصفات...وإذا قلتلي الماكس راح أقولك أنها ما تطوف عن الأوميغا في الخط...لأنها توصل لسرعة 260كلم!!!...




تشاااااااااااااااو;)




ـــــــــــــــــــــ
أخوكم الـhttp://www.angelfire.com/ar/zamel1/images/cmil.gif

[*SS* POWER]

ما تقصرون شباب :) انشاء الله بكره باروح معرض الهوندا والاوبل وبعدين باختار السياره الي تناسبني :)

fist: هل انت متأكد ان المكسيما 260 حصان بتنزل عندنا السنه الجايه ؟؟؟

وشكرا لكم جميعا :)

[fist302]

والله عزيزي هي اكيد بتنزل في امريكا في اكتوبر القادم ..لكن عندنا يبيلك تسال الوكيل......
تحياتي للجميع

[M.A.M]

اذا كنت من هواة السرعة وماعندك نية تهدي واذا كنت من النوع اللي يضيق صدره اذا سقط عليه احد فخذ (ماكسيما)
واذا كنت تبغى الفخامة والراحة والرساوة فخذ لك (اوبل اوميغا)
واذا كنت تبغى سيارة حلوة وتتحمل وبتنسى شي اسمه ورشة خذ لك (اكورد)

[legendالحلم]

أنا أنصحك بالماكسيما أنا مجربها ..
واللي يقولك البودي قرطاس ..
ماعنده خبرة فيها بس سامع عنها ..
أنا استوت لي حادثة أتذكر بعد شهر فقط
من أخذ الليسن من ثلاث سنين.. يا ساتر ..
الحين يوم أشوف الصور أقول : كيف عشت ..
و السيارة الحمدلله طلعت قوية بس :
خدوش في صبغ البونيت .. و السقف .. تكسرت الأشاير
كسور في البمبر .. بس مع إني اصطدمت بجدار البناية
و الحمدلله تصليحها في الصناعية كلفني:4500 درهم
( أنا ما أوديها الوكالة ) عناد بس
بس و اللي يشوف السيارة الحين يقول لي بتبيعها ..

المهم الأكورد صراحة رائعة بس الغيار غالي ..
الأوميغا زوبعة في فنجان ..

و عقبال لما أشتري الليجند v8 آمين

و مبروك .. تركب و تبلي ..و ما عليك من الحساد..

[mazda626]

السلام عليكم
والله ياأخوي ماأبي أحيرك أكثر لكن بأقللك شي لوكنت تبي فخامه فبصراحه الأوميغاأفخمهم
وأن كنت تهوى السرعه فخذ الماكسيما(بس لاتتهور)
أماأذاكنت تهوى التضبيط في السياره مع السرعه المرتفعه قليلا وأيضاالجوده فخذ الأكورد ولكن حافظ عليها بسبب قطع الغيار
وأي أستفسار أنا تحت أمرك
أخوكmasda626

[SKYLINE GTR]

الماكس وبس وغيره خس