ايش رايكم بالاوبل اوميجا

[الشرقاوي]

السياره هذي كانت مع واحد من الشباب:)
الرجال يمدحها بس باعها لسبب واحد (الرجال يشك ان فيها عين)
المهم ماعلينا :)السياره مميزاتها لاتعد ولا تحصا يكفيك انها المانيه:)

1-مسجل قمه بالروعه

2-جلد طبيعي الماني فاخر

3-جنوط قمه بالجمال والاناقه

4-اضواء زينون

5-محرك سته سلندر مادري بالضبط كم قوته بس سته سلندر وطبلونها 260كلم

6-ستاره كهربائيه بالخلف (زي اللي بالشبح)

7-تليفون بالسياره للهاتف الجوال




وهذا كله ب90الف ريال بس‍‍‍‍‍‍‍‍‍‍‍‍‍!!!!!!!!!!




هااه احد عنده ملاحظه تعليق شجب استنكار:)

[فتى الظهران]

اخوي الكريم السيارة مو حلوة مررررررررررررررررررررررررررررة
حلوة وياليت تعطيني سعرها ابتداء من كم يعني موديل ال 4 سلندر
كم سعره واكون شاكر لك :):):)

[الشرقاوي]

والله ماعرف غير هذا السعر:)
بس هذا السعر قبل 9شهور يعني اول مانزلت السياره:)
يعني الحين يمكن تلقاها بـ85الف:)

[فتى الظهران]

الاخ الشرقاوي شكرا لك :) وياريت احدمن الشباب يقولي سعرها ابتداء من كم وشكر للشرقاوي :):):):)

[S8]

والله سيارة حلوة وانا كنت معجب كثير فيها والى الان لكن على كلام احد الاخوان انه في ناس يشتكوا منها ...ما ادري الله اعلم

اما اسعارها فالمتوفر هو الـV6وحسب معلوماتي القديمة شوي ..قبل شهرين
ان اسعارها تبدء من 59الف ريال الى 80 الف ريال تقريبا .

[مقناص]

سياره ممتازه كنك راكب مرسدس وفيها فخامه ممتازه وزنون ماعليه كلام .......لاكن سمعت ان خرابات او الصيانه ماهي مره والله اعلم

[lumina]

و الله السيارة حلوه جدا جدا


مادام هي ألمانيه إعرف إنها فخمه . و يا أخوي الشرقاوي مسكور على الموضوع .

[nassras]

يا أخي ترى يوجد في موقعي لقطة تفحيط للأوبل أوميجا و محطوطة صورتها و هي تفحط بعد فإذا تبي تشوفها قوم بتنزيلها

[M5]

تعليقي هو :
الأوميغا سياره ممتازه .. بمعنى الكلمه .. فيها عيوب بسيطه جداً .. لكن يشفعلها سعرها المتدني .. مقارنه بمثيلاتها ..
واذا بشتري سياره .. راح آخذ أوميغا V6 :)


استنكاري هو :
لن أشتري أوميغا .. حتى يتغير وكيلها في السعوديه .. !!!!! :(

[L.O CUSTOMS]

والله صراحه شباب ان اعتقد اذا تبغى تشتري سياره لا تاخذ من عند الجميح اذا كنت في السعوديه للأسباب التاليه:
1- صيانه تعبانه.
2-مواعيدهم خذ وخل يعني يقولك تجي بكره ابد تلقى السياره جاهزه وما يحتاج , تجيه اليوم الثاني تلقاه قام يتعثر بسبب كثره الزبون.
3-واحد من الشباب معاه اوبل اومقا السياره 2001 توها جديده مدخلها عشان فيه تهريب بصيط جدا في المويه وداها الرجال وقالو له تعال بعد يومين تلقى السياره 10على 10 المهم راح الرجال اليوم الثاني يبي يشوف وش سوو الى الأن دخل على طول لقاهم فاكين المكينه ورامين قطعه على التراب الضاهر فلتر الزيت المهم راح لمديرهم وقاله المدير في مسمار داخل المكينه هو الي مسبب التهريب!!!يعني بالله يا شباب وش رايكم بالوكاله هاذي؟


-بعدين انا اعتقد اوبل اومقا سياره ممتازه ولو كنت في اي دوله ثانيه غير السعوديه ووكيلها حلو اشتر السياره
لأن الوكيل يلعب دور كبير في تسويق السياره من ناحية الصيانه وغيره.
شكـــــــــــــلنا طولنا عليكم









اجل خلاص نكمل فلسفه بعدين
تشاو

[zozo_911]

والله سياره ما يحتاج جدا رائعه ولاتنسى انها المانيه يعني فخمه بس مشكلتها وحده انها تحت يد الجميح..
ودمتم

[NFS]

إذا أنت مقتنع بالسيارة أتكل على الله وأشتريها وخذ هذه النصيحة:

لا تشتري سيارة أنت غير مقتنع منها أبدأً ، حتى لو مدحوها كل الناس.

ومبروك مقدماً والله يعطيك خيرها ويكفيك شرها.

[L.O CUSTOMS]

والله كلام NFS صحيح وفعلا لا تشتري سياره انت منت مقتنع فيها لأنك بكره تتدنم عليها ولاكن حط في بالك الصيانه وهذا من اهم الأشياء
عندك على سبيل مثال (الرانج روفر)ليش محد ياخذه لأن وكيله تعبان مره الناس تاخذ X5 ولا تاخذ جيوب الروفر مع ان جيب رانج روفر افخم!!
نفس الكلام الأوبل وكيلها بالسعوديه والي هو الجميح مره تعبان
فهذا راي شخصي والأمر في الأخير يرجع لك....