التخفيض الجمركي كلام فاضي

[ابو الشيماء]

اتصل بي مدير المبيعات في شركة نيسان يوم الاربعاء واخبرني باسعار السيارت 2002 م
فلم ينزل من الاسعار في سياراتهم الا 1000 ريال في نوع الصني
وعلى العكس فقد زادت اسعار الماكسيما الف ريال في كل نوع

واعتقد ان الوضع سيكون نفس الشي في باقي الوكالات!

[فتى الظهران]

اخوي الكريم طيب لو سمحت بالنسبة للنيسان بريميرا هل راح يتغير
شكلهاوكم سعرها موديل 2002 فل كامل هل هو نفس السعر 50 الف ريال او اقل او كثر ملاحظة ان الموديل فل كامل :):):) وشكررررا
لك :):)

[M5]

لـــكـــــــن ..

النصب مو من الجمارك .. :)

أتوقغ ان الشركات ( أو أغلبها ) استغلت التخفيض الجمركي .. لصالح زيادة المكسب ..

يعني تقل التكلفه عليهم .. و يبيعوا بنفس الأسعار !!!


وهذا الكلام مجرد توقع . . . . . . . . . فقط :)

[فتى الظهران]

والله اظنك صادق يا m5 حقين المعارض نصابين :(:(:(:(

[NFS]

من يومين ذهبت إلى وكيل الهوندا وسألته عن الأكورد كوبيه V6 قال لي 90,850 ريال ، سألته "هذا بعد التخفيض الجمركي؟" ، قال "نعم".

وللعلم قبل ما يتم تطبيق التعرفة الجمركية الجديدة كان سعر السيارة 93000ريال :eek:

يعني كل التخفيض كان في حدود 3000 ريال ....

[ابو الشيماء]

بالنسبة لسعر البريميرا مثل ماهو 50000 الف والسيارة بعد مثل ماهي .

[فتى الظهران]

الاخ الكريم ابو الشيماء شكرررررررررررا لك :):):)

[كابريس]

حتى الكامري مانزل سعرها :(:(:(

[مسمار]

شبااااااااااااب ليش كذا

صار في تخفيظ

أتكلم عن الكزيس ( أعرف أسعارها قبل وبعد التخفيظ )

GS300 أول 151.000 بعد 135.000 موديل 2001
ES300 أول 101.000 بعد 90.000 موديل 2001
LX740 أول ؟؟؟؟؟؟؟ بعد 215.0000 موديل 2001


الكامري 99 GLI جنوط فتحه كير أوتو 63 الف
كامري 2001 GLI جنوط فتحه قير أوتو 65 الف

[E240]

يا شباب لو تلاحظوا ان اول قبل التخفيض الجمركي مثلا نقول الجمس كان سعر البطاقة 150000 ويسوي خصم خاص ويقول 130000 يعني خصم 20000 اما اللحين نشوف في الاعلانات انه بمناسبة التخفيض الجمركي صار سعر السيارة 130000 يعني على كدا زاد ربح الشركة وحنا ما استفدنا ولا شي ووزارة التجارة ماهي دارية عن الدنيا

[ابو الشيماء]

صحيح الي مستفيد من التخفيض الوكــــيل

[L.O CUSTOMS]

من ناحيتي اعتقد هناك تلاعب من بعض الوكلاء يعني على كلام مسمار تويوتا عبد الطيف جميل مشى مع هذا التخفيض ونزل من اسعاره وكل وكيل قام يلعب بالأسعار حسب الضغط الي يصير على السياره فعلى سبيل مثال
لتسويق السياره من بين منافستها ينزل اسعاره
جته الفلوس وكثرو الزباين بداء يرفع السعر بالتدريج يعني شوي شوي الى ان يرجع السعر بالنص ويكون التسويق ماشي وهو المستفيد


وبالأخير وحنا الي ناكلها

[كابريس]

كامري 2001 GLI جنوط فتحه قير أوتو 65 الف‍‍‍‍‍‍‍!!!1

الكامري GLI غير متوفرة بجنوط!!

[مسيطر]

أنا قبل ما اشتري سيارتي GV1 كان سعرها ب74.000

وقبل ما اشتريها بيوم ... اتصلوا عليّه الوكاله وقالوا لي سعر السياره انخفض اربعه الاف ريال

وشريتها ب70 الف فقط ،،،

وهذا معناه ان التخفيض الجمركي جاب نتيجه

[مسمار]

هلا أخوي كابرس

متوفره بس في الشرقية
وكيلها الموزع ( حسن جميل ) مو عبد الطيف جميل

الوكيل الأول يحط زوايط على السياره من عنده قبل ما تشتريها
جنوط + جناح + تخشيبه كامله في الداخل

بس الوكيل عبدالطيف ما يحط شي

عشان كذا حسن جميل ماشي سوقه اكثر


علماً أن سعر السياره يكون أرخص بـ 2000 الى 3000 عن سعرها عند عبدالطيف منغير زوايد

يعني تشتري سياره من حسن جميل كاملة المواصفات مثل الأوله ب 65

من الوكيل بدون جنوط وجناح وخشب ( شد بلدها ) بـ 67 الف

[كابريس]

عبد اللطيف جميل
عنده الـ GLi بأغطية عجلات وخشب في الداخل وايرباج وبدون جناح ومتوفر بها حساسات من الخلف هذا كله بـ 65.550 فقط

فماهي مواصفات حسن جميل هذا وفين مكانه؟

[مسمار]

أخوي كابرس عبد الطيف ما يحط خشب في السياره حتى لو كامري GTX
مواصفات حسن جميل جنوط خشب وجناح يظيفها على السياره


مكانه اذا أنت في الشرقية
روح معارض الدمام تحصل شركته هناك له فرعين واحد على شارع ثلاثين والثاني الى يداوم فيه هو نفسه حسن جميل عند المكرفون



بعدين أخوي كابرس كامري GLI مافيها أرباق

خلها للماكس بس

[ابو الشيماء]

حسن جميل صاير ... محرج !!!

الاخ كابريس غدا ان شاء الله اجيب لك سعر الكامري او الليله , وبجميع انواعها

وترى الوكيل عبد الطيف مو حسن جميل!!

بعدين يا شباب مين قال ان الجمرك نزل فعلا !!!
الي نزل هو عملة الدول المصنعه للسيارات مما يؤدي الى نزول سعر السياره عند الوكيل المستورد
مثل اليابان نزل الين عندهم ( العمله)
http://mypage.ayna.com/jj55/capris1copy.jpg

[ابو الشيماء]

اخوي كابريس جبت لك الاسعار اليوم من الموزعين والوكاله :

طبعا الاسعار كلهالموديل 2001 م

سيارات جديدة / كامري XL السعر 53000 الف ريال بدون لوحات
/ كامري XLI السعر 57000 الف ريال بدون لوحات
/ كامري GLI السعر 59500 الف ريال بدون لوحات
/ كامري جراندي 6 سلندر 69000 الف ريال بدون لوحات

سيارة مستعمله/كامري GLI السعر 54000 الف ريال العداد /10000كلم
لون تفاحي :)

واي خدمه ترىحاضر
:):):)

[كابريس]

مشكور أبو الشيماء

الأخ مسمار
أنا شاهدت بنفسي لدى شركة عبد اللطيف جميل بمكة المكرمة الكامري GLi جير عادي فيها خشب !!!!!

[كابريس]

تعبت نفسك ابو الشيماء
الأسعار موجودة عندي حقت عبد اللطيف جميل جميع الأنواع لأني رحت الوكالة كثيييييير أبغى أسعار حسن جميل هذا الي طلع مدري من فين

[فتى الظهران]

حسن جميل يا اخ كابريس هو وكيل ثاني لشركة تويوتا وله صالة عرض في الدمام والناس تقول اسعاره ارخص والله انا ما ادري لكن اذا قدرت ان شاء الله امر عليه واشوف اسعاره :):):):):):) .

[كابريس]

لاتتعبوا نفسكم ياشباب ترى أنا خلاص حجزت من الشركة في مكة :)
لاتروحوا المعرض وتتعبوا نفسكم عشاني :)

[ابو الشيماء]

نتمنى لك التوفيق كابريس والله يعطيك خيرها ويكفاك شرها

[كابريس]

آآآآآآآآآمين

[Panadol-Extera]

يا شباااب صار فيه تخفيض على الجمارك للسيارات ....
مثلا

تخفض سعر الكدلاك اسكاليد من 220000الى 170000 ريال على الموديل الجديد

و فيه اساعة تقول فيه تخفيضات زياده

[S8]

الله يهديك يابنادول
الحين الكاديلاك الاسكاليد متا وصل السعودية اصلا؟؟؟

مادخل الابعد التخفيض الجمركي (على مااعتقد)وهذا السعر كله خرابيط في خرابيط عشان الناس ماشترته
حتى وان دخل قبل التخفيض ززيعني بالله هذي دفعخه جديدة ارخص من القديمة

......هم اصلا باعوا الموجود عشان يجيبوا دفعة جديدة ؟؟

[ابو الشيماء]

افهموني يا شباب ولازم تعرفون ان الوحيد المستفيد من التخفيض الجمركي هوالوكيل مو المستهلك ...

[S8]

ابو الشيماء
الأسعار موديل 2001 هي هي لم ولن تتغير
اما مالذي سيسلك مجرى التخفيض الجمركي ؟؟؟
فأعتقد انها موديلات 2002
ودمتم

[Panadol-Extera]

كيف ما نزلت الاسكاليد
موووجوودة بالوكالة

و نازلة من 5 شهور بس التنزيلة الرسمية كانت قبل 3 او شهرين بس

[ابو الشيماء]

الماكسيما موديل 2002 زادت قيمتها عن موديل 2001 ما يقارب 1000 ريال سعودي !!
يعني ما نزلت , وهذا الكلام مأخوذ من الوكيل مو من عندي :)