واخيرا ........مطارحه بين الكروزر 2001 والباترول 2002

[GX 2001]

واخيرا ........واخيرا ...........واخيرا ..........


اليوم في الليل ((السبت))الساعه 11 بتوقيت الدوحه..

صارت مطارحه بين gx 2001 ((اكيد سيارتي))شد بلد..

ونيسان بترول 2002 ((4800))سيارة صديقي ((الكروزر ماشي 26 الف كيلو ))و ((النيسان ماشي 7500 كيلو ))يعني الموضوع حار تقريبا تسابقنا قبل 3 ساعات وللحين موتري صاخن ..

المهم سابقنا قومه وخط..الشارع كان فاضي وبدون لا ياخذ اي واحد ذرى الاخر ..والمسافه في حدود ال10 كيلو ..

النيسان عليه تواير حجري ((تواير الشركه ))وسيارتي عليها بالون 900 وظغط الهوى في التواير كان 60 والنيسان 50 ((كنا في البنشري وشيكنا مع بعض .....


وكان ورانا مكسيما يصور المسابق ..ان شاء الله اقدر احط لكم الفلم يوم اشتري الاغراض المطلوبه ..((والله ما اعرف ))


انا فاصل الطبلون علشان ((الكت اوف ))لكن ال (ر ب م ))شغال ..


الحين عطوني التوقعات وان شاء الله بارد عليكم قريب ..


اخوكم راعي الكروزر الجي اكس الابيض gx2001 .......

[s6]

اتوقع الباترول قومة وو خط بس فرق مو كبير .

[دمدم]

كيفك اخوي
انا اتوقع ان القومه راح تكون للسفاري لانه اخف
بس في الخط لايحلم يصف جمب الاندكروزر وهذا انا مجربه بجيب الوالد 97
المهم انت علمنا وش صار
تحياتي

[SKYLINE GTR]

البـ 2002ـاترول

[M5]

هو المفروض انه الباترول يروح ويخليك ;) . . . 280حصان !!

لكن حماسك الشديد .. يقول النتيجه لصالح

اخونا راعي الكروزر الجي اكس الابيض gx2001 ....... ;)

[S8]

وانا والله من حماسك ايضا تشككت ....
والنقطة الثانية ان سيارته V6والباترول V8!!!!!!!!

[دايم النور]

طبعا الباترول لانه طرح لكزس 470

[مسمار]

شكلك أخوي بتخش علينا من الفرحه

عشان كذا اتوقع البترول

قام على لكزيس LS430 على قولت دايم النور خل ما يقوم على لند




طبعا الباترول لانه طرح لكزس 470 ؟؟؟؟؟؟؟؟؟؟؟؟؟؟؟؟؟؟؟

[زورو الامارات]

السلام عليكم ورحمة الله وبركاته

عزيزي جي اكس لاتلعب مع الباترول اذا كروزرك مب معدل
انا بسيارتي اطوف الكروزر ال 8 سلندر غسلته مرتين قومه وخط


اما الباترول حاولت اييبه مره بعد ماطلعنا من اشاره ماسوى لي سالفه كان يطير على ارتفاع منخفض

ماقدرت اصمد وراه مب معاه طار طيران

لكن انا اتوقع ان تويوتا مجهزة محرك جديد وتعديلات جديدة قادره على الرد على الباترول

والايام الجايه بتشوفون فيها اشياء كثيره


تحياتي للجميع

[دايم النور]

ياخ مسمار مومعناه انه طرح جيب لكزس بيطرح لكزس 430
لكن السياره قويه انا اتوقع انه يطرح الايسكاليد واليوكون
لان هيكلها ثقيل والقير اربع نمر هذا اعتقادي

[الطائر]

انا اتوقع الكروزر غلب

لسبب واحد. لو كان موترى توه ماشى 7500 مستحيل ازور عليه :)

راعى السفارى ماراح يضغط على كامل الدعسه. قلبه راح يعوره:)

[مقناص]

نسمع لاجابه ممكن؟؟؟؟؟؟؟؟؟؟

[مسيطر]

شوف بالطيب

الباترول الجديد (( ابو 280 حصان ))

يجمل مع الماكس القير الاوتو

كيف تتوقع مع الكروزر.. اللي يالله يتحرك:)

[Eclipse]

الباترول


لكن مدام حطيت الموضوع انت الفايز ==========>>> محد يحط موضوع و هو متفشل صح ;)

[CAPRICE SS]

انا اتوقع الباترول 2002


وشكرا

drnofo@hotmail.com

[L.O CUSTOMS]

انا بإعتقادي GX2001
بس مو معقول ياخي من كلامك وحماسك تقول انت الفايز خلاص بطلت
انا بأختار




















GX2001







ليه ما ادري بس شكلك فزت

[أبو الجلسات]

الباترول بكل تأكيد
الباترول بكل تأكيد
لو الكرزور عادي مش ملغم

ياعزيزي أنا صاحب صاحبي خذ سيارة باترول 2002 من الوكالة تجربة


وكانوا ثلاث أو أربع + عامل من الوكالة راكب معهم و كانوا يسوقون ضد الهواء .. سامعني خمسة وضد الهواء في خط بالدوحة إسمه شارع السودان .. الكامري أربع سلندر ينزل فيه 190 - 200 غصب .. تعرف إن النسيان نزل بعد نص المسافة 190 كيلو وقام يقطع في الجير الرابع وعقب الشباب خفوا السرعة وماكملوا ..

:)

[سيف الإمارات]

^1


يا شباب أنا بقولكم شو صار معاي

من أول ما نزل الباترول وأنا ادور واحد يسابق و إتوفقت مع إثنين !!!

الأول سابقته من وراه راح شوي عن LEXUS LX470 بس بعد 100 وقفت المسافه بينا وخفف السرعه و مارضى يسابق



الثاني تسابقت معاه مرتين المره الأولى ما قدر يطوفني لإنا بدينا ونحن مسرعين و انادعست قبله و المره الثانيه من القومه راح عني :(

[lumina]

و الله مابزعلك لكن أنا ماركب النيسان الجديد لكن أقول النيسان في القومه ولكن الخط الاندكروزر . وهذا والله أعلم

[GX 2001]

هذا اللي صار بالظبط ..


من الصفر في الجير الاول فز النيسان عن الكروزر وزادت المسافه مع التبديل ..وكان يفرق عني شوي شوي ..

الصراحه قومه النيسان عجيبه ((مع ان والله ولا كروزر شد بلد طافني قومه ))المهم انا تحطمت !!!!!!

وقلت خلني حاكر الموتر في الرابع ..وجاب معاي في الرابع

على (ر ب م ))5 وخط يعني شوي ويقطع ..المهم دزيته خامس وللحين الباترول جدامي ..والمسافه في حدود ال100 الى 200 متر

هذا اكيد من قوة قومه النيسان ..((حطمني ))

عاد شوفوا اللى صار ..



بعد ما عطيته خامس قمت اقرب منه ..ها ها شوي شوي ..


وموتري كان جايب 4 وثلاث خطوط ((في الخامس ))على الر ب م


المهم جبته ومريت عليه ببطء..انا ذاك الوقت طرت من الفرحه ..

ما كنت متوقع اني اجيبه ..بعد فرقيه القومه !!!!!!


وفرقت عنه بس بمسافه ((نصف عامود اناره ))يعني في حدود ال30 متر بس ولكن الشارع خلص .


ولو الشارع كان اطول كانت المسافه بتزيد ...


هذا اللي صار بالظبط........

الزبده


ان الباترول قومته لا يعلى عليها لكن ..




في الخط لا يحلم ان يصف جنب الكروزر ...



وعندي لكم بعد كم يوم خبر قوي عن الفي اكس ار 8 سلندر



وهذا بيكون لمحبيه ...اكيد بيفرحون لما يسمعوا الخبر ان شاء الله في القريب العاجل ..




على فكرة راعي النيسان ((رفيجي كره الموتر ))وهو فكر يبيعه وياخذ كروزر 2002


وهو قايللي ان موتره جاب 210 كلم ...

ويقول انه لو موتري عليه تواير الشركه ..كنت باطوفه في القومه بعد !!!!!!!!!!!!!


وهنيأ لمحبي الكروزرات بهذه السيارة الرائعه بكل معني الكلمه ........




اخوكم GX2001

[فتى الظهران]

طيب اخوي الكريم جي اكس 2001 صحيح البترول ممتاز في الخط لكن
لو كان التحدي في الرمال كان الفايز معروف صح :):) البترول قوي والكروزر كذلك لكن عيب الكروزر انه سعره غالي والبترول
ارخص :):):) ومبروووووووووووووووووووك على الفوز هذا :):)

[مسمار]

ما يهزك ريح يالند


اخوي فتى الظهران البترول اكيد أفضل من الند في الرمل عشانه أخف


بس احنا أربع وعشرين ساعه في الرمل

مبروك للند

[فتى الظهران]

اخ مسمار انا افضل البترول على الكروزر ما ادري ليش :(:(:(:( احب البتروووووووووول 2002 من بعد ماشفته في الوكالة والله عجبني
مررررررررررررررررررة :):):):):) .

[مقناص]

؟؟؟؟؟؟؟؟؟

[GX 2001]

والخط اكيد للي ما يهزه ريح (((((((((الكروزر وبسسس ))))))))))

[NFS]

سؤال لك يا GX2001

كم القوة الحصانية لسيارتك؟؟

[S8]

واحد ملقوف

الـGXقوته 240 حصان
الله السوبربان حقنا موديله 92 وقوته 240 حصان

[NFS]

240 حصان

أنا أعرف أن السرعة القصوى لأي سيارة بتتحدد بناءً على شغلتين:

(1) القوى الحصانية "وليس العزم".
(2) الإنسيابية.


هل معنى هذا أن التويوتا لاندكروزر 2001 أكثر أنسيابية من النيسان باترول 2002 ؟؟؟؟

[سيف الإمارات]

^1


بالإضافه للي NFS قاله الGear Ratio له دور كبير في تحديد السرعه القصوى

[مسمار]

اناشفت البترول الجديد حتى حاطينه في ورشة الصيانه مكان استقبال طلابات الزبائن وفي المعرض فراحنين فيه

لك واحد وجهة نظر

أخوي فتى الظهران من حقك تختار البترول وتفضله على اللند

عادي

انا مثلك عاجبني الكروزر اكثر ( خيل ) قيمته فيه

[S8]

والله انا من ناحيتي
بصراحة الباترول
عجبني كثير (مواصفات اكثر بسعر اقل )

[مقناص]

اباخذ اكس فايف ..........اعتقد ان اللي يهمك بالجيب ليس بس القومه ولاكن في الطريق والرساوه والتحمل وليس المهم القومة.....وسلامتكم

[lumina]

مبووك ياخوي GX2001 على الفوز لكن ما أقول ولو إنه الواحد سيارته عنده من أحسن المواتر الثانيه هذا رأيي ومره ثانيه مبروووووووووووووووك على الفوز :):):)):):):):)