View Full Version : الى اصحاب البي ام 740iL بس
مكلارين F1
26-08-2001, 04:06 AM
ياشباب كيف السياره معاكم وكيف اسعار قطع الغيار وكيف الخدمه وكيف مشيها واش مواصفاتها واي شي يفيدني عن السياره لاني افكر فيها صراحه بعد مابعت الشيروكي
corvette indiana police
26-08-2001, 01:22 PM
هلا عزيزي ماكلارين واسف لعدم الرد مبكرا
واحد من اخوياي عنده 740 والسياره انا ركبتها الصراحه ومن وجهة نظري ان ما فيه اي شركه تنافس البي ام في الفخامه والرساوه والمرسيدس افندي ما يجيب فخامة الجنط حقه
تصور ماشين 240 على طريق الرياض الدمام وكان السياره واقفه ولا تتحرك ما شاء الله من رساوتها
هذا غير التلفونين والتلفزيون والشاشتين ومراتب الجلد واللمبات الزينون المشهوره فيها البي ام تعرفها في الطريق من عشره كيلو
من ناحية قطع الغيار فهي نار يا حبيبي نار
خدمة الوكيل حسب ما سمعت فوق الممتازه
وكذاب من يقول لك ان البي ام ما تكمل معاك سنه الا وتبدا تتفكك
هذا خويي معاه 99 مكمله سنتين وماشيه زي الحلاوه وطبعا هي على حسب اهتمامك فيها!!!!
اما المشكله الوحيده في البي ام فهي سعرها عند البيع يعني برخص التراب
انا سمعت ان فيه واحد اشترى 750 عام 98 ب400 الف وباعها عام 2000 ب120 الف
لكن اذا بتشتري لا تشتري غير بي ام وخل عنك خراط الناس مرسيدس ومرسيدس ما عندها والله الا الدجه
ولمعلوميتك ان الاسيات في البي ام مصممه لتوفير اعلى درجه من الراحه للظهر وقام بالتفصيل الجراح اريكسون اللي يعالج نواف التمياط حاليا
هذا كل اللي اعرفه
باي
ماشاء الله على الأخ corvette indiana police
أظنه كفى ووفى ..ولاعاد تنتظر كلام اكثر وروح دور لك على وحدة نظيفة وبالبركة والله
dr_messo
27-08-2001, 11:40 PM
ما لك الا البي ام سياره ممتازه انا عندي منها ومافي بعدها
لكن الله يعين على الصيانه وقطع الغيار لانها مرتفعه في اسعارها ...
وسيم
http://www.dr.waseem.4t.com
مكلارين F1
28-08-2001, 07:02 AM
فعلا صراحه الب ام ماعليها كلام ولكن حتى الشبح حلو لاني ركبت فيه مره صراحه ومريح وسياره حلوه صراحه وكل الاثنين حلوين وكلها المانيه يعني الصناعه المتقنه زين .... :)
ولا وش رايكم !!!
lumina
28-08-2001, 08:18 AM
أنا الصراحه معجب ب 740 ولكن أخوي كورفيت كفى ووفىى ....