لأصحاب الفورد أو الكابرس تفضل بالدخول

[رزين]

السلام عليكم ورحمه الله وبركاته.................

لقد تضاربت الأراء في ما يخص الكابرس والفورد , بعضهم يفضل الكابرس و البعض الأخر يفضل الفورد

وهذا شيء طبيعي (الناس اذواق) بس بغيت من اصحاب هذه السيارات ان يتفضلوا مشكورين تعليل سبب اختيارهم لهذه السياره (سواء الكابرس أو الفورد) وماهي مميزاتها وكذلك العيوب للموديلات الجديده 2000و2001 حيث ان شركه فورد اعلنت انها تلافت المشاكل الكهربائيه في الموديل 98وما فوق , هل هذا الكلام صحيح .

[كابريس]

الفورد مميزاته
1- مقاعد واسعة
2- الدركسون يصير ثقيل كلما زادت سرعة السيارة
3- اهتمام ممتاز بوسائل السلامة
4- الجودة افضل من الكابريس
5- صرف بنزين أقل من الكابريس بسبب صغر حجم المكينة
6- سعر منافس جداً
7-مكيف خلفي
8- وكيل جيد
عيوبه:-
1- ثقيل جداً
2- تسارع سيء برغم ان مكينته 265 حصان ‍‍‍‍‍!!
3- لايتحمل الإستخدام السيء



الكابريس مميزاته
1- مكينة جبارة
2- فخامة ممتاز
3- اسمه كابريس ;)
4- مكيف أفضل من الفورد
5- مكيف خلفي
6- كشافات ضباب
7- دعاية رااااااائعة
عيوبه
1- صناعة استرالية
2- الجودة صفر من 10
3- صرف بنزين مرتفع
4-وكلاء زي الزفت

[S8]

كابريس
عزيزي
ممكن تشتري الاقتصادية اليوم وتقرا الأخبارمزبوط ؟؟؟؟
تحياتي

[كابريس]

ايش فيها الأخبار اليوم؟؟
أنا مصاب بزكام شديد وماأقدر أطلع من البيت ياريت تقول لي القصة

[ألأعرابي]

الفورد موديل 92
و الكابريس 2000

والله الفورد يتحمل ترى
كنا نصب فيه جيد (في البحرين نوعين بترول ممتاز و جيد, ممتاز خاليم ن الرصاص, الجيد به رصاص)
و كان يمشي, سنين على هالحال بس عقب كم سنه أختربت المكينه و بدلنا قطع فيها و أحين نصب فيه ممتاز.
مره واحد أعرف عنده كابريس مةديل 90 على ما أعتقد صب
فيه دينار (10 ريال) جيد وصل مكان الى مجلس واحد من الربع, و يوم طلع يبي يشغل السياره ما قامت تطق سلف!
رحنا جبنا بترول ممتاز و صبيناه في السياراه بعدين أشتغلت.
والله
شاقولك, الفورد اللي معاي صار له ماشي 190 االف و زود!
يعني مات من كثر ما يمشي
بس للحين شغال و مريح, و يعجبني سكانه اللين , سهل أن تحركه,
بس لين يبدل القيرات ظهرك يعورك من القوه
كل ما يبدل فير (طق!) يهتز الموتر, و كل ما ينزل قير نفس الشيء
بس مادري هذي من زمان هالون و لا من كثر الأستعمال تعب.
غربلنا وايد كان يخترب خصوصا المكيف و المسجل
بس احين صار له مده ما أخترب.

أما الكابريس, أولا جوده زفت, بس الحلو فيه سرعته
و ثباته على الشارع لأن الفورد يمشي و كأنك في بانوش فوق تحت
فوق تحت,
أختربت علينا مروحة المحرك, و صلحناها, مره واحد بطل المنظر يبي يتعدل و أنكسرت (الجوده العاليه)
و أنا أشوف صرفه للبترول أحسن من الفورد
لأن الفورد ذبحني! أفلست منه
أخيرا
الكابريس الجديد عائلي بس موب حق سائق يعني
سياره شخصيه للأستعمال العادي
و الفورد عائليه....

[كابريس]

مره واحد بطل المنظر يبي يتعدل و أنكسرت (الجوده العاليه)


مافهمت عليك ممكن تشرحها بالعربي الفصيح؟

[ألأعرابي]

قلت لك هالسالفه من قبل :)
شفت المنظره الأماميه؟ الل عند المقعد اللي بجنب السائق؟
ما فيه منظره في السقف تضغط عليها تفتح و فيه ليتات عشان أتعدل؟
هذي مره واحد فتحها في سيارتي يبي يتعدل و أنكسرت بمجرد فتحها

[ألأعرابي]

منظره
اللي تناظر روحك فيها
مرايه يعني

[S8]

سلمات والله يا أخ كابريس
الخبر سلمك الله
عن عقار للزكمة جديد
يقول ان مشاكل الكهربة فيه كثيره وعشان شذيه فيه استدعاء للأصحاب الزكمة من الوكلاء عشان يصلحون الخلل
للمعلومية هذا ثاني او ثالث خبر ينشر في جريدة الاقتصادية عن الزكمةhttp://www.swalif.net/sforum1/images/icons/icon10.gif
http://www.swalif.net/sforum1/images/icons/icon10.gifhttp://www.swalif.net/sforum1/images/icons/icon10.gif