العروبه .. شايب عراه ثوبه

[حبيبها]

كلها اخطاءوعيوب ..شكلا ومضمونا ..
================================


من زمان ..
وانا احس اني وشعري
وكل عمر للاماني
بين صغري وبين كبري
وسط دوامة هوان
ذل انس ..
وذل جان ..
من زمان .. ومن زمان
العروبه ؟؟
نشوة سكرى كذوبه
والعروبه ..
شايب عراه ثوبه
والعروبه ..
مهرة كل ركبها..
ولا وصل لاتلى دروبه
والنصر ماخطه الله ..
بين طيات الامان .
*** *** ***
من زمان .. ومن زمان
كنت رغم الضيم ابني
سور عز ..
وسطح هيبه ..
فوق ارض مستلجه
والقواعد بارض طين
والعوامد كل حين ..
كل ماهبت هبوب ..
جت تمايل مسترجه
وانا اقول الله يعين
من زمان ومن زمان
*** *** ***
وهالزمان ..
جا زمان ..
ضيعوا فيه المبادي
وصار حلم الامس غادي
بين كذب ..وبين كذب
حرب سلم ..
وسلم حرب
ياحسافات الطفولة
وياندامات الكهوله
وياقهر زند مضى له ..
والوغى صولة وجوله
من زمان ..ومن زمان
*** *** ***
من سنين ..
قالوا ان الكذب صدق ..
ومن يومين ..
صيروا هالصدق كذب
ووش دليلي ..
الله ياكثر الادله ..
بس ردوا هالشريط
واسمعوا كل الحقيقة
وللادله الف خيط
من زمان ..
قالوا الدنيا تبينا ..
من الخليج اليا المحيط
ودامنا كتله قويه ..
ماتخوفنا الطوامع
بس امانينا غبيه ..
والعدو ذيب تربص
كل عنز مستقلة
درسونا ..
وشحنونا ..
واهملوا ذيك الدروس
لين جتنا من يهود ..
ومن صليب ..
وبيع روس
من زمان ومن زمان
*** *** ***
بهالزمان ..
باول المشوار راحت ..
قدسنا الحره الابية
وباوسط المشوار تاهت
ارض مصر اليعربية
وبعدها ماتت عراق
حلمنا جيفته فاحت
وكل امانينا سبية
والغوازي استباحت
وسطنا ذيك الصبية
والمسطل مااستفاق
*** *** ***
بهالزمان ..
الطوامع غيرت
منهج الغزوة وجتنا
من يسار ومن يمين
يوم خاست ..
هالعروبه ..
في يدين الخاملين
شافوا الاسلام قوة
مارد في طور صحوة
واشعلوها والفتيل ..
في جاكرتا والتاميل
فتتوا اكبر معاقل ..
شرقنا وامسى قتيل
بعدها صولة وجوله ..
بغصن زيتون واباتشي
وجهوا وجهة كراتشي
باسم تحرير الرقاب
حنا حررنا كسوفو ..
حنا انصار السلام
مانوينا الدين حنا ..
قصدنا نجلى السحاب
عن سما هالكون يومن..
جا يلوح ابه الخراب
حربنا ماهيب الا ..
ضد اسامه وطالبان ..
معقل الارهاب ..
والله ..
حطنا دونه حراب
*** *** ***
من زمان ..
ومن زمان ..
والله ياهي مسخره
واحنا في هذا الزمان
نجمع انواع القنابل ..
وجيشنا يامكثره
بس في وجه الشدايد ..
مانطش الا حجره
والله ياهي مسخره
بس لي كلمة ابيها
تاصل اذان الزمان
يازمان ويازمان ..
من متى واحنا نتريث؟؟
هو متى يحين الاوان ؟؟
عقب الاقصى ؟؟
عقب ونات الجولان ؟؟
عقب تكبيل الكنانه ؟؟
واسر لبنان الجنوبي ؟؟
والا تحييدت عمان؟؟
والا تقسيمة جاكرتا ؟؟
وذبح اهلنا فالشيشان؟؟
ادري اني باتساءل..
واستمر العمر كله ..
من تساؤل ..
في تساؤل
حتى اموت ..
مثل ماهي راح تموت ..
طفلة في كاشمير
والا شيخ ..
بين جوع وبين روع
بين طلات البقايا ..
من صحارينا فكابل ..
لاتقول ءانا نتريث ..
راح تروح افغانستان
وراح تروح الباكستان
يازمان .. ويازمان