Sunny2000
27-09-2001, 10:43 PM
هذي هي القصة .....
قمت الصباح كالعادة ورتبت سرير النوم ورحت الحمام وغسلت وجهي وفرشيت اسناني (حلو هيك خليك هيك) ويوم افطرت ولبست ملابسي واطلع واركب السيارة وانا ماشي بالشوارع الا وفي دورية تمشي جنبي ويوم طالعوا فيني الا العسكري يطالع في العسكري الي معاه ويأشرله بيده اشارة معناها طنشك منه انا عاد استغربت وقلت ايش فيها اول مرة يشوفون واحد يسوق وهو متربع على الكرسي وحاط الطاره بحظنه (طاره = دريكسون ، ستيرنق) والله وامش عادي الا واشوف الدنيا غير مافي شارع الا فيه عساكر وبعض السيارات تلاقي عليها دوريات غريبه اول مرة اشوف كذا شوي الا وفي واحد يبغ يتجاوز من اليمين وقلت مين الغشيم هذا الي يبغ يتجاوز من اليمين ويوم يمر جنبي وانا اطالع بالسواق الا اييشششششششششششششش هذا معقوله هذا الي انا اشوفه يا ناس وين حنا واطالع بالساعة ابغ اعرف وين حنا فيه ويوم اشوف الساعة الا والله حنا بالسعودية بس ايش هذا الي انا اشوفه يا بوووووووووووووووووووي انا دخيل الله يا ناس بنت الي تسوق بنت تسوق هنا بالسعودية وانا عاد قلت يا ولد اتأكد ليكون انت شفت غلط والله الحق وراها بس هي بنت لذين تسرع وحاستني معاها مافي الا تتجاوز السيارات من اليمين من اليسار تتجاوز من اي جهة اي جهة قريبة تتجاوز منها وانا مافي الا وراها وفي دورية معاها عاد انا وقتها عرفت ليه الدورية مرت من جنبي وبعدين طنشوني اثريهم كانوا يبغوا يتأكدوا اني بنت او رجال ويوم شافوا خشتي عرفوا اني من فصيلة الرجال علشان كذا مشوا وطنشوني المهم يوم اني امر من جنب السيارة واطالع الا والله هذي بنت الي تسوق بس ما امداني املي عيني من الي شفته الا والدورية الي معاها تعرض بنص الخط وتسكر علي الطريق وينزل منها عسكري ويقولي انزل والله وانا انزل وتم بيننا الحوار التالي
اركب بالدورية
ليه انا ايش سويت
انت كنت تلاحق البنت ذيك
انا استغربت ان بنت تسوق وعلشان اتأكد من الي شفته لحقتها هذي القصة وبس
هذا الكلام تقوله هناك
وين هناك؟
عند هيئة الأمر بالعروف والنهي عن المنكر
الهيئة وش دعوى خلاص يابوي خلني اروح انا شرحتلك الموقف والي صار ماله داعي تشحطتني بالهيئة
انا آسف لازم تروح عند الهيئة وتتفاهم هناك معاهم وتشرحلهم هناك
يا اخي انا لا عاكستها ولا طشيت رقمي عليها ولا اي شي ايش له داعي توديني الهيئة
يا أخي من يوم سمحوا للبنات يسوقوا بالسعودية طلع أمر بأنه كل سيارة الي تسوق فيها بنت لازم تلازمها دورية واي واحد يلاحق سيارة سواقتها بنت ينمسك ويتسلم للهيئة
النقاش كان مهذب علشان البنت كانت واقفه تبغ تشوف تطورات الموقف ولا لو كانت مو موجوده كان زماني الحين متسدحن جوا الدورية غصب بس عند وصول النقاش لهذه اللحظة مشت البنت بسيارتها ورجعنا احنا لنقاشنا هذا اذا كان ماتبق من نقاش نقدر نسميه نقاش
يعني الحين لازم اركب الدورية صح؟
لا مو لازم الا غصبن عليك
"غصب" طيب ايش رايكم ماني راكب
الا تركب
ماني راكب
اقول لا تطولها وهي قصيرة بتركب الدورية يعني بتركبها
يا اخي فكني وخلني اروح وركوب بالدورية ماني راكب
شف لا تحاول نهايتها انك تركب الدورية وترى اذا مو بالطيب تراه بالغصب بنخليك تركب الدورية
طيب انا بركب الدورية بس بشرط
ههههاااااااااااايي شرط وايش هو شرطك
اركب الدورية بس انا اسوق
وهنا امسكوني غصب ودحدروني لين الدورية وطشوني فيها وراحوا وسلموني للهيئة وهناك شفت انواع المرمطه والتهزيء والتعهدات لين فكوني
وبعد ما فكوني جلست امشي بالسيارة وانا اتابع الشوارع من حولي واراقب المفارقات الي صارت تحصل قبل وبعد سواقة البنات
طبعا مافي محطة بنزين الا فيها عساكر ولا مركز خدمة سريعة الا فيها عساكر وحتى مواقف السيارات يعني بإختصار تكتلات عسكرية في كل مكان له علاقة بالسيارت.
اول الواحد اذا سيارة ساقطت عليه يجلس يصارخ ويأشر بيدينه ويسبسب لكن الحين اذا سيارة ساقطت عليه يتأكد اول مين الي يسوق اذا طلع رجال ينفذ ما تكلمنا عنه سابقاً اما اذا طلعت بنت تلاقيه ابتسم ابتسامة تبان فيها سنونه تقول دعاية معجون اسنان.
اول الواحد قبل لا يوقف على الإشارة يوقف بإتجاه المكان الي كان رايحله يعني يبغ يروح يسار يوقف على السايد الي على اليسار يبغ يروح طوالي وفي مقولة اخرى سيدا يوقف في النص يبغ يروح يمين من بدايتها يمسك اليمين وبعدين يروح يمين بدون ما يستنى الإشارة لكن الحين صار يوقف بالنص حتى لو يبغ يروح يمين ويترك مسافة بينه وبين السيارة الي قدامه كافية انه ياخذ يمين في حال قرر يروح يمين قبل لا تفتح الإشارة وطبعا السبب انه اذا في بنت مرت واخذت يمين يروح يمين مو علشان يلحق البنت لا علشان البقالة الي على الخط هذاك عندها دخان تاريخه جديد ويوم تلحق ورى البنت اقصد تروح مع الإتجاه الي فيه البنت وتمر من عند البقالة تتذكر ان عندك كرز دخان فماله داعي تشتري دخان وتمشي بطريقك اقصد ورى البنت . هذا في حال ان البنت راحت يمين لكن اذا البنت وقفت على الإشارة انت عاد تستنا يوم تفتح الإشارة اذا البنت راحت يسار انت معاها واذا راحت طوالي وحسب الرواية الأخرى سيدا انت برضه وراه.
اول الواحد يشوف واحد متعطل بالخط ما يعبر اهله لكن الحين اختلف الأمريعني اذا كان المتعطل واحد ينطبق عليه الحالة الإولى اما اذا المتعطل وحده تلاقي صور الشهامة والمروءة والنخوة بأحلى صورة يتحلا فيها كل الشباب والكل يوقف ويعرض خدماته هذا يقول معاك جوال ولا ترى جوالي تحت امرك وهذا يقول ايش المشكلة بالله افتحي الكبود خلنا نشوف عاد يمكن المشكله الكفر منبشر بس هو معمي ضوه يبغ اي شي يتمحك فيه.
اول الواحد كان يوقف بمحطة البنزين وما يتنازل يكلم عامل المحطة بكم يبغ يعبي لكن يأشرله بيده وينتظر بالسيارة لين يخلص العامل تعباية البنزين ويجي يحاسبه وتلاقيه فاتح الشباك نص فتحه يحاسبه ويمشي والله مو داري هو عباله مضبوط ولا عباها بخمسة واستنى شوي وبعدين حاسبه بعشرين ولا بثلاثين لكن الحين لا لا يمكن يعبي السيارة الا هو مو علشان يستعرض قدام البنات ويعبيلهم اذا لزم الأمر لا هو ينزل يعبي السيارة بنزين بنفسه علشان يمدحون ريحة البنزين بعد الحلاقة.
طبعا الإختلافات الي راح تحصل كثيرة ما نقدر نحصرها هنا كلها علشان ما عندي شامبو ضد القشرة
انا طرحت الموضوع ارضا اقصد طرحته هنا علشان ناخذ بعضاً من آرائكم حول الموضوع وبرضوا تعليقات مرحه
وشكرا لكل من كان شجاع وقرأ الموضوع كاملاً ......
:):)
قمت الصباح كالعادة ورتبت سرير النوم ورحت الحمام وغسلت وجهي وفرشيت اسناني (حلو هيك خليك هيك) ويوم افطرت ولبست ملابسي واطلع واركب السيارة وانا ماشي بالشوارع الا وفي دورية تمشي جنبي ويوم طالعوا فيني الا العسكري يطالع في العسكري الي معاه ويأشرله بيده اشارة معناها طنشك منه انا عاد استغربت وقلت ايش فيها اول مرة يشوفون واحد يسوق وهو متربع على الكرسي وحاط الطاره بحظنه (طاره = دريكسون ، ستيرنق) والله وامش عادي الا واشوف الدنيا غير مافي شارع الا فيه عساكر وبعض السيارات تلاقي عليها دوريات غريبه اول مرة اشوف كذا شوي الا وفي واحد يبغ يتجاوز من اليمين وقلت مين الغشيم هذا الي يبغ يتجاوز من اليمين ويوم يمر جنبي وانا اطالع بالسواق الا اييشششششششششششششش هذا معقوله هذا الي انا اشوفه يا ناس وين حنا واطالع بالساعة ابغ اعرف وين حنا فيه ويوم اشوف الساعة الا والله حنا بالسعودية بس ايش هذا الي انا اشوفه يا بوووووووووووووووووووي انا دخيل الله يا ناس بنت الي تسوق بنت تسوق هنا بالسعودية وانا عاد قلت يا ولد اتأكد ليكون انت شفت غلط والله الحق وراها بس هي بنت لذين تسرع وحاستني معاها مافي الا تتجاوز السيارات من اليمين من اليسار تتجاوز من اي جهة اي جهة قريبة تتجاوز منها وانا مافي الا وراها وفي دورية معاها عاد انا وقتها عرفت ليه الدورية مرت من جنبي وبعدين طنشوني اثريهم كانوا يبغوا يتأكدوا اني بنت او رجال ويوم شافوا خشتي عرفوا اني من فصيلة الرجال علشان كذا مشوا وطنشوني المهم يوم اني امر من جنب السيارة واطالع الا والله هذي بنت الي تسوق بس ما امداني املي عيني من الي شفته الا والدورية الي معاها تعرض بنص الخط وتسكر علي الطريق وينزل منها عسكري ويقولي انزل والله وانا انزل وتم بيننا الحوار التالي
اركب بالدورية
ليه انا ايش سويت
انت كنت تلاحق البنت ذيك
انا استغربت ان بنت تسوق وعلشان اتأكد من الي شفته لحقتها هذي القصة وبس
هذا الكلام تقوله هناك
وين هناك؟
عند هيئة الأمر بالعروف والنهي عن المنكر
الهيئة وش دعوى خلاص يابوي خلني اروح انا شرحتلك الموقف والي صار ماله داعي تشحطتني بالهيئة
انا آسف لازم تروح عند الهيئة وتتفاهم هناك معاهم وتشرحلهم هناك
يا اخي انا لا عاكستها ولا طشيت رقمي عليها ولا اي شي ايش له داعي توديني الهيئة
يا أخي من يوم سمحوا للبنات يسوقوا بالسعودية طلع أمر بأنه كل سيارة الي تسوق فيها بنت لازم تلازمها دورية واي واحد يلاحق سيارة سواقتها بنت ينمسك ويتسلم للهيئة
النقاش كان مهذب علشان البنت كانت واقفه تبغ تشوف تطورات الموقف ولا لو كانت مو موجوده كان زماني الحين متسدحن جوا الدورية غصب بس عند وصول النقاش لهذه اللحظة مشت البنت بسيارتها ورجعنا احنا لنقاشنا هذا اذا كان ماتبق من نقاش نقدر نسميه نقاش
يعني الحين لازم اركب الدورية صح؟
لا مو لازم الا غصبن عليك
"غصب" طيب ايش رايكم ماني راكب
الا تركب
ماني راكب
اقول لا تطولها وهي قصيرة بتركب الدورية يعني بتركبها
يا اخي فكني وخلني اروح وركوب بالدورية ماني راكب
شف لا تحاول نهايتها انك تركب الدورية وترى اذا مو بالطيب تراه بالغصب بنخليك تركب الدورية
طيب انا بركب الدورية بس بشرط
ههههاااااااااااايي شرط وايش هو شرطك
اركب الدورية بس انا اسوق
وهنا امسكوني غصب ودحدروني لين الدورية وطشوني فيها وراحوا وسلموني للهيئة وهناك شفت انواع المرمطه والتهزيء والتعهدات لين فكوني
وبعد ما فكوني جلست امشي بالسيارة وانا اتابع الشوارع من حولي واراقب المفارقات الي صارت تحصل قبل وبعد سواقة البنات
طبعا مافي محطة بنزين الا فيها عساكر ولا مركز خدمة سريعة الا فيها عساكر وحتى مواقف السيارات يعني بإختصار تكتلات عسكرية في كل مكان له علاقة بالسيارت.
اول الواحد اذا سيارة ساقطت عليه يجلس يصارخ ويأشر بيدينه ويسبسب لكن الحين اذا سيارة ساقطت عليه يتأكد اول مين الي يسوق اذا طلع رجال ينفذ ما تكلمنا عنه سابقاً اما اذا طلعت بنت تلاقيه ابتسم ابتسامة تبان فيها سنونه تقول دعاية معجون اسنان.
اول الواحد قبل لا يوقف على الإشارة يوقف بإتجاه المكان الي كان رايحله يعني يبغ يروح يسار يوقف على السايد الي على اليسار يبغ يروح طوالي وفي مقولة اخرى سيدا يوقف في النص يبغ يروح يمين من بدايتها يمسك اليمين وبعدين يروح يمين بدون ما يستنى الإشارة لكن الحين صار يوقف بالنص حتى لو يبغ يروح يمين ويترك مسافة بينه وبين السيارة الي قدامه كافية انه ياخذ يمين في حال قرر يروح يمين قبل لا تفتح الإشارة وطبعا السبب انه اذا في بنت مرت واخذت يمين يروح يمين مو علشان يلحق البنت لا علشان البقالة الي على الخط هذاك عندها دخان تاريخه جديد ويوم تلحق ورى البنت اقصد تروح مع الإتجاه الي فيه البنت وتمر من عند البقالة تتذكر ان عندك كرز دخان فماله داعي تشتري دخان وتمشي بطريقك اقصد ورى البنت . هذا في حال ان البنت راحت يمين لكن اذا البنت وقفت على الإشارة انت عاد تستنا يوم تفتح الإشارة اذا البنت راحت يسار انت معاها واذا راحت طوالي وحسب الرواية الأخرى سيدا انت برضه وراه.
اول الواحد يشوف واحد متعطل بالخط ما يعبر اهله لكن الحين اختلف الأمريعني اذا كان المتعطل واحد ينطبق عليه الحالة الإولى اما اذا المتعطل وحده تلاقي صور الشهامة والمروءة والنخوة بأحلى صورة يتحلا فيها كل الشباب والكل يوقف ويعرض خدماته هذا يقول معاك جوال ولا ترى جوالي تحت امرك وهذا يقول ايش المشكلة بالله افتحي الكبود خلنا نشوف عاد يمكن المشكله الكفر منبشر بس هو معمي ضوه يبغ اي شي يتمحك فيه.
اول الواحد كان يوقف بمحطة البنزين وما يتنازل يكلم عامل المحطة بكم يبغ يعبي لكن يأشرله بيده وينتظر بالسيارة لين يخلص العامل تعباية البنزين ويجي يحاسبه وتلاقيه فاتح الشباك نص فتحه يحاسبه ويمشي والله مو داري هو عباله مضبوط ولا عباها بخمسة واستنى شوي وبعدين حاسبه بعشرين ولا بثلاثين لكن الحين لا لا يمكن يعبي السيارة الا هو مو علشان يستعرض قدام البنات ويعبيلهم اذا لزم الأمر لا هو ينزل يعبي السيارة بنزين بنفسه علشان يمدحون ريحة البنزين بعد الحلاقة.
طبعا الإختلافات الي راح تحصل كثيرة ما نقدر نحصرها هنا كلها علشان ما عندي شامبو ضد القشرة
انا طرحت الموضوع ارضا اقصد طرحته هنا علشان ناخذ بعضاً من آرائكم حول الموضوع وبرضوا تعليقات مرحه
وشكرا لكل من كان شجاع وقرأ الموضوع كاملاً ......
:):)