سوالف للجميع - كلما أدش لغرفتي .. (شعر)

View Full Version : كلما أدش لغرفتي .. (شعر)

ثواني

30-09-2001, 10:17 PM

السلام عليكم ..

كتبت هذا الشعر باللهجة العامية الخليجية ..
وأبيكم تعطوني رايكم ..

كلما أدش ليغرفــتي *** أذكر صنايع يدتي
أذكر بيوم إني مرضت*** بالحرب بيني ووحدتي
أدري بأني بانهــزم *** وابجي وهذي حالتي
وامرض وأصبر ليمــتى *** يوخر وترجع صحتي
وألعب وأفرفش لا درى***عني أحد، عن علتي
واسكت واكتم وانطوي***والكون يعرف قصتي
مهما بجيت مهما زعلت*** أرجع واحن حق غرفتي

معاني الكلمات (لغير الناطقين بالخليجية)
أدش: أدخل
يدتي: جدتي
أبجي : أبكي
يوخر: يذهب عني ويبتعد
حق: إلى

وسلامتكم ..
تك توك

travelman

01-10-2001, 12:34 AM

كلا م جميل يا اخت ثوانى فكلا م البنات فى غرفهن

وكذلك البكاء لا زالت عادة قديمة لم تتغير..

اتمنى لكى التوفيق....

TRAVELMAN
__________

BMW 320i

01-10-2001, 04:21 PM

مشكورة على الترجمة اختي و الكثيرين يجهلون لغتنا الخليجية

بعدين ليش ما عم تشاركينا في منتدى القمة ها انا زعلان

ثواني

01-10-2001, 10:01 PM

على قولتك .. كلام البنات في غرفهن..
مساكين مالهم غيرها..

ثواني

01-10-2001, 10:02 PM

مشكور على الرد وبخصوص منتدى القمة ..
ان شاء اله باكتب فيه عن قريب ..

تي تي

03-10-2001, 11:42 PM

ويييييييييييي

عيل غرفتج كلها دمووووووووع بدموووووع

الله يعين الخدامة لين متى بتم تمسح دموعج

ارحميها شوي

يعني لازم تبجين

حرام .. !! .. ما يصير بدون بجي وصياح

!!!!!!!!!!!!!!!!!!!!!!!!!!!!!!!!!!!!!

شنو أقول غير الله يعينهم .. الله يعينهم عليج

:(:(:(:(

TT

ثواني

07-10-2001, 04:37 PM