سوالف للجميع - الَـــــــرَمَــــــــادِيْ .. !!

حارس السراب

20-11-2001, 02:35 AM

مِنْ كِتـَـابْ الأَحْزَانْ … الــْــرَمَــادِيْ
--------------------------------

الرَمـَـادِي .. ‍‍!!‍‍

ألفْ هَاجِسْ يِسْكنْ الليّل الرَمَادِيْ

سِـرّ مُبْهَمْ عذّبْ سِنِينَكْ
مَدِينَةْ خُوفْ تِشْتَاقْ لأنِينَكْ
هَمّ يجَتاحَكْ وقَاِتلْ يِغرسْ الحَربةْ بِظَهرَكْ
وبْعُيُونُهْ حِقْد سَادِيْ

الرَمَـادِيْ , صَدْمةْ اللّونْ المخَادِعْ
سَرَابْ الُحبّ .. في لِيلْ المواجِـعْ
رَجْفَةْ الِمشْتَاقْ .. في حِزْنْ المدامِعْ
حضُورَهْ معْجِزَهْ

والمُوتْ (عـَادِيْ !)

البِدَايَة سَحَابَةْ هَمّ
مُوتٍ تِجْمعهْ (كِيف يِلْتَمّ ؟! )
تَنْثرَه (شُوكْ) .. (مُـرّ) .. عَلْقَمْ

آه مِنْ لِيلْ الِمشَاعِرْ لا غَدَا الحبّ الحَقِيقِيْ
مِثلْ قِصّةْ في يِدِينَا
قَبْلْ نُوم الحِلْم نِحْكِيها
و إِذَا قِمنا نِسينَا !!

أَفْهمْ الدِمْعَةْ إذَا سَالَتْ
وهَديّها بِكَفّيْ .. وَارْتِجِفْ
عَادِتي في آخِرْ الليّل (التِذَكّر)
والعُيُونْ اللّي تِحبّكْ(تِعْتِرِفْ)

صِدْقْ خَلّيتي اللَيَالي ألْفْ عِيدْ
صِدْقْ خَضّرتي الصَحارِيْ مِنْ جِدِيدْ
صِدْقْ قرّبْتي الِبعِيدْ
صِدْقْ إِيْدِيْ في يِدِينِكْ تِرْتِجِفْ

بَسّ جَرْحِكْ مخْتَلِفْ ..
بَسّ حِزْنِكْ مخْتَلفْ
....

مَا أسَاوِمْ في المَشَاعِرْ
مَا أَقُولْ الحّظّ عَاثِرْ

مَاأجَادٍلْ رَحْمَة الحبّ .. وأَخُونَهْ
مَنْطِقي أَبْسَطْ مَنْ دْمُوعْ الطِفلْ
يِشْرَحْ شُجُونهْ

بَسّ شُوفِيني بِعيُونه
بَسّ شُوفِيني بِعُيُونهْ
...

البِدَايَةْ حِزْنْ عَادٍيْ
يِسْأَلَكْ : "إسْمَكْ وعِنِوانِكْ وِيْفَتحْ لَكْ مَلَفّ"
يِقِيسْ نَبْضَكْ .. نَبْضْ عَاااديْ
يِقِيسْ حِزْنَكْ .. حِزْنْ هَاااديْ
يِقِيسْ شُوقَكْ .. شُوقْ بَاااديْ
ثُـمّ تدْخلْ للعِنَايةْ (الآدميّةْ)
أَلْفْ رَجْفَة تِقْتِلَكْ دَاخِلْ أَسْوَارْ الِمشَاعِرْ
أَلْفْ طَعْنَةْ تِذْهَلَكْ (حَارْقَةْ)والرِمْحْ غَادِرْ

يجرحُونَكْ .. بِالمحبّةْ !
يِذْبحُونكْ .. بِالمحبّةْ
يِفْضحُونْ السِرّ ويصِيْر الِمَسّبةْ
قَلْبَكْ الطَاهِرْ .. ولِيلْ الظُلمْ جَايرْ
..

لِيشْ , (اِنْتـّه غِـيْر ؟! )
ألفْ شَاعِرْ مُسْتَلبْ)
لِيشْ , (نَبْضَكْ غِـيْر؟!)
ألْفْ خَاطِرْ مُنْتَهبْ
لِيْشْ , (رُوحَكْ غِـْيْر ؟!)
والمرْكِبْ /حَنِينَكْ .. (التَهَبْ)

اِحْتَرَقْ قَلْبَكْ .. وصْبْر الرُوُحْ جَفّ
وانْطَوى (ذَاكْ الَملَفّ !!)

المِسَافَة , خطْوَةْ الليّلْ الضِرِيرْ
يٍكْتْويْ بالَنارْ و أنْفَاسَهْ عَبِيْر
جَرّني في الشُوكْ ظُلْمهْ
هَدنّي بالشُوقْ رَسْمهْ
بَاعَنْي بالرخْصْ في عزّالهَجِيْر

مِنْ ضَلالهْ .. أَسْتِجِيْر
مِنْ ضَلالهْ .. أَسْتِجِيْر

أيّ قِصّةْ في البِدَايةْ .. أَحْلَى قِصّةْ
في النِهَاية ألفْ مُوتْ وألفْ غصّةْ
مِنْ تِرى المخْطيْ ومِنْ فُوق الِمَنصّة
يِعْلِنْ النَصْرْ .. الَهزِيلْ ؟‍!

اَنْهِزِمْ (لكْ) ..
لَو حيَاتي في وُجُوَدكْ
عِرْفَتْ إنصَافْ الَجمِيلْ
انهزِمْ (لكْ) ..
لَو ممَاتي في جحُودَكْ
طِفْلْ يِشْفْيهْ الرَحٍيلْ

انْكِسِرْ (لكْ) واتشَظّى واحْتِرِقْ
واشْفيْ الغَلِيلْ

لو مَعَاني الحبّ في قَلْبكْ
(سَـرَابي المسْتَحِيلْ)

أصْعَبْ اَلأحْزَانْ .. أَحْزَانْ الِنهَايَةْ
تِكْسرَكْ مِثْلْ الزِوَابِعْ ..
تهزِمَكْ مِثْلْ الِمَواجِعْ
تِرْتجفْ .. لِيلكْ وِحِيدْ
تختِلفْ .. حِلْمَكْ بعِيدْ
تِنْبِتْ الأحْزَانْ في لِيلكْ جِلِيدْ
ومَا يِفِيدْ ..

صَارْ حِزْنَكْ والنَدَمْ .. لحمْ وحَدِيدْ
ومَا يِفيدْ !!
...

أَسْهَرْ الليّلْ وخَيَالكْ في ضُلُوعِيْ
مِثلْ تَلْوِيحَةْ مَغِيْبْ
(وانتِ) تِشِكينيْ لطُوبْ الأرْضْ
تِهدِي سِرّنا القَلْبْ الغَرِيبْ !!
وانْ تِمَادَى ظلْمكْ البَادِي
تِمَادَى في جِدَالهْ ..
وانْ هَزَمْني شُوقْ
ما اطِيقْ احْتِمَالَهْ
جِيِتْ أَسْأَلْ : (مَنْطِقِكْ هَذَا ؟؟!)

تِجِيِيِنْي .. (عَدَالَهْ)
...

العَدَالَة) سِيفْ يِهْزِمْ مِنْ تِقَدَمْ .. للعَدَالَةْ
والعَدَاَلةْ حَقّ مُو بَاطِلْ يحَيّرْنَا ضَلالَهْ

والعِدَا (لَهْ) .. جُـْبْن
لَوْ مَا مِتْ فَارِسْ) .. في نِزَالَهْ

والمَدَى (لَهْ) قَلْبْ يِفْدِيهْ
و يْفِزّ اللّيِلْ (لو يُخْطرْ بِبَالَــهْ)

والعَدَالَة .. (صِدْقْ قَلْبِي)
خَاتمٍ مِنْ مَاسْ يِلْمَعْ في شِمَالَه

بَسّ (لَوْ حَطّهْ بِجُوفْ الأرْضْ)
(يِغْتَالْ العَدَالَةْ) ..
...

مَرْكِبِيْ واقِفْ شِرَاعَهْ (كَفْ)
تِهْتِفْ لي (تَعَالْ)
والرَحِيْلْ/الخُوفْ
مَاخَلّى لأحْلامي مَجَالْ

بَدْفِنَكْ في (رُوحْ رُوحِي)
واتِسَلَى بِالخَيَالْ

واهْزِمْ المُوتْ المخَادعْ
بالدُمُوعْ الصَادِقَة والإبْتِهَالْ

غَلْطِتْي .. صِدْقِيْ وِكِذْبْ الِحْلمْ
وَالعُمْرْ البِخِيْلْ ..

غَلْطِتِي صَمْتِي وجُوُرْ الْوَقْتْ
والْحَظّ القِلِيِلْ

غَلْطِتِيْ إِنّكْ سَرَابِيْ المسْتِحيِلْ
...

والِحِزِنْ لِيلَهْ طِوِيِلْ
الِحِزِنْ لِيلَهْ طِوِيِلْ
الِحِزِنْ لِيلَهْ طِوِيِلْ

...
حار س السراب

نوفمبر2001م

خد القمر

04-12-2001, 10:06 AM

:o :o

الرمـــــــــــــأدي!!

حارس الأرواح الجميلة!.. طفت بها..!! و قرأتها.. مرة و أخرى!.. أصدقك!..

إبتسمت كثيرا، في حناياها..و أحببتها .!..
..
!! هنا عرس للألوان..و إشراقة لربيع ..أراه.. يختفي وراء لثام الرمادي..! هنا.. نغم .. موزع بعناية!.. تسمعه إن أصغيت جيدا.!!

أقرؤك هذه المرة مختلفا..و عذبا.."بحنو"..

..
و للمرة الأولى!..أراك..قريبا واضحا.. كأجمل ما يكون الحلم.!!
....
شكرا لك لأنك "غير" ....

________________________________________

لِيشْ , (اِنْتـّه غِـيْر ؟! )
ألفْ شَاعِرْ مُسْتَلبْ)
لِيشْ , (نَبْضَكْ غِـيْر؟!)
ألْفْ خَاطِرْ مُنْتَهبْ
لِيْشْ , (رُوحَكْ غِـْيْر ؟!)
والمرْكِبْ /حَنِينَكْ .. (التَهَبْ)

أيّ قِصّةْ في البِدَايةْ .. أَحْلَى قِصّةْ

اَنْهِزِمْ (لكْ) ..
لَو حيَاتي في وُجُوَدكْ
عِرْفَتْ إنصَافْ الَجمِيلْ
انهزِمْ (لكْ) ..
لَو ممَاتي في جحُودَكْ
طِفْلْ يِشْفْيهْ الرَحٍيلْ

انْكِسِرْ (لكْ) واتشَظّى واحْتِرِقْ
واشْفيْ الغَلِيلْ

لو مَعَاني الحبّ في قَلْبكْ
(سَـرَابي المسْتَحِيلْ)

تِرْتجفْ .. لِيلكْ وِحِيدْ
تختِلفْ .. حِلْمَكْ بعِيدْ
تِنْبِتْ الأحْزَانْ في لِيلكْ جِلِيدْ
ومَا يِفِيدْ ..

صَارْ حِزْنَكْ والنَدَمْ .. لحمْ وحَدِيدْ
ومَا يِفيدْ !!
...

جِيِتْ أَسْأَلْ : (مَنْطِقِكْ هَذَا ؟؟!)
تِجِيِيِنْي .. (عَدَالَهْ)

والمَدَى (لَهْ) قَلْبْ يِفْدِيهْ
و يْفِزّ اللّيِلْ (لو يُخْطرْ بِبَالَــهْ)

والعَدَالَة .. (صِدْقْ قَلْبِي)
خَاتمٍ مِنْ مَاسْ يِلْمَعْ في شِمَالَه

مَرْكِبِيْ واقِفْ شِرَاعَهْ (كَفْ)
تِهْتِفْ لي (تَعَالْ)
والرَحِيْلْ/الخُوفْ
مَاخَلّى لأحْلامي مَجَالْ

بَدْفِنَكْ في (رُوحْ رُوحِي)
واتِسَلَى بِالخَيَالْ

غَلْطِتِيْ إِنّكْ سَرَابِيْ المسْتِحيِلْ
...