مطارحه >>>> بين لاند كروزر و فورد أكسبدشن (لايفوتكم)

[Z28*POWER*]

مرحبا بشباب المنتدى الطيبين

صارت قومه أمس بين لاندكروزر موديل GXR V6 2001 و فورد أكسبدشن V8 موديل 1998

ملاحظه : السيارتين قير أوتو

أريد أن أعرف توقعاتكم ، أنشاء الله بعد ما أحصل الردوود بخبركم بالنتيجه

أنشاء الله الكل يشارك و خصوصا أصحاب الكروزرات و الفورد

هناك شيء آخر ، المطارحه مقسمه الى مرحلتين

المرحله الأولى : 500 متر

المرحله الثانيه : قومه و خط

[*SS* POWER]

:mad: :confused: :mad:

افاااااا صار ريس ولا خبرتني ؟؟؟ ;)

على العموم اتوقع اللاند كروزر يطوف :D :D

[V8]

لاندكروزر في المرحله الاولى

[المتطور 2001]

أتوقع والعلم عند الله :)
أن الفورد راح يسبق في كلا المرحلتين ... لأن الأمريكي معروف بقوة مكينته ...

لكن العبرة في من يسبق فوق النفود ;)

[Z28*POWER*]

ماقصرتوو يا شباب

أس أس بور والله أنت الي ماترد علي

V8 مشكور
المتطور أنشاء الله بتعرف الأجابه


أنتظر المزيد من الردوود :D

[V8]

شوف اخوي انا ما قلت الكلام ^ عباطه
ولكن بنائا على عده اعتبارات |
اولها ان الفورد 98 يعني فرق 3 سنوات (مو بسيطه)
والفورد 220 حصان(موديل 2000)-240 للاند-
وقومة الفورد من 0 الى 100 في 9.8 ثواني ومو معقوله يكون اللاندكروزر
اكثر من كذى.




ياخوفي بعد كل هذا يطلع كلامي غلط
____
Z28
لا تنتظر ردود كثيره علشان ما تحترق اعصابي

[كابريس]

أتوقع اللاند كروزر
لأنه الفورد قومته ثقيله:D

[بندق]

والله الموضوع حمسني أرد


والله في القومة أتوقع اللاند
لأنه أخف

والسباق ماعمري جربت


لكن في البر طبعاً وبدون مقارنة اللاند



ممكن تقول بسرعة النتيجة

[ألأعرابي]

بسيطه جدا
الكروزر في القومه لأنه في حال وضعيته في فور لو (four low)
تكون قومت الكروزر من 0-80كلم\س 5,8 ثانيه
رقم موب معقول صحيح؟
على العموم التجربه تمت على لاند كروزر موديل 93 نوع فكسر

اما الخط أتوقع أكسبديشن لأن أتوقع ينزل أكثر

أدري الشباب بيزعلون من اللي باقوله
بس صار رايس بين أكسبيديشن و شيروكي كلاسيك كلهم 2000 و طاف الأكسبديشن قومه و خط

[s500l]

ford



belra7ah ygoom

[Z28*POWER*]

:D :D :D
مسامحه على التأخير ما حبينه نحرق أعصابكم ، يقول المثل كل تأخيره فيها خيره

تبغوون الصراحه ، المطارحه صارت عكس توقعاتي آنه بعد
أولا : في المرحله الأولى 500 متر الفائز كان الأكسبدشن (فوز ساحق)

حيث أن الفورد ثمانيه سلندر 5.4 لتر 250 حصان دفع خلفي مش رباعي و الكروزر خلفي أيضا سته سلندر 4.5 لتر 240 حصان

طبيعي حيكون الفورد و بجداره
نسيت حاجه صاحب الفور وزن موتره أخف من اللاند كروزر


المرحله الثانيه : قومه وخط نتيجه كانت لصالح الكروزر بفرق بسيط (الكروزر كان متقدم على الفورد بمسافه بسيطه )

راعي الفور في البدايه كان متقدم على الكروزر بمسافه كبيره في القومه بس للأسف الكروزر كان أسرع في الخط

السبب لأن راعي الكروزر ينزل في موتر 190 عكس راعي الفورد اللي موتر ينزل 170 تقريبا (قفله)

أذا في أستفسارات ثانيه تفضلوا ، أبي أعرف تعليقاتكم على النتيجه ;)

[كابريس]

:):):)
انتصار سااااحق للفورد
قولوا السلام على اللاند كروزر:D

[روح الامارات]

من الطبيعي ان الاند بيروح ,بس حبين اخبرك شغله ان الاكسيبيديشن مستحيل يقدر على الاند 8سلندر ,باختصار الاند في الخط ,وانشاء الله بقوللكم عن المطارحة اللى بصير بين موتري الاند8سلندر 1999 وبين يوكن1999 يوم الخميس وترقبوا النتيجة انشاء الله.

[Z28*POWER*]

مرحبا يا روح الأمارات

آنه أوافقك الراي بس الأكسبدشن كان دفع خلفي يعني لو كان دفع رباعي (الدفع الرباعي أقوى ) ماعتقد أن اللاند كروزر ثمانيه سلندر بيقدر عليه


موفق أنشاء الله في المطارحه ترى قومة اليوكون أقوى بكثير من الأكسبدشن خصوصا أذا كان بابين ، ماوصيك بالصور و الأفلام و التفاصيل;) ;) ;)

[روح الامارات]

اهلا وسهلا ياخوي Z28 power ,وكلامك صحيح لوكان دفع رباعي يمكن يروح ,بالنسبة للمطارحة انا انشاء الله بدخل الموتر التشييك غدا السبت علشان يكون جاهز وحتى راع اليوكون بيدخله الوكالة وازيد الموضوع واقول ان انا وراع اليوكون بنشيل الكت اوف في المطارحة ,مسافة السباق 5 كيلو والشارع معروف عدنا في الامارات وهو خط الامارات يعني محد منا يقدر ياخذ ذرا الثاني
,وانا اتفقت ويا واحد من الشباب علشان يصور المطارحة ,وانشاء الله بالتوفيق:rolleyes: :rolleyes: :rolleyes:
ملاحظة اليوكن ترى بابين

[Z28*POWER*]

بس عندي سؤال بسيط لك يا روح الأمارات

كيف أتشيل القفله ؟وين ؟أشرحلي:)

[روح الامارات]

مرحبا اخوي Z28 power بالنسبة للكروزر تحت الطبلون بتحصل كليب صغير افتحه على مهلك علشان في قطعة من الامنيوم اذا انشقت خسرت الضمان.:D :D :D

[V8]

ام بانسبه للوزن
اللاند ثمانيه سلندر 2770 كلغ (اثقل من الجمس???????)

سته سلندر 2250

الفورد 2000


فرق كبير


---------
الزر الي تتكلم عنه كم يجيب الى 100

[Z28*POWER*]

آنه مافهمت عليك بالضبط

أنا لم أتكلم عن زر ، أذا توضح لي أشتقصد
:confused:

[V8]

أقصد الزر الي تكلم عنه مستر الاعرابي
كم ثانيه من 0 الى 100

واليوكون الى بتسابقه كم موديله

[Z28*POWER*]

أعتقد تقريبا نفس ما ذكر الأعرابي6 ثواني 0-80 كلم :)

بالنسبه لليوكون موديل 99

بس ألي بيسابقه روح الأمارات بموتره الكروزر 8 سلندر مب أنا

أن شاء الله خير ;)

[V8]

أذا كان من 0 الى 80 كلم 5.8 ثانيه
مومعقوله يوصل 100 في 6

وبالنسبه للسباق
لحضه خلني افكر

لاند ......8سلندر.......يوكون......99......بابين



اممممممممممممممممم هممممممممممممم








اوكي وافقت:D :D
بس انتبه وانا ابوك لايسرلك شي:D :D :D :D


ترى لو انهزمت فضيحه:rolleyes: :rolleyes:

على فكره وش رايك في التوقيع

[Z28*POWER*]

;) ;) :) :)

[ألأعرابي]

يا حبيبي يا في8
أنا ما أتكام عن زر :D
أنا أتكلم عن شيء اسمه فور لو
شفت القير هذا الصغير جنب القير العود (ناقل الحركه)
ما يف مكتوب عليه H
و L?

تحطه على ال L و بدون ما تستخدم الفور ويل درايف
تكون قومته من 0-80 5,8 ثانيه
بس كما تعرف ما تقدر تطوف سرعة 80 بهالحركه لأنه بيتكسر القير عليك :D

[V8]

طيب فهم
لكن ابيك في سالفه على انفراد
ممكن الماسنجر

[NFS]

اللاندكروزر تسارعه من 0-80 5.8 ثانية!!!!!!


أجد من 0-100 كم ثانية, 7 ثواني؟!؟!؟!؟!

[ألأعرابي]

ما يصير توصل الى 100:cool:
لأن هالحركه توصل بس الى 80
لكن اذا ممكن أنك تشيل الفور لو على سرعة 80 و تحطه عادي
بعدين تقدر أتكمل لكن لا أظن انك تستطيع
فيجب عليك تخفيف السرعه الى ما يقارب 20 كلم\س حتى يمكنك ان تقوم بالتبديل للوضعيه الطبيعيه

[روح الامارات]

اهلين شباب ,كيف حالكم ,شباب ابشركم غيرنا موعد السباق بين الاند كروزر واليوكون من يوم الخميس الى اليوم لأن كل واحد منا جاب سيارته من الوكالة ,وانشاء الله بيكون الريس الساعة 1:00 مساء على شارع الامارات وراع اليوكون غير مسافة السباق وخلاها من 4كم الى10كم ,المهم انا رضيت بالي قاله .
ترقبوا انشاء الله الموضوع ,اذا قدرت اليوم واذا ماقدرت ترى بكره.
ok شباب .;) ;) ;) ;) :)

[L.O CUSTOMS]

روح الامارات:
يله تراك حرقت اعصابنا:) :)



يا شباب من تتوقعون في القومه جيب رانجلر صحارى ولا جيب لاند كروزرVXR؟؟:confused: :confused:

[روح الامارات]

هلا حبيببي LH اشتقتلك والله ,ترقب انشاء الله الموضوع ,وبالنسبة لسؤالك ترى بلا منازع الجيب في القومة جدام عن الاند الين سرعة 140 كم لأن الموترين عندي واعرف ان الجيب الصحاري اقوى في القومة بس في الخط لايحلم يصف ورا الاند .
وتحياتي لك وللجميع اللى ينتظرون المطارحة.
:) :) :) :) ;)

[Z28*POWER*]

مرحبا بالأخوان
عندي سؤال LH
كم تنزل في الصحارى حقتك ؟
توقعاتي للمطارحه ، فوز الكروزر في النهايه لأنه سريع في الخط عكس الأمريكي القوي في القومه فقط بعدين يقفل




خبر وايد حلو (المطارحه الليله !!!؟) يا روح الأمارات ، كنه بننتظر أسبوع كامل تحترق أعصابنه :) :)