تسجيل الدخول

View Full Version : وصلني على الايميل (12)

المسلمي
10-12-2001, 12:39 AM
قبل أكثر من عشرين سنة وتحديدا في بدايات عام 1402 كنت طفلا

يانعا في الرابعة من عمري(وش عنده الأسلوب) المهم كنت قاعد على

عتبة بيتنا الشعبي اللي كان في حلة العنوز وكانت بجواري بنت جيراننا

اللي أنا ضايع عندها وكانت أصغر مني بثلاث شهور.....يعني أنا وأياها

تربينا سوى.....واللي محببني فيها أكثر أن أسمها نوف.....(يابدر أذكر

الله وخل اللي في القلب بالقلب)...

المهم....كان جارنا اللي يسارنا يماني وكان عنده كومة عيال وكلهم

أكبر مني انا ونوف.....عاد اليماني هذا مدلع عياله ودايم يجيب لهم

حلاو وعصيرات بينما في المقابل انا ونوف غاسلين يدينا من أهلنا أنهم

يشترون لنا ولو حتى بليلة بريال....

المهم ولدهم القعدة أو الصغير طلع على عتبة بيتهم ومعه قوطي عصير

مشكل قاعد يجغم منه(ما يحب يشرب العصير إلا قدامي أنا ونوف)

وبيني وبينكم أنا ونوف ماشلنا عيوننا من هاليماني...الظاهر كنا ننتظر

لين يخلص ويطش القوطي علشان نروح نلعق اللي بقى من العصير.....

خلص الهرش اللي كان أكبر مني بسنتين ويوم خلص وبدون سابق إنذار

ويرقعني بالقوطي على عيني وكانت الضربة قاضية ومحكمة....(بس

ترى مابكيت وما طلع دم) المهم يوم شافت نوف إني تخاذلت عن ثأري

(وش عنده الزير) وهي تركض لعلبة فليت RED.....عاد كانت علب

الفليت شي جبار جدا....يالله يالله كفر السيارة يطعجها......جابت نوف

العلبة ومع ركظتها ودخولها لبيتنا وهي ترقع اليماني على جبهته.....وأنا

لحقتها وسكرت الباب مع إبتسامة طفولية خبيثة......كلها دقيقتين إلا

واليمانية تطق الباب وفتح لها واحد من أخواني وعلى طول دخلت

المجلس.....(عاد أبونوف كان عندنا)....

شهقت اليمانية وقالت....عيالكم ضربوا ولدي وجابت ولدها...وياليتها

ماجابته رأسه يخرخر دمان وحالته مأساوية.......المهم تطامروا الشيبان

وجابوا نوف لأبوها وجابوني لأبوي...عاد أنا ما أحد ضربني لأني ما سويت

شي......بينما تكفخت نوف قدامي وما كنت أقدر أسوي إلا إني أروح

لغرفتي وأبكي(ياعيني على الرومانسية)

وهكذا كانت أول دبجة في تاريخي المعاصر

وأحبك يانوف والله أحبك

مع تحياتي ،، المسلمي ،،
مرايا مبعثرة
10-12-2001, 01:10 AM
بحبه يا بابا بحبه :D :D << لمون نعناعة ;)
المسلمي
10-12-2001, 01:58 AM
الله يرجككككككككككككككككككككككككككككككككك يالواحة رجا :):) ،،

من جد مع ان اغلب الدود القصيرة مملة الا دا حلو :):) ،،

ضحكني من قلب << على قولة بنت الغربي :):) ،،

مع تحياتي ،، المسلمي ،،
سويره الطقاقه
10-12-2001, 02:02 AM
هههه
شي حلو
وش اخبارك المسلمى من زمان عنك.
المسلمي
10-12-2001, 02:07 AM
اعجبتني من زمان عنك سويره :):) ،،

شوفني معك اون لاين على الماسنجر :):) ،،

على العموم وانتي لك وحشة كبيرة وسلمي لي على سامي :):) ،،

مع تحياتي ،، المسلمي ،،
بنت العين
10-12-2001, 02:17 AM
المسلمي

القصه عاديه..لكن الوصف يضحك..خصوصا..( يخرخر دمان)

فطست من الضحك.....:D :p :D

تحياتي لايميلك..:)
المسلمي
10-12-2001, 02:20 AM
شكرا على الرد :):) ،،

مع تحياتي ،، المسلمي ،،
جوال العرب
10-12-2001, 02:25 AM
^1



هههههه



مشكور اخوي المسلمي على القصه
مرايا مبعثرة
10-12-2001, 02:26 AM
يرجني؟؟؟


ليش ؟؟ غرشة بيبسي حضرتي ؟:D << وخروا عني مقاطعة :D
المسلمي
10-12-2001, 02:27 AM
شكرا الف على الرد يالغالي :):) ،،

مع تحياتي ،، المسلمي ،،
شعنونة سوالف
10-12-2001, 08:52 AM
من وين بالضبط من ايميلك؟

يعني اصدقائ يرسلونها لك؟؟

لانه بصراحه كل واحده احلى منا لثانيه :)
المسلمي
11-12-2001, 02:24 AM
لا حاشك يالواحة مانتي بغرشة بيبسي على قولتك :):) ،،

الا انتي مصنع بيبسي كامل :):) ،،

مع تحياتي ،، المسلمي ،،
المسلمي
11-12-2001, 02:26 AM
وصلني على الايميل يعني من الاصحاب والاحباب :):) ،،

وتقريبا كل ييوم يصلني عشر رسائل كل واحده احلى من التانية :):) ،،

مع تحياتي ،، المسلمي ،،
حسينكو
11-12-2001, 09:04 PM
مرحبا مسلمي

حلوة يجغم ==> سجلتها عندي في القاموس

يالله يالله كفر السيارة يطعجها >> والله صادق فليت ايام زمان كان قوي وينفع حتى يستخدم في الحرب جؤجؤجؤجؤجؤ

ويعني على الحب ... بس مسكينة نوف .. ما تستاهل انها تتنتف :p :p

والله دكرتي بسوالفي مع بنت الجيران واحنا صغار قبل لا تسافر كندا :):)


حسين
محامي الزعيم
12-12-2001, 01:48 AM
ههههههههههههه
يعيني على الرومنسيه

حلوه ياالمسلمي
المسلمي
12-12-2001, 02:06 AM
شكرا الف على الرد حسين يالغالي :):) ،،

مع تحياتي ،، المسلمي ،،
المسلمي
12-12-2001, 02:08 AM
اشوف جياتك كترت علينا في القسم وهذا شرف لنا والله :):) ،،

وشكرا على الرد يالغالي :):) ،،

مع تحياتي ،، المسلمي ،،