سوالف للجميع - النجدة يا شباب سوالف الحقوني انا ضعت

View Full Version : النجدة يا شباب سوالف الحقوني انا ضعت

AMG

13-01-2002, 01:04 AM

شفتوا وشاهدتوا بعينكم كيف مواضيعي تنسرق بلا احم ولا دستور وانا اللي اتعب عشان يكون سوالف الوحيد اللي تكون فيه هذي المواضيع وايجونك ناس ما يعرفون في السيارات شيء ويسرقون مواضيعي قولولي شو اسوي ارجوكم انا اتعب عشان سوالف...........واذا ما في اي حل في ايدكم انا اسف اني اقولكم اني راح اعتزل واعلن انسحابي وبشوف كيف راح يتصرفون اقلاع وبن دبي وماخفي اعظم تكفون ساعدوني:mad:

Ferrari^_^love

13-01-2002, 01:08 AM

الصراحه الأخ عمر ... يتعب ويحصل أخبار لنا وحق سوالف محصور للمنتدى هذا .. وأيجون ناس لا أيعرفون كوع من بوع السيارات :):) .. ويسرقونه بارده أمبرده .. مايصيير .. لازم نوضع حد

E55

13-01-2002, 01:08 AM

سيتم نقل هذا الموضوع للمراقبين ليطلعوا عليه

F-150

13-01-2002, 02:17 AM

أنا أخش بعض المواقع إلي فيها صور وطبعا إذا عجبتني الصوره آخذها
بالزر الأيمن للفأره بعض المواقع ما تقدر تاخذ منها شي بالزر اليمين

فأنا أقول لو يتقفل الموقع بنفس الطريقه يكون أحسن
ولو يصير إن الأعضاء بس هم إلي يقدرون يأخذون الصور
وإذا مايصير مو مشكله عادي

أنا هذا رأيي :o

بعدين يا AMG حقوقك محفوظه عندنا ولا فيه أي واحد ينسى مجهودك
الأكثر من رائع
ولا تقول الكلام هذا يا أخي المنتدى يضيع بدونك وأنا أعتبرك هنا صحفي المنتدى الأول

وتعوذ من إبليس بس يارجال السالفه ماتسوى :D
وين تعتزل وتخلينا

روح الامارات

13-01-2002, 02:50 AM

لالالالالالالالالالالالالالالالالالالالالالالالالالا ,الصراحة الفاعل لازم نوقفه عند حده لاني شفت بنفسي من خلال الوصلة في موضوع غريب السيف كيف ان مواضيع الشباب منقولة بغير حق .
ارجوا ان نتعاون جميعا علشان نحل المشكلة ونوقف الفاعل عند حده :mad: :mad: :mad:

غريب السيف

13-01-2002, 03:05 AM

لا تكدر نفسك ولا تشيل هم ترى اللى سرق مواضيعك
اتشرشح .. وربيعي حكومي ما قصر و شرشحه
وسواه اضحوكه في واحات بن دبي
وانت لا تشيل هم...... تراك انت الاصل
وها السماوي راح يختفي...
:mad: :mad:

كرمبع

13-01-2002, 03:31 AM

اولا سلام علييك الغالي وعلى كل القراء ...

نشر مواضيعك يدل على انها صحيحة وشيقة وخبر مثل البشرى اللي تصل للسامعين... وعن نفسي بصراحة اقول ان ذلك يدل على تفوقك باختيار المواضيع في حين ان الناسخ لم يأتي بأي موضوع من سوالف سوى مواضيع محددة رويت من قبل كتاب امثالك...

وفكرة نشر مواضيعك تكفيك مفخره واحساس بمكانتك تجاه ذلك حين يتعدد ويزداد عدد القراء لمواضيعك في عدت منتديات..

ولكن حماية لحقوق الكاتب من نشراته من الضياع لابد من كتابه مصدر النشر وعدم الادعاء بالتأليف..

وتقبل تحياتي ياكبير احزاب المرسيدس بنز...:)

Dentist

13-01-2002, 04:33 AM

رد مقتبس من كرمبع
اولا سلام علييك الغالي وعلى كل القراء ...

نشر مواضيعك يدل على انها صحيحة وشيقة وخبر مثل البشرى اللي تصل للسامعين... وعن نفسي بصراحة اقول ان ذلك يدل على تفوقك باختيار المواضيع في حين ان الناسخ لم يأتي بأي موضوع من سوالف سوى مواضيع محددة رويت من قبل كتاب امثالك...

وفكرة نشر مواضيعك تكفيك مفخره واحساس بمكانتك تجاه ذلك حين يتعدد ويزداد عدد القراء لمواضيعك في عدت منتديات..

ولكن حماية لحقوق الكاتب من نشراته من الضياع لابد من كتابه مصدر النشر وعدم الادعاء بالتأليف..

وتقبل تحياتي ياكبير احزاب المرسيدس بنز...:)

كابريس

13-01-2002, 09:16 AM

أحسن حل انك تسجل في المنتديات الي تتكلم عنها وتفضح الي نقل مواضيعك :D

مجنون بورش

13-01-2002, 12:47 PM

رد مقتبس من F-150
[B

بعدين يا AMG حقوقك محفوظه عندنا ولا فيه أي واحد ينسى مجهودك
الأكثر من رائع
ولا تقول الكلام هذا يا أخي المنتدى يضيع بدونك وأنا أعتبرك هنا صحفي المنتدى الأول

وتعوذ من إبليس بس يارجال السالفه ماتسوى :D
وين تعتزل وتخلينا [/B]

ACCORD_559

13-01-2002, 01:51 PM

L.O CUSTOMS

13-01-2002, 02:04 PM

انــــــــــــــــا قلت لكم يا جماعه بلا تقفيل صور بلا خرابيط مع إحترامي للجميع

لاكن يـــــــــــا شباب الحل قلت لكم
المشرفين او صاحب المنتدى بكبره يغير شوي في البرنامج ويخليه لا يسمح للدخول لغير المسجلين او بالأحرى المشاركين في سوالف
في كثير منتديات مسويه هاذي الطريقه
وأرجوا من المشرفين الرجاء الخاص(NFS-E55 )
يشوفو لنا حل لهاذي المشكله......:mad: :mad: :mad: :(

F-150

13-01-2002, 02:34 PM

طيب يا LH

شوي تعديل في الإقتراح

نقول يتعدل البرنامج بحيث أي واحد يضغط الزر اليمين يطالب بكلمه سريه
يدخلها ويقدر يأخذ إلي يبغى بتقول لي يقدر الحرامي يسجل ويأخذ كلمه سريه ويأخذ إلي يبغى
صح بس لو يصير سجل إلكتروني عند المشرفين يتسجل فيه كل عضو
أدخل الكلمه السريه وإيش أخذ بالضبط وبالطريقه هذي يقدرون يتعرفون عليه بسرعه

بعدين تقفيل المنتدى فكره مو منطقيه مايصلح تقفله

هاه
إيش رايك يا Lh ??????

ساكتون

13-01-2002, 06:53 PM

اولا السلام عليكم ورحمهالله وبركاته

اخواني كتاب منتدى سوالف وبالخصوص AMG دقيقه من وقتم:

شوفوا الحق حق يعني لاتنجرفون مره وحده ....يعني خذو الموضوع بتروي ...

يعني السالفه حقيقه ماتستاهل الدراما هذي كلها يعني يا AMG ارجوك لاتزعل من كلامي لاكن ابي اوصل وجه نظري .....انت مارحت تصور الصور هذي بنفسك او اخذت حق النسخ من الموقع اللي اخذت الصور منه او حتى تعاقدت مع مؤسسه خاصه للسيارات بمبلغ مادي عشان يجيبونلك اخر الاخبار ......يعني الموقع اللي انت ماخذ منه الصور يحق له انه يقاضيك او يقاضيني مثلا لاني مااخذت تصريح بالنقل ولكل موقع حقوقه المحفوظه صح والا لا ؟؟؟

لاكن انا اقف معك في امر واحد اذا تعدا هذا الشخص على مواضيعك اللي انت قمت بكتابتها شخصيا وصورتها بنفسك مثل موضوعك المميز تجربه كاديلاك اسكاليد مثلا

انا حاولت اني ادخل على موقع بن دبي ورحت لواحة السيارات مالقيت طبعا المواضيع يمكن انهم حذفوها ...

انا مثلا وكثير من اخواني في منتدى السيارات بموقع الساحه انسرقنا كثيير ومواضيع تعبنا عليها بدون اللجوؤ الى اي موقع ولاصار اللي صار عندكم هنا واذكر انا مره وريت الاخ S8 بعض مجهودي اللي راح هباءا منثورا

بس انا بعض الحيان انقل مواضيع كامله الى المنتدى بغرض الافاده لانه موضوع اعجبني واعتقد انه بينفع غيري واذا انسرق ماراح اقول شي لاني ماتعبت فيه ....الا اذا كنتم تعتقدون ان مساله النسخ واللصق عمليه متعبه ؟؟‍‍!!!

لاتفهمون اني ابرر للشخص هذا اللي عمله لكن الموضوع مايحتاج البلبه هذي

مع تحياتي الخاصه

وارجوك يا اخ AMG لاتفهمني خطأ واعلم اني اكن لك كل احترام وتقدير

اخوكم ساكتـــــــــــــــــــــــــون

الراوي

13-01-2002, 08:00 PM

لكن حرام يضيع حهد التجميع بالنسخ واللصق ؟

اقل شي ممكن يسويه انه يكتب مصدر النقل !

لكن نسخه ونقله معناه انه ينسبه حق نفسه ! ؟

ولا شرايك يا ساكتون :)

ساكتون

13-01-2002, 08:21 PM

رأي هو رأيك اخوي شيطون

انا مثلا اضع صور كثيره وبعض الاحيان اكتب المصدر وكثير من الاحيان لا وهذا غلط مني وكذلك كثير من الكتاب في جميع المنتديات ومنهم الاخ AMG يعني مالنا حق انا نحتج او نتظلم في شئ احنا مخطأين فيه من الاصل

لكن واقول مره ثانيه المواضيع المتعوب عليها والقائمه اغلبها على اجتهادات شخصيه هذي اللي عليها الكلام واللي مايجوز نقلها

اخوك ساكتـون

AMG

14-01-2002, 01:37 AM

يعني الصراحة ما فهمنالكم اذا كتبنا موضوع وكنا اول ناس قلتوا ما خذتوا تصريح من المصدر واذا سرقوا الموضوع قلنا سرقنا الموضوع يعني شو تبغونا نسوي صحيح انه الصور موجودة وكل حد يقدر ياخذها لكن مب معناته انه كل ما اكتب موضوع القاه نفسه مع حتى ترتيب الصور نفسه في مكان ثاني هذا ما يجوز واذا ما تبغوني اكتب بحجة انه هاي الصور مو لي ما راح اكتب وراح اخرج من المنتدى نهائيا بلا عوار قلب او يمكن ودكم في تكرار نفس المواضيع اللي اغلبها تصير مشاكل عليها (كابريس ولومينا مرسيدس وبي ام) مع احترامي لمحبي هاي السيارات

lumina

14-01-2002, 02:59 AM

أفااااااا
أفااااااااااااااا
افااااااااااااااااا

عليك يا حبيبنا الغالي AMG يا كبيرنا ياراعي المواضيع الزينه تتركنا و

تروح عشان نقلو مواضيعك يا أخي إكتب وسو عشانه نحن ما عليك من

هييل الناس اللي ما يعرفون يشغلون حتى الموتر بس دشو وخذو و

حطيت في خاطرك أفاااااا عليك أفااااا إستهدي بالله و خذ بنصيحتي

إكتب و سو و نحن بنستفيد و إنته أيضا بتستفيد و أخيرا

أقــــــــــــــــــــــــــــــــــــــــــــــــولك نحن نباك في قسم السيارات و

نحب مواضيعك الحلوة ليش تتركنا و تروح ........ ((^^^ يالغالي^^^)))

يا كبير حزب المرسيدس

ساكتون

14-01-2002, 06:14 PM

اخوي AMG خذ الامور بهداوه وكبر عقلك شوي ‍‍

يعني انت منتاب الكاتب الوحيد في الانترنت ......واحد اخذ بعض الصور اللي انت وضعتها اوكي....قلنالك الرجال اخطأ لكن الامر مايستاهل وانا اخوك ...يعني تترك المنتدى والاتبطل تكتب هذي امور مانرضاها كونك عضو نعرفك
في هذا المنتدى لكن لو فعلت فالامر راجع لك لان السبب مايستاهل ولا اشوف ان احد غلط في حقك عشان تترك المنتدى ولا قلنا انك لازم تكتب مواضيع فيها مشاكل واراء تعصبيه ...كمل كتاباتك وحط الصور اللي انت تبيها لاكن لاتزعل اذا احد اخذ الصور من عندك ..والسبب وضحته لك سابقا لكن اكتب لنا معلوماتك وتجاربك وصدقني اللي بيلطشها بنفضحه

......بعدين اللي يحط نفس ترتيبك
يعني ماخذ الموضوع من عندك ....مايصير كذا ....انا دخلت الاف المرات على منتديات نفس الصور ونفس التتريب هل معناه ان كل المنديات يسرقون من بعض .....يعني مافي ناس يعرفون مواقع ويسحبون منها صور ؟؟؟؟؟

انا اقول انس الموضوع وتعوذ من الشيطان الرجيم

وتأكد لو اعتدى احد على حقوقك او مواضيعك الشخصيه ما راح نسكت

E55

14-01-2002, 08:05 PM

لو سمحت الإيميل الخاص فيك

أو أرسل لي رسالة على e55@ayna.com

NFS

14-01-2002, 08:52 PM

في حل "لكن حل مش عملي" وهو أنك تراسل المشرفين في هذي المنتديات ، لكن قبل ما تسوي هذا الشيء لازم تسأل نفسك هل هل الموضوع المنقول "او المسروق" يستاهل أنك تطارد وراه؟؟