سوالف للجميع - انا ماذبحنــــــى غير فاتورة الجوال

المشتاق15

11-03-2002, 08:57 PM

انا ماذبحنــــــى غير فاتورة الجوال
وكـفى على ماغير اتحـــــــــــــراهـــا
يسجل عـليـنا بـــــــالثوانى ريال ريال
ويجمع علينا حسبـة ماهـــــــقـــيناها
على الراتب المقطوع والله عليم الحال
عسى الله يهونها علينا ونقواهـــــــا
انا وغيرى اللى حدهم داعى الترحال
ضرورة ولعيون الضرورة ركبناهـــا
وذا قلت ياخوفــــــــــى يقولون يارجال
ابد لاتغالا حاجتك وانت تلقاهـــــــا
واناحاجتى باسعـــــارها ماعرفت احتال
نخفض من استهلاكنا ومخفضناهــــا
ترى كل هالابراج يصرف عليها اموال
تكلف ملايـــــــــين الملايين ببناهـــا
ولاتحسب ان المسالـــــة بس خذ فنجال
تكلم وتاخذ سيـــــرة الهرج مجراها
يسجل كلامك بالفواتير وانــــــت اشتال
وخالف نصيحة واحد ذاق مصطــاها

راعي الأوله

15-03-2002, 02:07 AM

على طاري الجوال

بعض ابيات من قصيدة ، يقول صاحبها :

جوال الفين الرهيب ## يصلح حتى للطبيب## يكلم من فوق البيب ## حتى لو ما هو مشحون

مير البلاء الفاتورة ## كل يدرج نخرورة ## ما عنده الا بعورة ## يكشخ والخايب مديون

والجميع بكرامة نيابة عن الشاعر