View Full Version : ممكن تساعدونني في هذه القصيدة للامام تركي بن عبدالله
فارس الفارس
12-03-2002, 04:53 AM
هناك قصيدة في عهد الدولة السعوديه الثانيه
للامام تركي بن عبد الله
مطلعها
ارسل سلامي لابن عمي مشاري
00000
هل ممكن احبتي احصل على هذه القصيدة
sorry for write in english but my computer is english
but you can take it
by cassite
its name is
AL ABA WALAGDAD
فارس الفارس
12-03-2002, 06:29 PM
thank :p
اعتقد اني فهمت قصدك شريط اليس كذلك
عمروبن كلثوم
18-03-2002, 08:33 PM
السلام عليكم ورحمة الله وبركاته
بس يافارس!:eek:
أدلل عيني أدلل;)
طـارالكرى عن موق عيني وفرّا *** وقزيت من نومي طرالي طواري
وابديت من جاش الحشا ماتدرّا *** واسهرت من حولي بكثر الهذاري
خـط ٍ لـفاني زاد قلبي بحرّا *** من شاكي ٍ ضيم النـيا والعـزاري
سـر ياقلم وإكتب على ماتـورّا *** أزكي سلام لإبـن عـمي مشاري
شيّخ ٍعلى درب الشجاعة مضرّا *** من لابـة ٍ يوم الملاقـا ضواري
ياما سهـرنا حـاكم ٍ ما يطرّا *** واليـوم دنيـاً ضاع فيها افتكاري
أشكي لمن يبكي له الجود طرّا *** ضـرّاب هامـات العـدا مـايداري
يـاحيف ياخطوالشجاع المضرّا *** في مصر مملوكٍ لحمر العتاري
من الزاد غادٍ له سنامٍ وصرّا *** من الذل شبعان من العـز عـاري
وش عـاد لو تلبس حريرٍ يجرّا *** ومـتوّج ٍ تاج الذهـب بالـزراري
فـ دنياك يابن العم هذي مغرّا *** ولاخير في دنيـا تـورّي العزاري
تسقـيك حلو ٍثم تسـقيك مرّا *** ولـذ اتـها بين البـرايا عـواري
إكفـخ بجنحان السعد لاتدرّا *** فـا لعمر ما ياقـاه كثر المـداري
مـافي يد المخلوق نفع وضرّا *** مـا قدر الباري على العبد جاري
وإسلم وسلم لي على من تورّا *** وأذكر لهم حالي وماكان جـاري
إن سـايلوا عني فحالي تسرّا *** قـبقـب شراع العز لو كـنت داري
يوم إن كل من خويه تبـرّا *** حطيت (الأجـرب) لي عميل مباري
نعم الرفيق إلى سطا ثم جرّا *** يـودع مناعـير النـشامى حـباري
رميت عني برقع الذل بـرّا *** ولاخـير في من لايدوس المحـاري
يبقى الفخر وأنا بقبري معرّا *** وأفـعال تـركي مثل شمس النهاري
أحصنت نجد عقب ماهي تطرّا ***مصيونة عن حر لفـح الضـواري
ونزلتها غصبٍ بخير وشّـرا *** وجمعت شـمل بالقـرايا و قـاري
والشرع فيها قد مشى واستمرّا *** ويقـرا بنا درس الضحى كل قـاري
زال الهوى والغيّ عنها وفرّا *** ويقضي بها القاضي بليـا مصاري
وإن سلت عمن قال لي لاتزرّا *** نجـد غدت باب بـليـا سواري
ومن آمن الجاني كفى ماتحرّا *** وتـازي حريمة بالقـرايا وقـاري
واجهدت في طلب العلالين قرّا *** وطاب الكرى مع لابسات الخزاري
من غاص غبات البحر جاب درّا *** ويحمد مصابيح السرى كل ساري
وأنا احمد اللي جاب لي ماتحرّا *** واذهب غبـار الذل عني وطـاري
والعمـر مايزداد مثـقال ذرّا *** عـمر الفتى والرزق في كف باري
وصلاه ربي عـد ماخط بالرّا *** على النبـي ماطاف بالبـيت عاري
تركي بن عبدالله آل سعود
والاجرب سيفه
وهو ينقاله راعي الاجرب!
وتحياتنا ألك!
المشتاق15
18-03-2002, 10:07 PM
صح لسانك فارس الفارس وكثر الله من امثالك ,.
راعي الأوله
19-03-2002, 12:54 AM
خلاص خلصها عمرو بن ام كلثوم
الا وش قصة مركز الارض المسطحة
فارس الفارس
19-03-2002, 11:10 AM
عمرو بن كلثوم الف شكر لك وتقدير ومحبه
على هذا الجهد الرائع
المشتاق 15
تحياتي لك والشكر لعمرو بن كلثوم
لراعي الاولة تحياتي لك
عمروبن كلثوم
21-03-2002, 11:37 AM
السلام عليكم ورحمة الله وبركاته
عند عينك اخوي أطلب اي قصيده قيلت
على وجه هذه الاض المسطحه وانا اجيبها لك!:Dهع
راعي الاوله : ماتدري ان الارض مسطحه!:eek:
وانها هي محور الكون:eek:
وان عرعر هي مركزها:eek:
وين عايش يارجال!
ياهملالي هيهي هيه لابالله!
يالعين فرقاك مار ليانعمى ذيّا:(
ولاشكر على واجب يافارس:)
وبنجوووووور على قولة خوالي!
راعي الأوله
22-03-2002, 03:22 AM
عمرو بن كلثوم
تحياتي
الارض مسطحة ممكن نتناقش فيها ومحور الكون كذلك
مركزها عرعر كثر لي منها
ذكرتني
وانا احمد الله سالمن من شطنها ### و مكيف ما بين عرعر وابا القور