ماهو رأيك في تعدد الزوجات ........... موضوع يجب النقاش فيه

[صفق الهوى]

هلا اخواني واخواتي ...

لاحظت من بدايه ما التحقت في المنتدى ان ماعرض تقريبا موضوع يجب الحوار فيه والنقاش ...
ويجوز انه عرض بس ماشفته .. المهم مانبي نطول عليكم ..

خلونا نشوف موضوع تعدد الزوجات فأرجوا من الجميع المشاركه والتعليق بما عنده ..

اولا ابدأ بنفسي ....
صحيح اني ماتزوجت وبدري على الزواج لصغر سني بس الواحد لايخلو من النظريات ووجهات النظر
فأرى بوجه نظري ان الزواج لاكثر من وحده ليس صحيحا يعني غلط يعني ماله داعي ..
والاسباب :
غالبا مايسبب الشتات بين الزوجتين ..
غالبا مايسبب الشتات بين ابناء الزوجه الاولى وابناء الثانيه ..
تزداد الغيره من الاولى او الثانيه على بعضهن البعض .. فلو الزوج دلل زوجته الاولى بنظره انها الاولى وفيه عشرت عمر يعني يقدرها تغار الثانيه ولو الزوج دلل الثانيه لانها توها جديده ويمكن تكون صغيره ويبي يدلعها تغار الاولى ... وكذا الرجال يبي يصير محتاااااااار بقوه ..
ولكن في بعض الاحيان وهذا نااااادر ان تتفق الزوجات مع بعض ويكونون خوات بدل مايكونون جارات ..
تزداد المصاريف العائليه يعني اذا جبت لفلانه لاااااااااازم تجيب لعلانه ..
واذا جبت لولد فلانه لعبه او هديه لااااازم تجيب لولد علانه نفس الشئ
يعني اي شئ تجيبه للبيت تسوي له دبل يعني للاولى او للثانيه ؟
فما بالك لو صاروا 3 او 4 وربي ينتحر ..
بتصير هناك مشادات كلاميه واحتمال ان ينتج عنها اصابات او ضحايا ويجي ولد فلانه فزاع لامه ويروح يدبج ولد علانه لان فلانه ضربت علانه ويروح يجمع ربعه وعيال الحاره ويروحون يضربون ولد فلانه لانه طقه ولد علانه ... يعني بالعربي تبي تصير حرب داح والغبراء ...
و
و
و
وفيه حاجات كثيييييره انا ماادري عنها وارجع واقول انا ماتزوجت وبدري على الزواج للي مثلي . ولكن اللي تزوجوا عندهم خبره بالحاجات هذي وابي مشاركتهم ...

ولكن اؤيد الزواج لاكثر من زوجه اذا كان :
الزوجه الاولى ماتحمل يعني بالعربي الواحد يبي احد يشيل اسمه من بعده ويبي ولد يستند عليه لامن قسى الوقت ,,
او ان الزوجه مقصره في حقه يعني مو معطيته حقوقه الكامله من اي ناحيه كانت .. الخدمه ، المعامله ، الاسلوب ، الاحترام ، ارضاء الشهوه ، القيام بأمور البيت ، القيام بما يطلبه الزوج منها ،
وانا اقول اذا كانت الزوجه كذا لاتتزوج عليها بالعكس الا شوتها لبيت ابوها لانها مو قد الزواج ولا المسؤوليه
وانا اعتبر الزواج مسؤوليه .............................. في وجهة نظري

وفيه اسباب كثيره تخلي الواحد يتزوج اكثر من وحده
فيه ناس يقولون ابي الناس تتكلم ان عندي 2او 3 او 4 زوجات
ابي عيال كثار
ابي اذادخلت مجلس رجال ابي المجلس يتعبى من العيال وهذا وجهي :p اذا ااحد من عياله راح لعزيمه وحده ,.,,

المهم شكلي طولت عليكم ....

ممكن اشوف مشاركاتكم واللي مايشارك ياويله ....:mad:

:mad: <<====== زين وجهي وانا اهدد

المهم لاتعتبرون الموضوع مزح فعلا ابي المشاركه والتعليق على كلامي اذا كان صح قول واذا كان خطا قول واذا عندك انت كلام قول واذا ماعندك كلام حاول تجيب كلام

المهم انتظر المشاركه

:) :) :) :) :)

[فارس الفارس]

التعدد سنه

ولكن العدل واجب
فهل كل المعددين عادلون


وهل اصبح التعدد فعلا ضرورة

التعدد لايستطيع ان يقوم به الكل

لانه لابد من المتعدد ان يكون عادل

قادر


وهكذا


اما شبابنا اليوم فهم لاستطيعوا العدل مع واحدة

فكيف باكثر منها :p :p

[صفق الهوى]

انا ماقلت شئ من ناحيه انه سنه او حرام ..

هو صحيح انه سنه بس مشكله العدل بين الزوجات
وفيه مشكله ثانيه الخلافات والتغيرات اللي راح تصير في البيت

طيب الحين ابي اسألك سؤال ...
افرض انت جيت من برى ومتعود كل مره تجي الا اللي انت تبي موجود سواء شئ تشربه تاكله تحتاج له في الوقت المحدد مثل الدواء او الملابس ماغسلت او ماكويت

والبيت فيه 3 زوجات .. مين راح تعاتب ..:confused: :confused:

اذا رحت للاولى تقول دور فلانه واذا رحت لفلانه تحلف وتقسم لك ان دور علانه واذا رحت لعلانه يمكن توصل معاها انها تطلقك انه دور ام صويلح ..
بس لو كان عندك زوجه ؟؟؟؟؟؟؟
تعرف مين تعاتب وتعرف كيف تعلمها غلطها ؟ لان هناك زوجه وحده وهي المسؤوله عنك ..

وبعدين مشكله العدل ..
الواحد ماعدل على نفسه من الواجبات اللي يسويها لنفسه من ناحيه الراحه والنوم والاكل والشرب وتسوي لها اللازم من رياضه وسباحه وغيرها كيف تبي يعدل مع زوجاته ؟؟؟؟


على العموم مشاركه جميله وانا شاكر لك ؟؟ وننتظر اذا عندك شئ تقوله او تطرحه بس انتبه لاتكفر فيه ؟؟

للتذكير فقط " مثنى وثلاث ورباع .. وان خفتوا ان لا تعدلوا فواااااااااااحده""

والف شكر لك:) :) :) :)


:p <<======== وربي شكل هذا ماراح يتزوج ابد

هذا = انا اللي اكلمكم :p :p

[فارس الفارس]

(على العموم مشاركه جميله وانا شاكر لك ؟؟ وننتظر اذا عندك شئ تقوله او تطرحه بس انتبه لاتكفر فيه ؟؟ )




ماذا تقصد بالظبط ؟





ثانيا اخي الفتاة الان تعودت على الافلام
والمسلسلات التى تبين

ان الزوجه الثانيه شيطان فلابد من كرهها

وغيره ؟؟؟؟

[صفق الهوى]

هههههههههههااااااي مافهمت :p :p اوكي اشرح لك ..
اول الكلام شكله واضح يعني than you:D يعني مغيسي يعني قراسياس يعني شيشاني يعني شكريا يعني تونق قنغ



:p <<======== لغات العالم هههههاااااي
المهم تراني امزح

قصدي اذا عندك تعليق او شئ تطرحه يعني تعرضه وكملت عليها ولكن جبتها بطريقه يعني الضرب والعنف نوع من المزاح بس شكلك مافهمتها زين

على العموم البلا كله من المسلسلات والافلام وبالذات مسلسل معروف عند كل مرأه وغصب عليها انها شافته واذا ماشافته عرفت القصه كلها ... وهو مسلسل "الحج متولي " انا بصراحه ماشفته بس سمعت عنه

لاتاخذ الموضوع اني اسوق للمسلسل هذا بالعكس فيه افلام تغير من طبيعه المجتمع وتصرفاته سواء كان للاحسن او الاسوأ وانا ماادري المسلسل اي الانواع لاني ماشفته ,,

وارجع واقول اذا عندك تعليق اعرضه (اطرحه) عشان ننقاشه

والف شكر لتواصلك معي

;) ;) ;) ;) ;) ;) ;) ;)

[راعي الأوله]

معليش انا استعرضت الموضوع بسرعة


بصراحة الموضوع محسوم ولا نقاش فيه


ارجعو الى القران وستجدون الامر واضحا جليا



يعني ما يبيلها مناقشة

[زهرة الكركديه]

ان كان مضطر لسبب واضح كمرض الزوجة الدائم أو عدم قدرتها على الحمل ..أو لمسألة تأديبها ان لم تنجح معها الوسائل الاخرى ..نعم يتزوج عليها.....أم ان كان من أجل لا شىء سوى لتمتيع نفسه دون سبب واضح فالأفضل ان يراجع نفسه لأن ما يقدم عليه خطأ ..
أنا ضد تعدد الزوجات ان لم يوجد سبب شرعى ..قلبا وقالبا....
وارى الرجل الذى يفعل ذلك حقيرا وجاحدا وخسارة العشرة وياه....
(( هذه قصة حدثت قريبا ومنذ عدة أيام فقط ))
رجل متزوج منذ ما يقارب العشر سنوات....ولديه من الابناء سبعة بنيات وصبى (( أليست هذه نعمة ))....
والطفلة السابعة أتت على هذه الدنيا منذ عدة أيام فقط ..بدل ان يقدم لها وردة أو كوب ماء أو يقول له ..يعطيج العافية ولا حرمنى الله منج قالها أنا خطبت عليج وبتزوج ....ما السبب ..(( مجهول ..أو ربما لأنه غضب عندما أنجبت له زوجته بنتا سابعة ))
بعد أن أرهقها بالحمل والأولاد وسلب صحتها بعناده واصراره على ان تواصل الحمل كافأها بزوجة أخرى....أليست هذه حقارة أليست نذالة على الأقل اصبر حتى تتعدى زوجتك هذه المرحلة....وبعدها بالشل اللى يشلك روح التعن تزوج ..مديون وبيت بالأجار والحالة حالة...وين عقله ها الانسان انا مادري كيف يفكر وليش سوى جذى ...

[SAUD33]

قال تعالى {{ وانكحوا ما طاب لكم من النساء مثنى وثلاث ورباع وان خفتم ألا تعدلوا فواحدة }}

[ريم المها]

قد حسمه الشرع.........

[صفق الهوى]

انا معك في ان القران حسم الامر ..
والدين الاسلامي ماخلى لا كبيره ولا صغيره الا وضحها لنا

بس انا طرحت الموضوع عشان نعرف وجهات النظر لا اكثر ولا اقل

وشكرا على الرد وحياك الله ..:) :)

[صفق الهوى]

يعني انتي معي في ان تعدد الزوجات من غير سبب ماله داعي ..

ومشكوره على المشاركه الحلوه وشكرا على القصه اللي المفروض ان الواحد يعتبر منها يعني من ناحيه العشره ووووووو

والف شكر على المشاركه مره ثانيه :) :)

[صفق الهوى]

انا ماقلت شئ بس والله ودي بوجه نظركم ايش

يعني تؤيد تعدد الزوجات او لا ...؟:confused: :confused:

[فارس الفارس]

الاخ صفق الهوى هذا رابط ربما يفيد http://www.swalif.net/sforum1/showthread.php?threadid=137823




الاخت زهرة الكركديه

هل هي قصة حقيقيه ام ماذا ؟

[صفق الهوى]

مشكور على الرابط اللي حطيته ووشفته والف شكر لك ...

وبعدين ترى اللي قالت زهره ولا شئ ..يعني نقطه من بحر والخاااااااافي اعظم

بس مانقول الا ان الله يوفقنا ويعم السعاده بين المتزوجين ..

اوه نسيت ويزوجني انا مع اني داري ان ماراح اتزوج اذا هذا كلامي :D :D :D :D

والف شكر على المشاركه
;)