الله بالخير يا ربعي .... أبغا أهل الخبره في الجيوب والدفع الرباعي

[M5]

طبعاً موضوعي هو كله عباره عن استشاره عن سياره معروضه للبيع ..

لكن قبلها ..

اللي أنا اعرفه ان سيارات الدفع الرباعي يعتمد تفوقها .. على توفير عزم كبير وعلى دورات منخفضه للمحرك .. بالإضافه الى نقل الحركه الى العجلات الأربعه كااااملةً ...

فما أدري هل نظرتي هذي صحيحه ..

تروني ما أفهم في الجيوب كثير .. :(

يعني لما تكون السياره ذات خلوص عالى ومحرك قوي يدفعها بدون مجهود كبير .. ودفع رباعي كامل للعجلات .. ما تصير جيب ممتاز وقوي ؟؟


طيب أخش في الموضوع أحسن :)

لقيت جمس ( GMC ) بليزر موديل 79 م :eek:

http://a332.g.akamai.net/f/332/936/12h/www.edmunds.com/pictures/33691.jpg

بصراحه اللي عجبني في السياره ..
- خلوصها المرتفع عن الأرض
- محركها V8 5.7 .. كاربوريتر ..
- قير اوتوماتيك
- قير الدبل فيها غريب شوي :confused: .. وفيه خمس وضعيات كالتالي :
( N ) - ( 4H ) - ( 4H louck ) - ( 4L ) - ( 4L louck )



المهم .. السياره نظيفه .. من الخارج ومحركها نظيف .. ومعروضه بسعر 5000 ريال ..


الســـــؤال :
ياترى تسوى المبلغ ذا .. والا ما تسوى ?? :rolleyes:

وقبلها .... هل البليزر يعتبر من سيارات الجيوب اللي يقال عنها " تقدر تروح فيه أي مكان " ؟؟







بانتظار أصحاب الخبره في هذا المجال :)

[برامبيل]

بس نصحيتي عق الامريكي في الزباله منها مقاطعة ومنها تحشي الاعطال وخشولة السيارة اذا طولت سنتين بس...

يلا سلااامي

[M5]

مشكور أخوي برامبيل على ردك ومشاركتك .. :)
ولو ان أغلب الكلام ما فهمته ;)

لكن أعتقد ان قصدك ان الأمريكي ما يعيش أكثر من سنتين .. وبعدها تبدأ الخرابات ..
بس السياره اللي اتكلم عنها موديل 1979م .. يعني قبل 23 ســـنـــه ... its too old !!!
يعني ما حبكت تخرب بعد العمر الطويل هذا .. الا بعد سنتين !!!


عموماً أنا ودي أسمع رأي واحد خبير ومجرب سيارات دفع رباعي .. ويحب يطلع للبر كثير :)
وطبعاً ياليت لو كان مجرب بلايزر V8 :cool:

[Oettinger]

M5
سلااااااااااااام عزيزي

خلينا في موضوعن بالنسبة للبليزر
عندنا في البلد معروف بقوته المهولة!!!!!!! يعني باختصار مال بر وطعوس اللي تفكر فيه!! حتى لو زهقت من الهوندا تقدر تدوسها به!!
وطبعا هو الاب الروحي لليوكون GT حبيبتي!!!
4H louck ) - ( 4L louck
يمكن قصدك lock?!! ولا انا غلطان؟؟
هذي الوضعية تقفل الدفرنش مع كل العجلات ، يعني العزم يتوزع بالتساوي على الاربع ، بدون مايكون مثلا للعجلة اللي تماسكها هو الاقوى!! وهذي خاصية مهمة لبعض الحالات اللي ما افهم فيها انا بس هذي ميزة!! وتلاقيها متوفرة بعد في اللكزس LX470

ومديلات القديمة مثل ال 79 قوية بشكل مو معقول!! فاذا عاجبتنك السيارة توكل على الله وخذها بس حاكره في السعر اذا انت تشوف انها تستاهل اقل!! ولا هو السعر زين
وعلى فكرة!! المكينة اذا حربت تقدر تركب اليها مكينة جديدة بسعر رخيص!! تعرف انت الامريكي كيف!! كل شي يمشي!! والله يخلي الامارات
وكمان اذا شريتها يا بو عبدالله مايفوتك تتأكد منها كلها!! يعني صيانة شاملة واهم شي نظام التعليق والبريكات والقير!!

عسى بس افدناك ولو بشكل بسيييييييط

[L.O CUSTOMS]

رد مقتبس من Oettinger
M5
سلااااااااااااام عزيزي

خلينا في موضوعن بالنسبة للبليزر
عندنا في البلد معروف بقوته المهولة!!!!!!! يعني باختصار مال بر وطعوس اللي تفكر فيه!! حتى لو زهقت من الهوندا تقدر تدوسها به!!
وطبعا هو الاب الروحي لليوكون GT حبيبتي!!!
4H louck ) - ( 4L louck
يمكن قصدك lock?!! ولا انا غلطان؟؟
هذي الوضعية تقفل الدفرنش مع كل العجلات ، يعني العزم يتوزع بالتساوي على الاربع ، بدون مايكون مثلا للعجلة اللي تماسكها هو الاقوى!! وهذي خاصية مهمة لبعض الحالات اللي ما افهم فيها انا بس هذي ميزة!! وتلاقيها متوفرة بعد في اللكزس LX470

ومديلات القديمة مثل ال 79 قوية بشكل مو معقول!! فاذا عاجبتنك السيارة توكل على الله وخذها بس حاكره في السعر اذا انت تشوف انها تستاهل اقل!! ولا هو السعر زين
وعلى فكرة!! المكينة اذا حربت تقدر تركب اليها مكينة جديدة بسعر رخيص!! تعرف انت الامريكي كيف!! كل شي يمشي!! والله يخلي الامارات
وكمان اذا شريتها يا بو عبدالله مايفوتك تتأكد منها كلها!! يعني صيانة شاملة واهم شي نظام التعليق والبريكات والقير!!

عسى بس افدناك ولو بشكل بسيييييييط


اوتنجر ما قصر :D :D :D

لاكن عندي تعليق بسيط
بالنسبه للبودي إنت متأكد إنه سليم 100%100
لإن السعر الي إنت ذكرته رخيص مره بالنسبه لسياره بهاذي القدرات

بعدين الشي الثاني
لاتنسى تربط محطة بنزين وراك:D :D ;) :p


طيب ما لقيت مثل هاذا:
http://commerce.breathemedia.com/JeepEdge/images/Gallery/0/Shot12.jpg
http://commerce.breathemedia.com/JeepEdge/Runs/Borrego42K1/Images/SlotTopBeautyShot.jpg

[M5]

Oettinger العزيز

بصراحه كلامك يشجعني اني أشتري السياره .. :)

وبالنسبه للكلمة اللي مكتوبه على قير الدبل ما دققت بصراحه بس أعتقد انها اللي قلت عليها " lock "

واللي شجعني عليها الصراحه .. هو رخص قطع غيارها بشكل كبير جداً .. يعني لو طلع في السياره مشاكل .. مهي ذيك المشكله .. ( محرك مضمون 6 شهور بـ 2000 ريال !!! ) يا بلاش ..
وبالنسبه للصيانه أخوي علي لا تشيل هم .. خويك ميكانيكي :cool:


LH
الله يعطيك العافيه ويطوللي عمرك .. ما قصرت
وترا السياره بوديها يعتبر نظيف جداً لسياره عمرها 23 ســنــه .. حتى الداخليه ... هي مشكلتها الوحيده في المكيف
مو شغال :(


عموماً أنا ان شاء الله اليوم رايح المعرض أشوف السياره ... وبأقرر بإذن الله ... يا أشتري .. يا ما أشتري :)

[L.O CUSTOMS]

الله يخليك حبيبي
هاذا واجب:D :D ;)
وإذا كانت المشكله في المكيف فانا اعتقد إنه مافي مشكله
رهم له كمبريسر كرسيدا وإنتها الموضوع
وانا اظمن لك التجمد بالسياره 100%100:D :D :D

[E55]

موديل 79 ممكن تسجلها في المرور ؟؟

بالنسبة للسيارة ، ما أقدر أفيدك لكن سبق لأخوي تجربة GMC بيك أب أعتقد إنه كان موديل 80 أو 81

وأذكر إنه كان جير عادي ومن 3 غيارات بس + حرف L !!!

وكان مزود بنفس المحرك V8 454 وعليه كاربريتر هولي

وكان قوي جداً بالنسبة لحجمه ووزنه

إذا كنت ماخذها For Fun :) فتوكل على الله

[M5]

أخجلتوني بصراحه بتفاعلكم :o

رحت اليوم للمعارض وكشفت على السياره ... اتضح ان فيها
- تهريب زيت من المحرك ..
- وتحتاج الى طقم كفرات ..
- واصلاح الكبروسور .... و بس

والرجال مصر على الـ 5000 ريال !!! :confused:


LH
اذا وقفت البيعه على التكييف .. في ستين داهيه على التكييف .. لأن استخدامي للسياره راح يكون في مناطق جبليه بارده نسبياً ..
واذا مستقبلاً تسهلت الأمور .. ضبّطنا المكيف ..
مشكور يالغالي :)


E55
ما نشوفك الا في السنه حسنه .. ومن حسن حظي ان موضوعي صادف حسنتك السنويه :)

مشكور أخوي على المشاركه .. والبليزر اللي أنا لقيته ضعيف ومسكين مو مثل بيك أب أخوك ( ما شاء الله ) .. :)
هذا يالحبيب قير أوتومايك ( أتوقع انه 3 نمبر ) ومحركه 350 كاربوريتر ..

وأنا أغلب استخدامي للسياره راح يكون شغال فيها الدبل .. لأني بمشي فيه في مناطق وعره وجبال وتضاريس قاسيه .. تخللها أحياناً صعود منحدرات شديده ------------- ( صار همر هذا مو بليزر :) )
والاستخدام هذا في حد ذاته اعتبره قمة الـ Fun ;)


عموماً ما قصرتوا يا شباب والله يعطيكم العافيه :)

[Oettinger]

تهريب الزيت ما اعتقد انه مشكلة!!!
يمكن صوقة المكينة سعرها30 الى 50 ريال ، سواء الامامية او الخلفية اللي عند القير ، اذا كانت الخلفية لازم يتنزل القير!! وسهلة هذي بعد مو صعبة لأنك بتشتري امريكي!!

- اذا كان البدي مسمكر ومايحتاج تصليح ابدا!! 5000 لاباس فيها!!
- طقم كفرات اذا كانوا 16 انصحك بالبرلي قيمته 400 ريال للحبة ، ممتاز ومجربينه على جيب لكزس وهااااااادء وقوي
- الكمبروسور هذا مشكلة!! انو الاصلي غالي!!!! الا اذا بتشوف من التشليح او ترهم اله شي!! بس بتكلفك 600 ريال وفوق حسب علمي!!
- اذا حطيت عليه كفرات محترمة حق جبال بيعجيك!! زي الهمر!!


عموما ماقلتنا!! وين بتسوقه؟!!!!!!!!! في اي منطقة؟!!