ريما.....
15-04-2002, 01:09 AM
خطيبتي ... ماخذتن عقلي ...
لكن وش نسوي ... الزواج شرن لابدّ منه ....
ومثل ما انتم عارفين ...
البنات مثل الجـح .... يا حلوه و حمراء .... والا سامجه وشينه
و الجـحّه امرها هيّن ... يطقطق عليها اهل الخبره ... ويعرفون الحمراء من البيضاء
لكن الوالده - اطال الله في عمرها - طقطقتها للبنت ما ينوثق فيها لعدة اسباب:
1 - امي تعتبر درجة الجمال من درجة البياض
ولو كانت البنيّه حلوه وزينه وبياضها لك عليه ... ما تعترف بها ... وتسميها شيفه
2 - المتينه والمربربه تعتبر من اجمل الاجسام في نظرها - حفظها الله -
ولو شافت جسم عارضة ازياء بخصرها النحيل قالت عنها سلقه
3 - امي لو حطّت عينها على وحده .. مستحيل تدوّر على غيرها
وبتقعد تعيب على البنات الباقيات حتى تقنعني غصب ...لانها خلاص ما تشوف الا فلانه
4 - الاوصاف عند امي رايحه فيها وما توكل عيش في زمن العولمه .. والانترنت
وإليكم مثال بسيط ( محادثه ) ... حدثت بعد عودة الوالده من عزيمه فيها رهط من البنات
انا .....: وش اخبار البنات ... ما تطرّحتي لي على وحده ؟!!
الوالده :الا بلا .... ويا كثرهن .... بس انت بتصمل !!!
انا .....:طيب نبي وصف لأحلى وحده فيهن ...ابيها نقوه .. مهوب شغل شختك بختك
الوالده :كلهن سامجات ومابهن حلى مغير فلانه .... ماشاء الله .. لا اله الا الله .... زين وملح
انا .....:طيّب وصّفيها لي ... يمكن ما تنفع ؟؟!! كيف عيونها ؟؟
الوالده : عيونها هذي كبرها ( واشارة بكف يدها مع حني الاصابع للامام قليلا )
انا ..... : هذي انوار سياره ... مهيب عيون !!!!!!!!!!
الوالده : هذا الزين ... اجل تبيهن تسنهن قشم فصفص
انا ..... : والخشم طيب ؟؟؟
الوالده : ماشاء الله..... سلّة سيف
انا ..... : ؟؟؟؟ ؟؟؟؟
طيب ... والشعر ؟؟
الوالده : قرونها تاصل ظهرها ... لا اله الا الله
انا ..... : قرونها ؟؟ وشو قرونه بس ؟؟ شكلتس توصفين خروفهم مهوب بنتهم
طيب ...كم عمرها ؟ عساها صغيره ؟
الوالده : هه ... يعني ... جذعه ...... توّها فاصختن السبع طعش
انا ..... :فاصخه؟؟؟؟!!!!!!
خلصت المحادثه .... وخرجت مثل ما دخلت ... ما فهمت شي
بالله هذي اوصاف تنفهم ... ولمن ؟؟ ... لشريكة العمر الجايه
لكن الوصف كلّه يهون الا فاصخه ... امي لو يدرون عنها مدينة الملك عبدالعزيز كان ما نقدر ناخذ الاوصاف منها الا ببروكسي
انا عارف انكم بتقولون رح اسعل اختك ... يمكن تكون اقرب لك ولفهمك
واللي ما عنده اخت وش يسوي
بعد هالمداولات .. والاوصاف المبهمه ( اللي ما توكل عيش )
قررت اني اتصرف تصرف يغنيني عن السوعال .... والسوعال لغير الله مذلّه
فقلت لازم انفذ الخطّه
انتظرت اليوم المحدد لتنفيذ الخطّه
في يوم كان عندنا ( عزيمه ) ... عشاء
وكانت طويلة العمر من ضمن المعازيم هي وأهلها
وبحكم اني راعي محل .. قلت في نفسي خلاص .. جاك الفرج .. والبنت جتك برجليها
لازم اتشوّف لها ... لعل وعسى
وأقوم ذيك الليله ادّهر صب قهوه وشاهي .. حتى اخواني الصغار استغربوا .... وش جاه هذا ؟؟ لا .... واحلف بعد عليهم
ان ما يصبها الا انا .... مهوب حبّ فيهم ولا حب في الصب
كل هذا علشان اجيبها واوديها للمطبخ يمكن اقابل ( احلى وحده في العالم ) حسب وصف الوالده
لكن ما اشوف احد غريب في المطبخ ورقبتي انكسرت من كثر الطلطله على الصاله وانا رايح جاي .... لكن ماش
ما قدرت اشوف غير بزارينهم.وشغالاتهم ... شكلهم قاعدين في مجلس الحريم
ويأست من كل المحاولات وقلت يمكنّهم ما جو .. وكنت خلاص متحطم الين جاني شوشو
وركّب في راسي الفكره اللي هيّه
رحت لأخوها في المجلس وقعدت جمبه ( حركات ) وسعلته:
أهلك جايين معك ؟؟ ... رد علي وقال : بعضهم جو ...
قلت في نفسي يالله عسى انها من بعضهم
وبعد العشاء ... لزقت لزقتن شينه في الرجال ...
عرضت عليه انه يطلع معي نتمشى الين يخلصون اهله ( قبلها ما بيني وبينه الا سلام بس )
ورحنا ندوج في الشوارع ... ابي اضيع الوقت باللي هي به
واقوم اعطيه من الرخيص اللي عندي ومضيّق علي ... الين جت الساعه حول وحده الليل
واقوم واصفط على جمب ... واقول له الظاهر ان الموتر بنشر .. دقيقه اغير الكفر واجي
بغى الرجال ينزل يعاوني ( مصدق المسيكين ) .... لكن حلفت عليه انه يقعد بالموتر لا يوصخ ملابسه
وانزل العدّه وافكّ الكفر البرئ.. وأوقف اقرب ليموزين .. يوم ركبت وتواسيت انا وكفري قلت لأخوها من ورى الدريشه اني بروح
للبنشر انفخ الكفر وارجع ... لا يتعدى الين اجي
وطيران على البيت ... يوم وصلت لقيت كل المعازيم خذوا اهلهم وراحوا الا الضعيّف اللي اكل الطعم وقاعد ينتظرني
رحت اسحب نفسي شوي شوي ... واحيانا زحف عند دريشة مجلس الحريم ... وانا ادعي الله ان البنت جايه عندنا
يوم وصلت للدريشه وقفّت اتأمل الموجودين فيها
وبحكم انّي في الظلام والغرفه منوره ... قدرت اشوف براحتي من غير ما احد يحسّ بوجودي
ما شفت غير امي و أمها و أختها الصغيره ... بس لكن هي ما شفتها !!
رجعت جهة مدخل الرججيل ... وناديت امّي ( يقالي عاقل ) وسألتها :
فلانه جايه مع اهلها والا ما جت ؟؟؟
ابتسمت الوالده ابتسامه خبيثه لا تقلّ عن خباثة سؤال ولدها وقالت :
ايـــــه فــيـــه ...... وشفيك تسأل عنها ؟؟!!
قلت لها : لا ابد ... بس سوعال عابر ... بعدها تركتها ورجعت لدريشتي
الحين انا متعكّد ميه بالميه انها موجوده ... بس وينها ؟؟!!
لي أكثر من عشر دقايق راجع للدريشه .. لا حس ولا خبر ... هي وين راحت ؟؟!!
قلت في نفسي يمكن ظروفها والحمّام مهوب بعيد .... وبترجع بعد شوي
انتظرت .... ثم انتظرت .... ثم انتظرت ربع ساعه .... نص ساعه ..
ّي سوالف وضحك مع امها ( حماتي بعدين ) .. وأختها الصغيره نامت
وانا طقّني البرد ... انتظر ( راعية المغص ) تتشرف وتطلع من الحمام .... لكن!!!!!!!
قطع حبل افكاري صوت جوالي يدقّ ..
طلع أخوها .... الو .... وينك ؟ عسى ماشر ؟؟ ما صار بنشر ذا ؟؟!!
ردّيت عليه : السالفه شكلها بتطوّل .... راعي البنشر دخل الحمّام ولا طلع
قفّل السياره وارجع بلموزين .... انا بتأخر عليك
بعدها بشوي جاء اخوها ... وطقّ الباب ونادى اهله .... وانا اراقب من الدريشه
قامت امّه وشالت اخته الصغيره .... وامي قامت معهم تودّعهم
وسمعت امي تقول :
سلمي لي على امّتس يا بنيتي... وما تشوف شرّ
طرطراااااااااخ طرابييييييييييخ
( صوت وجه يطيح )
هالحين هالقصيره هالمدرمحه هاللي تسنها حبّة قهوه ... طلعت خطيبتي
وانا اللي احسبها امّها ........ وااااااااااااااااااااع ... واااااااااااااااااااع
يا حسافة شبابك يا بوعاابد
والله لو اني البس دبلة خطوبه اني لافصخها وافلقها فيها
بس تحمد ربّها ان ما بعد صار شي ... وما تتدبّست فيها
هذي يا امي هي ملكة الجمال ؟؟؟؟ هذي هي الزين والملح ؟؟؟؟
وين راحت شروطي ومواصفاتي
نصيحتي لكم ... لا أحد يوصي امه تخطب له ... الا اذا صار عندهم دريشه
(( منقول من منتدى آخر على لسان صاحبه صاحب القصه ))
وشكرا .....
اختكم ....ريما .....
لكن وش نسوي ... الزواج شرن لابدّ منه ....
ومثل ما انتم عارفين ...
البنات مثل الجـح .... يا حلوه و حمراء .... والا سامجه وشينه
و الجـحّه امرها هيّن ... يطقطق عليها اهل الخبره ... ويعرفون الحمراء من البيضاء
لكن الوالده - اطال الله في عمرها - طقطقتها للبنت ما ينوثق فيها لعدة اسباب:
1 - امي تعتبر درجة الجمال من درجة البياض
ولو كانت البنيّه حلوه وزينه وبياضها لك عليه ... ما تعترف بها ... وتسميها شيفه
2 - المتينه والمربربه تعتبر من اجمل الاجسام في نظرها - حفظها الله -
ولو شافت جسم عارضة ازياء بخصرها النحيل قالت عنها سلقه
3 - امي لو حطّت عينها على وحده .. مستحيل تدوّر على غيرها
وبتقعد تعيب على البنات الباقيات حتى تقنعني غصب ...لانها خلاص ما تشوف الا فلانه
4 - الاوصاف عند امي رايحه فيها وما توكل عيش في زمن العولمه .. والانترنت
وإليكم مثال بسيط ( محادثه ) ... حدثت بعد عودة الوالده من عزيمه فيها رهط من البنات
انا .....: وش اخبار البنات ... ما تطرّحتي لي على وحده ؟!!
الوالده :الا بلا .... ويا كثرهن .... بس انت بتصمل !!!
انا .....:طيب نبي وصف لأحلى وحده فيهن ...ابيها نقوه .. مهوب شغل شختك بختك
الوالده :كلهن سامجات ومابهن حلى مغير فلانه .... ماشاء الله .. لا اله الا الله .... زين وملح
انا .....:طيّب وصّفيها لي ... يمكن ما تنفع ؟؟!! كيف عيونها ؟؟
الوالده : عيونها هذي كبرها ( واشارة بكف يدها مع حني الاصابع للامام قليلا )
انا ..... : هذي انوار سياره ... مهيب عيون !!!!!!!!!!
الوالده : هذا الزين ... اجل تبيهن تسنهن قشم فصفص
انا ..... : والخشم طيب ؟؟؟
الوالده : ماشاء الله..... سلّة سيف
انا ..... : ؟؟؟؟ ؟؟؟؟
طيب ... والشعر ؟؟
الوالده : قرونها تاصل ظهرها ... لا اله الا الله
انا ..... : قرونها ؟؟ وشو قرونه بس ؟؟ شكلتس توصفين خروفهم مهوب بنتهم
طيب ...كم عمرها ؟ عساها صغيره ؟
الوالده : هه ... يعني ... جذعه ...... توّها فاصختن السبع طعش
انا ..... :فاصخه؟؟؟؟!!!!!!
خلصت المحادثه .... وخرجت مثل ما دخلت ... ما فهمت شي
بالله هذي اوصاف تنفهم ... ولمن ؟؟ ... لشريكة العمر الجايه
لكن الوصف كلّه يهون الا فاصخه ... امي لو يدرون عنها مدينة الملك عبدالعزيز كان ما نقدر ناخذ الاوصاف منها الا ببروكسي
انا عارف انكم بتقولون رح اسعل اختك ... يمكن تكون اقرب لك ولفهمك
واللي ما عنده اخت وش يسوي
بعد هالمداولات .. والاوصاف المبهمه ( اللي ما توكل عيش )
قررت اني اتصرف تصرف يغنيني عن السوعال .... والسوعال لغير الله مذلّه
فقلت لازم انفذ الخطّه
انتظرت اليوم المحدد لتنفيذ الخطّه
في يوم كان عندنا ( عزيمه ) ... عشاء
وكانت طويلة العمر من ضمن المعازيم هي وأهلها
وبحكم اني راعي محل .. قلت في نفسي خلاص .. جاك الفرج .. والبنت جتك برجليها
لازم اتشوّف لها ... لعل وعسى
وأقوم ذيك الليله ادّهر صب قهوه وشاهي .. حتى اخواني الصغار استغربوا .... وش جاه هذا ؟؟ لا .... واحلف بعد عليهم
ان ما يصبها الا انا .... مهوب حبّ فيهم ولا حب في الصب
كل هذا علشان اجيبها واوديها للمطبخ يمكن اقابل ( احلى وحده في العالم ) حسب وصف الوالده
لكن ما اشوف احد غريب في المطبخ ورقبتي انكسرت من كثر الطلطله على الصاله وانا رايح جاي .... لكن ماش
ما قدرت اشوف غير بزارينهم.وشغالاتهم ... شكلهم قاعدين في مجلس الحريم
ويأست من كل المحاولات وقلت يمكنّهم ما جو .. وكنت خلاص متحطم الين جاني شوشو
وركّب في راسي الفكره اللي هيّه
رحت لأخوها في المجلس وقعدت جمبه ( حركات ) وسعلته:
أهلك جايين معك ؟؟ ... رد علي وقال : بعضهم جو ...
قلت في نفسي يالله عسى انها من بعضهم
وبعد العشاء ... لزقت لزقتن شينه في الرجال ...
عرضت عليه انه يطلع معي نتمشى الين يخلصون اهله ( قبلها ما بيني وبينه الا سلام بس )
ورحنا ندوج في الشوارع ... ابي اضيع الوقت باللي هي به
واقوم اعطيه من الرخيص اللي عندي ومضيّق علي ... الين جت الساعه حول وحده الليل
واقوم واصفط على جمب ... واقول له الظاهر ان الموتر بنشر .. دقيقه اغير الكفر واجي
بغى الرجال ينزل يعاوني ( مصدق المسيكين ) .... لكن حلفت عليه انه يقعد بالموتر لا يوصخ ملابسه
وانزل العدّه وافكّ الكفر البرئ.. وأوقف اقرب ليموزين .. يوم ركبت وتواسيت انا وكفري قلت لأخوها من ورى الدريشه اني بروح
للبنشر انفخ الكفر وارجع ... لا يتعدى الين اجي
وطيران على البيت ... يوم وصلت لقيت كل المعازيم خذوا اهلهم وراحوا الا الضعيّف اللي اكل الطعم وقاعد ينتظرني
رحت اسحب نفسي شوي شوي ... واحيانا زحف عند دريشة مجلس الحريم ... وانا ادعي الله ان البنت جايه عندنا
يوم وصلت للدريشه وقفّت اتأمل الموجودين فيها
وبحكم انّي في الظلام والغرفه منوره ... قدرت اشوف براحتي من غير ما احد يحسّ بوجودي
ما شفت غير امي و أمها و أختها الصغيره ... بس لكن هي ما شفتها !!
رجعت جهة مدخل الرججيل ... وناديت امّي ( يقالي عاقل ) وسألتها :
فلانه جايه مع اهلها والا ما جت ؟؟؟
ابتسمت الوالده ابتسامه خبيثه لا تقلّ عن خباثة سؤال ولدها وقالت :
ايـــــه فــيـــه ...... وشفيك تسأل عنها ؟؟!!
قلت لها : لا ابد ... بس سوعال عابر ... بعدها تركتها ورجعت لدريشتي
الحين انا متعكّد ميه بالميه انها موجوده ... بس وينها ؟؟!!
لي أكثر من عشر دقايق راجع للدريشه .. لا حس ولا خبر ... هي وين راحت ؟؟!!
قلت في نفسي يمكن ظروفها والحمّام مهوب بعيد .... وبترجع بعد شوي
انتظرت .... ثم انتظرت .... ثم انتظرت ربع ساعه .... نص ساعه ..
ّي سوالف وضحك مع امها ( حماتي بعدين ) .. وأختها الصغيره نامت
وانا طقّني البرد ... انتظر ( راعية المغص ) تتشرف وتطلع من الحمام .... لكن!!!!!!!
قطع حبل افكاري صوت جوالي يدقّ ..
طلع أخوها .... الو .... وينك ؟ عسى ماشر ؟؟ ما صار بنشر ذا ؟؟!!
ردّيت عليه : السالفه شكلها بتطوّل .... راعي البنشر دخل الحمّام ولا طلع
قفّل السياره وارجع بلموزين .... انا بتأخر عليك
بعدها بشوي جاء اخوها ... وطقّ الباب ونادى اهله .... وانا اراقب من الدريشه
قامت امّه وشالت اخته الصغيره .... وامي قامت معهم تودّعهم
وسمعت امي تقول :
سلمي لي على امّتس يا بنيتي... وما تشوف شرّ
طرطراااااااااخ طرابييييييييييخ
( صوت وجه يطيح )
هالحين هالقصيره هالمدرمحه هاللي تسنها حبّة قهوه ... طلعت خطيبتي
وانا اللي احسبها امّها ........ وااااااااااااااااااااع ... واااااااااااااااااااع
يا حسافة شبابك يا بوعاابد
والله لو اني البس دبلة خطوبه اني لافصخها وافلقها فيها
بس تحمد ربّها ان ما بعد صار شي ... وما تتدبّست فيها
هذي يا امي هي ملكة الجمال ؟؟؟؟ هذي هي الزين والملح ؟؟؟؟
وين راحت شروطي ومواصفاتي
نصيحتي لكم ... لا أحد يوصي امه تخطب له ... الا اذا صار عندهم دريشه
(( منقول من منتدى آخر على لسان صاحبه صاحب القصه ))
وشكرا .....
اختكم ....ريما .....