Camaro Z28 VS. Corvette 40th

[corvette 40th]

السلام عليكم و رحمه الله و بركاته

الحمد لله بتوفيق و عون من الله
قدرت اسبق كامارو Z28 و اتوقع انها معدله (صوتها كان غير طبيعي)
السباق بدا من سرعه 5 ميل الى تقريبا 65 ميل السبب الرئيسي كان بسبب قصر الشارع
طبعا سرعه بسيطه و لا تعني شئ
و لكن فرق العزم كان واضح لصالحي
للعلم سيارتي غير معدله (ستوك)

و للعلم ايضا
يندر ان تلاقيني ادخل في سباقات مثل هذا النوع
بس لاني شفته يتحرش قلت خلني اادب هذا الامريكي

:) :) :) :) :) :) :)

[NFS]

زين الكمارو هذا من شلة الـLS1 وإلا LT1؟؟

سيارتك كم حصان؟؟

[corvette 40th]

اهلا و سهلا بمشرفنا NFS

بصراحه انا ما اريد اظلم الكمارو ما دققت فيها اذا كانت LS1 او LT1
و لكن انا اتوقع انها LT1 يعني النوعيه الي ب285 حصان
و لكن ارد واقول انا السياره كانت مزوده و اكيد ان قوتها ما تقل عن 300 حصان
بالنسبه للسياره الي عندي قوتها 300 حصان و محركها LT1
و قير عادي

[Z28*POWER*]

مبروك يا كورفت الجيل الرابع والله تستحق الفوز

عندي كم سؤال ؟ ممكن ؟
1- الكورفت الي عندك موديل كم ؟
2- وين صار السباق؟
3- كم كان الفرق بينك وبينه ؟ هل كان السباق متفق عليه وله صدفه ؟
4- في كم ثانيه موترك يوصل للمائه (0-100 كلم)؟
5- أي محرك أقوى و سهل التلغيم و توجد له قطع في كل مكان LS1 or LT1 ?
5- أخيرا ، ممكن تذكر لي السيارات الي قضيت عليهم بالكورفت و السيارت الي طافتك؟:)

مبروك مره ثانيه بس حط بالك مو كل مره تسلم الجره :)

[corvette 40th]

Z28*POWER*

الله يبارك فيك

سلمك الله الكورفت الي عندي موديل 93 (يعني قديم)
و السباق كان في شارع مسافته قصيره و في وسط الجامعه
الي انا ادرس فيها
الفرق بيني و بينه كان مسافه سياره تقريبا و كانت المسافه ثابته امبينا لين ما انتهى الشارع و خففنا
و السباق ما كان متفق عليه انا شفته يسوي حركات قلت خلني اسابقه و اشوف شو عنده
سيارتي اتوقع انها توصل 0-100 كلم في 5.3 ثانيه

بالنسبه للمحركات الLS1 هي فئه مطوره من الLT1
و الLS1 يعطي قوه و عزم اعلى من الLT1
بالنسبه للتلغيم المحركين مشهورين بتوفر قطع تزويدهم في كل مكان و لكن الاختلاف في صعوبه التلغيم يعتمد اذا انت كنت بتزود كمارو او كورفت
الكورفت تكلف اكثر في التلغيم لضيق المساحه تحت غطاء المحرك
فهي تحتاج ادوات و قطع خاصه مختلفه عن القطع الي تركب على الكمارو او الفايربيرد

بالنسبه لسؤالك الاخير
يندر ان تلاقيني ادخل في سباقات و خصوصا اذا كنت اشك في الفوز
من السيارات الى سبقتهن كمارو و مازدا RX7 و BMW X5
ما اذكر اذا في غير هذه السيارات

و الحمد لله الى الان ما خسرت اي سباق في حاله سواقتي للكورفت:D
بس خسرت و انا اسوق سيارات ثانيه:(


:) :) :) :) :) :)