PDA

View Full Version : 000 ماعاد به شيء 000

عشاق
30-07-2002, 12:16 AM
ماعاد به شي في حياتي تسرقينه
من عقب حلمي اللي بهجرك سرقتيه

وخنتي مشاعر وسط قلبي دفينه
بيدك قتلتي القلب وأعلن تلاشيه

وأعلنت صرخه بالحنايا سجينه
أطلقتها والنن بيّح بما فيه

وين الوفا يا شمعة الحب وينه
ضاع الوفا والغدر بانت بلاويه

والعمر ضاعت منه أحلا سنينه
واللي بقا لي من عمر مول ما بيه

وباقي العمر لو ينوهب تاخذينه
ويفداك كل العمر دامك طلبتيه

وخلي لي الذكرى ولو كانت حزينه
ذكرى غرام (ن) يا غرامي نسيتيه

وأنا خفوقي دونك الله يعينه
وشي مضى وقد فات ماعاد بطريه


عـــشّاق


http://qe9ayed.jeeran.com/ma3adbah_shay.wav
ابو الفياصل
30-07-2002, 02:57 AM
كلماقريتها زياده..

تعجبني اكثر واكثر..


بس ودي اطلب منك طلب..

وحده من قصايدك يقول مطلعها..


من قال مغرور بالعون ماني بمغرور

يمكن انا واثق بنفسي زياده

وزود الثقه بالنفس ماهو بمحظور

للي يبي يسعى ويحقق رياده..

ممكن تزودني فيها اخوي.!؟

ولك فائق احترامي وتقديري...
الزيرسالم
30-07-2002, 11:32 AM
الأخ عشاق ماشاء الله عليك..
اللي أروع من قصيدتك هو صوتك وإسلوبك..أهنيك بصراحه على هالإبداع
عشاق
30-07-2002, 02:08 PM
أخي الكريم أبو الفياصل :)

أشكرك أخي على متابعتك الدائمه والقصيدة ابشر بها يالغالي :)
عشاق
30-07-2002, 02:18 PM
الله يسلم روحك يالغالي ويا علني ما اعدم هالطله :)
ابو الفياصل
30-07-2002, 04:59 PM
مشكور...:) :)
ارمينيا
03-08-2002, 09:26 PM
كل قصيده أحلى من الثاني

و ما تبي أقولك ملك الشعر :mad:

و الله أنك قدها و قدود

مع خاص تمنياتي لك بالتوفيق;)
عشاق
03-08-2002, 09:52 PM
براحتك اختي 00 قولي اللي تبين ما رح اعترض
:D
هديل الحمام
08-08-2002, 03:57 PM
عفوا أخي عشاق القصيدة جدا رائعة ولا يوجد فيها شي بس ليش دائما تكتب فقط عن العشق ياعشاق هناك مواضيع كثيرة غير العشق ياليت إذا كانت عندك تسمعنا منها
عشاق
09-08-2002, 08:09 AM
أفا عليج بس 00 ما طلبتي عيوني ;)
هديل الحمام
09-08-2002, 12:04 PM
تسلم ;) ;) ;)
عشاق
09-08-2002, 04:12 PM
عفون :D