View Full Version : كيف تكون ملاكا (بقرون )مع الاطفال ..الحلقة الثانية..
الهيام
07-08-2002, 08:12 AM
أتمنى ان الكل استفاد من الحلقة الاولى :D :rolleyes:
المهم هذه الحلقة في طريقة ما حصلي الشرف وجربيتها
لكن اعرف ناس جربوها وهي طريقة سهلة وعجيبة!!
طبعا تعرفون ان الياهال يحبون يلصقون في اهاليهم
ويروحون وياهم كل مكان ولكن الاهل يضايقون منهم
وما يقدرون ياخذونهم كل مكان وياهم ..
فانتم يالملائكة شو لازم تسووووون طبعا
يوم الاهل بيطلعون اعرضوا عليهم ان الياهال يتمون وياكم
الاهل بيستانسون منكم و بيفرحون بالمحبة اللي نزلت عليكم فجأة!!
على العموم اول ما يطلعون الاهل ويوصلون عند باب البيت
امسكوا الياهل كفخوه وكسروه وارفسوه لين
ما تسمعون صرخة ما شي مثلها على طول الاهل
بيرجعون ركض وبيسالون خير شو فيه ليش يصيح ؟؟
انتوا قولوا يبى يروح وياكم :confused: :rolleyes: :D
الام بيغمضها وبتاخذه وياها و بتكونون انتم ناس عاقلين
جدام الاهل و.......... في اعين الاطفال ;)
بس ها مب تسووونها في ياهل عود يقدر يرمس
و يقول انكم انتم اللي ضربتوه :mad:
او حتى لو قال قولوا انه ما يحبكم عشان جذي وعشان
هو يبى يسير وياكم يجذب ..ههههههه:D
تحياتي..
ابو الفياصل
07-08-2002, 09:12 AM
ما فهمت.!!:rolleyes: :confused: :confused:
تعبان
07-08-2002, 11:34 AM
لووووووووووووول
شىء .. شىء يالأوهام ...
وتراني مجرب هالطريقة
وصرت طبعًا بعيون الأهل الملاك الوديع ...
وصار أخوي ما يجلس بالبيت أبدًا
لووووووووووووووول
يعطيك العافية أختي .. :D :D
مهوس العين
07-08-2002, 11:37 AM
عجــــــــــــــــــــيب
راعيتها :D :D :D
وجدان
07-08-2002, 12:45 PM
الاول ماروم اسوي فيه جيه لانه يرمس شوي
و الثاني بيتم يزاعج و امي ما بتاخذه و انا بتوهق معاه
و الله بعد ماروم اسويها يغمضني:(
مع تحياتي
اعوذ بالله
انتي المفروض يحطونك سفاحه ولا حقت القصاص ما يحطونك عند عيال صغار
واعزتاه لعيالك اللي بتجيبهم والله راح يكرهون الدنيا كلها من سببك
هههههههه
الحمد لله سالم من شطنها
ومكيف ما بين >><<<<<<<<<<
وشكراااااااااااا:D
ارمينيا
07-08-2002, 03:19 PM
إذا قال الياهل أنه يبي يطلع معاك
قولي أوكي ما فيه أشكال بس لازم تعسل وجهك بالصابون خمس مرات
من أول مره بيغسل وجهه بالصابون راح يدخل في عينه و ماراح يشوف شي .......... و بصارخ و ناطط و يسوس الهوايل ؟؟؟؟؟؟؟؟؟؟
بعدين تقدرين تتطلعين و انتي مطمأنه ما كو أحد يلحق وراكي
أتمنى انها تعجبك :D
Miss_x
07-08-2002, 03:32 PM
لووووووووووووول
شىء .. شىء يالأوهام ...
_____________
ارمينيا
صراحه طريقتك فعالة مررره:D:D
تحياتي لك،،
اختك:
Miss_x
الهيام
07-08-2002, 06:59 PM
رد مقتبس من ابو الفياصل
ما فهمت شي ..المفروض ما كنت ارد دام اني مب فاهم شي وعمري ما بفهم شي .!!:rolleyes: :confused: :confused:
اشكرك على مشاركتك..ههههه
الهيام
07-08-2002, 07:02 PM
رد مقتبس من تعبان
لووووووووووووول
شىء .. شىء يالأوهام اوه اعتذر اقصد الهيام آسف...
وتراني مجرب هالطريقة
وصرت طبعًا بعيون الأهل الحمل الوديع ...
وصار أخوي يطفش من البيت أبدًا
فووووووووووووووول
يعطيك العافية والصحة أختي .. :D :D
اشكرك على مشاركتك..
بس سؤال ليش تصير حمل في عيونهم مب ملاك؟؟
و شو اللي ياب سيرة الفول الحين ؟؟
هههههه :D
الهيام
07-08-2002, 07:03 PM
رد مقتبس من ain4ever
عجــــــــــــــــــــيب
روعــــــــــــــــــــــــــــة
يا سلاااااااااااااااااااااااام
راعيتها :D :D :D
اشكرك على مشاركتك..هههههههه
الهيام
07-08-2002, 07:08 PM
وجدان ..
حاولي اجربينها مع الايام عشان بعدين ما يتم
في خاطرج شي;) ..
ARAE
انا بريئة ما سويت شي !!
والعيال اللي بييبهم بخليهم
يتربون احسن تربية بكون وياهم
نعم الام الحنون والام الملاك بقرن واحد صغير!!!
ارمينيا..
شكلي بشركج وياي في الموضوع ..هههه
شو رايج نفتح حضانة ..
بنكسب وبنشتهر بسرعة لأن المجرمين هم اللي يشتهرون
بسرعة !!
الهيام
07-08-2002, 07:10 PM
رد مقتبس من Miss_x
لووووووووووووول
شىء .. شىء يالأوهام اووووه آسفة والله ماكان
قصدي كنت اقصد الهيام ...
_____________
ارمينيا
صراحه طريقتك فعالة مررره:D:D
تحياتي لك،،
اختك:
Miss_x
اشكرج على مشاركتج وماله داعي كل هالاعتذار:D
ارمينيا
07-08-2002, 09:00 PM
أنا موافقه على العرض و ما عندي مانع
بس الله يستر على الي ناوين يجيبون أولادهم لينا
نحياتي ;)
الهيام
09-08-2002, 10:45 PM
:D
حايرة
09-08-2002, 11:19 PM
حراااااااااااااااااااام..
والله اليهال اللي يطيحون في يد الهيام .. الله يعينهم .. يكسرون الخاطر.. :rolleyes:
:D
تشكرااات على الموضوع الشي;)