View Full Version : يالله كل واحد يقول ابشع موقف صار له في احد المطاعم
760IL
11-08-2002, 09:35 AM
طبعا لايخفى عليكم ان مطاعمنا هالايام من برى حيا الله ومن داخل يعلم الله واقول لكم حادثة بشعه صارة لي في المطعم......اول شي كل واحد يفضي الي في بطنه ويجهز كيس كبير وفاضي او اقرب زباله
المهم .....مره من المرات رحت انا ويا الاهل الطائف وفي اثناء الرحله
جعنا عاد وقفنا في احد المطاعم يبيع شورما ومأكولات خفيفه
المهم الرجال سوا لي شورما واكلتها وانا اكلتها كانت هناك طاوله
قربيه منه وانا اكل قعدت اطالع في اللحم الي يقطعه واذا بصرصور
عملاق يتسلق الشورما واخذ فره عليها عاد انا اول ماشفت الموقف
بااااااااااااااااع زواااااااااااااااااع .....مايحتاج اكمل .....وتبعوني اهلي يم قلت لهم السالفه .....واشتكينا عليه في البلديه وغرموه وسكرو محله
وادري اني طولت عليكم لاكن الثرثره زينه علشان ماتنامون.....:D
ومره صارت لي سالفه في احدى المطاعم الشعبيه ..يعني مساند
وفرشه على الارض المهم طلبنا ذاك المندي وكنت انا مع مجموعة شباب تونا طالعين من الجامعة جوعانين .....ويجيب ذاك الرز وذا
اللحم واكلنا ابوه كله وبعد ماملينا بطونا طلبنا علبة لبن وبعد ماشربنا امها وانطالع في التاريخ منتهي من اسبوع وبعديين بااااااااااااااعزواااااااااااااااااااااع مايحتاج اكمل ......والله اني اسف على الاطالة يالله نبي مشاركاتكم الطيبه ...........اذا شفت ردود راح اقول لكم باقي القصص الي عندي ترى انا كل اسبوع تصير لي زي هالسوالف
حتى والله تعودت علي الترجيع والزواع تشااااااااو;)
ابو محمود
11-08-2002, 12:05 PM
على طاري المطاعم.
مره كنت قاعد اتعشى في مطعم وجبات سريعه يعني همبورغر. بالتحديد همبروغر له صلصه خاصه معروفه توضع معه.
وانا قاعد آكل طلع المدير حقهم وقعد يكلم احد الموظفين عنده ويقول له الصلصه الخاصه (يقصد الصلصله الي قاعد آكلها انا) وش فيها
رد عليه الموظف: لقينا فيها شعر.
المدير : خلاص كبوها.
الموظف: طيب حاضر.
وانا معد قدرت اكمل وطلعت منقرف من المطعم.
_________________________________________________
ومره من المرات كنت رايح اتعشى كبده من احد البوفيهات .
وطلبنا الطلب وقعدت انتظر انا و ولد عمي.
الا واشوف ظاطور قاعد يمشي طالع من مطبخهم واشوف العامل قاعد يطالعني ويطالع الظاطور. انا سكت ومشيت وركبت السياره مع ولد عمي وقصيت عليه القصه قام ورجع للمحل ونزل عليهم وقال لهم ما نبغى الاكل رجعوا الفلوس.
ويقولون له ليش ؟
يقول ولد عمي: فيه ظاطور.
العامل انكر وجود الظاطور.:o
وانا قاعد عندهم الا ويطلع ظاطور ثاني وادعسه برجلي .
ويجي ولد عمي يقول لهم عطونا الفلوس ولا علمنا الشرطه.
قالوا خلاص خذوا الفلوس.
واخذنا فلوسنا ونطلع.
_________________________________________________
القصه هذي ما فيها قرف لكن فيها قصه غريبه.
مره طلبت من مطعم في الرياض وجلست انتظر .
وانا قاعد انتظر اشوف مديرهم يا داخل يا طالع معه اوراق طبعا ما اهتميت به.
واخذت عشاي وطلعت.
وانا طالع ابركب سيارتي جاني واحد قال لي وينك يا اخي من ساعه واحنا ننتظرك.
قلت وش فيه؟
قال : شوف السياره من وراء.
واطالع السياره والقى اللمبه الخلفيه حقت السياره مصدومه.
واقول وشفيه وش القصه؟
يقول الي صدم سيارتك موجود في الحجز لان المرور اخذه.
واسأله من الي صدم السياره؟؟
من تتوقعون صدمها؟؟؟!!!
السواق حق المطعم الي طلبت الاكل من عندهم.
عطيتهم بعشرين واخذت منهم ستمائة وعشرين.هههههههه
واروح للمرور ويقدرون الصدمه ب620 ريال.واصلحها ب300 واحط الباقي في جيبي.:D
أنا حصلي موقف طريف مع لوبيز
مره كنا بمطعم بعد ماخلصنا أكل قمنا نبي نغسل ومادري وش النشاط الي بي ذاك اليوم المهم يوم وصلنا باب المغسله(يفتح لداخل) وأجي أفتح الباب بكل قوتي ولا فيه واحد مسكين ورى الباب طاخ أناضر الرجال خويه ماسكه وجت سليمه النضاره مانكسرت بس المشكله اني ماقدرت امسك نفسي من الضحك والغريب ان لوبز ماشي عادي ماكأنه صار شي :D :D
وجدان
11-08-2002, 12:58 PM
والله ضحكتوني من خاطر
760IL
ذكرتني بالمندي يوم رحت السعوديه غدى عشا كله مندي والله ما احب اسمع اسمه تجيني الزووووووووووعه....:eek:
GT2
:D
زين ماراح فيها الرجال
هههههههههه:p
مع تحياتي
ابو الفياصل
11-08-2002, 02:26 PM
والله هذي قصه مالها دخل بالاكل لكنها صايره بمطعم:D:D
إحنا ثلاثه..اوكي.!؟ في واحد من مطاعمالشاورمابالرياض..
المهم باب الحمام (( الله يكرمكم ما يتقفّل)) واحنا اصحاب الرووح بالروووح..المهم ويدخلواحد الحمام ونقعد نشوت الباب وينفتح شوي.ويقعد يسبسب فينا.. وزودناها معه.. المهم رحنا للطاوله وصاحبنا الثالث لسى بالحمام.. المهم ويدخل رجال الحمام بعدنا ويدف الباب إلا ويصرخ عليه (( يتوقعه إحنى )) وانواع السب والشتم والتلعين ..ياسارت بس. الرجال طاح وجهه وطلع. ورحنا لخوينا قلناله وش سويت..! قال انتمة ليش تفتحون الباب قلنا ما فتحناه.!:eek: :eek: ويطلع الرجال..وقتها تدورون وجه صاحبنا..! مافيه:D:D:D
راعي الأوله
11-08-2002, 03:48 PM
نفس الوضع :
مره كنت اتعشى ان واحد من الشباب و كان العشى عل كيف كيفكم
وخويي مبسوط جدا ويكلمني بحماس و يأشر بيديه يمين ويسار
المهم مره من المرات رفع يده بسرعة على جيت واحد من وراء خويي
والا يده في بطن الرجال
شوفو انواع الاحراج والضحك
:D :( :D :( :D :( :D :( :D :( :D :( :D :( :D :( :D :( :D :( :D :( :o
760IL
11-08-2002, 08:43 PM
مشكورين على مشاركاتكم
مره واحد من الشباب مدخن و العيهذ بالله جالسين في مقهى(اسم منقح) نشوف مباراة البرازيل وتركيا المهم خوينا الدخن كان يقطف بالجلسه الي ورانا على واحد وهل واحد جالس ربع ساعه(مبالغه)وهو يقول يابوشباب وخوينا متحمس مع المباره وأنا جالس أضحك اخيرا قدرت أشر لخوي عاد يوم أنتبه للوضع صار وجه أشكال وألوان وودي أشوف وجه مره ثانيه:D :D :D :D
خالد 8080
14-08-2002, 02:32 PM
++ مرة دخت مطعم مع زملائي في جدة والجماعة حدهم كبسة بعشرة ريال المهم المطعم فخم وديكوراته كلها مرايات ماتعرف وينك جالس فيه وما تقدر تحدد موقعك من المطعم ... الجماعة طلبوا صحن رز لكل واحد أنا ماطلبت لان الموظفين فيه كلهم لبنانيين وعرفت الأسعار مقدما أول ماطلب خوينا صحن الرز قال بكم ؟ قال بـــ 30 ريال قال وجع المهم قالوا شف طلب ارخص منه قال اللبناني تعالوا في المكان الثاني في نفس المطعم غير المكان هذا الغالي .... المهم ودانا يمين يسار يمين يسار وكله مرايات المحل ماندري وين حنا فيه إلا يوم لفحنا الهوا عرفنا اننا في الشارع .... صرفنا الله يقطعه :D :D
+++ الموقف الثاني
دخلنا بوفيه في العقارية في شارع الستين زمان وطلب خوينا الطفران عصير برتقال خلاط ابو ريالين قال ما عندنا الا كبس طازج ... شرب كاس
قال بكم ؟ قال : بخمسة
عمى بخمسة يالنصاب .... المهم تهاوشو بالكلام ودفع خوينا الخمسة
وكان فيه عائلتين خواجات في البوفيه .... خوينا هذا طلب ببسي بريال وشربه في نفس واحد حتى ما تروح الغازات ثم ( عطاهم ذيك التغرة اللي استمرت دقيقة وسمعها اللي في اخر الرياض .
الخواجات انهبلوا وسكروا اذنيهم من القرف :D :D :D