GT2
25-08-2002, 04:30 AM
الموضوع : - قصة حقيقيه
الزمان : - يوم 19/5/1422 يعني قبل ايام بس
المكان : - احدى مقاهي الانترنت بالرياض
وين بالضبط ؟ : - في احد المقاهي بالعليا
وش دراك : - انا الطرف الشاهد من ضمن الشــهود الملاقيف لا ويالله فكيناهم
وش عليه : - السالفه فيها بنت
بنت ؟؟؟ : - لا ....... حمار ........ - اقرا السالفه اول يالمشفوح
نوعيه المشكله : - شتم وشويه سب وبعدين مطاقق ومافيه الا فتح مطاعم بالوجه والجبهه
طرفي النزاع : - اثنين من مبزره مقاهي الانترنت
المتضرر : - واحد من مو ظفي المقهى
اي واحد بالظبط : - البار مان الهندي . حق الكفي والمويه والشاهي والكابتشينو ..... الخ
ليه : - لانهم ما قدرو الا على هالمسكين
اقول لك ليه المشكله ياطبل ......... ما اقول لك ليش اضربو الهندي ..... يالله عطنا السالفه ... والا افقع لك وجهك
اخس يالذيب .... شوي شوي علينا ...... رفقا بالقوارير .... والقواطي ..... وعلب البيبسي ......... والمناديل ..... حن علينا شوي ....
ترانا ما نستحمل ...... شكلك حلو وانت معصب ...... خلاص بقول لك السالفه ........ ياي يقرص .......وش ذا .
السالفه
بعد فض الاشتباك بين البزرين (اللي لو اعرس الواحد منهم كان جاب عشره مواليد ) لكن هم مبزره بالعقول ومهفات .
سالت واحد منهم بعد هدت اعصابه ..... طبعا الثاني اتكل على الله وراح . قالي اللي شايف نفسه منتصر
كنت ادخل التشات دايم ومن زمان وتعرفت على شباب كثير من البنات والاولاد .
وتعرفت على وحده وصرت مرتاح معها . بس فيه واحد منغص علي راحتي لما اسولف معها . ودايم يستعرض مواهبه وخبرته بالانترنت ( شكله هكرز ).
وشقشق بي وعلعل بي . وبعدين صرت احذره انه يبعد عنها . لكنه ولا على باله . وياليت على كذا . صار يلاحقني في كل مكان بالتشات
حتى انه دخل علي بالماسنجر ويبيني نتفاهم .. على ايش ماادري ؟؟؟
وهاليوم (يوم المضاربه ) وبعد اذان العشاء دخلت المقهى هذا . وفتحت الماسنجر ..... طبعا المقهى مزحوم ولا فيه مكان فاضي
وكانت ليله خميس ( طرز بها نور القمر شط البحر والليل من نحسه تعيس ) ليله خميس .
ولمل دخلت الماسنجر حقي لقيت هالكلب ( يقصد غريمه على البنت ) متصل . شوي ولا كاتب لي (جيت يالطبل ) وجلسنا نتهاش ( كتابة) واصلنا الهواش وارتفع مستوى السب والشتم .مع ارتفاع منطقي وطبيعي للضغط والسكر عندي انا واياه . وعينك ما تشوف الا النور من حده الهواش وانواع الملاعن اللي اول مره اسمعها واقولها .
وبعد حوالي ساعه وحنا ماغير مطاقق ومهاوش . سمعت اللي جنبي بالمقهى وبيننا حائط فاصل ( بارتشن ) . يلاعن ويسب . قلت بنفسي : - مسكين زي حالاتي ملاحقه واحد غثيث زي اللي عندي
لكن مع مرور الوقت لاحظت ان سبه وشتمه ما اسمعه... الا والسب وانواع الملاعن نازله قدامي بالشاشه . وتتوافق بالوقت .. ركزت شوي وتأ كد لي ان هاللي اسبه واشتمه . قاعد جنبي ( يا حلاوه .... تعالالي تعالالي ياحلو ) التفت له وقلت له الله جابك
قالي : - خير ....... قلت له : - الا شر ....... هو انت ؟؟؟ وش تبي بالضبط ملاحقني في كل شارع وسكه ومنتدى وتشات ماكو فكه منك ولا كفايه شرك ... لا والحين ملاحقني وجالس جنبي .... قلي وش سالفتك بالضبط ؟؟؟؟؟
حس الرجال انه قدام غريمه .... والله و نقلبها حوطي ونتهاوش بالكلام ... وتاصل لمدة اليد الى ان تماعطنا الشوش جمع شوشه
وهي مازاد فوق الحد من الشعر بالنسبه للرجال وعادة يكون متعرفط
تجمعو الناس على هواشنا وبقوساتنا وصرت اضرب اي واحد قدامي . المهم افش غللي . وابرد سبدي الزم ماعلي صحتي النفسيه والعقليه ... قبل لانهبل
الجماعه فكونا وبعدين تم حصر الخساير المعنويه والادبيه قبل الماديه . وتم قبل هذا كله اسعاف المصابين .
هذي سالفتي باختصار شديد ..
لكن تعرف المصيبه وش هي ... اني جالس اكلم ولد سنه ونصف على انه بنت .
كيف : - طلع الكلب اللي تهاوشت انا واياه متفق مع واحد من ربعه على انه يمسح بي البلاط وهو ما يعرفني . وكل هذا عن طريق التشات ويجرجرني معه علىانه بنت ......الحق ينقال انه مسح بي شوارع الرياض كلها لكن استاهل .... اللي مايعرف التشات يقول عنه ما ايلك الا هيفاء .
للأمانه
الكاتب
عزيز ولد عزيزه
الزمان : - يوم 19/5/1422 يعني قبل ايام بس
المكان : - احدى مقاهي الانترنت بالرياض
وين بالضبط ؟ : - في احد المقاهي بالعليا
وش دراك : - انا الطرف الشاهد من ضمن الشــهود الملاقيف لا ويالله فكيناهم
وش عليه : - السالفه فيها بنت
بنت ؟؟؟ : - لا ....... حمار ........ - اقرا السالفه اول يالمشفوح
نوعيه المشكله : - شتم وشويه سب وبعدين مطاقق ومافيه الا فتح مطاعم بالوجه والجبهه
طرفي النزاع : - اثنين من مبزره مقاهي الانترنت
المتضرر : - واحد من مو ظفي المقهى
اي واحد بالظبط : - البار مان الهندي . حق الكفي والمويه والشاهي والكابتشينو ..... الخ
ليه : - لانهم ما قدرو الا على هالمسكين
اقول لك ليه المشكله ياطبل ......... ما اقول لك ليش اضربو الهندي ..... يالله عطنا السالفه ... والا افقع لك وجهك
اخس يالذيب .... شوي شوي علينا ...... رفقا بالقوارير .... والقواطي ..... وعلب البيبسي ......... والمناديل ..... حن علينا شوي ....
ترانا ما نستحمل ...... شكلك حلو وانت معصب ...... خلاص بقول لك السالفه ........ ياي يقرص .......وش ذا .
السالفه
بعد فض الاشتباك بين البزرين (اللي لو اعرس الواحد منهم كان جاب عشره مواليد ) لكن هم مبزره بالعقول ومهفات .
سالت واحد منهم بعد هدت اعصابه ..... طبعا الثاني اتكل على الله وراح . قالي اللي شايف نفسه منتصر
كنت ادخل التشات دايم ومن زمان وتعرفت على شباب كثير من البنات والاولاد .
وتعرفت على وحده وصرت مرتاح معها . بس فيه واحد منغص علي راحتي لما اسولف معها . ودايم يستعرض مواهبه وخبرته بالانترنت ( شكله هكرز ).
وشقشق بي وعلعل بي . وبعدين صرت احذره انه يبعد عنها . لكنه ولا على باله . وياليت على كذا . صار يلاحقني في كل مكان بالتشات
حتى انه دخل علي بالماسنجر ويبيني نتفاهم .. على ايش ماادري ؟؟؟
وهاليوم (يوم المضاربه ) وبعد اذان العشاء دخلت المقهى هذا . وفتحت الماسنجر ..... طبعا المقهى مزحوم ولا فيه مكان فاضي
وكانت ليله خميس ( طرز بها نور القمر شط البحر والليل من نحسه تعيس ) ليله خميس .
ولمل دخلت الماسنجر حقي لقيت هالكلب ( يقصد غريمه على البنت ) متصل . شوي ولا كاتب لي (جيت يالطبل ) وجلسنا نتهاش ( كتابة) واصلنا الهواش وارتفع مستوى السب والشتم .مع ارتفاع منطقي وطبيعي للضغط والسكر عندي انا واياه . وعينك ما تشوف الا النور من حده الهواش وانواع الملاعن اللي اول مره اسمعها واقولها .
وبعد حوالي ساعه وحنا ماغير مطاقق ومهاوش . سمعت اللي جنبي بالمقهى وبيننا حائط فاصل ( بارتشن ) . يلاعن ويسب . قلت بنفسي : - مسكين زي حالاتي ملاحقه واحد غثيث زي اللي عندي
لكن مع مرور الوقت لاحظت ان سبه وشتمه ما اسمعه... الا والسب وانواع الملاعن نازله قدامي بالشاشه . وتتوافق بالوقت .. ركزت شوي وتأ كد لي ان هاللي اسبه واشتمه . قاعد جنبي ( يا حلاوه .... تعالالي تعالالي ياحلو ) التفت له وقلت له الله جابك
قالي : - خير ....... قلت له : - الا شر ....... هو انت ؟؟؟ وش تبي بالضبط ملاحقني في كل شارع وسكه ومنتدى وتشات ماكو فكه منك ولا كفايه شرك ... لا والحين ملاحقني وجالس جنبي .... قلي وش سالفتك بالضبط ؟؟؟؟؟
حس الرجال انه قدام غريمه .... والله و نقلبها حوطي ونتهاوش بالكلام ... وتاصل لمدة اليد الى ان تماعطنا الشوش جمع شوشه
وهي مازاد فوق الحد من الشعر بالنسبه للرجال وعادة يكون متعرفط
تجمعو الناس على هواشنا وبقوساتنا وصرت اضرب اي واحد قدامي . المهم افش غللي . وابرد سبدي الزم ماعلي صحتي النفسيه والعقليه ... قبل لانهبل
الجماعه فكونا وبعدين تم حصر الخساير المعنويه والادبيه قبل الماديه . وتم قبل هذا كله اسعاف المصابين .
هذي سالفتي باختصار شديد ..
لكن تعرف المصيبه وش هي ... اني جالس اكلم ولد سنه ونصف على انه بنت .
كيف : - طلع الكلب اللي تهاوشت انا واياه متفق مع واحد من ربعه على انه يمسح بي البلاط وهو ما يعرفني . وكل هذا عن طريق التشات ويجرجرني معه علىانه بنت ......الحق ينقال انه مسح بي شوارع الرياض كلها لكن استاهل .... اللي مايعرف التشات يقول عنه ما ايلك الا هيفاء .
للأمانه
الكاتب
عزيز ولد عزيزه