سوالف للجميع - التربيط

moka_moka

30-08-2002, 08:14 PM

ممكن شباب
تفهموني ماهيه التربيط

يعني كيف تربط سيارتك
وش الفايده من التربيط
وين اقدر اسوي تربيط بالرياض
(ورشه جيده وسعرها حلو)
يعني معلومات متكامله الله لايهينكم

ومشكورين مقدما على الرد

اخوكم القديم منذ مبطي
موكا موكا
وتحياتي للشباب اللى يذكروني

;)

moka_moka

30-08-2002, 08:16 PM

على فكره السياره
(نيسان سوبر سفاري اربعه ابواب موديل95)

moka_moka

01-09-2002, 12:26 PM

ترا المسأله ماهي كيمياء

يعني ولااحد جاوب

:):):):)
التربيط
كل مايركب احد معي
يقول سيارتك متفككه محتاجه تربيط
طيب ايش التربيط؟؟

مجنون بورش

01-09-2002, 01:47 PM

والله انا ما اعرف ايش هوا التربيط
لاكن عندي حل لك
اول مايركب احد معاك
ويقلك سيارتك متفككه محتاجه تربيط

قله ايش التربيط:rolleyes:

والله نفسي اساعدك بس والله ما اعرف:)

08-09-2002, 04:17 PM

حلو
طيب حبيبي
شوف انا اقولك على اللي اعرفه
التربيط كمن في اشياء كثيييييرة وفي ورش متخصصه فقط في التربيط ودايما تلاقي مكتوب عليها ((للتربيط ..ترفيع وتنزيل))سست مقصات اذرعة

مايسمى بالتربيط هو اعادة شد وربط كل مسمار وبرغي في السيارة من الى
يعني مثلا عندك السيارة من تحت كلها مفككة من كثرة المطبات والحفر وايضا المقصات بدت تتفكك وتطلع لك اصوات وايضا مثلا ديكور الابواب تفكك والطبلون كذلك ..يعني لمن تطلع فيها مطب تلاقي كل مافي السيارة يتهزهز ويقرقر .....
عشان كذا انا انصحك انك تاخذ السيارة الى اقرب ورشة تربيط وتقول له ابغاك تربط لي السيارة كامله وتوريه الابواب والطبلون والحاجات الثانيه

طبعا احتمال كبييييير راح يطلب منك تشتري مسامير وصواميل وجلد مقصات وووومالى ذلك

الشغله نوعا مكلفة ومشغله لكن اتوقع ان الجيب ماراح يكلفك كثير وان كان نيسان لكن اعتقد ان الجلد وخاصة التالفة مابتكون غاليه كثيرة واتوقع ان السيارة تكلفك من 300ريال الى 500 ريال بالكثيييييير

اي خدمة؟:)

corvette indiana police

08-09-2002, 10:56 PM

يا حبك يا ماجد للقافه :D كل ما جيت برد تسابقني

طيب يا موكا موكا وشلون ما نذكرك

عاد ماجدونا قال كل اللي كان عندي

لكن اذا رحت للورشه بتلاقي كل السيارات نياسين وخصوصا اختنا الماكس لان تربيطها ما شاء الله سنوي

moka_moka

10-09-2002, 03:56 PM

شكرا هلى الردود
------------
مجنون بورش:
انت عارف الشباب :) (موكلهم)
كلام على الفاضي
عني تسأله طيب ايش التربيط
يقعد يتفلسف عليك ولا يقولك رح اسال:)

S8:
حبيب قلبي ماجد مشكوووووور
على المعلومات
وفعلا رحت سالت في الورش
كلهم متفقين على--400ريال--
لتربيط كامل السياره
ومايحتاج اشتري قطع
لكن فيه ورشه شكلها زي باقي الورش
بس السعر غالى --1200ريال--
حتى وراني فواتير قديمه بنفس السعر
بصراحه السعر مبالغ فيه كثير
عاد الحين انا محتار وين اروح ؟!:confused:

حبيبي انديانا بوليس:
ماتقصر ومشكور على الرد
---------------------------------------
لو سمحتوا شباب اللى يعرف ورشه كويسه بالرياض ((للتربيط))
لايبخل علينا:)