View Full Version : سؤال لأهل الخبره بالجنوط والتنزيل
عاشق التضبيط
03-09-2002, 04:14 PM
السلام عليكم
انا بأذن الله ناوي ابيع سيارتي وهي صني 2000 ، وبآخذ ماكسيما 2002
وبغيت اسأل اهل الخبره بالجنوط والتنزيل عن كذا شغله
1_ بالنسبه للرجه انا مركب على سيارتي جنوط مقاس 17 وهي بلأصل جنوطها 13 ولما يوصل الطبلون 100 وفوق تبدا الرجه رجه موب طبيعيه احس اني ماشي الفين مادري ايش السبب
2_ بالنسبه للصوت لما امر على مطبه او(عيون القطط) يطلع صوت قوي كانه تفجير مع العلم اني منزل حبه (طيه) بس يعني مادري هذا الصوت من التنزيله ولا من الجنوط ولا من الكفرات لان شفتها ضعيفه 205 _ 17 _ 40 يعني لوكانت شفتها 45 _ 50 يخف الصوت ولا نوعية الكفرات انا كفراتي يوكوهاما ولانوعية الجنوط ولا وشو
لاني ناوي احط جنوط 18 على الماكسيما وهي جنوطها بالأصل 16 وانزل حبه من قدام وحبه من ورى
عشان كذا ابي اعرف بالضبط من وين الرجه ومن وين الصوت اذا من الجنوط ماني مركب جنوط :) واذا من التنزيله ماني منزل :)
وياليت اللي عنده معلومات لايبخل علي
خليل أبو سمرة
03-09-2002, 04:37 PM
الجنوط الي مش اصلية حدها 10 ايام و بعدين تبدأ المشاكل و الرجة و الصوت
بس اسأل اهل الخبرة
وسمحولي على فلسفتي
SL 55 AMG
L.O CUSTOMS
03-09-2002, 04:47 PM
شوف بالنسبه للجنوط او الرنكات
الوكاله او الشد بلد تجي مع كفرها بقياس معين المفروض إنه ما تزيد عنه بعدين تبدى الرجه ومشاكل القير والفرنسات و و و و......شغلات كثيره بس على فترات متقطعه
انا على سبيل مثال
مغير جنوط الرانجلر بعد ما وقفت بحلق GRAND :D لما علمني وشي الجنوط الي تناسب
فلو إنت قدرت تلقى جنط اخف من الفل كامل للصني لإن الجنط الي عندك حديد صح؟؟
الفل كامل الظاهر المنيوم ومقاسه اكبر من الي عندك خذ وزنه وغير بواحد قريب منه او اقل منه
ملاحضه الجنوط الكبيره والعريضه مالها دخل بالرجه لإن المسؤل عن الرجه والخرابات هو الوزن!!;)
فركز على الوزن قبل ما تشتري رنك ثاني!
MAD MAX
03-09-2002, 04:51 PM
اسئل مجرب ولا تسئل خبير يا عاشق التضبيط انا عندي ماكسيما 2001 ومركب عليها جنوط 18 وكفرات مقاس 245\40 ماركة كوموهو استاتيكا 712 اذا بتركب انصح بهم تراهم ماليهم صوت وممتازيين على المطبات با النسبة الى الكفرات من هذا المقاس ومنزل السيارة من قدام طية واحد السيارة زي الحلاوة بس فيها رجة خفيفة ما تحس ليها واجد عند 90 تقريبا بس اتروح لما اوصل 100 والرجة هاذى طبعا من الجنوط يبي لهم ترصيص طبعا ترصيص الجنوط يكون داخلى لزق وطبعا الصوت الى قلت به من نوعية الكفرات انا اسمع انا يوكوهما يطلعوا صوت مزعج والمشلن كمان
وشوف هاذى كم صورة الى سيارتي
http://images.cardomain.com/installs/228000-228999/228590_7_full.jpg
http://images.cardomain.com/installs/228000-228999/228590_8_full.jpg
DodgE
03-09-2002, 08:48 PM
أنا عندي كامري
أبي أنزلها
كم أنزل من قدام وكم من ورا
إذا قلت لراعي الورشه (طيه) بفهمها ولا أقوله (لفه) بيفهمها
يعني هل هذين الأسمين متعارف عليهم **أنا من الرياض**
ومشكورين مقدما
عاشق التظبيط مبروك مقدما بس مخمخ على اللون قبل لاتشتري
;) ;) ;)
عاشق التضبيط
03-09-2002, 09:27 PM
SL 55 AMG مشكور بس ما أتوقع انها من الجنوط التجاريه (الزينه) لاني اعرف واحد حاط جنوط أصليه ونفس الشي :(
LH كلامك معقول يمكن من وزن الجنط لان جنوطي ثقيله بقوه
MAD MAX حلو حلو انا هذا اللي ابيه واحد مجرب بنفس السياره طيب اخوي جنوطك شاريها مستعمله ولا جديده وبالنسبه للرجه بس بين سرعة 90_100 وبعدين تروح الرجه ؟ ولا تخف ؟ وجنوطك اصليه ولا تجاريه ؟ ادري غثيتك بأسألتي :D بس هذا الشي يهمني كثير
DodgE تصدق ماعمري شفت كامري مو منزل وكلها ارض ارض :D
الظاهر في مكان جنب الوكاله ينزلها ببلاش اول مايطلعها الواحد يروح له :D
وبالنسبه لسؤالك هي اسمها طيه ولا لفه ازيد لك بعد حبه :D انت قوله بنزل حبه مافهم عليك قوله طيه مافهم قوله لفه مافهم قولي وانا اجي وافهمه :D
وبالنسبه للون مجبور على الفضي لانها سيارة اخوي وبشتريها منه
وعلى فكره ناوي اشتري دبة صوت مثل هذي صراحه صوتها حلو وعاجبني
http://www.3bodi.com/ecard/create.php?card_id=122
ايش رايكم
MAD MAX
03-09-2002, 10:31 PM
با النسبة الى الجنوط شارنها جديدة والرجة تروح نهائيا بعد هذي السرعة والجنوط الى عندي تجارية مافينا شدة الاصلية نفس هذى الجنوط يوصل سعرها 8000 ريال ولاتصدق احد من الى في شارع التويوتا الى في الدمام اذا قال لك اصلي كلة تقليد في تقليد
وزي ماقلك الاخ DodgE مبروك مقدما وترى موديلات 2003 راح تنزل عليها الوان جديدة اليوم رحت الوكالة في الدمام قال لي اذا تبي تشوف السيارة تقدر تشوفها في المستودع حقهم الى في شارع الميناء قبال جامعة الملك فيصل في الدمام يقولو يمكن في لون اسود صراحة الاسود شئ وباانسبة الى دبة الصوت شئ مو معقول حلو مرة:D :D
ويا اخ DodgE اتوقع انهم يعرفوا طية او لفة ما اضن فية فرق واضن انة لفة وحدة كويسة
DodgE
04-09-2002, 02:19 AM
بس كم أنزل
من ورا ومن قدام
أبي شي حلو وطبيعي
ماودي قوي مره
أوكي
شكراً
MAD MAX
04-09-2002, 04:11 PM
زي ماقلت لك يااخ DodgE لفة من قدام ولفة من ورا هذا اقل حاجة ممكن تسويها بس اذا ماكنت مركب جنوط كبار يمكن تحس ان الكفرات صايرة صغيرة على السيارة
ويا عاشق التظبيط اليوم شفت الماكسيما 2003 في وكالة الجبر في القطيف اتوقع انو لازم اتشوف السيارة قبل ما تشتري 2003 فية لون جديد عليها وانورها الامامية تختلف لونها الداخلى فضي مكتوم والكشافت حلوة(بس الكشافات تتغير انا راح احاول ابدل الى عندي) وفية تغييرات من الداخل اللون الى داخل صار يختلف عن الموديلات السابقة الشئ الوحيد الى ما عجبني في السيارة هو الجناح الخلفي صار صغير واجد لازم تشوف السيارة عشان تحكم هل تستاهل تدفع فرق السعر بين الموديلات والا لا
عاشق التضبيط
04-09-2002, 04:19 PM
اماااااا عااااااااد :eek: :eek:
لااااتقول :( :(
اليوم لازم اشقر على الوكاله
طيب التغيرات هذي اقدر اغيرها ولا صعب ؟ :(
ومشكور لانك قلت لي ونبهتني
MAD MAX
04-09-2002, 04:55 PM
التغييرات الى من برة مى صعبة تسويها بس الى من داخل انت شوفها واحكم تستاهل او لا
عاشق التضبيط
08-09-2002, 07:14 PM
عدنــــــــــــــا :p
ماعليه توني ارد على الموضوع بس لاني كنت مشغول شوي بزواج اختي الخميس اللي راح عأبال عندكم يارب :p
بس حبيت اقولك اخوي MAD MAX اني رحت الوكاله وشفت الماكسيما 2003 وصراحه التغييرات احسها غبيه شوي :( يعني الكشافات اللي تحت صايره صغيره مره انا اول ماشفتها حسبت مافيه كشافات
واللمبات اللي قدام طافيه مو كريستال مافيها لمعه كانها موديل 80 :D
ومن داخل ماشفت تغييرات كثير بس اللي عجبني ان كلها بيج موب زي اول بيج وبني وتخشيبه انواع الزحمه :D ...
وبخصوص الجنوط والله محتار اخاف اركب شي واتحسف لاني من جد طفشت من الرجه والاصوات الحين غيرت جنوط الصني حقتي وحطيت الشد بلد مقاس 13 وكفرات شفتها 75 والله راحه لا رجه ولا مطبات ولا اصوات واحس السياره صارت خفيفه
وبغيت اسأل سؤال ثاني بخصوص الحساسات في واحد من الشباب قاللي يعرف مكان يركبونها مع ضمان لمدة سنه اثنين قدام وثلاثه ورى مع التركيب وصبغها نفس لون الصدام بـ 1400
بس مادري اذا ركبتها تأثر على كهربة السياره ولا عادي :confused: