View Full Version : الاوبل اوميغا V6
STS4ever
15-09-2002, 08:23 PM
من 0- 100 كيلو في كم ثانيه ؟؟
وكم السرعه القصوى ؟؟
وكيف قطع الغيار من ناحية الاسعار ؟؟
عن الراحه ؟؟
واي شي ممكن يفيدني حول السياره :D :D
سلام
lovely apple
15-09-2002, 09:18 PM
وش دراني انا :mad:
:D
lovely apple
هو الرجال سألك أنتِ على وجه الخصوص؟؟
هل الهدف من ردك هو رفع عدد ردودك؟ "أعتقد أن المشرف العام ما عنده مانع بأمكانه يغير عدد مواضيعك إلى 50,000 رد بكل سهولة إذا طلبت منه هذا".
السائق المثالي
15-09-2002, 11:25 PM
من 0- 100 كيلو في كم ثانيه ؟؟
بصراحة أخوي ما عندي خبر عنها لكن لعل الأعضاء يفيدوك .
::::::::::::::::::::::::
وكم السرعه القصوى ؟؟
سرعتها القصوى ( 260 ) وتجيبها كاملة ......
:::::::::::::::::
وكيف قطع الغيار من ناحية الاسعار ؟؟
أسعار قطع غيارها غالــــــــــــــــــــــــــــــــــــــــــــــــــــــية ....
لكن اللي يحافظ عليها تمشي معاه ( 5 ) سنوات بدون أي متطلبات
عن الراحه ؟؟
الراحة فيها 100 % ، لكن للي مقاعدها جلد ، لأن المقاعد المخمل قاسية ....
واي شي ممكن يفيدني حول السياره
ممكن أفيدك أخوي إن درجة حرارتها الطبيعية فوق النص ،،،
كذلك وكالة الجميح بالسعودية ما تفقه شي بالسيارة أبــــدا .....
كذلك رساوتها على الخط وثباتها في اللفات أحسن من BMW و BENZ ....
كذلك شاشة السيارة الداخلية بها جميع ما يخص أمور السيارة الماكينيكية .....
وترى إجاباتي عن أسئلتك بناء على تجربتي مع سيارتي 2001
وتقبل أطيب تحياتي
STS4ever
15-09-2002, 11:31 PM
انا فعلا جاد اني ابدل الكاديلاك باي سياره غير امريكيه بسبب المقاطعه اول شي وبسبب الصناعه الزفت واخترت الاوميغا ولكن اهم شي انطلاقتها في كم ؟؟
ومشكور حبيبي شبابي
lovely apple ;) :p
ماادري وش اقولك والله
لكن خذ عندك
اسعار قطع الغيار رخيصة نوعا ما افتكر اني اشتريت اقمشة لاحد زملائي فكان سعر الخلفية في حدود 140 تقريبا
وايضا اشتريت سير التيمن مع الرمان بلي حقه(2)رمان بلي اشتريتها بـ251ريال ...لان سعر الحبة رمان بلي بـ40 ريال
من ناحية الراحة ..لا باس راحتها معقوله جدا
السايرة بصراحة فخمة وممتازة لكن وكيلها الاهبل:mad: وقف عائقا امام الكثيرين لان لا يشتروها
فصيانته تعبانه
وخدمته اخس
ووووالخ
لكن انا ملاحظ حاجة غريبه:confused:
الكرتون الخاص بالقطع مكتوب عليه اكثر من بلد...
صنع في ايرلندا...اسبانيا...المانيا....بريطانيا...:confused: :confused: :confused:
شي غريب والله حتى ان علامة اوبل غير معترف فيها نهااااائيا في كرتون قطع الغيار حيث انه يوجد على الكرتون شعار GM:confused:
SS-MASTER
16-09-2002, 12:05 AM
السلام عليكم..........
أولاً: من صفر الى 100 كلم..... 8.9 ثانية
ثانياً: السرعة القصوى 260 كلم
ثالثاً: أسعا قطع الغيار مو مرتفع مرة
رابعاً: عن الراحة...السيار مرحة جداً جداً
وترى الملام هاذا كله مو مبالغة أبداً.....لانه أخوي معه أوبل أوميغا وبالحقيقة السيارة ممتازة....لأنه فيها تقريباً كل شيء تحتاجه....
من فخامة وراحة وأمان ورساوة وقوة وغيرها.....
وانشاء الله نكون قدرنا نخدمك يا أخوي STS4ever....
واذا تبغا أي شيء ثاني عن السيارة قولي وانشاء الله أقدر أخدمك...
وسلااااااااااااااااااااااااااااااااااااااااااااااام....
:) :) :) :) :) :)
شوف ترى بالنسبة للقومة ترى قومتها ثقيلة شوي لانها دفع خلف
بس بالخط ايش مجنووونة
انا عندي 2001 اربعة سلندروبالخط مجنونة عاد كيف الستة سلندر
المهم الله يوفقك بها الشرووة
نص دنيا
16-09-2002, 02:37 AM
السلام عليكم
اشترى السياره وانة مغمض :o
السراحه تحس انك تسوق سياره وتتحكم فيها بنسبة ما تقل عن 90%
اي امريكي واي كلام فاضي صحيح انو فيه فرق براحه لكن سياره وحافظ عليها وانسى انك تبي تغير شي فيها او يخرب.
كـيـمـو
16-09-2002, 03:33 AM
سلام للجميع
لوتتكرمون وتعطونا اسعار اكثر لقطع الغيار لاني والله ما اعرف عن الاوميغا شي وابيها تدخل مزاجي
مثلا
القماشات الاماميه لان الخلفيه دائما تكون ارخص
اسلاك البواجي
الدينمو
وغيرها
وكيف القطع الخارجيه تحتاج لتأمين
مثلا كم سعر لانوار
شووف عن القماشات الامامية انا سئلت بالجميح قالو لي ب450ريال
والرديتر على ما اعتقدب1800 ريال
فلتر الزيت ب10 ريال
المساعد الواحد ب800 ريال بس هاذي الاخيرة مو متأكد منها
المهم انا سار لي حادث عليها وقالولي الجميح التصليح ب19 الف ريال وعليها شوي
المهم انا صلحتها برة ب 4500 ريال بس
وهذا الي عندي
وبالنسبة للانوار يعني هي زينون يعني شوف بكم راح تكوون
انا سمعت انا راس النور بس ب900 ريال والله اعلم
كـيـمـو
16-09-2002, 12:49 PM
لالا على كذا بطلت كيف يقولو الشباب رخيصه الكزس اهون بكثير القماشات حق GS300 لاماميه ولاخلفيه 365 ريال
السائق المثالي
16-09-2002, 02:03 PM
رد مقتبس من -X-
شووف عن القماشات الامامية انا سئلت بالجميح قالو لي ب450ريال
أخوي -X- /
غريبة ،
أنا مشتري الأقمشة الأمامية لسيارة أخوي فل أوبشن 2002 قبل أسبوع بالضبط بـــ( 170 ) ريال ..
وقبل سنة اشتريت أقمشة أمامية لسيارتي 2001 بـــ( 220 ) ...
مسؤول الصيانة ، يقول إن في تخفيض على قطع الأوميغا .. المستهلكة ،
كـيـمـو
16-09-2002, 02:07 PM
اذا عندك خلفيه عن اسعار القطع ورأيك في السياره تكفى اعطينا
والله ما ادري بس انا سئلت واحد في قسم قطع الغيار في الجميح الي على طريق الخبر الدمام وقالي انها ب450 بس ما ادري
على كل حال سيارتي يبيلها قماشات اذا اشتريها راح اعطيكم بكم سعرها بالظبط
صوت المحرك انا انصحك تروح الجميح وتسأل بنفسك لان الشباب يمكن يضيعونك شوي
ويمكن الاسعار الي قال عنها شبابي كانت في موسم التخفيضات بس
والله اعلم
STS4ever
16-09-2002, 03:24 PM
من صفر الى 100 كلم..... 8.9 ثانية
اظن اني بصرف نظر عن الموضوع لان اهم شي القومه عندي لان الكاديلاك اللي عندي 6.8 وزعلان :D باقي انزل 8.9 والله فرق كبييير جدا
الله يختار
سلام ومشكورين حبايبي على الردود والله يخليكم وصراحه افدتوني كثييير وشكرا
lovely apple
16-09-2002, 04:36 PM
و الله اذا صاحب الموضوع اللي هو STS4ever مايبيني ارد على مواضيعه بعدين انا ما بطب هني و انت مالك شغل و استانس ما بتشوفني بمواضيعك:)
cruiser2000
16-09-2002, 05:04 PM
هاي ذييييييييييير
انا اخوي عنده اميجا 2001
مواصفاتها ممتازة
الراحة : مريحة جدا جدا جدا
قطع الغيار مرتفعة قليلا لكنها اصليه
خدمة الوكيل جيدة
لكن عند يوم يجيك التشييك اول واحد بكون مجاني لكن الثاني بجيك اعتقد 190 درهم او 300 والله مدري واللي بعدة بكون اغلى واللي بعده اغلى
التسارع مثل ما قال اخوي 8.9 لانها اندفاع خلفي
السرعة 260 كلم/س ولو يقولو لك 250 فقط لكنها تعطيك الطبلون كامل
احلى ما عجبني فيها يوم ترتبها
فيبرات على جنب وتبدل الدعاميه الاماميه والخلفية
جناح لومينا واقزوزست سيستم
ولا احلى بعد تطعيمات خشب
بحاول اصورها الكم ان شاء الله (انا جبت صورة من قبل لكنها تغيرت بالمرة الحين)
هذا اللي عندي
تحياتي
cruiser2000
بنت وفي قسم السيارات أيش بنترجى منها!!!
:rolleyes:
lovely apple
16-09-2002, 06:40 PM
انا ما بطب مواضيعك افرح و استانس و خل الذوق لاهل الذوق :)
السائق المثالي
16-09-2002, 07:32 PM
رد مقتبس من lovely apple
انا ما بطب مواضيعك افرح و استانس و خل الذوق لاهل الذوق :)
يا أخت : lovely apple ،،،
مع بالغ تقديري واحترامي لأمثالك ، لكن الأخ اللي بتناقيشه يصير مشرف القسم سابقا
وترى إذا هو ما عنده ذوق معنى ذلك إن مافي أحد عنده ذوق ...
أخوي : cruiser2000 ، تكفى عجل بالصور ....
أخوي -X- ...
أنا شاري الأقمشة الأمامية بــ( 170 ) قبل أسبوع
وأنا من المنطقة الغربية
يمكن الاسعار تختلف عندنا عن اللي عندكم .
lovely apple
16-09-2002, 09:08 PM
يا أخت : lovely apple ،،،
مع بالغ تقديري واحترامي لأمثالك ، لكن الأخ اللي بتناقيشه يصير مشرف القسم سابقا
طيب يا
NFS
اسفه:o :o :o :o
STS4ever
16-09-2002, 11:25 PM
lovely apple
:D :D :D :D :D :D :D :D :D :D :D
corvette indiana police
16-09-2002, 11:41 PM
lovely apple
نجيتي من الرد حقي
الحين تركتي العالم كله وما تحرشتي الا في حبيب الكل NFS
بس كلمة اسفه شفعت لك :D :D :D
تشاااااااااو
CL 600
17-09-2002, 03:43 AM
السلام عليكم
بالنسبة للسيارة OPEL OMEGA .. سأتكلم من خلال تجربة سيارتي لمدّة سنتين و 7 أشهر بشكل قاسي ..
في خلال سنتين مشيت 124000 كلم ..
سيارة جيدّة بمعنى الكلمة من حيث الصلابة وتماسك القطع الداخلية .. تنسى معها أصوات الرجّة اللتي تسمعها في كثير من السيارات الحديثة عند الدخول للمطبات والشوارع الغير مسفلته .
ثباته في المنعطفات والمناورة ثبات يفوق مثيلاتها ..
مواصفات كثيرة تتوفر بشكل قياسي حتى في أقل نوع .. مثل 4 إيرباق + ABS + كمبيوتر الرحلة + تحكم من المقود بالمسجل + مثبت للسرعة .
بالنسبة لقطع الغيار في جده ..
الأقمشة الأمامية .. 192 ريال
الأقمشة الخلفيّة .. 234 ريال
سير المروحة .. 115 ريال
الشبك الأمامي .. 200 ريال
الجنط الواحد 17 إنش .. 890
وسلامتكم
تحياتي لكم ,,
ماجد