سوالف للجميع - مذكراتي يوم كنت مراهقة هق هق

SeSe

04-10-2002, 09:41 PM

قاعد في الجمعية و ماسك صمونه و عصير سنكست و قاط القذلة على جنب جنها مو لي !!! و كاشخ لابس بنطلون رياضة و فانيلة مكتوب عليها " مصيول " متسلفه من واحد من الربع و طبعا الكتابة مكتوبه بالانجليزي و ماكنت مستوعب !!!! وانا قاعد والا بنت حلوة تشابه نجلاء فتحي بس شعرها كثيف و هدد مرت علي و قاطه العباية على الكتف و انا اطالع فيها و هي تمشي جني "شبه" واقف مو بني ادم واقف ويطالع و هي مرت وريحتها شبكت بخشمي و قلت بقلبي يحق لج كل اللي في الجمعية يطالعونج و راحت وانا اشوفها داخله المستوصف . طلعت وانا لي الحين واقف مثل ابراج الكويت ..... ثابت ولا حرررركة و قلت بقلبي اخاف اتحرش فيها و تصارخ علي جدام الناس ..... لان انا عندي قاعدة وهي ان اللي شعرها هدد ماتستحي ، و اللي مسويه عناقيص خجولة وحبوبه و تستحي ..... و ثاني يوم اخذت واحد من الربع معاي الجمعية و رفيجي هذا ضاربة فيوزاته و قلت له يا ولد يقوللك البنات يم الجمعية حاذفين نفسهم على الشباب و الشباب من كثر البنات في الجمعية قاموا يزفون البنات و يشوتونهم ، ورفيجي بروحه مجنون و عنده اخر فيوز و احترق بعد ، ولبس دشداشة ما فيها ولا زرار الا الزر اللي فوق و طبعا هو اقرع و و شكله يلوع الجبد .. ان شافت وجهه حامل على طووووووول تجهض او ان الياهل يطلع فيه صرع ...... ورحنا انا وهو واخذنا زاوية عند الجمعية يعني احنا شباب كلش ..... بس ما كان فيه الا السيلانيات و الهنديات اللي نتحرش فيهم وهم يردون علينا انتي حمارة انتي كلبة و احنا مطنشين لاننا متأكدين ان البنات ما يجون الا بالتعب و الشقى و لازم شوية بروفات مع السيلانيات ... و الا نفس البنت اللي البارحة تمشي جنها "ديج " .. اللي يشوفها جنها شامة ريحة خايسة و الا رفيجي الخبل يقول يا ولد هذي بنت بروح اكلمها ... جان اقول له وح ولا تخاف هذي لو تغازلها على طول تحبك و كل يوم تشتري لك " بنك " و مبرد .. وقال اقول بدر ترى هذي حلوة و تطير العقل .. و انا قلت الحمدلله و الشكر انت من وين لك عقل علشان يطير .. و طالعني و قال تكفى بس لا تغر مني انا مرة و انت المرة الللي بعدها لك !!! و هذا وعد مني .... و رديت روح انت اللحين و انا بقلبي اقول روح سو لي بروفه لشان اجس النبض و بعدها انا ابتدي معاها ... و راح رفيجي عندا و قال اقول انتي يالخبلة .. و هي التفتت عليه ة قالت " آني " .. و رد ايه انتي ما عند نظر يوم تمرين علي و حتى نظرة ولو جبر خاطر ما في؟؟ و رد عليه البنت " أني اطالع واحد مثلك ولك انت شفت وجهك هذا اللي كل مكان فيه مشمخ من الهواش !!" قال " لاني رجال مو مثلج انتي يا ام البقصم " وردت هي " اقول لك روح تسبح يا بو ريحة خايسة " .. و دزته و طاح على الارض وهو يقول " كلميني اقول لك ولا الحين اقوم عليج يا رفيجة سعدون جابر " ... و انا لمه شفت وجه رفيجي انفرك بالارض رحت طاير على البنت وقلت " اقول اختي مو حرام عليج " و ردت " و انت بعد شنو تبي " ... و رديت : ارجوج لا تصارخين علي انا ما غلطت عليج و بعدين مو حرام تدزين واحد من ضعاف العقول و سويت نفسي ابكي يعني اني احب رفيجي ... و ردت " انا اسفة عيوني و لا ادري انه مخبل هو اخوك؟" ... قلت : لا هذا اكثر من اخوي انتي ما شفتي وجهه و معرفتي انه مصرقع .... و ردت انا اسفه عيوني حبوب انت ، و رفيجي يصارخ بدر روح جيب الربعخلنا نمسح وجهها بالارض ... وهي تقول اخذ صاحبك و روح من هني لا اطيح حظ صاحبك .. و رديت مو مشكله الحين اصرفها لج بالزباله المهم انتي لا تزعلين ... و ردت لا آني مو زعلانه لا تخاف خلاص روح و رديت عليها و قلت ممكن اطلب من طلب .... و ردت قول و خلصني .. و قلت بصراحه انا احسدك انتي اكيد يصير لج اللاعب احمد راضي لانه فيه شبه منج .. و ردت و هي تضحك لا عيوني لا تبالغ انت فرد واحد دجال .. و رديت يعني اختي عدنان درجال !! و ردت اقول لك دجال مو عدنان درجال .. و رفيجي تكلم و قال اشوك ظبطها و كشت فيني ، صج انك ما لك صاحب عند الحريم و الشرهة مو عليك يا بدر علي انا اللي جيت معاك علشان تكشخ فيني .. و هي ماتت من الضحك لمن شافته تكلم ، و قالت " هسه رفيجك يزعل عليك .. و رديت " بثلاث طقاقات " كل شي علشانج يهون ... و ردت ممكن اعرف انت شنو تريد ؟ .. و رديت ما اريد الا شي واحد اني بس اقعد اكلمك و احر شباب الديرة كلهم و اقول اني اكلم احلى بنت بالديرة ، وهي صاروا خدودها حمر و قالت " ولك خجلتني " و هي وجهها ما شاف ريحة الحيا !!! و قلت ارجوكي لا تخليني ، و قالت طيب و المطلوب هسه ... قلت لها " ابي اكلمك " ... وردت انا كل يوم اروح المستوصف هالساعة باجر اقعد معاك و اسولف لان اليوم تاخرت على البيت و قالت آني باجر راح اجي بس لا تنسى هديتي و هي تضحك و راحت !! .. و انا اقول بعد " خجلتني " تبي هديه و تقول " خجلتني " ؟؟ و رحت بالليل افكر و قلت يا ولد شنو اعطيها هديه الا اذا اجيب لها واحد من الربع بقصدير ، و انا مفلس على الاخر حتى جيوبي تكح !!! .... في اليوم الثاني و انا رايح الجمعية و ما عندي شي ولا احصل في دربي حديقة فيها ورد ... جان اخذ كم من ورد و سويت باقه ورد و الا يلحقني الهندي حارس الحديقة و انحشت .
وصلت الجمعية و انطر اخت سعد الحلي تشرف .... بعدين جت و اول ما شافتني قالت اقول لك وين الهديه و طلعت الورد .. و قالت " اقول لك " .. و رديت قولي يا عمري انتي تأمرين يا بعد عيون ربعي كلهم ... و قال انت ما تستحي على هالهدية ، آني قلت هسه تريد تجيب لي مضاعد و الا عقد ذهب ... وانا اقول بقلبي ولا صندوق موز يالسباله ... ورديت عليها ذهب الدنيا كلها مو قدرج يا عمري ... وقالت اقول لك تراني شبعت من هالحجي .... و بقلبي قلت " بل طلعت خبرة " .... و قلت لها احنا خلينا نسولف الحين و باجر تجيك الهديه الطيبة ... و ردت لالا ما أريد ،و الا سعبلت ، و قلت لها ويييييييع بنت و تسعبل بعد !!! و هي تخسبقت و قالت والله ما ادري ... و رديت اقول انتي ماكله باجة قبل ما تجين والا شيش كباب ، و طالعتني و قالت طيح الله حظك انت ولك شنو ماكو احساس !! .. و رديت ليش شايفتني اسعبل مثلج !! .. و هي عصبت و صرخت والله لا اجمع عليك الناس يا الجلب ... و رديت الجلب اللي يسعبل مو انا يا ام خشم كل فتحه فيه كبر حلج البعير و انا انحشت و هي فضحتني بالجمعية ... و انا راد البيت و الا يصيدني الهندي اللسي في الحديقة و يصرخ انا بجيب الحين الشرطة .. و رديت انا انت خلي انا و انا اجيب ورد مال انت !! و عضيته عضة قوية حسيت انه روحه طلعت من هالعضة و انحشتتتتتت !!!!!

من تاليف مؤلف يشبهني :D :D :p