ياجمرة الشوق

[حبيبها]

ياجمرة الشوق

ماكتبه الله ..

وانك تنطفين ؟؟

لو توطاك الزمن ..

باقدام حفيا ..

ماهقيتك تنطفين

قيل ..

مايوجس لهيب الجمر ..

الا ..

رجل ملهوف وطا

وانتي احرقتي قدم..

وانتي افنيتي عزم

وانتي الهبتي ..

حصيل العمر ..

وابقيتي عدم

ولاكتبه الله ..

وانك تنطفين

*** *** ***

ياجمرة الشوق..

ليه وانتي ..

ياللي كل ساعة تجدد..

داخل عروقي قديمه ؟؟

من عرفت الناس حولي..

وانتي بحلقي مقيمه

نبرتي لبست ثيابك

وكل مالديت جابك..

داخل عيوني وقلبي..

شي يستاحش غيابك

هو رمادك من فتيل؟؟

والا ضلعيني حطب ؟؟

ياللي ماشمتي قتيل

ولاتذخرتي لهب

ولاكتبه الله ..

وانك تنطفين

*** *** ***

اسألك بالله .. يالله

يالهيب الشوق اطفا

انشد دروب الرماد

خلني ..

تكفى ..اباغفا

كلها ضغطة زناد

لاهو بعد ويرتجى

ولاهو حي ويلتقى

ذاك من قفا وخلى

كل مافيني رماد

وانتي احرقتي قدم

وانتي افنيتي عزم

وانتي الهبتي ..

حصيل العمر..

وابقيتي عدم

ولاكتبه الله ..

وانك تنطفين