ARAE
16-11-2002, 10:54 AM
(( منقول من الأخ الهياثمي))
مسيكم بالخير يالعمال العماليه
فيني اليوم بربره متعديه من فتح الموضوع يتحملني الله ياجره عاد
-------------------------
الحين بامريكا والدول الاوربيه نسبه المشاركه في الانتخابات ضعيفه وامريكا بالذات تعتبر اقل دوله فيه نسبه المشاركه في الانتخابات لانهم مهنا حرص زايد , يعني جايزله الوضع بشكل عام والتغيرات اللي تبي تصير قليله ومحدوده ,لكن السياسات العامه ثابته , واللي يصوتون اصحاب المصالح الخاصه , وعلى العموم هم نسبه قليله , وفي الدول العربيه اللي يقالها ديموقراطيه برضو نسبه المشاركه قليله لانهم صوتو ولا ماصوتو الريس الله يطول عمره باقي باقي .
يقول دكتورنا ان له صديق مصري وكانت ذيك الايام ايام انتخابات رئاسيه بمصر وكان فيه مرشحين ,مبارك وواحد ثاني جايبينه عن قولة انهم ماسوو انتخابات ,المهم الرجال يبي ينتخب وقال ملينا من مبارك من ايام الفراعنه وهو ريس ,خل نغير بس ويختار الثاني ,ويروح ويحط الكرت جوا الصندوق ,راح للبيت وقام يفكر وتحسف , قال والله مبارك موب شين والاقتصاد المصري انتعش بالسنوات الاخير الاخلني اروح اقولهم كودهم يوافقون ويعدلون تصويتي .ويروح من بكرا وكله حماس ويقولوهم والله ياجماعه الربع انا صوت للثاني والحين ودي اغير تصويتي واصوت لمبارك ,قالو وبكل بجاحه وصراحه حنا عدلناها لك هالمره بس لاعاد تكررها .
انا اتوقع لو صدق يصير فيه انتخابات نزيهه في الدول العربيه على اختيار الرئيس ان ال 99% بدال مايصيرون مؤيدين يبي يصيرون معارضين .
---------------------
- سوريا اغلبيه سكانها سنة والحكومه شيعيه , يعني معقوله فيه سنة يبي يختارون شيعة عشان يحكمونهم
على العموم حافظ الاسد وصل للحكم عن طريق انقلاب ولايهمكم انه قصير وهيكل كنه هندي يشتغل بقهوه لكنه عسكري وعصبه لاتحقرونه
<<<<<<<<<<متطاق هو وياه
المهم عشش الله يرحمه بالحكم ومات ويقال والله اعلم انهم عطو الجنود 1000ليره "100ريال" وقالولهم اطلعو وطلعو اهلكم معكم وصيحو وناشقو وفعلا طلعت مسيرات تروع وصياح ووحده شفتها الظاهر جاها انهيار عصبي ,كنت اشوفها انا واخوي ,يقول اخوي شكل ذي معطينها زود على الدراهم كيلو زعتر
على العموم كل ذا الحركات عشان يظهرون للعالم ان الحكومه شرعيه ومنتخبه من قبل الشعب .
---------------------
- بالجزائر الجيش هو اقوى مؤسسه بالدوله , وقالو نبي نسوي انتخابات نزيهه ,المهم فاز الجزب الاسلامي وبما ان القيادات العسكريه كانت متأثره بالاستعمار وبالثقافه الفرانكفونيه قالومعصي معاد الا مطاوعه يحكموننا .
فجو ذا اللي يقالهم مطاوعه وانا والله مدري وش دينهم وبدو يفجرون بكل مكان ويقتلون مسلمين وابرياء
ذكروني بالمبزره اذا قالو يانلعب يانخرب
------------------
- ننقز للملك الحسن الثاني ابوك يامحمد السادس ذا اللي توه معرس الله يحوم كبده ان كانه تارك زيون المغرب وماخذ شغاله ياخي لو تسافر على الخطوط السعوديه والله ان تلقا مضيفات ازين من ذا الشيفه
<<<<<<<< اقصا طموحه مضيفات
المهم ماعلينا ,الحسن الثاني يقال انه ساهم بشكل كبير بهجرة يهود المغرب لفلسطين ,والمغرب فيها نسبه يهود مهيب بسيطه , ويقال ولا احط بذمتي انه عميل لامريكا بحيث انه في اجتماعات جامعة الدول العربيه "وعلى طاري ذا الجامعه اللي تاسست عام 1945 وكانت بريطانيا داعمتها بعنف على اساس انهم يسوون بين العرب رابطه تكون اهون عليهم من رابطة اسلاميه خصوصا انهم خبرأ بالعرب ويبخصونهم زين " المهم كان فيه جلسات سريه احسها محطوطه عشان قادة دول الخليج يفصخون بشوتهم وشمغهم كخخخخخخخ
<<<<<<<مستوى تفكيره متدني
المهم ان الملك الحسن اول مايطلعون من الجلسه يروح ويدق على البيت الابيض يكب العشا احسه وهو يكلم يتلفت ومقصر صوته كنه بنت تكلم خويها وحولها اهلها كخخخخخخخخخخ
<<<<<<<<<تشبيهاته مثل وجهه
-------------------------
- كثيرين طالبو الدول العربيه وعلى راسها السعوديه بقطع البترول عن امريكا كوسيلة ضغط وسواها ابوعدي الزاحف وقطعه شهر كامل , بس المشكلة انه رغم قطع البترول كانت العراق تحتل المركز الاول بتصدير النفط غير الرسمي ويصدرون لايران اللي تشتريه باقل من سعر السوق وتبيعه بسعر السوق لحسابها , يعني مبادرة العراق حركه اعلاميه استهلاكيه لااكثر , ولاتهون ليبيا اللي دايما يطامر القذافي ويقول طز بامريكا وخلو نتحالف ضد امريكا. وعلى طاري القذافي , مره راح القذافي بزياره لنيجيريا , وتصادف صلاه الجمعه ويخطب بهم "موب يحقر عمره ابدات " المهم يوم جو يصلون قرا عليهم سورة البقره كامله احسهم يوم خلصو قامو واذنو العصر على طول المهم يوم خلص ابو الشباب ويرتز بمكانه وحاقر الخوال اللي وراه , ويحترونه يلتفت يوريهم الخشه البهيه بس ابو الشباب طناش
يقولون ان دول اوبيك اذا اتفقت على تخفيض الانتاج عشان ترتفع اسعار البترول , وافق القذافي ووقع لكنه يصدر من تحت لتحت
فمن الاسباب وركزو اني اقول من موب كل الاسباب لعدم قطع البترول التصدير اللي من تحت الطاولة .
------------------------
- في حرب 48 اللي للاسف دخلوها العرب لاطماع شخصيه وبالفعل بعد الحرب اخذت الاردن الضفه الغربيه ومصر قطاع غزه,اسرائيل سيطرت على 77% من مساحه فلسطين وكانو بعد قرار التقسيم وقبل ذا الحرب مسيطرين على اقل من 50%من الاراضي.
اللي صدق فضيحه ان قائد القوات الاردنيه اسمه جلوب باشا وهو بريطاني بس ملفقين له ذا الباشويه كاشخ وهو وجهه مايدري ان بمصر حتى السباك اذا بغيته يخفظلك تقوله ياباشا
جلوب باشا ذا كانو هل نجد يسمونه ابو حنيتس ذكرني بطيب الذكر
بعد مادخلت القوات الاردينه لمناطق واسعه وكانت على حدود تل ابيب وكانو يقدرون يدخلون انسحب ابوحنيتس بدون مقدامات وانكشفت الجبهه المصريه وترجفو المصاريه ترجيف.
على العموم كل الجيوش العربيه دخلت بلحالها وبدون اي تعاون مع الجيوش الاخرى ,صدق عرب
بعدها بكم سنه اغتال فلسطيني الملك عبدالله بن الحسين وكان معه ابنه الحسين
----------------------
- تذكرون قمة بيروت الاخيرة , هذي اعتذر عنها مبارك والملك عبدالله لاسباب قالو انها امنيه بس الاكيد انها تصريفه لما وقع السادات "مدري ليه اذا شفته تذكرت هندي يجيب جمر با ابوهيثم " اقول لما وقع معاهده كامب ديفد ونصت على انه يكون فيه سلام وتعاون بين البلدين وتمثيل دبلوماسي , طبعا ذا المعاهده مهيب ببلاش, وكان حقها ان مصر تكون ثاني دولة بعد اسرائيل تستلم مساعدات امريكيه اضنها بحدود مليارين دولار سنويا .
والاردن بما انها مطبعة مع اسرائيل فياخذون.
مبادرة الاميرعبدالله تنص على انه انساحب كامل تطبيع كامل , ولو تطبقت ذا المعاهده فهذا يعني ان مصر والاردن ماعاد لهم تميز عن الدول العربيه , وعلى كذا يبي يقولون امريكا وحنا وشولوه نعطيكم فلوس وانتم مالكم زود عن الباقين نكد على مهبل حنا .وهذا اللي مايبونه لامصر ولا الاردن لكنهم طبعا لازم يأيدون المبادرة قدام الناس والاعلام
والسلام
مسيكم بالخير يالعمال العماليه
فيني اليوم بربره متعديه من فتح الموضوع يتحملني الله ياجره عاد
-------------------------
الحين بامريكا والدول الاوربيه نسبه المشاركه في الانتخابات ضعيفه وامريكا بالذات تعتبر اقل دوله فيه نسبه المشاركه في الانتخابات لانهم مهنا حرص زايد , يعني جايزله الوضع بشكل عام والتغيرات اللي تبي تصير قليله ومحدوده ,لكن السياسات العامه ثابته , واللي يصوتون اصحاب المصالح الخاصه , وعلى العموم هم نسبه قليله , وفي الدول العربيه اللي يقالها ديموقراطيه برضو نسبه المشاركه قليله لانهم صوتو ولا ماصوتو الريس الله يطول عمره باقي باقي .
يقول دكتورنا ان له صديق مصري وكانت ذيك الايام ايام انتخابات رئاسيه بمصر وكان فيه مرشحين ,مبارك وواحد ثاني جايبينه عن قولة انهم ماسوو انتخابات ,المهم الرجال يبي ينتخب وقال ملينا من مبارك من ايام الفراعنه وهو ريس ,خل نغير بس ويختار الثاني ,ويروح ويحط الكرت جوا الصندوق ,راح للبيت وقام يفكر وتحسف , قال والله مبارك موب شين والاقتصاد المصري انتعش بالسنوات الاخير الاخلني اروح اقولهم كودهم يوافقون ويعدلون تصويتي .ويروح من بكرا وكله حماس ويقولوهم والله ياجماعه الربع انا صوت للثاني والحين ودي اغير تصويتي واصوت لمبارك ,قالو وبكل بجاحه وصراحه حنا عدلناها لك هالمره بس لاعاد تكررها .
انا اتوقع لو صدق يصير فيه انتخابات نزيهه في الدول العربيه على اختيار الرئيس ان ال 99% بدال مايصيرون مؤيدين يبي يصيرون معارضين .
---------------------
- سوريا اغلبيه سكانها سنة والحكومه شيعيه , يعني معقوله فيه سنة يبي يختارون شيعة عشان يحكمونهم
على العموم حافظ الاسد وصل للحكم عن طريق انقلاب ولايهمكم انه قصير وهيكل كنه هندي يشتغل بقهوه لكنه عسكري وعصبه لاتحقرونه
<<<<<<<<<<متطاق هو وياه
المهم عشش الله يرحمه بالحكم ومات ويقال والله اعلم انهم عطو الجنود 1000ليره "100ريال" وقالولهم اطلعو وطلعو اهلكم معكم وصيحو وناشقو وفعلا طلعت مسيرات تروع وصياح ووحده شفتها الظاهر جاها انهيار عصبي ,كنت اشوفها انا واخوي ,يقول اخوي شكل ذي معطينها زود على الدراهم كيلو زعتر
على العموم كل ذا الحركات عشان يظهرون للعالم ان الحكومه شرعيه ومنتخبه من قبل الشعب .
---------------------
- بالجزائر الجيش هو اقوى مؤسسه بالدوله , وقالو نبي نسوي انتخابات نزيهه ,المهم فاز الجزب الاسلامي وبما ان القيادات العسكريه كانت متأثره بالاستعمار وبالثقافه الفرانكفونيه قالومعصي معاد الا مطاوعه يحكموننا .
فجو ذا اللي يقالهم مطاوعه وانا والله مدري وش دينهم وبدو يفجرون بكل مكان ويقتلون مسلمين وابرياء
ذكروني بالمبزره اذا قالو يانلعب يانخرب
------------------
- ننقز للملك الحسن الثاني ابوك يامحمد السادس ذا اللي توه معرس الله يحوم كبده ان كانه تارك زيون المغرب وماخذ شغاله ياخي لو تسافر على الخطوط السعوديه والله ان تلقا مضيفات ازين من ذا الشيفه
<<<<<<<< اقصا طموحه مضيفات
المهم ماعلينا ,الحسن الثاني يقال انه ساهم بشكل كبير بهجرة يهود المغرب لفلسطين ,والمغرب فيها نسبه يهود مهيب بسيطه , ويقال ولا احط بذمتي انه عميل لامريكا بحيث انه في اجتماعات جامعة الدول العربيه "وعلى طاري ذا الجامعه اللي تاسست عام 1945 وكانت بريطانيا داعمتها بعنف على اساس انهم يسوون بين العرب رابطه تكون اهون عليهم من رابطة اسلاميه خصوصا انهم خبرأ بالعرب ويبخصونهم زين " المهم كان فيه جلسات سريه احسها محطوطه عشان قادة دول الخليج يفصخون بشوتهم وشمغهم كخخخخخخخ
<<<<<<<مستوى تفكيره متدني
المهم ان الملك الحسن اول مايطلعون من الجلسه يروح ويدق على البيت الابيض يكب العشا احسه وهو يكلم يتلفت ومقصر صوته كنه بنت تكلم خويها وحولها اهلها كخخخخخخخخخخ
<<<<<<<<<تشبيهاته مثل وجهه
-------------------------
- كثيرين طالبو الدول العربيه وعلى راسها السعوديه بقطع البترول عن امريكا كوسيلة ضغط وسواها ابوعدي الزاحف وقطعه شهر كامل , بس المشكلة انه رغم قطع البترول كانت العراق تحتل المركز الاول بتصدير النفط غير الرسمي ويصدرون لايران اللي تشتريه باقل من سعر السوق وتبيعه بسعر السوق لحسابها , يعني مبادرة العراق حركه اعلاميه استهلاكيه لااكثر , ولاتهون ليبيا اللي دايما يطامر القذافي ويقول طز بامريكا وخلو نتحالف ضد امريكا. وعلى طاري القذافي , مره راح القذافي بزياره لنيجيريا , وتصادف صلاه الجمعه ويخطب بهم "موب يحقر عمره ابدات " المهم يوم جو يصلون قرا عليهم سورة البقره كامله احسهم يوم خلصو قامو واذنو العصر على طول المهم يوم خلص ابو الشباب ويرتز بمكانه وحاقر الخوال اللي وراه , ويحترونه يلتفت يوريهم الخشه البهيه بس ابو الشباب طناش
يقولون ان دول اوبيك اذا اتفقت على تخفيض الانتاج عشان ترتفع اسعار البترول , وافق القذافي ووقع لكنه يصدر من تحت لتحت
فمن الاسباب وركزو اني اقول من موب كل الاسباب لعدم قطع البترول التصدير اللي من تحت الطاولة .
------------------------
- في حرب 48 اللي للاسف دخلوها العرب لاطماع شخصيه وبالفعل بعد الحرب اخذت الاردن الضفه الغربيه ومصر قطاع غزه,اسرائيل سيطرت على 77% من مساحه فلسطين وكانو بعد قرار التقسيم وقبل ذا الحرب مسيطرين على اقل من 50%من الاراضي.
اللي صدق فضيحه ان قائد القوات الاردنيه اسمه جلوب باشا وهو بريطاني بس ملفقين له ذا الباشويه كاشخ وهو وجهه مايدري ان بمصر حتى السباك اذا بغيته يخفظلك تقوله ياباشا
جلوب باشا ذا كانو هل نجد يسمونه ابو حنيتس ذكرني بطيب الذكر
بعد مادخلت القوات الاردينه لمناطق واسعه وكانت على حدود تل ابيب وكانو يقدرون يدخلون انسحب ابوحنيتس بدون مقدامات وانكشفت الجبهه المصريه وترجفو المصاريه ترجيف.
على العموم كل الجيوش العربيه دخلت بلحالها وبدون اي تعاون مع الجيوش الاخرى ,صدق عرب
بعدها بكم سنه اغتال فلسطيني الملك عبدالله بن الحسين وكان معه ابنه الحسين
----------------------
- تذكرون قمة بيروت الاخيرة , هذي اعتذر عنها مبارك والملك عبدالله لاسباب قالو انها امنيه بس الاكيد انها تصريفه لما وقع السادات "مدري ليه اذا شفته تذكرت هندي يجيب جمر با ابوهيثم " اقول لما وقع معاهده كامب ديفد ونصت على انه يكون فيه سلام وتعاون بين البلدين وتمثيل دبلوماسي , طبعا ذا المعاهده مهيب ببلاش, وكان حقها ان مصر تكون ثاني دولة بعد اسرائيل تستلم مساعدات امريكيه اضنها بحدود مليارين دولار سنويا .
والاردن بما انها مطبعة مع اسرائيل فياخذون.
مبادرة الاميرعبدالله تنص على انه انساحب كامل تطبيع كامل , ولو تطبقت ذا المعاهده فهذا يعني ان مصر والاردن ماعاد لهم تميز عن الدول العربيه , وعلى كذا يبي يقولون امريكا وحنا وشولوه نعطيكم فلوس وانتم مالكم زود عن الباقين نكد على مهبل حنا .وهذا اللي مايبونه لامصر ولا الاردن لكنهم طبعا لازم يأيدون المبادرة قدام الناس والاعلام
والسلام