View Full Version : سؤال وجواب (اطرح استفسارتك الفنية هنا)
زورو الامارات
27-12-2002, 12:22 PM
بسم الله الرحمن الرحيم
موضوع جديد في سوالف
هذا المكان مخصص لطرح الاسئلة التي يحتار محب السيارات فيها
ويريد المزيد من التوضيح والشرح عنها
سيقوم كل من لدية جواب عن الاسئلة المطروحه بالجواب ان شاء الله
الموضوع سيكون ثابت ان شاء الله وساعدوني في انجاحه لان الكثيرون لايعلمون كيف يطرحون اسئلتهم او الى من يتوجهون بها لذلك ارى ان هذا المكان سيساعدنا جميعها في الوصول الى الحلول
تحياتي للجميع
محمد دريهم
28-12-2002, 12:27 PM
.يعطيك العافيه اخوي زرو الامارت موضوع اكثر من رائع..
بصراحه عندي استفسار بسيط ...
مثلا اذا كنت امشي بسرعة 160 ..يعني بالعربي مسرع وفجأه جت اشاره حمرا وش افضل طريقه للوقوف بحيث احافظ على قماشات السياره ...لان سيارتي قير عادي وابي اعرف هل لما اجي اوقفها الافضل اني ارد نمره يعني اردها رابع بعدين 3 -2-1- ولا افضيها واضرب بريك؟؟
تحياتي ..
زورو الامارات
28-12-2002, 03:42 PM
السلام عليكم
اذا اردت الامان
فعليك بالاتي:
1- استخدام الغيار العكسي 4-3-2 ورفع رجلك عن الكلتش تدريجيا
2- استخدام المكابح مع هذة العملية
اما اذا اردت عدم الاضرار بالمحرك
فاستخدم المكابح لانها تتعوض وبسهوله عكس المحرك
خليل أبو سمرة
29-12-2002, 12:48 PM
ممكن انك ادوس بريك و تسوي غيار عكسي من الـ 5 الى الـ 2 و ترفع الهند بريك و تلف السكان الى جهة اليمين باقصى سرعة
اذا طبقة هذه الحركة بتكون آخر حركة في حياتك
لا بقولك طريقة
اذا كانت مسافة قريبة فالافضل انك تقطع الاشارة لانك لو مسكت بريك ممكن انك توقف في نص التقاطع
اما اذا مسافة بعيدة ممكن انك تسوي طريقة الاخ زورو العرب وانشالله تنجح الطريقة
بس عندي تحذير , ان الاكثار من الغيار العكسي يسبب تلف في الكلتش ويخلي طلعة السيارة بطيئة
وشكرا
SL 55 AMG:glasses:
s500l
30-12-2002, 04:34 PM
بما انك من الامارات يا اخ زوروالامارات
فابغى اسألك
اللانسر ايفولوشن تجي عندكم
و بكم؟؟
و لو تكرمتم ممكن واحد يحسبها لي مع الجمرك
و تحياتي لكم
تحيه خاصه للــــــــــــــــــــــــــؤي:)
زورو الامارات
30-12-2002, 05:19 PM
بالنسبة للانسر الايفو
ماتنزل عندنا بشكل رسمي
يتم استيرادها من اليابان بمقود على اليمين ويتم تعديله لليسار
بس ما انصح فيها ابدا لان مواصفات السلامه تختلف بالكامل وتؤثر على السرعات العاليه
اما بالنسبة لسعرها حاليا
فهي حوالي ال 95 الف درهم حسب ماشفتها العام في السوق
ولا املك معلومات حاليه عن الاسعار
قيمة الجمرك هي 4% بين كل دول التعاون
تحياتي لك
ACCORD-V6
30-12-2002, 11:09 PM
سؤال لو تكرمتم ياشباب
السرعه داخل البلد لمسافات قصيره قليلا يعني على 120 كذا هل تضر السياره وخصوصا اذا كانت بشكل متكرر قليلا
في انتظاركم
زورو الامارات
30-12-2002, 11:36 PM
ماذا تقصد بالسرعه في البلد ؟
هل قصدك التسارع ؟
ام السرعة الاقل من 120 ياليت توضح وتشرح لنا شوي
ACCORD-V6
30-12-2002, 11:44 PM
يعني شارع مب خط طويل
يعني متوسط المسافه كيلوين ثلاثه
من اشاره الى اشاره
من 0--120 مثلا ثم الى 0
يليت اكون وضحت
...
ACCORD-V6
30-12-2002, 11:47 PM
ولا قول 6 كيلو ولا 7 كيلو
هل تكراره يسبب ضرر
زورو الامارات
31-12-2002, 12:05 AM
قصدك القومات بشده من اشاره الى اشاره
شوف تجنب تضغط على المكينه بشكل كبير في القومه
اضغط عليها بشكل عادي بدون ما تخليها تتعب
ماراح يأثر هالشي لكن اذا كان الضغط كبير ستتأثر المكينه بعد فتره
حاول تريحها شوي ومافي داعي للضغط الشديد لانه يتعب المحرك ويقصر عمره ويزيد استهلاك البترول والمكابح
تحياتي
ACCORD-V6
31-12-2002, 12:24 AM
شكرا على السرعه في الرد يا مشرفنا
بس اقصد الوصول الى سرعه مرتفعه وعدم الاستمرار ثم التهدئه
تعبتك معي
ومشكور مره ثانيه
زورو الامارات
31-12-2002, 12:25 AM
هلا
العفو ولو حاضرين يا اكورد
نعم هذة الطريقه تضر بالسيارة حاول ان تتجنبها
واجعل تسارعك بشكل تصاعدي يكون افضل للمحرك
تحياتي
ACCORD-V6
31-12-2002, 06:53 PM
الف شكر مشرفنا وماتقصر
لا الحمد لله انا مااسويها بس استفسر ومشكور مره ثانيه
...
s500l
31-12-2002, 08:39 PM
تسلم والله
بس يقولون في البحرين تنزلها الوكاله ؟؟
هذا الكلام صحيح ولا لأ؟؟
خليل أبو سمرة
31-12-2002, 09:17 PM
بالنسبة لموضوع اللانس ايفو هي تنزل الامارات بس لازم تطلب السيارة قبل 3 شهور و سعرها 120000 درهم
أما بالنسبة للتسارع من اشارة للأخرى فها يضر البريكات فالاساس أما الامحرك فأنه حسب السيارة و نوعه
اذا كان سعته كبيرة فانها تصرف بترول و تقلل عمر المحرك و العكس صحيح
وشكرا
SL 55 AMG:glasses:
uae speed
31-12-2002, 10:59 PM
مراحب ::
فعلاً سعر الايفوليوشن بدبي 120 الف درهم ..
السياره قوية وتسارعها اقوى , لكن الامان الله يخلف عليه ..
لأنها اصلا صالون مب سبورت .. يعني معدلة فقط ..
وشكرا لك زورو .. :cool:
ACCORD-V6
02-01-2003, 02:47 AM
SL 55 AMG
كيفك اخوي
.........
اذا كان سعته كبيرة فانها تصرف بترول و تقلل عمر المحرك و العكس صحيح
.........
يعني اخوي المحركات ذات السعه القليله يطيل عمرها الدعس او قصدك في صرف البنزين(البترول)
اسف جدا للازعاج...
silver
02-01-2003, 03:14 AM
طيب ممكن سؤال لكن خارج عن الأسئلة الفنية هو سؤال مكانيكي
اي هذي القطع وايش فايدتها؟
http://www.sharkracing.com/Hyundai/bigborethrottle.jpg
http://www.sharkracing.com/Hyundai/barneythrottle.jpg
http://www.sharkracing.com/Hyundai/bbthrottle1.jpg
وكُتب جمب الصورة Throttle Body وكلمة Barney Throttle Body ممكن توضيحها.
وايضاً هذي القطعة
http://www.sharkracing.com/Hyundai/tiburonstrutbarfront.jpg
http://www.sharkracing.com/Hyundai/tiburonstrutbarrear.jpg
السلام عليكم ..........
عندي سؤال عن كيفيه المحافظه على لون السياره ولمعانها ؟
اخوك
عبدالعزيز
mill_955
02-01-2003, 01:28 PM
ERT
تقدر تحافظ على لون سيارتك ولمعانه بالتشميع يضعون طبقه فوق بوية السيارة تحافظ على لمعانها وتحافظ عليها من الخدوش واذا انت من السعوديه تقدر تسويها عند التلميع الساطع لانه افضل محل ويعطيك ضمان مدته على ماأظن انه 6 شهور
مشكور وما قصرت . اخوي انا من الامارات :D
deaddly 99 yukon
03-01-2003, 02:57 AM
بالنسبه للصوره الاولى الثروتل بودي هو الصمام الي يسمح بعبور البانزين يعني كل ما كان اكبر كل ما تحمل ضغط بانزين اكبر و سمح بكميه اكبر وهو عادة يكون مفيد اكثر بالسيارات الي فيها توربو بسبب الحاجه للمزيد من الوقود لموازنتها مع كمية الهواء و اعنقد ان الاخ كنجss جاوب على السؤال في موضوعه (عودة الملك باسرع كابرس في العالم) اما بالنسبه للصوره الثانيه فهو يلعب دور في تعليق السياره و المحافطة على تماسكه باللفات لكن ما عندي معلومات كافيه عنه وانشالله الشباب ما يقصرون معاك
760IL
05-01-2003, 02:31 AM
طيب انا عندي مشكلة في سيارتي اللومينا اذا اترفعت السرعة عن 90
المقود يرجف ويفقد توازنة ولازم امسكه بكلتا اليدين وهذا مااكانت موجودة من قبل ..ايش الحل
زورو الامارات
05-01-2003, 08:10 AM
السلام عليكم
اول شي تسويه تتأكد من ميزانية التواير
وحاول تلف التواير الي في الامام للخلف والعكس
واذا مانفع هالشي تتأكد من الرود الي هو يمسك لك الدركسون
وانتظر ردود من اصحاب اللومينات
تحياتي
zoueil
05-01-2003, 06:20 PM
السلام عليكم و بركاته
ممكن أعرف فائدة الأوفر درايف و الوقت المناسب لاستخدامه
SnoopY
09-01-2003, 02:31 AM
اخوي deaddly 99 yukon
الThrottle Body هو الصمام اللي يتحكم في دخول الهوا الى الماكينه اما البنزين فهو يدخل عن طريق injectors او بالعربي البخاخات !
اظن قصدك كان انو الThrottle Body موصل بالدعسه اللي احنا انسميها ( البنزين ) مع انها اساساً دعسه هوا !
اما بالنسبه لسؤال الاخ silver
فالـ Throttle Body موجوده في اي سياره بس عاده لما توصل السياره الى حد من العبث او التلغيم يتم تغييره الي Throttle Body اكبر لزياده كميه الهواء اللي يدخل الماكينه
اما الـstrut bars فهي اعمده يتم بها وصل اليــــيات حقت السياره من فوق لزياده قوه هيكل السياره مما يعطيها ثبات افضل وفي نفس الوقت تكون استجابه المقود افضل ولكن راح اتكون السياره اخشن اشوي!
SnoopY
09-01-2003, 02:40 AM
او زي ما يسمونه Drive Off وهو الاسم الاصح
هو عباره عن نظام يعمل على (فصل ) النمره الاخيره في القير الاوتوماتيك ( اذا كان القير 4 نمر فأن السياره ما راح تعشق رابع )!
مما يبقي الماكينه على RPM عالي اللي يخليها تطلع عزم اكبر !
moka_moka
10-01-2003, 02:55 AM
لدي سؤالين :
الاول
مافائده زر (POWR) الموجود في اللومينا والكابرس
الثاني
مافائده (الهزاز) مو متذكر اسمه بالضبط
الموجود بالسفاري ؟
اتمنى اجابه موضحه
وماتقصرون ...
زورو الامارات
10-01-2003, 01:37 PM
السلام عليكم
زر باور في الكابرس واللومينا واللاندكروزر والكراون
يعمل على اخراج الطاقة القصوى من المحرك ويأخر قليلا تباديل الجير
فتحس بقوة كبيرة وبالطبع يكون استهلاك البترول كبير جدا فهو لا يستخدم الا قليلا او نادرا حسب حاجتك
اما الهزاز كما تسمونه في السعوديه او الدفريشن لوك -قفل الدفريشن
يعمل على ايقاف احد العجلات التي ان غرزت السياره تدور على الفاضي يعني تحفر مكانها يقوم هذا النظام بقفلها ونقل القوه الى العجلات الثلاث الاخرى فتبدأ السياره بالتحرك بشكل اكبر
تحياتي
ابو محمود
11-01-2003, 06:53 AM
انا اسمع في سيارتي صوت قرقشه(صوت زي صوت المفاتيح اذا هزيتها) في المكينه اذا جيت احميها!
ما ادري وش السبب؟!
ابغى اكثر الاسباب احتمالاً علشان ما يلعبون علي حقين الورش:)
زورو الامارات
11-01-2003, 11:48 AM
السلام عليكم
استفسارات قبل الجواب
هل هذا الصوت في اول تشغيل للسياره وهي بارده ؟
ولا دائما هالصوت يطلع في حالة انك شغلتها سواء كانت بارده او حاره ؟
واذا امكن اعرف شو سيارتك وموديلها
تحياتي
Faisal20o0
11-01-2003, 09:32 PM
تحيه طيبه وبعد
اشكرك اخوي على هذا الموضوع الشيق والمفيد وماقصرت
وعندي استفسار وهو
عندنا كابريس موديل 96
وعند تشغيلها تستغرق تقريبا 3 ثواني على بال ماتفك السلف وتكون اشتغلت واعتقد ان هذا الوقت طويل
ياريت اخواني تفيدوني ماهي المشكله وماهو حلها
واكون شاكر ومقدر لكم
caprice
12-01-2003, 01:06 AM
هلا بالشباب :)
الاخ Faisal20o0
المشكله عندك في السلف تعبان يعني عمره الافتراضي بدا ينتهي . فيا انك تغير القطع الداخليه للسلف ( الفحمات ) او تغير السلف بالكامل ترى ما غالي كثير :)
:) :) :)
ابو محمود
12-01-2003, 02:41 AM
ماشاء الله عليك يا كابريس وش دراك ان الصوت يطلع والسياره بارده!:shock2:
روح الامارات
12-01-2003, 10:21 AM
عندي استفسار هل صحيح ان السيارة اللى تتعود على الخطوط وايد تكون اقوى من اللى متعوده بس في المدينه والمشاوير القصيرة......؟.
عندي سؤال عن قطع التلغيم
هل قطع التلغيم حق امبيريز تركب على ليجاسي؟
مع تحياتي:help:
King_SS
13-01-2003, 02:51 AM
اي استفسار انا حاضر .. بس بالدور ...
واذا كان عندي الحل او الدراية .. ابشرو
King_SS
13-01-2003, 02:58 AM
رد مقتبس من روح الامارات
عندي استفسار هل صحيح ان السيارة اللى تتعود على الخطوط وايد تكون اقوى من اللى متعوده بس في المدينه والمشاوير القصيرة......؟.
==========
بالطبع سيارة الخطوط اقوى من سيارة وسط المدينة .. كما هوا الحال في مكسيماتي القديمة .. كانت اقوى مكسيما في جدة .. بسبب انو عملي كان في مكة وكنت يوميا اضرب 160 كيلو مشوار ..
والسبب .. انو سيارة الخطوط ما بتعطي فرصة للترسبات في داخل الثلاجة ومجرى الهواء في المكينة ... وايضا في البخاخات ومجرى البنزين ..
بينما سيارة وسط البلد .. بسبب التسارع والتبظيء كل شوية .. توقف في اشارة وبعدين تمشي وتتسارع وترجع توقف مرارا ... فاللي بيحصل انو مجاري الهوا بيحصل فيها ترسبات كربون تقللي من كمية الهواء اللي داخل
وايضا مجاري البنزين .. فهي من باب اولى .,.
بالتالي نسبة هواء اقل وبنزين اقل مع عدم نقاوة .. سيارة المدينة تلاقيها اضعف بمراحل ..
انا انصح .. الشباب للمحافظة على عزم سيارتهم .... مررة وحدة في الاسبوع امسكها خط ويدعس بيها بتسارع ثابت الى ان يوصل سرعة معينة فل تكن 180 وخلاص ...
بالنسبة لممارسي هواة السباقات فما ينطبق عليهم الكلام دا .. لانو سيارته باستمرار عزمها جيد بسبب الدعس الكثير ..
ولاكن مش معنى كلامي هذا انو تروح وتحرق السيارة كل يوم .. خل بالك انو الدعس الكثير على السيارة يخليها تستهلك المكينة والقطع الموجوده ويرغمك على صيانتها كل فترة قصيرة
King_SS
13-01-2003, 03:02 AM
رد مقتبس من ابو محمود
انا اسمع في سيارتي صوت قرقشه(صوت زي صوت المفاتيح اذا هزيتها) في المكينه اذا جيت احميها!
ما ادري وش السبب؟!
ابغى اكثر الاسباب احتمالاً علشان ما يلعبون علي حقين الورش:)
===============
في معظم السيارات ... عند تشغيل السيارة تسمع صوت .. فهذا طبيعي .. والسبب هو ان الزيت بسبب الوقفة الطويلة يكون كله في الكارتير .. وعند تشغيل السيارة فالجزء العلوي للمكينة ( الروس) تكون خالية من الزيت ) لمدة ثواني الى ان يتم تعبئتها من قبل طرمبة الزيت ... طبعا احتكاك الحديد ببعضه يسبب هذا الصوت الى ان يمتلي بالزيت
لاكن لا تقلق فالصوت هذا طبيعي
روح الامارات
13-01-2003, 04:54 AM
شكرا لك اخوي احمد على المعلومة القيمة والصراحة هذا السؤال كان شاغل بالي من فترة طويلة لكن الحمدلله الحين عرفت الجواب:) :) :)
شكرا لكKING SS
ابو محمود
13-01-2003, 05:25 AM
ممتاز الله يبشرك بالخير!
عندي سؤالين!
ماهو رايك في تبديل اسلاك البواجي؟
ماهو رايك في تنظيف زيت المكينه؟
King_SS
13-01-2003, 11:40 AM
رد مقتبس من ابو محمود
ممتاز الله يبشرك بالخير!
عندي سؤالين!
ماهو رايك في تبديل اسلاك البواجي؟
ماهو رايك في تنظيف زيت المكينه؟
تبديل اسلاك البواجي .. في حالة انت متاكد انها محترقة او تهرب كهربا .. وماعدا ذلك فلا تضيع فلوسك .. لانو السيارة طالما ماشي بدون تفتفة او تشعر بداخلها بتنتيع .. معناه انها سليمة ..
في حال اذا كانت اسلاك البواجي معدومة .. راح تشعر بداخل السيارة بتنتيع مستمر او تقطيع مستمر ...
زيت المكينة وتنظيفه مممممم ما اعتقد له لازمه .. وانما في نظري تنظفه كل سنة مررة يكفي ..
كـيـمـو
13-01-2003, 03:07 PM
طيب هذا سؤالي
اذا كانت السياره وهي واقفه فيها شبه حركه لليمين واليساره (المكينه عرض) مع اني مغير اسلاك البواجي والبواجي هل ياترى هذا من كراسي المكينه؟
سؤال اخر/ صوت زي المروحه داخل المكينه (حنحنه)خفيف غير طبيعي؟
وسلامتكم
King_SS
13-01-2003, 05:01 PM
رد مقتبس من TIWNCAM
طيب هذا سؤالي
اذا كانت السياره وهي واقفه فيها شبه حركه لليمين واليساره (المكينه عرض) مع اني مغير اسلاك البواجي والبواجي هل ياترى هذا من كراسي المكينه؟
سؤال اخر/ صوت زي المروحه داخل المكينه (حنحنه)خفيف غير طبيعي؟
وسلامتكم
بالنسبة للهزة الل يفيها ... احتمال تكون بواجي واحتمال تكون الاسلاك واخر احتمال هو كراسي المكينة ..
اي خلل في كهربة السيارة سيبب الاهتزاز اللي بتشعر بيه
لاكن بالنسبة لصوت الحنحنة اللي بتقول عليه .. مدري لازم اسمعه بنفسي ..
ابو محمود
14-01-2003, 03:07 AM
:rolleyes:
ماشاء الله عليك يا احمد!
عيني عليك بارده!
الله يوفقك!
King_SS
14-01-2003, 03:11 AM
رد مقتبس من ابو محمود
:rolleyes:
ماشاء الله عليك يا احمد!
عيني عليك بارده!
الله يوفقك!
===========
تسلم يابومحمود من ذوقك يا غالي يا ولد الناس
mill_955
14-01-2003, 01:33 PM
السلام عليكم
انا عندي سؤال
انا عندي جمس سوبربان موديل 97 السياره كانت تقطع وديتها الشركه وغيروا البخاخات وطرمبة البنزين وغطاء الديلكو وقعدت معي اسبوع زي العسل وبعدين رجعت زي اول ورحت لهم وغيرت الطرمبه مره ثانيه ونفس الشي وركبت طرمبه ثالثه ورابعه وخامسه ووديتها ورشات برا غير الشركه زي الورشه السعوديه الامريكيه والعالميه والسياره زي ماهي اول اسبوع زي العسل وبعدين تقطع ياليت القى عندكم حل
King_SS
14-01-2003, 02:01 PM
رد مقتبس من mill_955
السلام عليكم
انا عندي سؤال
انا عندي جمس سوبربان موديل 97 السياره كانت تقطع وديتها الشركه وغيروا البخاخات وطرمبة البنزين وغطاء الديلكو وقعدت معي اسبوع زي العسل وبعدين رجعت زي اول ورحت لهم وغيرت الطرمبه مره ثانيه ونفس الشي وركبت طرمبه ثالثه ورابعه وخامسه ووديتها ورشات برا غير الشركه زي الورشه السعوديه الامريكيه والعالميه والسياره زي ماهي اول اسبوع زي العسل وبعدين تقطع ياليت القى عندكم حل
======
انا حاسس بمعاناتك ..
طيب انت التقطيعة عندك خفيفة او قوية مررة .. وانت ماشي بشويش او اذا دعست على الاخر ..
هل هي قطعة قوية والا قطعات خفيفة متتالية
عند سرعة معينة او ار بي ام معين .. او انها بتجيك في البداية ..
انت بتقللي انك غيرت بخاخات وطرمبة البنزين وغطاء الديلكو ..
هل شيكت على اسلاك البواجي ... يمكن تكون ماهي مشبوكة زي الناس .. بعد فترة واهتزاز المكينة يفصل واحد منهم او يسير محلول ..
طيب هل غيرت بواجي .. ؟؟
انا اقللك شي في سيارات جي ام من موديل 1993 الى وقتنا الحالي .. فيها مشكلة بسيطة وهي كالتالي ..
وهذي انا عانيتها في الجمس عندي وفي الكابرس والكورفت وكل سياراتي .. الا وهي ..
اذا انت ماشي ونقص البنزين في التانكي عن النص ... تقوم السيارت تقطع عليك اذا دعست على الاخر ..
ليش ؟؟؟
موقع طرمبة البنزين في التانكي.. سيئ بحيث انو اذا دعست على الاخر .. كمية البنزين الموجودة بترجع مع قوة الاندفاع الى الوراء فبالتالي طرمبة البنزين ما يوصلها البنزين مما يؤدي الى التقطيع اللي بتقول عليه ..
ابغاك تجرب شي .. قبل ما توديه ورشة او اي مكان ..
عبي التانكي فل .. واوقف لوحدك في شارع فاضي وادعس للاخر .. خللي السيارة تفصل على الاقل النمرة الاوى والثانية .. وشوف هل تقطع معاك ..
اذا ما قطعت معاك .. فهي مشكلة التانكي وهي موجودة في جميع سيارات جي ام الى موديل 1997 او 98
اذا قطعت معاك ... وقف السيارة وخليها تبرد .. وحاول تشيك على اسلالك البواجي كلها .. واحد واحد .. افصله ورجعه تاني .. بس خلي بالك اعملها واحد واحدج .. لا تروح تفصلها كلها وبعدين ترجعها .. ما حتعرف تقسيمة الاسلاك ..
ثاني شي شيك على البواجي ... هل غيرتها مؤخرا .. او انها حقة بلدها من عام 97 .. اذا كان حقة بلدها فاكيد منها ..
انا معتمد على كلامك انك غيرت طرمبة وغطا ديلكو ..
جرب واعطيني خبر ..
انا متاكد انك لو عبيت التانكي وجربت ما حتواجه المشكلة باذن الله ..
mill_955
14-01-2003, 04:05 PM
مشكووووووووووووووور يا King_SS فعلا عبيت التانكي فل و مسكت فيها خط تقريبا 30 كيله عل سرعة 150 وصارت السياره زي العسل وبالنسبه للبواجي واسلاك البواجي جديده ولسا مامر عليها شهرين
زورو الامارات
14-01-2003, 06:49 PM
السلام عليكم
ما اقول غير ماشاء الله عليكم ياشباب
والله اني اتعلم منكم كل يوم شي جديد
جزاكم الله خير
مشكور ياكابتن احمد التجاوب الكبير
وممكن تشوفلنا هالمشكله
انا وياي اكورد 2001 V6
وناوي اركب عليها براقات او سفتي الانوار امامي وخلفي فهل الشي هذا ممكن يأثر على السياره او يخليها تقطع
الشي الثاني انا عندي السياره ريموت بس بدون انوار لافتحتها او سكرتها لو سويت الريموت بحيث اذا قفلت او فتحت الابواب يشتغل الفليشر او النور العالي
الشي هذا يأثر على السياره او لا ؟؟؟
مشكور مره اخرى اخوي احمد
King_SS
15-01-2003, 01:22 AM
رد مقتبس من mill_955
مشكووووووووووووووور يا King_SS فعلا عبيت التانكي فل و مسكت فيها خط تقريبا 30 كيله عل سرعة 150 وصارت السياره زي العسل وبالنسبه للبواجي واسلاك البواجي جديده ولسا مامر عليها شهرين
====
الحمد لله بس اني قدرت اساعدك واحل مشكلتك ... كنت خايف ما اقدر اعملك شي .. بس يالله يا عمي .. احتفظبها معلومة وانا حاضر .... واذا تبغ شي تاني انا مسعد ..
تحياتي ..
King_SS
15-01-2003, 01:25 AM
رد مقتبس من X5
مشكور ياكابتن احمد التجاوب الكبير
وممكن تشوفلنا هالمشكله
انا وياي اكورد 2001 V6
وناوي اركب عليها براقات او سفتي الانوار امامي وخلفي فهل الشي هذا ممكن يأثر على السياره او يخليها تقطع
الشي الثاني انا عندي السياره ريموت بس بدون انوار لافتحتها او سكرتها لو سويت الريموت بحيث اذا قفلت او فتحت الابواب يشتغل الفليشر او النور العالي
الشي هذا يأثر على السياره او لا ؟؟؟
مشكور مره اخرى اخوي احمد
===========
بالنسبة لسفتي الانوار او الفلاشات .. فهي طبيعية جدا ما تاثر ولا شي على السيارة ومالها علاقة في التقطيع ..
وحكاية اليموت والانوار اللي بتشتغل معاه .. فهي بتاخذ جزء من الامبير عشان بتعمل الحركة دي .. وهي تماما ما تضر البطارية او السيارة ..
وسلامتك
عمرTarga
15-01-2003, 01:58 AM
يعطيكم العافية شباب
بس بقيت أعرف شغله عن اللومينا الجديدة
وهي ssx راح تنزل الخليج والكويت ولا لا
وكم قوة محركها
ومشكوورين;)
vette4ever
16-01-2003, 03:18 AM
سؤال حق King_SS
هل ممكن انه ينلعب في عداد السيارة
عداد الـ كلم
King_SS
16-01-2003, 05:36 AM
رد مقتبس من CORVETTE_96
سؤال حق King_SS
هل ممكن انه ينلعب في عداد السيارة
عداد الـ كلم
==========
ممكن .. بس انت وحظك يا اما يظبط معاك يا انا يفشل معاك وتخرب العداد ..
واذا ظبط معاك .. فحيكون مؤقتا يعني اول ما العداد يمشي شوية .. يرجع الى الرقم الاساي او انو يروح لرقم بعيد جدا اكثر مما السيارة ماشية
لانو العداد عبارة عن ارقام ماسكة بتروس بلاستيكية .. حنا وش نسوي .. نجيب مفك .. ونباعد التروس ونغير في الرقم .. بعض الاحيان تظبط معانا .. وبعض الاحيان نخرب العداد .. ويعلق على رقم معين ويبطل يمشي
black scorpion
16-01-2003, 11:08 PM
ماشاء الله الله يعطيك العافية اخي King_SS
عندي سؤالين:
1/ سيارتي احياناً احس ان عزمها ممتاز واحياناً احس ان العزم طايح
السيارة ماشية 45000كم تقريباً البواجي و الفلاتر والزيوت بانتظام اغيرها
ايش المشكلة فيها؟
2/بالنسبة لغسيل المحرك بزيت لتنظيف المحرك ممكن تعطينا شوية تفصيل عنه؟
و مشكور ماقصرت :) :Sad2: :confused: :help:
black scorpion
16-01-2003, 11:16 PM
ماشاء الله الله يعطيك العافية اخي King_SS
عندي 3 اسئلة:
1/ سيارتي احياناً احس ان عزمها ممتاز :) واحياناً احس ان العزم طايح :( بالرغم اني اغير الزيوت والبواجي والفلاتر في مواعيدها المحددة وحالياً ماشية تقريباً 45000كم
2/ احس السيارة لمن اكون عالنمرة الثانية وارفع من البنزين كانها تنتع رحت لورشة قالوا حط منظف بخاخات فورد وامسك خط ولا تحط الجير الخامس خليك على الرابع لمسافة 50 كم تقريباً والار بي ام على 3500
هل الطريقة هذي صحيحة :help: :help:
3/بالنسبة لزيوت تنظيف المحرك من الداخل تنصح بها ؟؟:confused: :confused:
ومشكور :help: :help: :help: :help:
vette4ever
17-01-2003, 02:55 AM
مشكووور اخوي أحمد يعطيك العافيه:) :) :cool:
_eyad_
17-01-2003, 11:07 AM
شباب دائماً أقرأ في المواضيع كلمة ((تبترونيك )) فحبيت أستفسر عن معنها
تحياتي :glasses2:
زورو الامارات
17-01-2003, 03:47 PM
السلام عليكم
نظام تيبترونيك اول من ابتكره شركة بورش
وهو نظام يجمع في عمله القير العادي والاتوماتيك في نفس الوقت
بدون كلتش
وهذا النظام يتميز بكونه رياضي في حالة استخدامة بشكل يدوي
ويكون للاستخدام اليومي اذا وضع على الاوتو
لذلك الكثيرون يفضلون استخدامه خصوصا ان اغلب المدن اصبحت مزدحمه والقير العادي متعب في الازدحام
تحياتي
الراوي
17-01-2003, 04:45 PM
السلام عليكم ورحمة الله وبركاته :)
اشكرك اخوي زورو الامارات على هالموضوع المفيد
وانا عندي سؤال وبصراحه ما عندي حد غيركم اسأله
الموضوع هو اني ابغي اركب سوبر شارجر او توربو على سيارتي
ماكسيما
وحصلت اكثر من نوع لكن ابغي اعرف يركبون على سيارتي ولا لا ؟
اول نوع شفته كان RevHard HYPO وفرحت لرخص سعره وقوته الجباره 500+ HP لكنه طلع لسيارات الهوندا Civic واكورد
بعدين قالي اخوي MAD MAX ان توربو T04 يركب على الماكسيما
وبحثت عنه ولقيت HKS Sport Turbo T04E, 57T, 0.70 A/R
لكني ما اضمن انه يركب على سيارتي خصوصا اني راح اطلبه من امريكا , مع العلم اني سألت الشباب اذا الاقي تيربوات في الأمارات محد رد على ؟
المهم من ممكن يساعدني في هالسوالف
تحياتي لكم
اخوكم
زورو الامارات
17-01-2003, 05:46 PM
السلام عليكم
ياشيطون يمكن اقول لك شي بس مادري يمكن ماتتقبله
ليش تعدل المكسيما ؟ التيربو تعقيداته وايد وبتصرف عليه كثير
صدقني لاتقول اني ركبته وخلاص لأ كل يوم بتحاول تحط شي جديد
من انتركولر وغيره
انزين انا بنصحك نصيحتين قبل ماتطلب التيربو من امريكا
سير كراج بن سليم بريفورمنس في دبي جنب وكالة قرقاش واسأل عن التيربو عنده لان الي وياه استراليين واييبون اشياء زينه بس اسعارهم غاليه شوي
وفي كراج في القوز الصناعية مب متذكر اسمه قريب على تويوتا
يزود مواتر يمكن كراجين والله اعلم سير اسألهم وشوف شو بيطلع وياك
اتعب في السؤال وبعدين بترتاح في الاجابة
بتشوف شو بيقولون لك وتأكد ان كل واحد بيجاوبك من حيث مصلحته
اذا تبغي تشوف المكسيما تتحمل تيربو ولا لأ عندك كينج اس اس
شاف كم مكسيما عليها تيربو وكان اداءها قوي لكن المفروض انها تكون اقوى من هالشكل
تحياتي
King_SS
17-01-2003, 09:18 PM
رد مقتبس من black scorpion
ماشاء الله الله يعطيك العافية اخي King_SS
عندي سؤالين:
1/ سيارتي احياناً احس ان عزمها ممتاز واحياناً احس ان العزم طايح
السيارة ماشية 45000كم تقريباً البواجي و الفلاتر والزيوت بانتظام اغيرها
ايش المشكلة فيها؟
2/بالنسبة لغسيل المحرك بزيت لتنظيف المحرك ممكن تعطينا شوية تفصيل عنه؟
و مشكور ماقصرت :) :Sad2: :confused: :help:
========
المشكلة ومافيها يا عزيزي هوا درجة حرارة الجو .. حيث ان هناك حساسات في المكينة ومجرى الهواء في السيارة تعطي قراءات بحرارة الجو للكمبيوتر لتضعيف او تقوية السيارة كي يتسنى للسيارة ان تتلائم مع الظروف البيئية في كل الاحوال
بالنسبة لتنظيف زيت المكينة ما اعتقد انو مهم لهذي الدرجة .. لا تهم فيه .. وانما انا ذكرته في الرد السابق لهؤلك الذين يرغبون في امزيد جدا من الحماية ..
صدقني لو انت نظفت المكينة بالزي توغيرت زيت جديد .. اول 100 متر تمشيها السيارة لو شيكت على زيت المكينة تلاقيه اسود .. لانو انت في الاول والاخر تتكلم عن حرق مكينة .. والمكينة بتعتمد على الزيت في تبريدها
King_SS
17-01-2003, 10:08 PM
رد مقتبس من ShaY6ooN
السلام عليكم ورحمة الله وبركاته :)
اشكرك اخوي زورو الامارات على هالموضوع المفيد
وانا عندي سؤال وبصراحه ما عندي حد غيركم اسأله
الموضوع هو اني ابغي اركب سوبر شارجر او توربو على سيارتي
ماكسيما
وحصلت اكثر من نوع لكن ابغي اعرف يركبون على سيارتي ولا لا ؟
اول نوع شفته كان RevHard HYPO وفرحت لرخص سعره وقوته الجباره 500+ HP لكنه طلع لسيارات الهوندا Civic واكورد
بعدين قالي اخوي MAD MAX ان توربو T04 يركب على الماكسيما
وبحثت عنه ولقيت HKS Sport Turbo T04E, 57T, 0.70 A/R
لكني ما اضمن انه يركب على سيارتي خصوصا اني راح اطلبه من امريكا , مع العلم اني سألت الشباب اذا الاقي تيربوات في الأمارات محد رد على ؟
المهم من ممكن يساعدني في هالسوالف
تحياتي لكم
اخوكم
==============
اي تيربو ممكن يركب على اي سيارة ...
مش بالضرورة نوع التيربو .. ولاكن
عشان تركب تيربو
1/مكونات المكينة الداخلية لازم تستحمل التيربو والضغط الزايد
2/تصميم المكينة مخصص للتيربو
3/نظام كمبيوتر مختلف تماما عن العادي
4/نظام بنزين مختلف تماما عن الستوك
5/ برمجة الكمبيوتر من قبل محترفين
6/قاعدة الاكزوز اللي اركب عليها التيربو
وفي النهاية ..... بعد هذا كله يمكن تخير في حدود ال خمسين الف ريال
كل اللي تاخده حدود ال 100 حصان زيادة فقط في قوة المكينة
===
انا في نظري ممكن تجيب ال 100 حصان هذي بقطع تلغيم عادية
على فكرة في مقطع فيديو لمكسيما في موضوعي جربت مع الومينا حقة اخي وعليها سوبر شارجر ... الومينا هذيك خبطت مكينتها .. ليش .. بسبب الضغط العالي اصلا في المكينة ولما وضع السوبر شارجر فوقه .. خبطت المكينة ..
CORVETTE^C5
19-01-2003, 03:54 AM
سؤالي هو بخصوص القير التيبترونيك
انا سيارتي بي ام 540 في شخص قالي عن طريقه في استعمال القير و هي انك لما تحطه على التيبترونيك اتخلي القير ابروحه يبدل يقول هل الطريقه تكون اسرع من انك تبدل يدويا انا جربتها و حسيت بالفرق
بس ما ادري هل تؤثر على القير ؟؟؟؟
و شكرا
عمرTarga
19-01-2003, 11:04 AM
والله يا أخ كورفت الي أعتقده إن كثرة إستعماله أعتقد راح
تأذي القير وهذا اللي عندي
King_SS
19-01-2003, 03:10 PM
رد مقتبس من CORVETTE^C5
سؤالي هو بخصوص القير التيبترونيك
انا سيارتي بي ام 540 في شخص قالي عن طريقه في استعمال القير و هي انك لما تحطه على التيبترونيك اتخلي القير ابروحه يبدل يقول هل الطريقه تكون اسرع من انك تبدل يدويا انا جربتها و حسيت بالفرق
بس ما ادري هل تؤثر على القير ؟؟؟؟
و شكرا
===============
لا عادي مافيها شي .. ولو فيها شي او تضر على الجيربكس ماكان عملتها الشركة
CORVETTE^C5
19-01-2003, 03:15 PM
شكرا اخوي تارجا
--------------------
شكرا اخوي احمد على الرد و يعطيك العافيه
The Black
19-01-2003, 05:00 PM
اهلا بالاعضاء الكرام بمنتدى سوالف
والله عندي شوية استفسارات عن القطع الموجودة في الصورة التالية
و ماهي فوائدهم وما عملهم في السيارة
http://www.msdignition.com/images/pn6200.gif
http://www.msdignition.com/images/31809.gif
http://www.msdignition.com/images/pn8201.gif
http://www.msdignition.com/images/pn8366.jpg
http://ahmitti.jeeran.com/222.jpg
شاكرا و مقدرا لكم حسن تعاونكم
:)
The Black
19-01-2003, 05:18 PM
بسم الله الرحمن الرحيم
لدي سيارة مازدا 323
موديل 2002
اعاني من عدم رساوتها في الخط
واعتقد ان ذلك بسبب مقاس كفراتها وهو مقاس 13
و فكرت اني اشتري كفرات و جنوط جديدة مقاس 15
فبماذا تنصحوني لا جعلها اكثر رساوة
وما رأيكم في فكرة تغير مقاس الكفرات
وهل تؤثر سلبيا على اي شيء في السيارة
شاكرا و مقدرا لكم حسن تعوانكم
اخوكم
The Black
الأنصاري
19-01-2003, 06:36 PM
عندي استفسار الدخان الأبيض الي يخرج من خلف السيارة يدل على خراب ام شي عادي
الراوي
19-01-2003, 08:09 PM
شكرا اخوي زورو الامارات وكنج اس اس على ردودكم
, عندي استفسار ثاني وآسف اذا كنت طولت عليكم
السالفه ومافيها اني اذا بغيت اطلب قطع لسيارتي ماكسيما 2002 اطلبها من امريكا على انها Infiniti I30 او ماكسيما , وأي موديل للعلم ان مكينه 2002 المفروض تكون 3.5 260 حصان لكن عندنا في الخليج 3.0 227 حصان
محتار وايد في هالسالفه
وبعدين في مشكله ثانيه هي اني اخاف ان القطع ما توصلني والفلوس تروح على
للعلم ان المواقع اللي ابغي التزويدات منها هي cattman.com و overbooststore.com و optauto.com . واذا عندكم مواقع ثانيه مضمونه اكون شاكر لكم
, اخوي بوعبود أظن ان مشكلة سيارتك هي خلط الآيل , اذا كان كثيف الدخان , أما اذا كان خفيف فأحتمال تكون السلندرات أو البساتن ؟
لأن نفس المشكله صارتلي في الماكسيما وطلعت البساتن هي السبب .
وان شاء الله اخواني زورو الامارات وكنج اس اس بينفعونك اكثر مني
تحياتي لكم يا شباب واشكركم وااااايد
اخوكم
زورو الامارات
20-01-2003, 12:25 AM
الاخ The Black
اول شي افحص الرود وسو له ميزانيه
ثاني شي تأكد من الكفرات او التواير هل هي صالحه ولا لأ
اما بخصوص تركيب كفرات اكبر واعرض هو شي زين لكن بيتعب لك المكينه شوي لان المحرك عندك صغير وعلى المدى الطويل يمكن يتعب
الاخ بوعبود
الدخان الازرق على ابيض شوي غالبا مايدل على ان المكينه تخلط زيت مع البنزين يعني مثل ماتقول قريب تخبط حتى بتعرف هالشي لما تشوفها تستهلك زيت اكثر من المعدل الطبيعي
King_SS
20-01-2003, 01:51 AM
رد مقتبس من The Black
اهلا بالاعضاء الكرام بمنتدى سوالف
والله عندي شوية استفسارات عن القطع الموجودة في الصورة التالية
و ماهي فوائدهم وما عملهم في السيارة
http://www.msdignition.com/images/pn6200.gif
http://www.msdignition.com/images/31809.gif
http://www.msdignition.com/images/pn8201.gif
http://www.msdignition.com/images/pn8366.jpg
http://ahmitti.jeeran.com/222.jpg
شاكرا و مقدرا لكم حسن تعاونكم
:)
==========
الصورة الاولى وهي عبارة عن مكبر للشرارة اللي واصلة للمكينة .. وهو بمثابة امبلفير
الصورة الثانية وهي اسلاك رياضة .. ما تعطي فرق ولاكن شكل احلى وتعيش فترة اطول من الستوك
الصورة الثالثة وهوا الكويل .. وهوا جهاز يعطي الشرارة لموزع الكهرباء حتى يتم توزيعها على المكينة
الصورة الرابعة وهوا موزع الشرارة اللي بياخذ الاشارة من الجهاز اللي في الصورة اللي قبله وهو الكويل
الصورة الاخيرة وهو جهاز التيربو ووحدة تهريب الضغط الزائد في التيربو وهما من تصنيع شركة تيربونتكس
King_SS
20-01-2003, 01:54 AM
رد مقتبس من The Black
بسم الله الرحمن الرحيم
لدي سيارة مازدا 323
موديل 2002
اعاني من عدم رساوتها في الخط
واعتقد ان ذلك بسبب مقاس كفراتها وهو مقاس 13
و فكرت اني اشتري كفرات و جنوط جديدة مقاس 15
فبماذا تنصحوني لا جعلها اكثر رساوة
وما رأيكم في فكرة تغير مقاس الكفرات
وهل تؤثر سلبيا على اي شيء في السيارة
شاكرا و مقدرا لكم حسن تعوانكم
اخوكم
The Black
===========
لو اخترت كفرات اكبر وجنوط اكبر ممكن تضر السيارة من عدة نواحي لاكن هنالك حل .....
الحل الوحيد انك تركب جنوط المنيوم خفيفة .. وتختار اصغر مقاس للكفرات ال 15
واعتقد 205/50/15 مناسب جدا ...
بالنسبة للجنوط .. فانت اذا رحت محل الجنوط .. ممكن تدور لك على جنوط حلوة وفي نفس الوقت شيل كل جنط وشوف وزنه ثقيل ام خفيف .. الخفيف بينفعك جدا .. بحيث السيارة تصبح راسية وفي نفس الوقت بنفس قوتها السباقة يعني بتكسب عصفورين بحجر
The Black
20-01-2003, 01:57 AM
اخواني
زورو الامارات
King_SS
ما قصرتم
و جزاكم الله الف خير
King_SS
20-01-2003, 01:59 AM
رد مقتبس من بوعبود
عندي استفسار الدخان الأبيض الي يخرج من خلف السيارة يدل على خراب ام شي عادي
============
يا اما شي من الاثنين
تبويش او جلود البلوف
في كلتا الحالتين راح يقل معدل الزيت عن المعدل الطبيعي .. وراح تلاقي استهلاك للزيت .. كيف تتصرف
انا اقللك
اذا كان خروج الدخان لمدة ثواني فقط في الصباح عند تشغيل السيارة فهو جلود البلوف ,, وهذا ممكن ترجع فيه لاي ميكانيكي احل المشكلة وماهو مكلف
اما اذا كان خروج الدخان باستمرار فهو تبويش
اذ اكان لون الدخان ابيض فهو دخان حرق زيت
اذا كان لونه احمر فهو معناه البواجي عندك مودعة ولازم تغيرها وبسبب المشكلة دي تلاقي دخان احمر وهوا عبارة عن بنزين ما بيحترق وبيخرج مثل ما هوا
واذا كان دخان اسود .. فعندك مشكلة في البنزين .. يعني بنزين كتير .. وهادي لازم تراجع الشركة فيها ..
اما اذا كان الدخان بيطلع بشكل بسيط جدا اذ ادعست فهو عادي .. هذا دخان كربون .. من قللة الدعس
King_SS
20-01-2003, 02:04 AM
رد مقتبس من ShaY6ooN
شكرا اخوي زورو الامارات وكنج اس اس على ردودكم
, عندي استفسار ثاني وآسف اذا كنت طولت عليكم
السالفه ومافيها اني اذا بغيت اطلب قطع لسيارتي ماكسيما 2002 اطلبها من امريكا على انها Infiniti I30 او ماكسيما , وأي موديل للعلم ان مكينه 2002 المفروض تكون 3.5 260 حصان لكن عندنا في الخليج 3.0 227 حصان
محتار وايد في هالسالفه
وبعدين في مشكله ثانيه هي اني اخاف ان القطع ما توصلني والفلوس تروح على
للعلم ان المواقع اللي ابغي التزويدات منها هي cattman.com و overbooststore.com و optauto.com . واذا عندكم مواقع ثانيه مضمونه اكون شاكر لكم
, اخوي بوعبود أظن ان مشكلة سيارتك هي خلط الآيل , اذا كان كثيف الدخان , أما اذا كان خفيف فأحتمال تكون السلندرات أو البساتن ؟
لأن نفس المشكله صارتلي في الماكسيما وطلعت البساتن هي السبب .
وان شاء الله اخواني زورو الامارات وكنج اس اس بينفعونك اكثر مني
تحياتي لكم يا شباب واشكركم وااااايد
اخوكم
===============
اول شي اطلب وانت مرتاح .. لانو مافي شركة في العالم تهدف الى السمعة وتنصب على الناس ... فاتوكل ولا تخاف ثق في تماما
ثاني شي المكسميا والانفينيتي اي 30 .. لهما نفس المكينة وما تفرق .. يعني لو قلتلهم عندك انفينيتي اي 30 مافي مشكلة وان قلتلهم مكسيما مافي مشكلة برضو ..
اختلاف القوة الحصانية اللي بيننا وبينهم هوا فروق بسيطة في نوعية البنزين ووجود كنداسات الرصاص عندهم وهذا الشي اللي بيقلل من قوة سيارتهم الحصانية .. وطبعا الكمبيوتر عندهم مختلف عن عندنا ..
للعلم ... ترا الانفينيتي اي 30 والمكسميا الامريكية لهم نفس القاعدة ونفس المكينة وانما اختلاف بسيط جدا في الشكل الخارجي
vette4ever
20-01-2003, 02:12 AM
king_ss
عندي استفسار...
انا سيارتي بريميرا 2000 ، من مده ركبت عليها رنقات 16 وشلتهم
السبب لما اجي ألف السكان كله ، التاير يحك من الداخل
ما ادري شنو الحل...وانا ملزم اركب رنق اكبر
انت اشرايك ... قولي اذا عندك معلومات
:confused: :confused: :cool:
King_SS
20-01-2003, 03:15 AM
رد مقتبس من CORVETTE_96
king_ss
عندي استفسار...
انا سيارتي بريميرا 2000 ، من مده ركبت عليها رنقات 16 وشلتهم
السبب لما اجي ألف السكان كله ، التاير يحك من الداخل
ما ادري شنو الحل...وانا ملزم اركب رنق اكبر
انت اشرايك ... قولي اذا عندك معلومات
:confused: :confused: :cool:
===========
كم مقاس التواير او الكفرات اللي حاطها
أبو عتب
20-01-2003, 06:14 AM
السلام عليكم
بغيت مساعدة منكم يا شباب ..
انا عندي لومينا اس اس 2003 ولله الحمد .. وبغيت اركب فيها
1- هيدرز (بس هل هناك انواع ؟ اذا فيه وش افضلها ؟)
2- وشفت كت (هل هناك انواع ؟ ووش افضلها ؟)
3- وأخيرا فمباير اذا اسمه هكذا لتكبير صوت سماعات السيارة
وماهو أفضل انواعها بحيث ما تكسر زجاجات السيارة ,, :D
ويعطيكم العافيه مقدما ,, :)
أبو عتب
King_SS
20-01-2003, 02:30 PM
رد مقتبس من أبو عتب
السلام عليكم
بغيت مساعدة منكم يا شباب ..
انا عندي لومينا اس اس 2003 ولله الحمد .. وبغيت اركب فيها
1- هيدرز (بس هل هناك انواع ؟ اذا فيه وش افضلها ؟)
2- وشفت كت (هل هناك انواع ؟ ووش افضلها ؟)
3- وأخيرا فمباير اذا اسمه هكذا لتكبير صوت سماعات السيارة
وماهو أفضل انواعها بحيث ما تكسر زجاجات السيارة ,, :D
ويعطيكم العافيه مقدما ,, :)
أبو عتب
===========
بالنسبة للشفت كت .. فراجع موضوعي chevrolet zone السفحة رقم 3
حتلاقي فيها النوع والاسم والسعر ..
وبالنسبة للهدرز فانا راح احط صور ليه فس قسم chevrolet zone
وهوا خاص بالومينا ..
تابع موضع حزب الشفر للتعديل والتلغيم وقطع الغيار
عمرTarga
20-01-2003, 03:04 PM
سؤالي للكنج اس اس
هو
أخوي عنده كابرس أس أس موديل 96.5 وهو دايما يلغمه ( يعدل فيه )
واستعمل أيضا الغاز فيه ودايما يسابق فيه
فهل يعني يقل عمر السيارة عند تعديلها أي عمر الماكينة راح يقل
ومشكور وسامحنا على الازعاج؟
الراوي
21-01-2003, 01:14 AM
اشكرك اخوي كنج على اجابتك
واسمحلي اذا ثقلت عليك , ترا انت الخير والبركه :)
بغيت استشيرك في شي ممكن ؟
انا ناوي ازود ماكسيمتي
ودورت القطع وخلاص راح اخذهم ان شاء الله
وهم :
Cattman Intake
POP5-B
و
Cattman Stainless Steel Performance Y-pipe
YG5
-
MSD-6A, high-performance street/race
و
Magnecor 8.5mm Plug Wires
و
HKS Iridium Super Fire Racing Spark Plug, S-Series Heat Range "6"
بغيت اعرف , هل هذي القطع تنفع لسيارتي ؟ ماكسيما 2002 ؟
ال cattman y pipe هو نفس الهيدرز وصوته عالي واجد صح ولا لا ؟
شرايك اركب الأن تيك و y pipe أو ال MSD و ال Plugs و Wires ?
ايش افضل وراح يعطيني أداء محسوس !؟
وبغيت استفسر عن ال Mufflers ايش هم و ايش ال Pulley بعد ؟
واسمحلي على كثره الاسئله ترى انت استاذنا الكبير
تحياتي لك
اخوك
King_SS
21-01-2003, 01:56 AM
رد مقتبس من Targa
سؤالي للكنج اس اس
هو
أخوي عنده كابرس أس أس موديل 96.5 وهو دايما يلغمه ( يعدل فيه )
واستعمل أيضا الغاز فيه ودايما يسابق فيه
فهل يعني يقل عمر السيارة عند تعديلها أي عمر الماكينة راح يقل
ومشكور وسامحنا على الازعاج؟
===========
لووول ابغ افهم ايش 96.5 هذي ..
عموما كل ما طلعت في القوة الحصاني ةانت تستهلك عمر المكينة وهادا شي طبيعي ..
كل ما زاد التلغيم كل ما قل عمرها الافتراضي ..
يعني مثلا القومة الوحدة مني بالكابرس حقي تساوي اربعين قومة من اي كابرس عادي ...
الزيت اللي يجلس في الكابرس العادي شهر .. في قومة وحدة انا اغيره على طول ..
فالنظرية انك تستهلك عمر المكينة كل ما لغمت .. وحتى اذا كانت سيارتك ستوك .. فانت مع كثر السباقات والدعس برضو بتستهلك عمر المكينة ..
المسالة كلها في رجلك ... خف الدعسة يطول عمرها ... .. اذا رجلك حارة .. تتوقع اي مشكلة في المكينة مستقبلا
King_SS
21-01-2003, 02:01 AM
رد مقتبس من ShaY6ooN
اشكرك اخوي كنج على اجابتك
واسمحلي اذا ثقلت عليك , ترا انت الخير والبركه :)
بغيت استشيرك في شي ممكن ؟
انا ناوي ازود ماكسيمتي
ودورت القطع وخلاص راح اخذهم ان شاء الله
وهم :
Cattman Intake
POP5-B
و
Cattman Stainless Steel Performance Y-pipe
YG5
-
MSD-6A, high-performance street/race
و
Magnecor 8.5mm Plug Wires
و
HKS Iridium Super Fire Racing Spark Plug, S-Series Heat Range "6"
بغيت اعرف , هل هذي القطع تنفع لسيارتي ؟ ماكسيما 2002 ؟
ال cattman y pipe هو نفس الهيدرز وصوته عالي واجد صح ولا لا ؟
شرايك اركب الأن تيك و y pipe أو ال MSD و ال Plugs و Wires ?
ايش افضل وراح يعطيني أداء محسوس !؟
وبغيت استفسر عن ال Mufflers ايش هم و ايش ال Pulley بعد ؟
واسمحلي على كثره الاسئله ترى انت استاذنا الكبير
تحياتي لك
اخوك
===========
كل اللي ذكرته هذا ما اعتبره انا تلغيم وانما تحسين للافضل ..
وكل اللي ذكرته يفرق معاك .. بدون استثناء .. شوف امكانياتك المادية وممكن تطلب اي شي حاليا وبعدين تكمل الباقي ..
بس طبعا ال cattman y pipe هي اللي راح تفرق معاك اكتر شي ..
والمفلر هي الكنداسة الرياضية .. هذي انا في نظري مجرد شكل يعني ما فيها اي فرق محسوس الا ... في اخر الخط يعني بعد ال 200
وال pulley هذي هي البكرات الرياضية وهي احدى اهم الاشياء في المكسيما وتفرق معاك جامد
بس الى الوضع الحالي ترا هذي تكله توزين وانت لسة ما لغمت شي ...
جمع قرشين وركب سوبرشارجر .. وشوف القوة بام عينها .... والله ما اعتقد راح تجيلك نفس تسيب السيارة .. من كثر ما حتعشقها
vette4ever
21-01-2003, 02:31 AM
صراحه نسييت لأني بعت التواير من مده
بس اتوقع انه يسير حجم اصغر حق التواير اللي قدام ؟؟
أبو عتب
21-01-2003, 02:41 AM
مشكور اخوي king ss
وانا بأنتظار الكلام عن الهدرز في حزب الشفر :)
King_SS
21-01-2003, 02:50 AM
رد مقتبس من CORVETTE_96
صراحه نسييت لأني بعت التواير من مده
بس اتوقع انه يسير حجم اصغر حق التواير اللي قدام ؟؟
===========
اذا الجنوط مقاس 16 ركب 16/50/205
هي افضل مقاس موجود في السوق عندنا
King_SS
21-01-2003, 02:52 AM
رد مقتبس من أبو عتب
مشكور اخوي king ss
وانا بأنتظار الكلام عن الهدرز في حزب الشفر :)
============
الموضوع القى من فترة روح وشيك عليه
عمرTarga
21-01-2003, 03:00 AM
مشكوور يا كنج على جوابك
بس قصدي بموديل السيارة 96.5
هذا الموديل جاي من الشركة
ومادري اخاف يقصون علي
vette4ever
21-01-2003, 03:47 PM
على العموم مشكووور و ماتقصر
وان شاالله اشوف الشي المناسب:cool: :)
E_TYPE
21-01-2003, 11:17 PM
اهلين شباب عندي سؤال
عند اي سرعه تدعس الغاز مثلآ80او اقل او 100
وشكرآ
®Lumina ss 2002
22-01-2003, 12:45 AM
مرحبا شباب سؤال ؟
شو سبب الغاء degma power من لومينا اس اس 2002
مع وجودها في 2001 و هل هناك فرق في الكومبيوتر و قوة حصانيه بين الاثنين . وكيف يمكن جعلها بقوة لومينا 2001 ؟؟؟ .
:confused:
الراوي
22-01-2003, 04:20 PM
اخوي كنج ما عليك امر اخوي ممكن تشرحلي زياده عن ال pulleys ? لأني ما فهمت والله
واذا حطيت Cams على الماكسيما يقولون انها تخلي السياره تتنافض يعني تهتز زياده عن اللزوم ومرات تطفي ؟
وممكن تقولي الكامات اللي في موقع cattman تنفع ولا لا ؟
خذ شرحهم لأني ما فهمته :
“Equalizers” for gen3 single-cam Maximas and a necessity for building up any VG30E or VG30ET engine. Billet cams, software designed. Stage I has a moderately aggressive .440” lift / 260 degree advance. Right choice for engine with all the bolt-ons
في Two Stages حق الكامات ما اعرف شسالفتهم
تسلم اخوي مقدما
اخوك
الراوي
22-01-2003, 04:26 PM
معليش اخوي عندي سؤال ثاني بخصوص Engine & Transmission Control Unit Upgrades
من شركة Jim Wolf Technology
ما اعرف شي عنهم وهم في موقع cattman.com بعد
هذا للجير الأوتو :
Upgrades transmission controller, using switch to select from 3 modes: 1) stock settings, 2) performance up- and down-shift points, 3) traction mode that locks out first gear. Stock ECU can be sent in for direct modification or exchanged w/ a core With a $300 core charge upgraded ECU is sent from JWT, working original unit returned after installation (w/in 15 days) for credit. No core charge if customer’s ECU is sent in for upgrade
وهذا أظن للعادي :
Big boost in hp/torque up to about 5k rpm, removes speed limiter, raises rev limiter from 6.5k to 7.0k. Reprogramming on daughterboard. Stock ECU can be sent in for direct modification or exchanged w/ a core charge of $500 for 89-94 OBD1 ECUs, $700 for 95-96 OBD2 ECUs. Upgraded ECU sent from JWT, working original unit returned after installation (w/in 15 days) for credit of core charge. No core charge if customer’s ECU is sent in for upgrade.
والله مب فاهم عليهم الماكس مافيها قفله ؟ وكيف اقدر اركب هالكمبيوتر ؟
ممكن تشرحلي بالتفصيل , معليش باتعبك معاي شوي لكن استحملني تراك بحسبه اخوي والله ,
وهذي صورته : http://www.cattman.com/img/prod/jwt_ecu_board.jpg
اخوك
King_SS
23-01-2003, 03:49 AM
رد مقتبس من ShaY6ooN
اخوي كنج ما عليك امر اخوي ممكن تشرحلي زياده عن ال pulleys ? لأني ما فهمت والله
واذا حطيت Cams على الماكسيما يقولون انها تخلي السياره تتنافض يعني تهتز زياده عن اللزوم ومرات تطفي ؟
وممكن تقولي الكامات اللي في موقع cattman تنفع ولا لا ؟
خذ شرحهم لأني ما فهمته :
“Equalizers” for gen3 single-cam Maximas and a necessity for building up any VG30E or VG30ET engine. Billet cams, software designed. Stage I has a moderately aggressive .440” lift / 260 degree advance. Right choice for engine with all the bolt-ons
في Two Stages حق الكامات ما اعرف شسالفتهم
تسلم اخوي مقدما
اخوك
==========
البكرات الرياضية كل الفايدة منها عدم التحميل على عمود الكرنك .. بمعني انك بتخفف الوزن على الكرنك فبالتالي تسارع افضل ..
والكامات خطوة جيدة بس ثق تماما انو مافي احد يقدر يركبها في السعودية واذا صدف وقدرت تلاقي احد يركبها .. لازم يوزنها لانو اذا ما اتوزنت ممكن تاخد نتيجة عكسية تماما تخليك تكره التلغيم باكمله .. وهذي مجربة ..
بالنسبة للاهتزاز اللي في المكينة طبيعي .. اي كام بيعمل اهتزاز في السيارة وهوا الشي الحلو فيها .. بل بالعكس .. الكل يتباهى بالاهتزاز اللي يسببه الكام ..
الشرح اللي انت حاطه اعتقد على مكينة المكسميا القديمة .. لان الجديدة الكود حقها مختلف شوية ..
King_SS
23-01-2003, 04:01 AM
رد مقتبس من ShaY6ooN
معليش اخوي عندي سؤال ثاني بخصوص Engine & Transmission Control Unit Upgrades
من شركة Jim Wolf Technology
ما اعرف شي عنهم وهم في موقع cattman.com بعد
هذا للجير الأوتو :
Upgrades transmission controller, using switch to select from 3 modes: 1) stock settings, 2) performance up- and down-shift points, 3) traction mode that locks out first gear. Stock ECU can be sent in for direct modification or exchanged w/ a core With a $300 core charge upgraded ECU is sent from JWT, working original unit returned after installation (w/in 15 days) for credit. No core charge if customer’s ECU is sent in for upgrade
وهذا أظن للعادي :
Big boost in hp/torque up to about 5k rpm, removes speed limiter, raises rev limiter from 6.5k to 7.0k. Reprogramming on daughterboard. Stock ECU can be sent in for direct modification or exchanged w/ a core charge of $500 for 89-94 OBD1 ECUs, $700 for 95-96 OBD2 ECUs. Upgraded ECU sent from JWT, working original unit returned after installation (w/in 15 days) for credit of core charge. No core charge if customer’s ECU is sent in for upgrade.
والله مب فاهم عليهم الماكس مافيها قفله ؟ وكيف اقدر اركب هالكمبيوتر ؟
ممكن تشرحلي بالتفصيل , معليش باتعبك معاي شوي لكن استحملني تراك بحسبه اخوي والله ,
وهذي صورته : http://www.cattman.com/img/prod/jwt_ecu_board.jpg
اخوك
==============
بالنسبة للكمبيوتر حق الجيركبس العادي .. فهو اول شي يزيد عزم المكينة مع القوة الحصانية المولدة على 5000 دورة في الدقيقة مع زيادة عدد دورات المكينة بدل ماهي 6500 دورة .. تصبح 7000 دورة ..
وايضا يلغي قاطع السرعة .. بلنسةب لسياراتهم
ترسلهم الكمبيوتر الخاص بسيارتك يبرمجوه لك وابعتولك هوا تاني
طبعا 500 دولار للمكسيما القديمة و700 دولار للشكل الجديد
كلام حلو ..
تاكد من شي واحد ..
وهادي معلومة ابغ اقولها للكل ..
السيارات المصدرة الى الخليج اقوى من الموجودة في البلد المصنع وذلك بسبب دبات الرصاص والتلوث وخلاف .. فبالتالي كمبيوتر السيارة اللي هنا اقوى من كمبيوتر السيارة اللي عندهم ..
كمبيوتر الكابرس عندي لما بعته لامريكا .. الامريكان نفسهم تنحو وقالو مستحيل اكون هذا كمبيوتر ستوك .. لانه ملعوب فيه بطريقة تخليه غير صالح في الاستخدام في الولايات المتحدة .. يعني ماهو state legal 50
ودي اشتري سيارة مرسيدس , وتقريبا وجدت سيارة
مناسبة وهي 300S موديل 92 .
لكن ودي استفسر عن موضوع الحرارة والمكيف في المرسيدس
الوارد .
وهل تحتاج الى تغييرات معينة أم لا ؟
وهل تنصحوا بشراء هذه الفئة بشكل عام ؟
واذا ممكن بالمرة كم حق هالسيارة اذا ممشاها تحت المية
فل اوبشن !!
عيو(MAXIMA)ني2
24-01-2003, 04:56 AM
حبيبي King_SS
شكري وتقديري لكل الخدمات الي تقدمها لكل عضو بالمنتدى وهذا يدل على طيبك يالغالي
عندي مشكله حبيبي king
هي في الكابريس تبعي لمن اوصل للسرعه 160 السياره ماتسير راسيه تلعب في الطريق والسياره 2002
بصراحه خايف من الحركه هذي الله يستر وبس
واتمنى انك تعطيني اي فكره عن مشكلتي
King_SS
24-01-2003, 05:27 AM
رد مقتبس من عيو(MAXIMA)ني2
حبيبي King_SS
شكري وتقديري لكل الخدمات الي تقدمها لكل عضو بالمنتدى وهذا يدل على طيبك يالغالي
عندي مشكله حبيبي king
هي في الكابريس تبعي لمن اوصل للسرعه 160 السياره ماتسير راسيه تلعب في الطريق والسياره 2002
بصراحه خايف من الحركه هذي الله يستر وبس
واتمنى انك تعطيني اي فكره عن مشكلتي
==========
هذي مشكلة في هذا النوع من السيارات الاسترالية .. البودي والتعليق حق السيارة ماهو قادر يستحمل القوة الهائلة حقة المكينة .. ولاكن الحل بسيط ..
السيارة هذي تجي من الوكالة فقيرة تماما الى تكنلوجيا التماسك ..
جبلها سست رياضية ومساعدات رياضية بحيث تتهبط السيارة شوية ..
حتلاقي تماسكها افضل من السابق
واذا عندك فلوس .. كمل باقي الشغل مثل ال sway bars وحتلاقي انو السيارة اصبحت ممتازة الى درجة انك راح تثق بها ثقة عمياء
بس من واقع خبرتي .. النوع هادا من السيارات نظام ال steering فيه خفيف جدا .. يعني على سرعات عالية جدا اقل حركة منك في الدركسون تلاقي السيارة تتجاوب معاك بسرعة .. وهادا اكبر خطر على السرعات العالية
ولاكن كل اللي اقدر اقللك هوا .. جرب نظام التعليق ارياضي وراح تحس بالفرق الشاسع
vette4ever
24-01-2003, 03:34 PM
king_ss
سؤال...
هل يختلف سعر قطع الغيار حق سيارة ، مثلا كورفت موديل 96 وكورفت موديل 2000 ، يعني يكون سعر القطع حق 96 اقل لانه صار قديم ؟؟
مع تحياتي...:cool: :cool: :confused:
King_SS
24-01-2003, 07:12 PM
رد مقتبس من CORVETTE_96
king_ss
سؤال...
هل يختلف سعر قطع الغيار حق سيارة ، مثلا كورفت موديل 96 وكورفت موديل 2000 ، يعني يكون سعر القطع حق 96 اقل لانه صار قديم ؟؟
مع تحياتي...:cool: :cool: :confused:
============
بالعكس .... مش شرط ..
في بعض الاحيان قطع من سيارتي اغلى من قطع الكورفت 2000
والعكس صحيح
*أحب الخير*
24-01-2003, 09:23 PM
السلام عليكم ورحمة الله ,,
سيارتي كامري جراندي 2002 ودي أركب جنوط مقاس 16 إنش
هل في مشكلة ؟ وماهو العرض المناسب للجنط هل هو 6 إنش أو أكثر وهل سيؤثر على عزم السيارة ؟
وهل سيؤثر مستقبلاً على الإ كسات الأمامي ؟:help:
أرجو من لديه الخبرة في هذا الموضوع أن يجاوب مشكوراً
zx300
26-01-2003, 03:35 PM
السلام عليكم
شباب انا سؤالي بعيد عن التلغيم وماتلغيم
بغيت اسأل عن نظام الهيدروليك
وفائدته بس حق ترفيع وتنزيل السياره ولا في له فوائد
وويش انوعه
واخر شي ادري طولت عليكم بس معليش
كم هو سعره وفي هنا السعوديه ؟؟؟
د ح م ي
26-01-2003, 03:59 PM
مرحبا شباب.... عندي سؤال.. بس قديم شوي...
ايش الفرق بين نظام الدفع (الدفرنس ) والفليور...؟؟ ما اعرف لها اسماء ثانية..
بس الدفرنس يستخدم غالبا في السيارات الجديدةاما الفليور فكان موجود في سيارات قديمة مثل النيسان L200 والتويوتا كراون القديمة؟؟
وشكرا مسبقا....
زورو الامارات
26-01-2003, 05:53 PM
السلام عليكم
الاخ zx300
نظام الهايدروليك الي تشوفه على السيارات الامريكيه خصوصا في الافلام
غالبا مايستخدم للعرض والزينه
لكن هو في الاساس نظام يحمي السياره في حالة صعودها جبال ومناطق وعرة ( هذا للفورويل)
وكذلك يستخدم هذا النظام في الكثير من سيارات الصالون على سبيل المثال ال 560 SEL القديمة كانت تستخدم هذا النظام
قول لي كيف
اول ماتشغلها وتاخذ لها دقيقة تبدا ترتفع عن الارض بمقدار سانتي ونص تقريبا واول ماتطفيها ترد تنزل لتسهيل صعود ونزول الركاب منها
وفي ميزه ثانية اذا تعدت السيارة سرعة 120 كلم تصدر الاوامر من الكمبيوتر في السيارة الى الهايدروليك ويخفض السياره بمقدار 1.2 سم
ممايزيد ثبات السيارة على السرعات العالية
الميزة الثالثه: يعمل الهايدروليك على جعل السيارة سواء كانت فاضية او بكامل حمولتها على نفس الارتفاع
لكن من عيوب هذا النظام مشاكلة الكثيرة وحساسيته الزائدة لدرجة ان الناس كانوا يتجنبون هذا النظام اولا لعدم حاجتهم اليه
وثانيا لتكلفته عند الشراء وكذلك لتكلفة صيانته
تحياتي للكل
zx300
26-01-2003, 09:11 PM
مشكور اخوي زورو الامارات على تجاوبك وعلى المعلوماات
تسلم
يعني ادا كانت السياره هبيطه تكون ثابته اكثر من السياره الرفيعه؟؟
ومشكور مره ثانيه
*أحب الخير*
27-01-2003, 01:02 AM
:mad:
vette4ever
27-01-2003, 03:40 PM
هلا شباب
ابي اعرف السوبرا آخر موديل 95 ولا 96
مع تحياتي....:cool: :cool:
زورو الامارات
27-01-2003, 04:24 PM
الاخ احب الخير آسفين على التأخير
وتأخيري كان بسبب اني ماني متأكد من الضرر من الجنوط الكبار
لكن العرض اذا زدته اكثر من اللازم يمكن يأثر على المداقر لما تنزل السياره يطلع طرف الكفر منه
وكذلك مقاومة الهواء للسيارة بتكون اكبر لان مساحة الاحتكاك بتكون اكبر بس شي بسيط هذا
لكن تماسك السياره بيزيد هذا من فوائد التواير العريضة
لكن مازلت ماني متأكد من كلامي هذا خصوصا مسأله تأثيرة على المحرك والاكسلات اقترح احد ثاني يجاوب السؤال
الاخ zx300 نعم والدليل شوف سيارات السباقات اف 1 وغيرها
لان كل مانزلت السياره قل دخول الهواء تحتها ممايجعلها اثبت وماتتحرك وتتمايل يمين ويسار بسبب وجود تيارات هوائية تحت السيارة
الاخ CORVETTE_96 السوبر اخر موديل نزل منها 96 والله اعلم
تحياتي
vette4ever
27-01-2003, 04:39 PM
هلا حبيبي زورو الامارات
يعطيك العافيه ما تقصر
مع تحياتي....:cool: :)
zx300
28-01-2003, 09:37 AM
حبيبي زورو الامارات مشكور على المعلومات
TYPE-R
28-01-2003, 11:33 AM
مرحبا شباب
سؤالي هو عندي هوندا سيفيك اقدر اركبلها تيربو ولا لا
وكم سعره بالامارات
وشكرا
:help:
760IL
29-01-2003, 08:30 AM
لو سمحتوا القطع هذي ايش فايدتها
http://store5.yimg.com/I/supra_1722_7254791
http://store5.yimg.com/I/supra_1722_1719183
zx300
29-01-2003, 08:22 PM
شباب انا ودي اركب فلتر رياضي على سيارتي الكورولا
ابي اعرف ويش احسن نوع وفوين احصله
mill_955
30-01-2003, 03:59 AM
السلام عليكم
تعديل للمشرف زورو الامارات
اخر موديل للسوبرا هو 97 وليس 96
ابو عبادي
30-01-2003, 11:38 AM
السلام عليكم
ياشباب انا معي هوندا أكورد 2002
وابي اركب جنوط 18
لكن في واحد قال لي ان هذي الحركة بتطيح نص عزم المكينة
هل هذا الكلام صحيح والا لأ ؟؟؟؟
:help: :help: :help:
زورو الامارات
31-01-2003, 02:09 AM
هلا mill_955 اشكرك على التصحيح
الاخ ابو عبادي مقاس 18 كبير ويستخدم لمحركات كبيره 8 سلندر وفوق والاكورد يتهيأ لي يمكن تتعب بعد فتره لانها غير مخصصة لهذا الحجم من الجنوط
DodgE
31-01-2003, 02:17 AM
سؤال للجميع
ماهو حجم وعرض الجنوط المناسبه لبيك أب أمريكي مخصص
للOn Road
طبعا أبيه يخلي الناس يبكون من شكله :damp:
تحياتي
Faisal20o0
31-01-2003, 02:57 AM
السلام عليكم
اشكركم على هذا الموضوع والصراحه قاعدين كل يوم نستفيد شي جديد
وعندي سؤال وهو
عندنا كابريس موديل 96
والطاره ( الدريكسون ) اذا بغيت تلف فيها يمين او يسار
تحس ان فيه فراغ اول ماتلف فيها يمين او يسار
ماهي المشكله وماهو حلها ؟
انشاء الله تكونوا فهمتوا قصدي وانا في اتظار ردودكم
وشكرا
زورو الامارات
01-02-2003, 04:34 PM
رد مقتبس من DodgE
سؤال للجميع
ماهو حجم وعرض الجنوط المناسبه لبيك أب أمريكي مخصص
للOn Road
طبعا أبيه يخلي الناس يبكون من شكله :damp:
تحياتي
السلام عليكم
كيف حالك دوج ؟
وشخبارك ؟
بالنسبة للعرض المناسب اقترح تشوف المنتديات الاجنبية المتخصصه بالدودج وبتحصل كلام يسرك
ماشاء الله عليك نفسي اشوف البروجكت مالك وهو خالص :)
ترى مانسيت :)
DodgE
02-02-2003, 12:07 AM
:D
خايف لما تشوفه يالسمي تتحطم :damp:
تحياتي لك
mill_955
02-02-2003, 12:11 AM
السلام عليكم
اخوي Faisal20o0 مشكلتك حلها بسيط انك تروح الى احسن ميزان الكتروني وهو راح يحل لك المشكله
Faisal20o0
03-02-2003, 12:59 AM
ياشباااب عند واحد من اخوياي مشكله
وهو انه عنده اخوه السياره يأخذ سيارة البيت وهو ماوده ياخذه
ويبغى اي طريقه عشان مايقدر اخوه يشغل السياره
( غير طريقة فك اصابع البطاريه )
وانا قلت مالنا غير الشباب الطيبين هنا نسألهم
وانا في انتظار ردودكم
King_SS
03-02-2003, 01:12 PM
رد مقتبس من Faisal20o0
ياشباااب عند واحد من اخوياي مشكله
وهو انه عنده اخوه السياره يأخذ سيارة البيت وهو ماوده ياخذه
ويبغى اي طريقه عشان مايقدر اخوه يشغل السياره
( غير طريقة فك اصابع البطاريه )
وانا قلت مالنا غير الشباب الطيبين هنا نسألهم
وانا في انتظار ردودكم
============
بكل بساطة لا يعطيه مفتاح السيارة
vette4ever
03-02-2003, 04:54 PM
هلا اخوي King_SS
لو جبنا سيارتين مثل بعض واحد البنزين عنده FULL ، والثاني على النص
وصارت قومه بينهم...
اللي عنده البنزين FULL ، ممكن يؤثر على في القومه ؟؟
اتكون السيارة اثقل ، ولا شي بسيط ابي اعرف مدى التأثير ؟؟!!
مع تحياتي... :confused: :cool: :)
King_SS
04-02-2003, 02:48 AM
رد مقتبس من CORVETTE_96
هلا اخوي King_SS
لو جبنا سيارتين مثل بعض واحد البنزين عنده FULL ، والثاني على النص
وصارت قومه بينهم...
اللي عنده البنزين FULL ، ممكن يؤثر على في القومه ؟؟
اتكون السيارة اثقل ، ولا شي بسيط ابي اعرف مدى التأثير ؟؟!!
مع تحياتي... :confused: :cool: :)
============
شي اكيد السيارة يوم يكون التانكي فول حتكون اتقل بكتيييييييييير ..
احنا دايما لما نحب نتسابق نخلي التانكي الربع في السيارات الستوك .. والنص في السيارات الملغمة شوية ...
في حال سيارة مثل الكابرس حقي انا افضل انها تكون مليانة فول عشان انا في سباق واحد يروح نص التانكي ..
vette4ever
04-02-2003, 03:23 AM
king_ss
مشكووووور ما تقصر:cool: :cool:
بـــ{{جراح}}ـــو
05-02-2003, 03:30 PM
شباب انا ببتعد شوي عن السيارات بنتقل الى السيارات الكبيرة اي الشاحنات ؟؟؟
كيفية عمل مكابحها لأني ما اشوف بريكات مثل السيارات العادية عليها ؟؟ حبيت أستفسر و أرجو منكم الإجابه ...;)
zoueil
08-02-2003, 03:35 AM
السلام عليكم و رحمة الله و بركاته
أود أن أطرح بعض الأسئلة
ما معني أن يكون الموتور مفوت و ما هي الا سباب التي تؤدي الي تفويته ؟؟
هناك بعض المنتجات التى تباع في محطات البنزبن مثل
رافع الأوكتين و منظف الرشاشات و الكربراتير و رافع لزوجة الزيت
بصراحة أنا جربت رافع الأوكتين ولاحظت فرق كبير في الأداء
لكني لم أجرب منظف الرشاشات و الكربراتير و رافع لزوجة الزيت
هل هذه المنتجات لها فائدة وأن كان لها ضرر ما هو؟؟
سؤال أخير هل صحيح أن زيت موبيل 1 فترة صلاحيته 10000 كم
وما الدور الذى يقوم به فلتر الزيت؟؟
السلام عليكم ورحمة الله
عندي سيارة من نوع هايلكس موديل 2000 نوع المحرك 2700 كربوريتر
في الاونه الاخيره ماتشتغل الا بعد تعب ويطلع كربون غير عادي من الشكمان
السؤوال هو ايش المشكله فيها ؟
مع العلم اني مغير البواجي و الاسلاك والصفايه ولازالت المشكله
وشكرا لكم
:)
زورو الامارات
09-02-2003, 04:04 PM
السلام عليكم
بـــ{{جراح}}ـــو ماعندي فكره كامله عن بريكات الشاحنات
لكن والله اعلم انها تشتغل على ضغط الهواء مب الزيت مثل السيارات العاديه على شان كذا تسمع صوت تششش تششش بين كل فتره وفتره لما توقف يم الشاحنات
والله اعلم ان البريكات من نوع الاسطوانات لكن مايتوفر لدي كلام مضبوط
السموحه
--------------------------------------------------------
مفوت قصدك مكينته تخلط زيت وبترول ؟
اذا هذا هو سؤالك اقدر اقول لك البساتن او الاسطوانات بعد فتره من الاستعمال توسع جدار الاسطوانه ويصير في فراغ يدخل منه الزيت من الاسفل ويدخل غرفة الاحتراق في المحرك ويصير عندك ضغط منخفض للمحرك يؤدي الى ضعف المحرك وضياع قوته وبالتالي يلجأ صاحب السياره بالضغط اكثر بغية الحصول على اداء اقوى فتزداد صرفية البترول والزيت هذي المستحضرات الي تراها ماتحل الا جزء من المشكلة
اكيد كل ماتزيد نسبة الاوكتين الاحتراق يكون اعلى الاداء احسن الصرفيه اقل وهذي المنظفات تحاول تنظيف البخاخات عن طريق المرور عليها لانها تحتوي على مواد منظفه تزيل الاوساخ العالقه لكن السؤال
اي تذهب هذه الاوساخ ؟؟ هل تخرج بالكامل ؟؟؟ اكيد لا يضل جزء منها في غرفة المحرك وجزء في الاقزوزات
اما بخصوص الزيت الذي يقطع 10 آلاف كم او 15 الف نعم متوفر وهذا لزوجته عاليه ينزل لك حراره المحرك والصرفيه كذلك خصوصا في الصيف ووقت المكيف لكن سعره غالي انا اتذكر حطيت منه كلفني بحدود 180 درهم/ ريال
ليس فقط الموبيل هناك بي بي 5000 وكالتكس والعديد من الزيوت لكن تأكد انها ذات استعمال طويل
-------------------------------------------------------------------------------
V 12 تأكد من الكاربوريتور انه سليم يمكن انه وصخ ويبي له تنظيف لان السياره شكلها مختنقه هل في صرفيه بترول ؟؟
هل الاداء تعبان ؟؟
تحياتي
Mr_CoRvEtTe
10-02-2003, 12:14 AM
هلا زورو الامارات
بس متى راح يفتح التسجيل في المنتدىلا لان واجد شباب يسالوني هذا السوال؟؟
The Black
11-02-2003, 01:58 AM
اشترى احد اصدقائي
سيارة كامري 2002 جديدة
اربعة سلندر
و يريد ان يزيد من قوة المكينة بشكل بسيط
واقترحت عليه تركيب الاتي
1- كنداسة
2- بكرات رياضية
3- جهاز MSD
4- ماصورة
فما رأيكم فيما ذكر
وهل هناك ادوات اخرى افضل مما ذكرته له
وكم سعر جهاز MSD بكامل ملحقاته
شاكرا و مقدرا لكم حسن تعاونكم،،،
الراعي
12-02-2003, 02:03 PM
بالنسبة للاخ 760IL
الاغلب ان ميزانية الاطارات يبيلها ضبط
وانصحك اتشيك عالميزانية باسرع وقت لانها تاكل التواير
______________________________________
عندي سؤال
ابي اخذ BMW850Cia
موديل فوق1998
شو رايكم في هالسيارة وكم توصل قيمتها تقريبا ((فل اوبشن))((الامارات))
vette4ever
13-02-2003, 04:20 AM
هلا king_ss
لو بركب تيربو على السيارة ...
الاضافات اللي لازم اضيفها مع التيربو ..
اتكلف وااايد ؟؟
يريت لو تقولي كم كلفك التيربو ؟؟
وكم كلفك الاضافات الاخرى ؟؟
مع تحياتي... :confused: :confused:
:cool: :cool:
الشرقاوي
16-02-2003, 04:33 PM
شباب بغيت اسأل عن قيادة السياره بسرعات عاليه هل هي بتضر السياره والا لأ؟
انا قصدي بالخطوط مو داخل المدن؟؟؟
King_SS
16-02-2003, 05:01 PM
رد مقتبس من CORVETTE_96
هلا king_ss
لو بركب تيربو على السيارة ...
الاضافات اللي لازم اضيفها مع التيربو ..
اتكلف وااايد ؟؟
يريت لو تقولي كم كلفك التيربو ؟؟
وكم كلفك الاضافات الاخرى ؟؟
مع تحياتي... :confused: :confused:
:cool: :cool:
============
شي اكيد بتكلف وايد
عشان تحول سيارة من سحب عادي الى تيربو .. راح تخسر عليها اقل شي من 8000 دولار الى ماشالله .. على حسب نوع السيارة
بالنسبة ليا انا فهو موضوع اخر .. لاني مختلف تماما ..
760IL
17-02-2003, 06:05 AM
شكرا اخوي الراعي على الرد
Lorinser
17-02-2003, 04:19 PM
أخوي كنج اس اس انا ناوي اركب قطع تزويد خفيفة على موتري هوندا اكورد مديل 90 وارد 2000 سي سي بحيث ما يأثر على المكينة .حق الخطوط
1- سستم كهرباء
http://www.msdignition.com/images/pn6200.gif
2- وايرات MSD
http://www.msdignition.com/images/31809.gif
3- بلاكات ريس (بواجي) :D بلاتينيوم
http://www.bikesmart.com.sg/images/SF/three.jpg
4- فلتر ريس K&N
شورايك اخوي في هالقطع .. هل تؤثر على السيارة ولا عادي .. مع اني اضرب خطوط :D وتحياتي لك :)
Say Allah Akbar
18-02-2003, 12:01 AM
انا عندي سؤال سيارتي بتسيب بنزين من غي تحكم اقصد عندما اقف في الإشارة مثلاَ ارى السيارة تتقدم لوحدها وصوت الينجين يعلى تدرجاَ مثل ما تضغط على البنزين وتسوي فوووووم!، ولكن بمجرد ما احاول ايقافها تطفئ بنفسها، وانا اعرف مائة بالمائة هذا مو طبيعي!.
علماَ بان سيارتي من نوع Chevrolet Celebrity 1990 3.1L V6
http://media8.motorcities.com/00LP9270844644A.jpeg
:help: :help: :help:
زورو الامارات
18-02-2003, 12:22 AM
والله ماعندي علم
القير عندك سليم ؟
يمكن في تضارب من القير الى المحرك
على فكره سيارتك 3 غيارات اتوماتيك
King_SS
18-02-2003, 03:54 AM
رد مقتبس من Lorinser
أخوي كنج اس اس انا ناوي اركب قطع تزويد خفيفة على موتري هوندا اكورد مديل 90 وارد 2000 سي سي بحيث ما يأثر على المكينة .حق الخطوط
1- سستم كهرباء
http://www.msdignition.com/images/pn6200.gif
2- وايرات MSD
http://www.msdignition.com/images/31809.gif
3- بلاكات ريس (بواجي) :D بلاتينيوم
http://www.bikesmart.com.sg/images/SF/three.jpg
4- فلتر ريس K&N
شورايك اخوي في هالقطع .. هل تؤثر على السيارة ولا عادي .. مع اني اضرب خطوط :D وتحياتي لك :)
===========
اتوكل على الله
Lorinser
18-02-2003, 10:56 AM
تحياتي لك كنج اس اس ولكل الشباب :)
vette4ever
19-02-2003, 02:00 AM
هلا شباب كيف حالكم...
بغيت اعرف عن الكورفت قوة الاحصنه
كورفت 96 كم حصان.....؟ العادي و ZR-1 ??
و 97 و 98 و 99 و 2000 و 2001 ؟؟
و ما ادري اذا نزل 2002 ؟؟
و ياريت بعد ZO6 ؟؟
مع تحياتي...
:banana: :banana: :banana: :cool:
passat2002
19-02-2003, 02:07 AM
في البداية اشكركم على الموضوع الاكثر من رائع
وعندي استفسار عن سيارتي الباسات 2002 وهو انو اذا مشيت عند سرعة 90-100 يطلع عندي صوت ونه خفيفة واذا زدت السرعة او قللت عن 90 يختفي الصوت
الاستفسار الثاني القير عندي في السيارة 4 تعشيقات بس الاحظ اذا جا يعش التعشيقة الرابعة كانه يبدل نمرة اي يصبح التعشيقات 5 وهذا الشي يختلف على حسب دعسك يعني اذا زدت السرعة ماتلاحظ انه يعشق 5 واذا قللت تلاحظ وتكون الملاحظ في الار بي ام واضحة
ملاحظة: بنسبة للقير بدلته على حساب الضمان والسيارة كانت ماشية 15000 بس والمشكلة كانت اذا بغيت ارجع للخلف ما يعشق القير الا اذا وديته للفاضي اول او d ثم ارجعه لل R تم يعشق وبدلو لي القر هل هذا دليل على انو قيرات الفولكس واجن تعبانة وسلامتكم واسف على الاطالة
الغامدي عبدالله
19-02-2003, 03:55 AM
passat2002
اخي العزيز في حاجه في عالم السيارات اسمه انت وحظك
هذا لما تشتري السياره تكون بالحظ اذا صافك عيوب مصنعيه وتتعب انت مع الشركه او تطلعلك زي العسل وتعيش معاك
الله يعينك ويصبرك
وخلك ورا الوكاله ولا تخليهم ابدا ابدا ومن ناحيه الباسات والفلكس واجن العضو اوتنجر خبيــــــــــــــــر فيها
انا معي القولف 2002 والحمدالله حلوه
الغامدي عبدالله
:black:
MAX 2002
20-02-2003, 12:16 PM
السلام عليكم ....
كيفك اخوي كنج اس اس ...
حبيت اسألك انا عندي ماكسيما وحاب اني اهبطها من قدام هل راح تأشر على السيارة ولا لأ ..... وايش نوع السست او القطع الي اركبها عشان تتهبط ...
انا سألت وقالولي نقص لك السست او تشتري سست مقصوصة ايش رايك في كلامهم هل يؤثر على السيارة ولا لأ ....
اما السؤال الثاني والي هو انا عندي ( كسرت التنده) يعني لما ترفع فتحة السقف لفوق صغير مو زي باقي السيارات ولون زجاجة الفتحة شفافة مو زي باقي السيارات لونها اسود ....
فهل تنصحني اسوي شي لكسرتها او حتى تغيير لونها ؟؟؟
واذا كان الجواب نعم من فين ؟؟؟ وهل لها ضرر على التنده ؟؟؟؟
واسف على الاطاله ....
ارجوا الرد السريع لأني منتظر على احر من الجمر ...
MAX 2002
20-02-2003, 12:19 PM
سؤال اخير ....
وياريت يرد الي يعرف اجابته...
وهو انا ابغى اركب فيابر لسيارتي ماكسيما 2003 يعني نفس زوائد الشركة فين تنصحوني اروح ويكون شغله ممتاز وشكلها نفس حقت الشركة ....
وياريت لو فيه مواقع للاكسسوارات للماكسيما ان تعطوني هيه ....
ولكم جزيل الشكر ....
السديرواي
25-02-2003, 12:50 AM
السلام عليكم
راسلت شركة آكسيل بشأن بعض أرقام القطع المطابقة لسيارتي (جيب شروكي) ، وسألتهم عن : هل MSD 6A يؤثر على الكويل أو السيارة عموماً ، وأجابوني بجواب صراحة ما فهمته لأن فيه مصطلحات غريبة علي.
فياليت من يعرف أن يشرح لي ، ويقدر يفدني أكثر من خلال خبرته وأكون له من الشاكرين.
هنا رد الشركة:
http://www.mrgasket.com/maildirect/helpdesk/problemdetail.asp?id=67589&TicketID=67589
King_SS
25-02-2003, 02:33 AM
رد مقتبس من السديرواي
السلام عليكم
راسلت شركة آكسيل بشأن بعض أرقام القطع المطابقة لسيارتي (جيب شروكي) ، وسألتهم عن : هل MSD 6A يؤثر على الكويل أو السيارة عموماً ، وأجابوني بجواب صراحة ما فهمته لأن فيه مصطلحات غريبة علي.
فياليت من يعرف أن يشرح لي ، ويقدر يفدني أكثر من خلال خبرته وأكون له من الشاكرين.
هنا رد الشركة:
http://www.mrgasket.com/maildirect/helpdesk/problemdetail.asp?id=67589&TicketID=67589
==================
بكل بساطة هما ردو عليك وقالولك الجملة دي
The coil will have to be changed to accept a CD ignition.
وهي انك لازم تغير الكويل الى واحد رياضي عشان يتلائم مع ال ام اس دي اللي حتركبه
King_SS
25-02-2003, 02:36 AM
رد مقتبس من MAX 2002
السلام عليكم ....
كيفك اخوي كنج اس اس ...
حبيت اسألك انا عندي ماكسيما وحاب اني اهبطها من قدام هل راح تأشر على السيارة ولا لأ ..... وايش نوع السست او القطع الي اركبها عشان تتهبط ...
انا سألت وقالولي نقص لك السست او تشتري سست مقصوصة ايش رايك في كلامهم هل يؤثر على السيارة ولا لأ ....
اما السؤال الثاني والي هو انا عندي ( كسرت التنده) يعني لما ترفع فتحة السقف لفوق صغير مو زي باقي السيارات ولون زجاجة الفتحة شفافة مو زي باقي السيارات لونها اسود ....
فهل تنصحني اسوي شي لكسرتها او حتى تغيير لونها ؟؟؟
واذا كان الجواب نعم من فين ؟؟؟ وهل لها ضرر على التنده ؟؟؟؟
واسف على الاطاله ....
ارجوا الرد السريع لأني منتظر على احر من الجمر ...
==============
بالنسبة للمكسيما .. فانا كنت مركب في المكسيما حقتي .. سست من شركة ايباك ..
واعطتني رساوة غير معقولة وتماسك عالي .. بالنسبة لقص السست .. انتبه يا ولد الحلال هاذي فيها عمر .. ترا قص السست اخطر مما اي شخص اقدر اتخيل ...
وانا انصح الشباب بشدة ... ممنوووووووووووع قص السست .. وانا ماني مسؤول عن اي خسائر في الارواح .. هذا وقد بلغت ربي فاشهد ..
الشباب الصراحة اليومين دي بيسترخص في قيمة القطع الاصلية اقوم اروح اقص السست عشان اهبطها .. وبعدين يحدث ما لا تحمد عقباه ..
HaKeM
25-02-2003, 03:41 AM
أبغى أركب حساسات أمامية زي حقت الكامري في الأفالون وأبغى اركب ثلاث شاشات في السيارة كم تكلفني.
يريت تيفدوني في أفضل الأنواع والأسعار وفي المحلات الموجوده بيها في جده.
:D
Third Eye
26-02-2003, 09:03 AM
رد مقتبس من King_SS
==============
بالنسبة للمكسيما .. فانا كنت مركب في المكسيما حقتي .. سست من شركة ايباك ..
واعطتني رساوة غير معقولة وتماسك عالي .. بالنسبة لقص السست .. انتبه يا ولد الحلال هاذي فيها عمر .. ترا قص السست اخطر مما اي شخص اقدر اتخيل ...
وانا انصح الشباب بشدة ... ممنوووووووووووع قص السست .. وانا ماني مسؤول عن اي خسائر في الارواح .. هذا وقد بلغت ربي فاشهد ..
الشباب الصراحة اليومين دي بيسترخص في قيمة القطع الاصلية اقوم اروح اقص السست عشان اهبطها .. وبعدين يحدث ما لا تحمد عقباه ..
طيب وتسخين اليايات؟؟
وقص المساعدات؟؟؟
وترا هاذي انتشرت إنشار عجيييب
خاصة التسخين
بوخشيم
01-03-2003, 10:03 PM
عندي سؤال :
انا ولله الحمد ركبت انوار زينون على سيارتي اللومينا ..نوع فيلبس
لاكن ابغى اركب عدسه زي الموجوده في الاوبل اوميجا
وكل سيارات BMW ...هل يوجد محل في المنطقه الشرقيه يبيعها..وبكم....ايضا هناك استفسار ...النور الي على اليسار صار لونه يميل الى البنفسجي ..هل هناك حل..........
كـيـمـو
04-03-2003, 10:39 AM
سلام عليكم شباب
ريحه الكربون الخارجه من السياره ابي اعرف وش هي اسبابها وطرق علاجها :)
؟؟؟
زورو الامارات
04-03-2003, 02:22 PM
السلام عليكم
الاخ توين كام ريحة الكاربون لها اكثر من سبب
اولها يمكن البخاخات وسخة او مسدودة
الفيول فلتر فيه الكثير من الاوساخ ويدخلها على المحرك
دبات الاكزوز - الكنداسات يعني يمكن تكون في اجزاء منها مسدودة
كذا سبب تأكد من ان سيارتك مافيها هذي الاشياء
كـيـمـو
04-03-2003, 02:43 PM
هلافيك
والله البخاخات ما اعتقد انها معدومه لان السياره ما تقطع معي لكن
الفيول فلتر ما ادري يمكن يكون هذا السبب
والكنداسات برضوا ما اعتقد انه فيها مشكله
لان خروج الهواء طبيعا من العادم بشكل عادي ما تلاحط انه في انسدادات
ويعطيك ألف عافيه وما قصرت وبصراحه هذا الشي ألي ماكنت عارف سبهه لكن انشاء الله تكون من الاشياء المذكوره
زورو الامارات
05-03-2003, 12:17 PM
السلام عليكم
ولو احنا حاضرين للطيبين
نتعلم منكم والله وايد اشياء تعلمتها من الاسئلة في المنتدى :)
يا جماعه شنو سبت تقطيع الموتر؟
يعني يقطع بل موت يمشي يقمت شنو سبته
زورو الامارات
05-03-2003, 02:56 PM
السلام عليكم
اسباب كثيره
منها وايرات البلاكات - البواجي تكون مهتريه يعني تلفانه او مو مركبه عدل وتحصل بعض البلاكات يشتغل والبعض لا
يعني اذا السياره 6 سلندر يمكن تمشي ب 4 وانت مو داري
ثاني شي هل الاقزوزات صوب المينيفول او المفلر الي يطلع من المحرك فيه شي ؟
البخاخات يمكن تكون وصخه
الدلكو يمكن تعبان مو مضبط
يمكن الفيو بمب او مضخة البترول فيها شي ماتوصل بترول للسيارة
هل السيارة تطلع دخان ازرق ؟؟
تأكد من هذي الاشياء
MAX 2002
06-03-2003, 08:04 AM
مشكور على الرد اخوي كينج ....
لكن يا ليت لو تعلمني فين مكان المحل ترى انا من جده ... وبكم سعره ... وهل هو مضمون ....
وياليت لو تجاوب على سؤالي الثاني في الرد الاول الي هو من فين اركب الفيابر ...
واكون شاكر لك ...
اخوك MAX
الأنصاري
07-03-2003, 03:34 AM
الله يعطيك العافية اخوي زورو الإمارات
والله الواحد وهو يقراء مشاكل الشباب يستفيد كثير
وانا ابي اطرح بعض الإستفسارات والمشاكل
هل البخاخات تتوصخ بسرعة يعني هل في فترة معينة لازم تتنظف اوتتبدل وهل لازم اودي السيارة الوكالة ولا المكانيكي الشاطر يعرف لها
والحين مشاكل اصدقائي :D :D
الأول عندة مرسدس 500 ما اعرف الموديل يعني قول93 عندة مشكلة ان وانت داعس يوم يجي يغير من الثالث الى الرابع ((الجير اتوماتيك)) السيارة تقطع وتقفز للحظة ثم يبدل شئ غريب فهل احد عنة جواب او تنصحونة يروح الوكالة
الثاني في واحد عندة سيارة فيتارا 6 سلندر 97 اول ثلاث سنين كان مهمتم في السيارة وبعدين صارلة فجع للبران والبحر والدعس المهم كان يقولي ان كان زمان يدعس كامل والسيارة تجيب 170 وبعد فترة صار يحكر السيارة على الجير 3 حتى يصل rbm 7 ويقطع والسرعة180 ومع الوقت صارت السيارة توصل عزم 7 بسرعة وتقطع عكس السابق ايش تفسير هذا
وايش القطع الي مش غالية وتزيد كفائة السيارة في البر
الأخير : عدنة كابرس 94 على ما اعتقد انتهت مكينتها هل ممكن يحط مكينة كابرس من موديل احدث وهل يقد يحط مكينة الكابرس الجداد
وشكرا
تعبناكم
-------------------------------*****---
Faisal20o0
تحيه طيبه وبعد
اشكرك اخوي على هذا الموضوع الشيق والمفيد وماقصرت
وعندي استفسار وهو
عندنا كابريس موديل 96
وعند تشغيلها تستغرق تقريبا 3 ثواني على بال ماتفك السلف وتكون اشتغلت واعتقد ان هذا الوقت طويل
ياريت اخواني تفيدوني ماهي المشكله وماهو حلها
واكون شاكر ومقدر لكم
-------------------***-*
حل مشكلتك ان هناك حساس مفصول من عند المكينة
وانا متأكد ان لمبة المكينة مولعة عندك وحل هذه المشكلة انك ترد الحساس مكانة والحساس المفصول اكيد انة حساس المراوح
هل اذا اشتغلت السيارة تشتغل المراوح على طول ؟ طيب اشبك الحساس
راح تطفي اللمه ولا كن قد ترتفع درجة الحراره فازين شي تبرمجها كمبيوتر ..
اذا كنت من الرياض ساعدتك بالورشة ..
شكراً واسف على الاطالة
Faisal20o0
09-03-2003, 12:35 PM
xg30
ماشاء الله عليك اخوي
فعلا أخوي هو حساس المراوح مفصول عشان اذا شبكته ماتشتغل المراوح :confused: يقولون يبغالها برمجه في الكمبيوتر او شي زي كذا
واشكرك الصراحه اخوي على اهتمامك بالرد انا حسبتها السلف يبغاله تغيير
وياريت اذا ماعليك كلافه تدلني على الورشه وبكم التكلفه تقريباً ؟
وهل راح تطول السياره عند الورشه ؟
كم تقريبا المده اللي يحتاجونها ؟
وشكرا
رد مقتبس من Faisal20o0
تحيه طيبه وبعد
اشكرك اخوي على هذا الموضوع الشيق والمفيد وماقصرت
وعندي استفسار وهو
عندنا كابريس موديل 96
وعند تشغيلها تستغرق تقريبا 3 ثواني على بال ماتفك السلف وتكون اشتغلت واعتقد ان هذا الوقت طويل
ياريت اخواني تفيدوني ماهي المشكله وماهو حلها
واكون شاكر ومقدر لكم
حل مشكلتك ان هناك حساس مفصول من عند المكينة
وانا متأكد ان لمبة المكينة مولعة عندك وحل هذه المشكلة انك ترد الحساس مكانة والحساس المفصول اكيد انة حساس المراوح
هل اذا اشتغلت السيارة تشتغل المراوح على طول ؟ طيب اشبك الحساس
راح تطفي اللمه ولا كن قد ترتفع درجة الحراره فازين شي تبرمجها كمبيوتر ..
اذا كنت من الرياض ساعدتك بالورشة ..
شكراً واسف على الاطالة
Faisal20o0
09-03-2003, 04:39 PM
اشكرك اخوي xg30
بس مادري انت شفت ردي والا لا :confused:
اذا كنت بالرياض فيه ورشة وررا الجميح تبع المبيعات يبرمجونها ماياخذ اكثر من نص ساعة يفك الكمبيوتر ويبرمج ويردة مكانه وانت واقف ومايخذون اكثر من 200 ريال لا ويغرون البلف حق الحرارة وتصير الحرارة ماتتعدى الربع
Faisal20o0
10-03-2003, 12:35 PM
اي نعم انا من الرياض بس ياريت توضح الوصف واكون شاكر ومقدر لك
شوف تعرف الجميح المبيعات الي على خريص في قبلة لفة بين الافضليه والمبيعات ادخل معها امش بيجيك شارع ترابي امش معة
بتجيك الورشة على اليسار اخر شي بس تراها مب باينه يعني شكلها حوش .
MAX 2002
14-03-2003, 06:40 AM
السلام عليكم ...
يا شباب اشبكم ما سرتوا تردوا على الردود وفين اخوي كينج ...
والمنتدى صار محد يشارك فيه ....
SnoopY
15-03-2003, 07:36 PM
السلام عليكم
والله صادق يا MAX2002 ما ادري ايش صاير في المنتدى اليومين هاذي !
moka_moka
25-03-2003, 01:45 AM
اشكر الاخوان على هذا الموضوع الناجح والدليل عدد الردود والزوار
ولى استفسار بسيط
معى سوبر سفارى 96
فيه مشكله ظهرت قبل اسبوع تقريبا
وهى انك لما تكون ماشي الموتر يقطع !!
وعداد الضغط ينزل تحت 1000 دوره
وتظهر واضحه خاصه عند وقوف السياره عند الاشاره
ينزل العداد لتحت والموتر كأنه بيطفى
ولما ادعس بنزين علشان مايطفى
يطلع دخان اسود كثيييييف!!! ومع صوت انفجارات(احيانا)!!
علما بأن هذه المشكله لاتظهر في كل المشاوير (مرتين في اليوم تقريبا )
رحت لورشه وغيرت صفاي البنزين وفلتر الهواء
لكن رجعت له نفس الحاله بعد يوم واحد
ممكن الحل ؟؟ لو سمحتوا !!
MAX 2002
27-03-2003, 06:28 PM
السلام عليكم .....
يا ليت يا اخوي كينج ترد على سؤالي الي هو من فين اشتريت السست الرياضية ؟؟؟ وبكم ؟؟؟
انا من جده ....
وياليت تردلي بسرررررعة لأني محتاج الرد ....
وشكرا ...
اخوك MAX
King_SS
27-03-2003, 07:14 PM
رد مقتبس من MAX 2002
مشكور على الرد اخوي كينج ....
لكن يا ليت لو تعلمني فين مكان المحل ترى انا من جده ... وبكم سعره ... وهل هو مضمون ....
وياليت لو تجاوب على سؤالي الثاني في الرد الاول الي هو من فين اركب الفيابر ...
واكون شاكر لك ...
اخوك MAX
==========
سامحني ما شفت موضوعك ..
عند ماك سبيد اللي في طريق المدينة .. واحد اسمه عبدالله او سلطان قلله انا مرسول لك من احمد راعي الكابرس .. واذا اشتريتها انسق معاك عشان نركبها في ورشتنا ..
وبالنسبة للفيابر والله ما عندي خبر لاكن الكوثر يركبو فيابر
kalifornia
29-03-2003, 10:38 AM
سلام عليكم
شباب انا عندي كامري 93 اوتوماتيك 6 سلندر المشكله اني اسمع صوت مثل شرارة كهرباء بعد ما اقفل السياره.
يا ترا شو السبب
شكرا
California
MAX 2002
30-03-2003, 03:04 AM
مشكووووووووووووووووووووور اخوي كينج ما قصرت .....
وانشاء الله ما اكون تعبتك .....
مشكور مرة ثانية ...
اخوك MAX
zx300
30-03-2003, 02:28 PM
اخوي كينج اس اس
عندنا كابرس بكس 91 وصرفية البنزين غير طبيعيه احياناً نعبي التانكي مرتين في السبوع مع ان المشاوير اللي اطلع بها مو زايد ولا ادعس بها الا عند الحاجه وابيك تشوف الي حل
وابي اعرف وش اقوى قير ومكينه يركب عليها وبكم سعره
ومشكووور
King_SS
30-03-2003, 04:04 PM
رد مقتبس من zx300
اخوي كينج اس اس
عندنا كابرس بكس 91 وصرفية البنزين غير طبيعيه احياناً نعبي التانكي مرتين في السبوع مع ان المشاوير اللي اطلع بها مو زايد ولا ادعس بها الا عند الحاجه وابيك تشوف الي حل
وابي اعرف وش اقوى قير ومكينه يركب عليها وبكم سعره
ومشكووور
==========
روح غير بواجي جديدة ونظف البخاخات او الكربريتر وراح تخف صرفية البنزين .. باين عليكم من زمان ما عملتوله صيانة .. وافضل تغير فلتر البنزين وتغير اسلاك البواجي .. يعني بالعربي تسويلها صيانة
قلق و رجه
31-03-2003, 05:08 AM
مرحبا عندي كم سؤال وياليت تجاوبوني
الاول انا عندي سياره هوندا ستي 2002 والسياره ماشاءالله عزمها بالنسبه لحجمها حلو
لكن السياره قبل 190 تقفل يعني تكتم او كنك رابط فرامل ويرجعني الى 180 الوكاله يقولون نفتحه بس ب 350 ويروح الضمان (اصلا رايح خلقه)
والله غالي هل فيه اخر
والجنوط اللي فيها الحين 13
165/80
انا ابركب جنوط سود اكبر يعني حقة السيفك (من عشاق الجنوط السود)
طبعا 14
185او195/65 وش رايكم
zx300
31-03-2003, 11:12 AM
طيب ياكنج مارديت على سؤالي الثاني
King_SS
31-03-2003, 02:17 PM
رد مقتبس من zx300
طيب ياكنج مارديت على سؤالي الثاني
=============
ياخي الامريكي بحر مفتوح ... ما تقدر تحدد وتقول اش اقوى مكينة وجير يركب عليه ..
في مكائن توصل قيمتها الى 500 الف دولار ... 8000 و 11 الف حصان ..
عشان كدة صعبة الاجايبة على هالسؤال وبالتحديد ايش اقوى ..
قلق و رجه
01-04-2003, 04:35 AM
محد رد علي
King_SS
01-04-2003, 04:45 PM
رد مقتبس من قلق و رجه
مرحبا عندي كم سؤال وياليت تجاوبوني
الاول انا عندي سياره هوندا ستي 2002 والسياره ماشاءالله عزمها بالنسبه لحجمها حلو
لكن السياره قبل 190 تقفل يعني تكتم او كنك رابط فرامل ويرجعني الى 180 الوكاله يقولون نفتحه بس ب 350 ويروح الضمان (اصلا رايح خلقه)
والله غالي هل فيه اخر
والجنوط اللي فيها الحين 13
165/80
انا ابركب جنوط سود اكبر يعني حقة السيفك (من عشاق الجنوط السود)
طبعا 14
185او195/65 وش رايكم
===========
راح تتقل السيارة واعاد راح تشوف ال 190 اللي كنت تجيبها سابقا
MAX 2002
02-04-2003, 12:08 PM
السلام عليكم ....
معليش اخوي كينج يتعبك بس المحل الي قلتلي عليه حق السست اسمه ( ماك سبيد ) قلت انه في طريق المدينه بس يا ليت لو تقلي او توصفلي بالضبط فين في طريق المدين عشان انت عارف ايش طول الطريق حتى لو تقلي بجمب ايش او عند اي كبري ....
اما سؤالي الثاني وهو انه هل التهبيط يضر بالسيارة من اي شي وحتى لو كان شي بسيط او صغير
لأنه في واح قلي انه التهبيط من قدام يخلي الماكينه مهي متوازيه يعني نازله من قدام وبكذا الزيت مهو متوازي وما يوصل لراس الماكينه يعني بالعربي يضر بالماكينه ... فهل هذا الكلام صحيح ام لا ؟
ملاحظة : الي سألته حق محل قص وتسخين سست يعني ورشه !!!
ومشكووووورررر
اخوك MAX
zx300
02-04-2003, 01:50 PM
ماعليه ياكنج استحملني شوي
بس انا قصدي المكاين الستوك مو الملغمه