نظام الملاحة دعوة للمجربين

[BMW745Li]

السلام عليكم ورحمة الله وبركاته


http://www.bmw.com.sa/service/nav/images/navpicsmall.gif


http://www.bmw.co.za/Products/SatNav/images/scenario3a.gif

أخواني ودي أستفسر عن كيفية عمل نظام الملاحة

وهل صحيح أن نظام الملاحة ما يشتغل إلا في سيارات BMW في السعودية


((( وسؤالي بشكل أوضح كيف يتم توجية النظام للموقع المطلوب )))


لأني بصراحة جاني CD هدية من العضو المحترم Moka Moka

وللأسف سيارتي الحالية BMW 728iL



نبغى أنطباعاتكم عن النظام وكيفية أستعمالة من شباب الإمارات والسعودية

مع مقارنة النظام بين البلدين إن أمكن

علما أني سمعت ان النظام في السعودية يشتغل في الرياض وجدة فقط




ودمتم ,,,

[CORVETTE^C5]

و عليكم السلام

اولا انا من الكويت و النطام شغال عندي

بالنسبه لسؤالك :
((( وسؤالي بشكل أوضح كيف يتم توجية النظام للموقع المطلوب )))

مثلا انا بروح المنطقه a لبيت صديقي ;)
1 - تختار المنطقه a
2- تختار اسم الشارع او رقمه ( طبعا لما تحط اول احرف لاسم الشارع يكتمل هو اوتوماتيكيا او انت تكتب الشارع المحدد )
و بعدين تختار ان يقوم النظام بإرشادك للموقع المحدد ، و في خيار انك تستمع لصوت يقوم بتوجيهك للمكان المحدد . طبعا النظام يختار اقصر الطرق ( يمكن انت ماودك اتعدي من المكان الي قالك تلف او تذهب له فحتى لو تسوي سكب اهو راح يكمل يرشدك :) )
- طبعا تقدر تختار مدى المسافه على الخريطه من 100 متر الى 500 و 200
- و على الخريطه يبين لك المساجد و الحدائق العامه و كذلك موجود في السي دي اماكن السياحيه و المطاعم و المتاجر و محطات البنزين و اشياء اخرى لا اتذكرها حاليا . لما تضغط عليها راح يعطيك لسته بهم و تختار المكان المحدد و يرشدك
- و مثلا انت رحت مكان جديد او غير موجود على السي دي تقدر تحفظ المكان للرجوع له مره اخرى

طبعا هاذي اشياء قليله كتبتها بس انشاء الله غدا اكمل باقي المواصفات لاني لازم اروح السياره و اشوف :) :p وتدري الحين الساعه 4 الفجر و على قولتهم الصباح رباح :D :glasses2:

و ملاحظه اتوقع انه النظام يختلف شوي عن الامارات و السعوديه فياليت الي امجربينه يقولن لنه شنو فيه مواصفات عندهم و شنو ناقصهم

[BMW745Li]

السلام عليكم ورحمة الله وبركاته

ألف شكر أخوي CORVETTE^C5

أفدتني بمعلومات حلوة

كنت في حاجة لها صراحة ;)


بس فية شئ ما فهمتة

طبعا تقدر تختار مدى المسافه على الخريطه من 100 متر الى 500 و 200
هل قصدك معامل الخطاء من 100 متر إلى 500


وفية شئ ثاني أبغى أستفسر عنة منك ومن الجميع

إذا أنت أخترت بيت صديقك فرضا وأنت الأن تبعد عنة 20 كيلو

وفي أحدى الطرق إزدحام سيارات هل النظام يرشدك بالشي هذا قبل ما تتوهق بالزحمة ولا لا ؟

لأن في ألمانيا الخدمة هذي تشتغل

بإنتظار التكملة بالتفصيل الله لا يهينك
بالمميزات والعيوب

وسؤال ثاني هل النظام بس في سيارات BMW ولا في أي سيارة فيها نظام الملاحة ؟
وشكرا ,,,

[mill_955]

سمعت كلام غير مؤكد انه راح ينزل على المرسيدس بعد 6 شهور تقريبا وان بروح اليوم للشركة اتأكد

[S8]

امممم اعتقد في كلام زي كذا راح يفيدك فيه الاخ CL 600

[T_zone]

بالنسبة للمرسيدس أنا كنت عندهم الخميس وسألتهم عن الموضوع ، قالت طلبات 2003 اللي ماتسلمت ( يعني اللي لسه ماوصلت سيارته) بيكون معاها الميزة هذي. طبعاً مش الشاشة، اقصد السي دي.
ما سألته بالنسبة للناس اللي استلموا سياراتهم أو شروها من قبل.

ومريت لكزس ، قال النظام لسه توه جديد وغير متوفر عندهم الى الآن على اي موديل بما فيها 2003 . اللي عندهم يقول 3 شاشات تتركب في السيارة بحود 18 الف بس يقول مالها نافيجيشن.
الشاشات اتكلم عن GS300 وماسألت ان كانت تتركب في الاصل على ال 430


هذا والله اعلم وبه التوفيق.

[mill_955]

السلام عليكم

بالنسبه للسيدي حق المرسيدس فهو موجود في الشركه قسم قطع الغيار بس المشكله في سعره 1500 ريال يشتغل حاليا في مدينة جده والرياض فقط

[CORVETTE^C5]

العفو اخوي BMW745Li

بالنسبه لسؤالك ( بس فية شئ ما فهمتة
طبعا تقدر تختار مدى المسافه على الخريطه من 100 متر الى 500 و 200
هل قصدك معامل الخطاء من 100 متر إلى 500 )

لا الي اقصده انك لما تكون امشغل الخريطه و تضغط على زر التحكم بالوظائف راح تطلع نافذه تختار منها scale الي تقدر تختار منه المسافه الي تحب تشوف فيها بعد سيارتك على الخريطه
المسافات الموجوده تبدأ من 1 كم و 2 و 5 و 10 و 20 و 50 و 100
و لمسافه اقل فيه بعد 500 متر و 200 متر و 100 متر طبعا اخر رقم هو افضل شي اذا تبي تشوف الشارع بدقه و كل شي يظهر على الخريطه


بالنسبه للسؤال الثانيه :
للاسف هل الخدمه مو موجوده لانها تحتاج التعاون مع الشرطه لانهم هم الذين لديهم مثل هل المعلومات . يعني هل الميزه اتوقع تشتغل بعد قول 150 سنه
:sleep: :D
بس ما ادري عن الامارات ؟؟ لانه الي اعرفه انهم عندهم اشارات تكتب لك انه هل الشارع الفلاني مزدحم او في حادث فلو يقومون بتوصيل هل المعلومات بطريقه ما الى السيارات يكون شي روعه .

ترى العمليه سهله بس تدري شغل الروتين الحكومي و البيروقراطيه عندنا :headshak:

و على العموم ترى النظام سهل لدرجه ما توصف لاني الصراحه عرفت كل شي فيه تقريبا بدون ما اقرا الدليل ابدا :)

[BMW745Li]

السلام عليكم ورحمة الله وبركاته

مشكورين جميعا على التفاعل وخاصة الغالي كورفيت

باقي أهل الإمارات والسعودية



وبالنسبة للكزس ما أتوقع منها شئ حاليا إلا إذا بادرت نيسان بذلك

لأن لكزس دائما تخطو خلف الكبار ((( مع الإعتذار لمحبي لكزس)))

بس الشهادة لله سياراتهم عملية بشهادة العملاء وليس مندوبي المبيعات :):):)



وشكرا ,,,