$$ طاح الحطب $$

[عشاق]

طاح الحطب

طاح الحطب من قال انا منك زعلان
يا كيف ازعل من حياتي نهاوي

راضي ولو انت الذي حيل غلطان
أنتا سبب جرحي وانتا المداوي

يكفيك إني لشوفتك دوم ولهان
ويكفيك إني أتبعك بالخطاوي

أذكرك دايم في هنايا والأحزان
وطاريك صاحي وبمنامي امتساوي

يا كل كلي ما طرالي بحسبان
إنك تحسب اني لفرقاك قاوي

مازعل ابد منك00 ولو كنت عتبان
عتاب الأحبه ما تشوبه رجاوي

قولي (( احبك )) 00ينتهي كل ما كان
ونضحك عليه يوم انتعلل خلاوي

هذا انا عشقي لك اليوم بجنان
والله احبك يا نهاوي وهاوي


عشّاق
http://qe9ayed2.jeeran.com/algowafe1.gif

http://www.3ashaq.net/vb/showthread.php?s=&threadid=348

[كهرمانة العين]

عشاق قصيدة راائعة ...صح لسانك:)

[عشاق]

صح ابدنك اختي ولا هنتي :)

[AL_RASY]

صح,,,لسانك اخوي عشاق

رائع مثل ماعرفتك بضبط حيل اعجبتني القصيدة
وعيدك مبارك.
والسنه الجايه حاج وعريس انشالله :)


الراسي

[عشاق]

أشكرك اخي الراسي وربي يتقبل منك وتشوفني عريس :rolleyes:

[دانا]

ما شاء الله عليك ......... هذي مسكته :)

يكفيك إني لشوفتك دوم ولهان
ويكفيك إني أتبعك بالخطاوي

والله تكسر الخاطر ........

سؤال عشاق ....

أنت كم تاخذ في كتابة قصايدك ... وهل ممكن تكتب أكثر من قصيدة في وقت واحد ؟؟؟:o

وإن شاء الله ما نثقل عليك ...


تحياتي .........بنت البدو :glasses2:

[عشاق]

أولا أهلا بك اتي وكل عام واتب بالف صحه وسلامه
ثانيا 00 القصائد أنواع00 فمنها من ياخذ عشر دقائق ومنها النضف ساعه منها الساعه ولكنه في جميع الأحوال لا تتعدى الساعتين وإذا تجاوزت هذا الوقت أشقق كل ما كتبت ويكون مصيره سلة الهملات
ولا أخفي عليك أختي بأنني اكتب أحيانا قصيدتين او ثلاث في يوم واحد :corsair: