PDA

View Full Version : اذا مليت و ماعندك شي تسوي،دش و جوف الأقتراحاات..

al7'aleejia
15-02-2003, 02:16 PM
اذا مليييت وما لقيت شي تسويه هذي اقتراحات.... لأعضاء المنتدى فقط ....
اذا مليييت وما لقيت شي تسويه هذي اقتراحات.... لأعضاء المنتدى فقط ....

اذا مليييت وما لقيت شي تسويه هذي اقتراحات


سوق سيارتك امام مركز المرور، و فحط هناك..هذا اقتراح مفيد جدا
ومجرب من عشرات الأشخاص

ــ إذا مرة طفشان و انت بايعها، روح للإدارة العامة لمكافحة المخدرات

ويكون في جيبك كيس طحين ابيض.. اول ما يشوفوك، طلع الطحين من جيبك

واجري..........!!

و إذا تبغى تمسخها مرة.... اول ما يمسكوك... قول ... ضحكت عليكم

واحد - صفر

ــ آخر الليل... تقريباً الساعة 3 بعد منتصف الليل، اتصل بالناس عشوائياً

واول ما يرد عليك... قول: آسف النمرة غلط......!!!

ــ اتصل على الخطوط الجوية العريبة السعودية و بلغ عن وجود

مااقدر اقولها.. بس انتوا عارفينها....

و لو بايعها مرة... اتصل عليهم بعد ساعة و قول ضحكت عليكم...

واحد – صفر

ــ إذا ما كنت تعرف السباحة.... روح اسبح

ــ أدخل الى مقر نادي القادسيه و انت لابس شعارالهلال

ــ وانت تاكل في مطعم ... ارمي نفسك على الأرض .. و قول انت تسممت

من الأكل...!

ــ و انت تسوق في الشارع ... وقف عند اي رجل مرور من الواقفين عند

الإشارات في الشارع ... وقت الظهرية والقايلة... اشر عليهم و اضحك..

ولا تنسى توريه انك تأشر عليه....

ــ دائماً احرص اشد الحرص انك تسوق سيارتك في الإتجاه المعاكس

واول ما يمسكوك قلهم انا جاي من جيزان.



منقوول




تحياااتي
الخليجية
وردة بلادي
15-02-2003, 02:34 PM
الله الله على الاقتراحات الرهيبة:glasses2:

تراها بلاوى مسيحة وتودى فى داهية

بس بينى وبينك خل الشباب يقومون بهذة الاقتراحات تراها تنفع لهم حيل وبالمرة نفتك من شرورهم:banana: :banana:

يعطيك العافية على هيك اقتراحات
سالمين
15-02-2003, 02:49 PM
خطوة اخيرة ولا تعال ودش في المنتدى ومرمط في المشرفين والعالم حتى تصحي النايمين:banana:
دمعة لم تجف
15-02-2003, 02:59 PM
أعجبني هذه الاقتراحات :

ــ وانت تاكل في مطعم ... ارمي نفسك على الأرض .. و قول انت تسممت من الأكل...! ( يمكن اسويها )

ــ و انت تسوق في الشارع ... وقف عند اي رجل مرور من الواقفين عند

الإشارات في الشارع ... وقت الظهرية والقايلة... اشر عليهم و اضحك..

ولا تنسى توريه انك تأشر عليه....
ابو الفياصل
15-02-2003, 05:03 PM
خخخخخخخخخخخخخخخخخخ

افكلا جميله وآراء سديده!!

:D:D

بس مجربه يعني قديمه:D:D>> مسوي فاهم هو ويا وجهه:D:D

تشكرات افندم:D
CAMARO4EVER
15-02-2003, 05:23 PM
اقتراحات حلوة ...
كـيـمـو
15-02-2003, 06:03 PM
حلوه حلوه حلوه
قابله لدراسه ألف شكر لكاتب وناقل الموضوع
بصراحه أفكار ديجيتاليه وهذي تريح الشباب بدل العطال والفراغ الممل

يؤخذ بها

:D
عمرTarga
15-02-2003, 06:09 PM
لا يحوشك اذا كانت هذي اقتراحاتك:D
al7'aleejia
15-02-2003, 08:14 PM
ميرانة
ايي و الله خزش فكره
عثب نسوي احتلال تام على المنتدى و يصير للبنات فقط :D :D :D
لووووول صج عجيب
و عقب انا اصير المشرفه عليه و ما عليش عشان خاطرج اخليج مسااعدتي :D :D :D
لووووول


تحياااتي
الخليجية
al7'aleejia
15-02-2003, 08:15 PM
سالمين
مشكور على الرد
بس مرمط
شنو معناها ذي ؟!!
al7'aleejia
15-02-2003, 08:17 PM
دمعة لم تجف
مشكور على الرد
و اكيد دامك صبي
جعبتك مليئة بمثل هذه الأقتراحات الجهنمية :D :D


تحياااتي
الخليجية
al7'aleejia
15-02-2003, 08:19 PM
ابو الفياصل
ماشا الله عليك يا ريااااااي
ده انته مبين عليك خبييير ;)
بس حاسب على نفسك عاد و بلا مغامرات و مجازفات مالها معنى :D :D

مشكور على الرد خيوووو


تحياااتي لفيصووول
الخليجية :D ;)
روتي
15-02-2003, 08:57 PM
اعجبتني الاقتراحات ... وبالذات اقتراح مكافحة المخدرات :)
وانا اتابع برنامجكم كل يوك ... شكرا على البرنامج الحلو .. ممكن أقدم تهنئة؟
لااا
اوكي باي
توت توت توت توت توت
سالمين
16-02-2003, 03:07 AM
(مرمط = يعني طين عيشته بهذله) وانتي ماشية
el badrah
16-02-2003, 06:21 AM
الله الله..
هالاقتراحات بتودينا في 60 داهيه...
لوووووووووووووووووووووووووووول..
اقتراحاتك عجيييبه...:D
وان شاء الله سوف يتم العمل بها...وااي باروح فيها
© MATCHLESS
16-02-2003, 01:58 PM
رد مقتبس من سالمين
خطوة اخيرة ولا تعال ودش في المنتدى ومرمط في المشرفين والعالم حتى تصحي النايمين:banana:


ورنا شطارتك يا فالح !!


والا فالح في الحكي وبس :rolleyes:
دلع
17-02-2003, 02:54 AM
اقتراحات رهيبه يا الخليجيه..;)

يعطيك العافيه حبيبتي,,
سالمين
17-02-2003, 04:27 AM
ابو محمد لا تخليني اعصب:mad:

ترا مجرم :black:
دبدوووبه
17-02-2003, 01:45 PM
ونااااااااااسه

عمري في حياتي ما طفشت :glasses:

بس احس نفسي قربت من الطفش

على طووووووووول اروح اخمد = انام :D