بعد مرثية يبه شلونك ..اليكم ..فمان الله يايمه

[حبيبها]

بعد الغياب .. اعود لكم احبتي ..



مضى أمس
ومضى عمر
ولاغيرالله الباقي
طوينا صفحة كتابٍ
خذا من عمرنا همه

فجيعة ليلي البارح
فقيدة عمري الباقي
حبيبة كل مافيني
فمان الله يايمه

فمان اول زمان به
نما في حسبة اشواقي
غرام دافق يسري ..
بعرق وماحوى دمه ..

يودعك الصغير اللي ..
تربى داخل اعماقي
يودعك الكبير اللي ..
يمش دموعه بكمه ..

يودعك الحبيب اللي ..
اشوفه ساكن احداقي
يودعك الجريح اللي ..
نزف دمه .. ولاهمه

انا مدري هي اللقيا
او اني داخل فراقي ..
وانا اقبّل ..جبين ما ..
بقى غير الثرى يضمه ..

يايمه .. والزمن وقف..
وانا نبضي وخفاقي ..
خطير ..يسرقه مني..
زمان قال بك يمه

فمان الله يايمه
فمان ..الواحد الباقي..
كثر ماهلت امطار ..
وكثر ماهللت امه ..

يايمه ياعسى قبر ..
يضم اطرافك يلاقي ..
من الغفران والرحمة
كثر ماضمك يضمه

فجيعة ليلي البارح
فقيدة عمري الباقي
حبيبة كل مافيني
فمان الله يايمه


حبيبها

[بنت العرب]

حبيبها (تلك المحظوظة)

لم أقاوم أن أدخل وأسلم
وأطلب من جديد (أين الفصيح) :)



تحياتي
بنت العرب

[حبيبها]

زمان .. ياأختاه

الفصيح ؟؟

لايزال شيطانه يمارس الشيطنه ..

تحياتي

[محمد بن عبدالعزيز]

بسم الله الرحمن الرحيم


ما شاء الله كلماتك رائعة ، الله لا يريك مكروه في عزيز لك .