View Full Version : ماكس V4 ??!!
abu_nasser
26-03-2003, 05:44 AM
السلام عليكم
شباب ما ادري واحد يقول لي انه توجد ماكسيما اربعة سلندر و ثمانية سلندر خل هذا الكلام صحيح ؟
موديل 2003 و كم سعرها يا شباب الفل اوبشن
وهل بيتغير شكل الماكسيما 2004 ؟
و بخصوص الماجنا كم سعرها ووش هي مواصفاتها لاني قاعد افكر فيها :)
و سلامتكم
الأنصاري
26-03-2003, 06:21 AM
اولا الماكس الي عندنا كلها 3.0 6 سلندر 216 حصان اما سعر الفل ابشن 96 الف ريال حسب المواصفات
2004 يقولون 90 من 100 بتتغير السيارة
الماجنا
3.5 6 سلندر بقوة 220 حصان وهي ثلاث فئات
الأولى العادية كل شئ استاندر او اتماتيك
من 55 الف الى 60 الف
ماجنا vr-x
مواصفات رياضية طبلون غير كراسي غير دبة صوت سي دي وغيررها
75 الف
ماجنا كاملة المواصفات جلد فتحة خشب سي دي مكيف كراسي مثبت سرعة كل الي تبية وسعرها حول 90 الف
بالنسبة للخيار
المكسيما منتشرة اكثر قطعها متوفرة
الماجنا اقوى واكبر الخيار المميز
وانت وراحتك
abu_nasser
26-03-2003, 06:29 AM
مشكور على شرعة الرد اخوي بو عبود
طيب سؤال آخير كيف وكيل الماجنا هل هو كويس و الروقات بينها و بين الماكسيما ووش هو الافضل ؟
HaKeM
26-03-2003, 08:36 AM
هلا أخوي abu_nasser
وكيل الماجنا الي هوا العيسائي جداً تعبان لأنه أسوء وكيل سيارات يابانية في المملكة أما الماجنا مممتازة من ناحية الراحة أما من ناحية الكرف ماأدري عنها
الماكسيما سيارة جيدة من ناحية المكينة والشكل وخدمة الشركة لكن المكسيما جداً خفيفة في الوزن وسمعت انه جهاز الحماية من السرقات فيها تعبان.
نصيحة:
اذا كنت ماتبغى سيارة كرف خذ الماجنا.
اذا كنت تبغى سيارة كرف في البلد خذ الماكس لكن نصيحة السرعات العالية في الماكس خطيرة بمعنى الكلمة لأنه السيارة خفيفة.
أنا انصحك خذ كامريgli 2003 وريح دماغك ب69ألف كامل المواصفات 4سلندر.
مسيطر
26-03-2003, 11:35 AM
بوعبود
الماكس 227 حصان
تحياتي
Oettinger
26-03-2003, 06:06 PM
الماكسما موجودة في اليابان تحت اسم سفيرو
وموجودة ب اربعة سلندر
الأنصاري
27-03-2003, 06:37 AM
اسف ومشكور على التصحيح وبعد مراجعة
الماجنا 230 حصان ونفس المواصفات
المكسيما كما قال حبيبنا
واذا كنت تفكر في الكامري فانصحك بالجراندي
durango
27-03-2003, 07:20 PM
انا ما انصح بالماجنا
اشتريت لي ماجنا 2003 و بعد ما كملت السياره 5000كلم المكينه راحت علي
ماشي في حالي و فجاءه تطفي السياره
و يوم دخلتها الوكاله قالو ان بكره التايمنج فيها فايبريشن و السير انفك منها و طبعا راحت البلوف
جلست عند العيسائي اسبوع و بعدين اكتشفو انو فيه سنسور ضرب
و دور لا تدور
مافييييييييييييييييييييييييييييييييي
الا في دبي............. متى يوصل؟؟؟؟؟؟؟؟؟
بعد 5 ايام و هي اسبوعين حتى وصل و التركيب اخد يومين
على الضمان ... بس كيف تطلع السياره من الوكاله من غير ما يدفع صاحبه فلوس؟؟؟؟؟؟؟؟؟؟؟؟؟؟؟؟؟؟؟؟؟؟
عيييييييييب
160 ريال حق صيانه 5000بالغصب الصيانه حتى ما قالو تبغى صيانه ولا لاء
انت و كيفك
abu_nasser
28-03-2003, 02:44 AM
انا ما افكر في الكامري باكون صريح معكم زيادة
السيارة سياره للعب الفاضي :) يعني ابي اعدل فيها و هالخرابيط ة يكون سعرها حليو لاني ما ابي وحده غاليه اتحسف بعدين على التعديل اللي فيها يعني اقاوم فيها و ..
خرابيط شباب :)
و بصراحه انا محتار الحين :( عندك سيارة افضل من الماكسيما ؟
abu_nasser
28-03-2003, 02:55 AM
حاكم العدل
اولاً اشكرك على المشاركة و بصراحه انا ما ابي الماكسيما السيارة خفيفه و ما اظن انها تنفع لي من كلامك لاني امشي من 120 الى 140 او اكثر حسب الظروف
مسيطر
يا هلا و غلا
مشكور على المعلومة الجديدة
Oettinger
علي يا هلا و غلا منور الموضوع بوجودك انت و الشباب
اذا ما عليك امر ممكن تكتب الاسم بالانجليزي اذا سمحت و ما تقصر يا علي
بوعبود
ما احب الكامري ابداً ابداً و اعتذر لحزب الكامري الديموقراطي :)
durango
كلامك يخوف العيسائي انا ما اعرف و قد جربته لكن معقول فيه وكالة سيئه زي كذا
مشكورين واحد واحد
Oettinger
28-03-2003, 07:13 AM
شوف
خذ لك ماكسيما وركب عليها يايات EIBACH وتشوف الفرق!
اليايات سعرهم حول الالف ريال بس
واذا بغيت قولي
بالنسبة للسفيرو فاعتقد حسب ما اذكر انو اسمها CEFIRO وان شاء الله صح
وبالنسبة للماكسيما الجديدة اسمها CEFIRO A33
الا بالله انت تعرفني؟ او يمكن انا اعرفك ورايح عن بالي اعذرني
MAD MAX
28-03-2003, 11:55 AM
رد مقتبس من Oettinger
شوف
خذ لك ماكسيما وركب عليها يايات EIBACH وتشوف الفرق!
اليايات سعرهم حول الالف ريال بس
واذا بغيت قولي
وانا اشهد السيارة مع يايات ايباخ مو معقولة
توني مركب على سيارتي والله كائني اسوق سيارة ثانية
MAD MAX
28-03-2003, 10:14 PM
تعديل بسيط ياشباب
الماكسيما في اليابان تنزل بمحرك V6 ولكن بسعه 2 لتر فقط بقوة 150 حصان
HaKeM
30-03-2003, 03:12 PM
اخوي abu_nasser ميزانيتك قويه ولا نص ونص لو تقدر تدفع في الحوالي ال130000 ريال خذلك E240 موديل 2003 .
abu_nasser
31-03-2003, 10:47 AM
Oettinger
يا هلا والله منور الموضوع مره ثانيه الله لا يحرمنا من هالنور
و الله الماكس دخل مزاجي وش رايكم في 30GV
فل اوبشين 2003
و الله اتشرف في معرفتك
هذا هو ايميلك abwreda@gawa .. ؟ و اتشرف تكون معي على الماسنجر بعد
يا هلا برئيس حزب الماكسميا MAD MAX
و الله ما ادري اقدر اجرب الماكسيما مركب عليها اليايات بعد اذنك طبعاً
اذا كنت في الرياض قل لي :) شكلي اموون
مراحب في احلى حاكم العدل في الكون
و الله الميزانية تكفي لـLs430 و اعدل فيها زي ما ابي :)
لكن انا ابي سيارة مثل ما ذكرت سابقاً كذا للمقاومات و غيرها
و ما ابي سيارة رسمية ابي وحده شبابيه ممتازه
شباب في كم سيارة في بالي
اوبل اوميغا , باسات , ماكسيما , اكورد , ماجنا
و محتار في امري
و سلامتكم :)
MAD MAX
31-03-2003, 09:35 PM
رد مقتبس من abu_nasser
Oettinger
يا
يا هلا برئيس حزب الماكسميا MAD MAX
و الله ما ادري اقدر اجرب الماكسيما مركب عليها اليايات بعد اذنك طبعاً
اذا كنت في الرياض قل لي :) شكلي اموون
:)
رئيس مرة وحدة صراحة في شباب في المنتدى اقدم مني وعندهم خبرة اكثر مني في الماكسيما ومنهم الاخ fist302 الى تعلمت منه حاجات واجد صراحة
اما مسئلة التجربة والله كان ودى اقدر اساعدك بس انا في الشرقية مش في الرياض ولو كنت في الرياض ماتغلى عليك
بس الى اقدر اقولة لك ان السيارة صارت راسية على السرعات العاليةاحسن من قبل وحتى في المناورة افضل وفي النعطفات صارت مو معقولة
اول ماجربت السيارة بعد ماركب اليايت صار وجهي زى كذا:eek:
infiniti
01-04-2003, 05:12 PM
اولا هذي اسعار الماكسيما في السعودية تقريبا
ماكسيما 30J قير عادي : 55500 ريال
ماكسيما 30J قير اوتوماتيك: 58500 ريال
ماكسيما اس تورينغ قير عادي : 58000 ريال
ماكسيما اس تورينغ قير اوتوماتيك: 61000 ريال
ماكسيما 30GV طراز 1 قير عادي : 67000 ريال
ماكسيما 30GV طراز 1 قير اوتوماتيك: 71000 ريال
ماكسيما 30GV طراز 2 قير عادي : 77000ريال
ماكسيما 30GV طراز 2 قير اوتوماتيك: 81000ريال
ماكسيما 30GV طراز 3 مخمل قير عادي : 83000ريال
ماكسيما 30GV طراز 3 مخمل قير اوتوماتيك: 87000ريال
بالنسبة لتغيير شكلها
لن تتغير الماكسيما في 2004 حيث سيكون تغييرها في 2005
المحرك
الماكسيما في دول الخليج تنزل بمحرك V6 بسعة 3000 سي سي و قوة 227 حصان
و لاي اي استفسار عن الماكسيما انا حاضر
اما الماجنا ما اعرف عنها الا انه واحد من الشباب ماخذها و بنجن عليها يمدحها صبح و ليل
SKYLINE GTR
01-04-2003, 06:24 PM
خذ ماكسيما وتوكل على الله
ولا يهمك اللي يقول انها بودي تنك
كل السيارات ترى بودي تنك
وبالنسبة للسرعة انا امشي عليها 200 ولا احس بخفتها ولا شي
يعني صار ثباتها حسن من الجيل اللي قبل بكثير
Oettinger
01-04-2003, 07:09 PM
:eek: :eek: :eek: :eek: :eek:
اخوي abu_nasser الايملي اللي انت كاتبه هذا ايميل عمي!!!!!!!!!!!!!!!!!!!!!!!!!!!!!!!!!!!! من وين جايبه الله؟!!
والله انا ما اعرفك اخوي الكريم
عموما اذا حبيت المسنجر ، ارسل لي ايميل مع مسنجرك عبر المنتدى وانا اضيفك
الا ما قلت لنا انت اصلا كم ميزانيتك عشان نساعدك؟
محمد دريهم
02-04-2003, 06:02 AM
السلام عليكم...
<<<<عنده ماجنا 2003 ماشيه 20 الف طالع فيها الباحه ..ماشالله عليها والله روووعه ... يعني رساوه وفخامه ..
والحمدلله مافيها اي مشاكل نهائيا والله ...وقوه غير عاديه .....
وخدمت العيسائي اشوفها معقوله لاني بصراحه ماقد جربت اتعامل معهم واجد ..يعني مجرد فحص ال10 الاف ......والحمدلله كله تمام ........
لكن الواحد ينتبه اذا ركب فلتر زيت حق جالانت على ماجنا ترا يصير فيها مشاكل .......
والماكسيما انا كانت تعجبني عشان قوتها ..لكن يوم شفت الماجنا اقوى وبودي اقوى وسعر اقل حولت على طووول بدون تردد
شكرا لك
abu_nasser
02-04-2003, 06:14 AM
السلام عليكم
يا هلا MAD MAX
و الله تستاهل تكون رئيس مجلس الإدارة بعد :) واكثر
و بالنسبة للتجربه خيرها بغيرها تشكر لتشريفك الموضوع
-----
يا هلا و مسهلا بـinfiniti
منور الانفنتي الموضوع و المنتدى
مشكور على هالمعلومات لكن وش الفرق بين الطرزات اللي ذكرتها
-------------------
مراحب بـSKYLINE GTR
سكاين لاين سيارة قويه :)
بصراحه كلامك يشجع على السيارة
--------------
ياهلا علي :)
الايميل جبته عن طريق الدومين موقعك :)
الميزانيه ما ابي السيارةتعدي الـ120 الف
لاني ابي اخيلها مثل ما ذكرت سابقاً للعب الفاضي
------
و شباب شرايكم في لكزس ES ؟
abu_nasser
02-04-2003, 06:22 AM
ولد الخبر بصراحه كنت انتظر ردك لانك جربت الماجنا و الشباب جربو الماكسيما وانا شفت ردود لك بانه الماجنا تقوم علىالماكس
و هذااللي اعجبني فيها :)
HaKeM
02-04-2003, 06:53 AM
حسب كلامك أستنتجت أنه ينفعلك:
1.هوندا أكورد 2003
لكن من دحين أقلك قطع غيارها غالية لكن أرخص من قطع السوبارو
2.مكسيما 2003 فل أوبشين
بس لازملها تعديلات يايات رياضية .
infiniti
02-04-2003, 06:59 AM
ابو ناصر ان شاء الله يوم الخميس بنزل موضوع فيه الفروق بين جميع طرازات الماكسيما
abu_nasser
02-04-2003, 12:04 PM
اخوي حاكم العدل
بصراحه ما اعرف شلون اشكرك لردودك في الموضوع
و بخصوص قطع الغيار ما اتوقع انها اغلى من الاوبل اوميغا صح ؟
و الماكسيما حلوه و داخله راسي لكن يعيبها انها منتشره بشكل كبير عندنا
-------
اخوي انفنتي
ما تقصر يا اخوي وانا في انتظار موضوعك
اتمنى لكم التوفيق شباب و اشكرك كثير على هذا الموضوع
اختم كلامي
شباب قول لي وش اختار بصراحه محتار (شعر :D )
ماكسيما والا ماجنا , اكورد , والا...
و الله اني محتار