View Full Version : ارجو المساعده...مشكله ميكانيكه في سياره الجديده !!!!
غالية
03-04-2003, 01:26 PM
السلام عليكم,....
شو بيكون سبب الصوت العالي و المزعج و الغريب للمحرك سياره توها يديده شرينها من يومين بس...وشو نتصرف في هالحاله...:help: :cry:
زورو الامارات
03-04-2003, 01:33 PM
السلام عليكم
وضحي لي اكثر الصوت متى يبدأ ؟
اول ماتشغلين السياره وهي بارده ؟
او لما تكون حاره ؟
هل الصوت يظهر وثم يختفي بعد المشي ؟
هل في تقطيع في عمل المحرك
؟
شو نوع السياره المانيه ولا يابانيه ؟
غالية
03-04-2003, 01:49 PM
اشكرك اخوي زورو الامارات على سرعة الرد....
الله يسلمك السياره باسات 6 سلندر...اول يوم ما في احسن عنها و ثاني يوم ما سويت بها اي شي... بس اللي سويته اني ترستها بترول full ...و كنت امبنده المحرك يوم كانو يعبونها بترول في المحطه و يوم يت بشغلها ما اشتغلت تمت يمكن دقيقتين وانا احاول اشغلها....استغربت..بعدين يوم رجعت البيت وقفتها..ويوم يت اشغلها وهيه وقفه ياني صوت المحرك مززززعج بشكل حتى قلت ها المكينه جان ما تنفجر عليه.....فا شو بيكون السبب؟؟؟..:cry:
زورو الامارات
03-04-2003, 01:59 PM
امممم
والله مادري بس ماشاء الله جديده يعني المفروض ماتسوي هالشي
وديها الوكاله وضاربيهم قولي لهم ما ابغي هالسياره
هذا اول يوم وسوت لي صوت
بعد شهر شو بتسوي ؟
ضاربيهم عدل لاتسكتين لهم
قولي لهم ما ابغي هذي السياره بدلوها لي
وسوي لهم حشره
واذا كان عندج اخوان كبار هاتيهم
واذا ما عندج شباب المنتدى مايقصرون
خصوصا تجمعاتنا :) :) :) جاهزين حق الضرايب :):)
بس شوفيني لا تسكتين لها اخاف ان في شي كبير فيها رديها عليهم لاترضين بتصليحها قولي ما ابغي هذي السياره خلاص انتوا ماسلمتوني سياره جديده يمكن تكون خربانه او احد استعملها ورجعها
بيضطرون يبلدون لج السياره
وشوفي سجلي رقم الشاسي والمحرك
اخاف يقولون لج بدلناها وتطلع نفسها يسوونها والله
حرام انتي دافعه فلوس مب شويه فوق
ال 80 الف درهم
خبرينا بأخر التطورات الي بتستوي وياج ان شاء الله
خلينا نشوف اخرتها مع الوكالات
غالية
03-04-2003, 02:16 PM
اشكرك اخوي على الرد والمساعده...
هيه والله يمكن تكون مردوده ...اتصدق انا شكيت في امر هالسياره من البدايه...لان الهندي اللي اتعاملت معاه في الوكاله بعد ما خلاصنا الاجرات الماليه .. تم كمن يوم يقولي صبري صبري يجهزونها في الورشه...ومن قبل يوم كنت يايه اول مره المعرض اتذكر سالته عن مدة التسليم قال خلال يوم او يومين بالكثير......في بعد ملاحظات ثانيه عليها...ما ادري هل هذا شي عادي او لا....كل ما ادق البريك لو حتى اشوي...اسوي لي صوت...صوووووووص...بعد هالشي استغربته....المكيف بعد شاكه في امره....مب مرتاحه له بصراحه....حسبي الله و نعم الوكيل فيهم...قالو هاي بنت و بنقص عليها...بس يا هل ترى بيرضون يبدلونها...؟؟؟؟
غالية
03-04-2003, 02:31 PM
والله اني متلعوزه.....ما عليه يا اخواني بزعجكوم بالاسأله بعد..تراكم انتو تعرفون في هالسوالف و انا هنيه احاول استفيد من معلوماتكم القيمه.....الحين السياره تسجلت في المرور وعليها رقم...لو الوكاله لو طاعو يبدلونها لي...في هالحاله شو بسوي؟؟
زورو الامارات
03-04-2003, 02:44 PM
اممم شوفي
طلعي روحهم وخليهم يبدلونها
او هدديهم بالشكوى عليهم في المركز الاقليمي لشركة فلكسفاجن في دبي والله اعلم
والتسجيل وغيرهم لاتدفعين لهم درهم
خليهم مثل ماخسروج فلوس خليهم يدفعون
وبعد عندج تقدرين تشتكين عليهم في الشرطه او دشي على المدير العام وشوفيهم هل فعلا يهتمون في زبائنهم ولا هالكلام في الدول المتقدمه وعندنا كل عام وانتم بخير يعني
بس شوفي يوم تسيرين لهم قولي لهم هذي سيارتك ما اباها ردولي فلوسي
وعصبي عليهم شوي في ناس مايبالهم غير هالشكل ولا تعطينهم مجال يفهمونج شو فيها ولا تخلينهم يدخلونها الورشه على شان يصلحونها عنبوهم من اولها تصليح مايستوي بعد
والله احنا اشترينا جمس في ال 91
كان والله اعلم انه مدعوم ومصلحينه وكالة بن حموده في ابوظبي الواحد ماقام يثق في شي هالايام
خليج شديده وياهم واذا انتي متزوجه او عندج اخو شديد شراني هاتيه
حرام هالبيزات تروح على الفاضي
حتى انج بعدين بتكرهين السياره والسبب المشاكل مع الوكاله في حاله انهم ماصلحوها ورد الصوت يطلع
هذا اقتراحي واتمنى من الشباب انهم يشاركونا الرأي خصوصا
الاخ ERT وغريب السيف هم يملكون فلكسفاجن وهم ادرى بوكالتها مني
تحياتي
غالية
03-04-2003, 03:15 PM
يعطيك الف عافيه اخوي زورو الامارات...
بس بصراحه انا ما عندي اخو اكبر مني..او ريال يسير معايه...
فا بضطر اخوض المعركه بروحي..لان اللي دفعته في السياره و التامين الشامل والله مول مب شويه....المشكله اني ما اعرف اضارب.....بس هذيل يبا لهم ضرابه... لو اني استحي اضارب مع ريايل..لكن الساكت عن حقه يقال عنه شيطان اخرس..و هذيل اللي يشتغلون في الوكالات بياعين كلام...طبعا هم بيلسون يصبون عليه من هالكلام و الخريط... انا متوقعه هالشي...واذا ما فاد معهم الكلام..بعمل بنصيحتك ان اهددهم بالشكوى للمركز الاقليمي...ادعو لي يا اخوان
بس يا الله يا رب أشرح لي صدري و يسر لي أمري و احلل عقدة من لساني يفقه قولي
كـيـمـو
03-04-2003, 06:54 PM
امين
والله هذي مشكله
الله يعينك
والاخوان مابيقصرو
الله يعطيهم العافيه
غالية
04-04-2003, 04:58 AM
السلام عليكم...
اليوم رحت الوكاله وكلمت اللي باعني السياره قلت لها بدل لي السياره وخبرته سالفتها...وقلت له هاي اكيد فيها خلل فني او حد ردنها عليكم...عاد يوم قلت جذيه كشر لي الهندي عن انيابه .واخضر واحمر واصفر..قال اوكي انا بشوف شو فيها السياره وانا اجزم لج ان ما فيها شي و انا اااكد لج انها يديده....
قلت له no way ابغي سياره غيرها...قال شو تقولين انتي...هاي الحين مسجله وصعب بل مستحيل...بما معنها و بطريقة اسلوبه لو اطيرن فوق اتحلين تحت ما تحصلين غير هالسياره....
قلت له واين واااااااينه هذا مديركم...وانا الحين اتحرى المدير مواطن او عربي عالاقل...طلع بعد هندي...وطلع والخيبتين بعد..
قال انا بجرب السياره بروحي وبفحصها...وبعد ما فحص و طالع واستطلع قال ما فيها اي شي وسبب هالصوت ان المكينه توها يديده...او الصبح يوم اتشغلينها يستوي جذيه صوتها....قلت له انا شاكه فيها بدلها لي.. بعد كشر لي عن انيابه واتكلم بعصبيه....
قلت له شوف بشتكي عليك تراني وووو....من التهديدات....جان يقول عادي سيري اشتكي...وعشان ااكد لج اكثر وتطمنين ان بسير بنفسي(عاد اونه هو المدير بحضرة جانبه) وبسوق السياره و بشوفها و انتظري ربع ساعه..
و رجع وقال نفس الكلام...:mad:
ورجعت والله بخفي حنين....الحين انا بشوفها مده...هم قالو هالصوت بيسير مع استخدام السياره......بس من اولها جذيه من اولها تحبطني يا باسات..هذي بديتها معاج عيل شو بتكون آخرتها :cry::headshak: :mad:
زورو الامارات
04-04-2003, 05:35 PM
السلام عليكم
واحد طرش لي الحل بالايميل لمشكلتك:
نص الرسالة :
أسمحلي أخويه كان أزعجتك لاكن أنا كنت عضو في المنتدى قبل ما تمتحي العضويات الجديدة وفيه مشاركات أحب أشارك فيها لاكن ما أقدر المهم موضوع الأخت غاليه باين أنه بسيط لأنه ستوالي في الليكزس اليديده يوم شريتها الظاهر أن الأخت أستعملت البترول الأخضر إلي رقم الأوكتين ماله 94 وهوه سبب رفع صوت المحرك خلها تستعمل البترول الأزرق وايد أحسن ويسمونه ممتاز في محطات الإمارات وخلها تبعد عن بترول أيبكو وأينوك مع الشكر.
عضو سابق في المنتدى مايقدر يشارق S1000
----------------------------------------------------
السلام عليكم
مامرت عليه اي مشكله في الجولف , في واحد هندي يشتغل في ورشه فولكسواجون في دبي . يعني شغله ع الخاطر اسمه (LAL)...
اما الباقين ما يهتمون على معامله الزبائن ! .
يلا على خير
:)
غالية
05-04-2003, 03:15 AM
اشكرك جداُ اخوي زورو الامارات على المساعده ...واشكر الاخ S1000 واااوايد واااايد اللي طرشلك الايميل مشكورين و ماقصرتو و جزاكم الله كل خير...خلاص عيل من الحين بستخدم البترول الازرق
ام عن البترول اللي انا استعملته لسيارتي اول مره ... اسمه Special سبيشل...من محطة اينوك...لان في الوكاله قالي الهندي استخدمي سبيشل...وفي محطة البترول بعد العامل اللي ايعبي بعد قال نفس الشي...
و البارحه قعدت اقرا الكتيب اللي فيه ارشادات و معلومات عن السياره وهو بالعربي برغم من ان بعض المصطلحات صعبه او بالاحرى الترجمه مب لين هناك ...وياريتني والله قريته قبل ما ابهدل مكينة السياره جذيه....بكتب لكم اللي قريته وبصراحه هالمعلومات عليه أنا شخصياً يديده...... وانا انقلها لكم مثل ما قريتها من الكتيب للاستفاده للجميع وهذي بعض المقتطفات من الارشادت:
* يواجه المحرك في الساعات الاولى من عمله بالنسبه للسيارة الجديدة احتكاكاً متزايداً لأجزائه اكثر من بعد ذلك. خاصة وان هذه الاجزاء المتحركة فيه يجب في البداية ان تتلاءم على بعضها البعض.وتتوقف درجة هذا التلاؤم بشكـــل خـــــاص على طريقــــة قيـــــادة السائــــق لسيارته في الــ 1500 كيلومتر الاولـــى.
حتى 1000 كيلومتر
ينطبق كا قاعدة اساسية الآتي:
•لا تغذي المحرك إلى الاخير بالوقود. (( هذي غلطتي))
•لا تقود السيارة أكثر من ثلاثة ارباع السرعة القصوى.
•تجنب عدداً عالياً لدورات المحرك. (( ما اعرف شو معنها))
** تجنب الاجهاد الشديد للمحرك اي لا تغذيه إلى الاخير بالوقود وتحاشى دورانه بعدد عال من اللفات و الا فقد يصاب بالضرر. **
• يتأثر سلوك المحرك اثنا الدوران وقوته بشكل حاسم بنوعية البنزين. وتعتبر الاضافات التي تخلط مع البنزين بالغة الاهمية في ذلك. ونوصى لذلك أن تعبئ الخزان ببنزين الجودة فيها اضافات فقط. :confused:
اذا لم يتوفر مثل هذا النوع من الوقود او إذا حدث اضطراب ما في المحرك مثلا صعوبة بداية دورانه، تقطع لفاته وفقدان في قوته فانه ينبغي اضافة مواد اخرى مع البنزين وهذه الاضافات لها تأثير واق ضد التاكل وتقوم بتنظيف نظام الوقود وتحول دون حدوث ترسبات في المحرك. لذلك تحصل في المانيا وفي العديد من الدول الاوربية على اضافات مختبرة تحت اسم (( اضافات الوقود الخاصة بمحركات البنزين فولكسواجن / اودي الاصلية)) وذلك من مشاغل فولكسواجن.كما وان شركاء فولكسواجن عليمون بطريقة استعمالها ويعلمون ما اذا حدث ترسب ما في المحرك.
© Copyright For Volkswagen
:rolleyes:
Net Master
05-04-2003, 04:54 AM
تجنب عدداً عالياً لدورات المحرك معناها لا تخلي عداد ال rpm يوصل لدورات عالية
زورو الامارات
05-04-2003, 05:52 AM
العفو ماسوينا الا الواجب
•لا تغذي المحرك إلى الاخير بالوقود. (( هذي غلطتي))
القصد منها لا تدوسين على البترول الى الحد الاخير
يعني مثل ماقال الاخ نت ماستر
تجنبي الدوران العالي للمحرك
ولا تحاولين تـقومين السياره بشكل قوي
قوميها بشكل عادي ولا تضغطين عليها وانتي طالعه من اللفات الجانبيه بشكل غير طبيعي
ويفضل انج تمشينها شوي بشكل اكثر ان تمسكين خط مثلا لمده ثلث ساعه نص ساعه
على الاقل تقطعين فيها 50 كيلو او اقل يعني
بهذي الحدود
غريب السيف
05-04-2003, 07:41 AM
السلام عليكم..
اختى غالية ..
اذا الوكالة ما استجابت لمطالبتك ..روحي الدائرة الاقتصادية اذا كنتى في دبي ..او المركز الاقليمي لفوكس واجون ..
انا عندي فولكس واجون بيتل اشتريتها من وكالة العين ..والحمد لله صار لها 7 شهور عندي وماشية 19 الف كم وما فيها اي مشاكل والحمد لله
الاخ زورو ما قصر واعطاج معلومات مفيدة ..بس الافضل انج لو تخلين واحد عصبي او همجي يروج الوكالة ويضاربهم
لان السيارة الخربانه ماورارها الا الخراب والله يعينج على التشييكات في الثلاثين الف والستين الف المبلغ جايد
واخير اتمنى ان المشكله تنحل ولو كنت في دبي انا اعرف واحد مواطن يشتغل في الوكالة اسمه راشد الدوسري يمكن يساعدج وخلى اي حد من اهلج يكلمه وهذا رقم تلفونه 04-3386999
او موبيل 4988871
وانشالله يساعدج
والعغو
الغامدي عبدالله
05-04-2003, 09:14 AM
رد مقتبس من غريب السيف
السلام عليكم..
اختى غالية ..
اذا الوكالة ما استجابت لمطالبتك ..روحي الدائرة الاقتصادية اذا كنتى في دبي ..او المركز الاقليمي لفوكس واجون ..
انا عندي فولكس واجون بيتل اشتريتها من وكالة العين ..والحمد لله صار لها 7 شهور عندي وماشية 19 الف كم وما فيها اي مشاكل والحمد لله
الاخ زورو ما قصر واعطاج معلومات مفيدة ..بس الافضل انج لو تخلين واحد عصبي او همجي يروج الوكالة ويضاربهم
لان السيارة الخربانه ماورارها الا الخراب والله يعينج على التشييكات في الثلاثين الف والستين الف المبلغ جايد
واخير اتمنى ان المشكله تنحل ولو كنت في دبي انا اعرف واحد مواطن يشتغل في الوكالة اسمه راشد الدوسري يمكن يساعدج وخلى اي حد من اهلج يكلمه وهذا رقم تلفونه 04-3386999
او موبيل 4988871
وانشالله يساعدج
والعغو
السلام عليكم
انا اواجه حاليا مشكله مع الوكاله واريد الوصول اللادراه الاقليميه للسياره في الامارات
مشكلتي مع الوصله هنا
http://www.swalif.net/sforum1/showthread.php?s=&postid=1254315&t=7706#post1254315
باسم حركه وقحه من ساماكو في المنطقه الشرقيه
وسلامتكم
غالية
05-04-2003, 12:18 PM
أشكرك اخوانـــــي اللي ردو على الموضوع..
الاخ ERT
الاخ Net Master : مشكور على شرح المصطلح
غالية
05-04-2003, 12:21 PM
اخوي غريب السيف اشكــــــر لك ردك والمساعده في الموضوع...جزاك الله خير
غالية
05-04-2003, 12:44 PM
بصراحه ما اعرف كيف اشكرك يا مشرفنا زورو الامارات ....تفاعلك مع الموضوع وااايد ساعدني ومشاء الله عليك انته خبره و بعد الاخوان اللي في المنتدى...وانا اعتبر نفسي طالبه في مدرسة قسم السيارات...و اتعلم من اساتــذتـــي....تحيـــــــــــــــــــــــــــــاتي للجميع :) :)
زورو الامارات
05-04-2003, 01:10 PM
السلام عليكم
العفو يا اختي ماسوينا الا الواجب
خفت يشوفونج بنت ويقولون نقص عليها
والحمدلله الشباب ماقصروا معاج
واحنا دائما نساعد الكل حتى الي مب في المنتدى نساعدهم
كم تسوى يوم الواحد يذكرك بالخير
او على الاقل يدعي لي او لأي واحد منا قدم له خدمه
تسوى الدنيا ومافيها
غالية
05-04-2003, 02:43 PM
هلا اخوي عبدالله...قريت موضوعك والله يعينك انته بعد...و يا ريت حد يشوف موضوع اخونا عبدالله ويساعده...وبعد فيه طريقه ثانيه لشكوى على الوكالات انك ترسل ايميل حق الشركه على موقعها على الانترنت... بس تدرون يا جماعه ان فولكس واجن مش مسويه لشرق الاوسط موقع على النت مثل باقي مصنعين السيارات الالمانيه الي يكون في معظم الاحيان اسم الشركه و شرطه و me نسبه لـ middel east و أنا بحثت وايد في النت و لاحصلت غير هالدول و من بينها اسرئيل http://www.vw.com/worldwide/index.htm
بس سيرو شوفو المرسيدس كيف امسويه سالفه حق الشرق الاوسط وشوفو هالموقع
http://www.mideast.mercedes-benz.com
و ال Audi بعد http://www.audi-me.com
و ال BMW بعد مب امقصره http://www.bmw-me.com
حتى ال Opel
http://www.gmarabia.com/arabic/opel/opel_ara.htm:D
الغامدي عبدالله
07-04-2003, 12:33 PM
السلام عليكم
شكرا اختي غاليه
تكلمت اليوم مع خدمه العملاء وشرحت لهم المشكله واعتذروا على تصرف مدير الصيانه
وانتظر رد اخر منهم
وانا برد لكم هن اي شي جديد
والسلام عليكم:black:
غالية
07-04-2003, 12:58 PM
هلا اخوي عبدالله...زين انهم اعتذرو لك...ترا الوكالات تلقى فيها ناس نحوس و فيها بعد ناس متعاونين..
على كل حال.. الله يوفقك و يسوى لك اللي فيه الخير..
غالية
10-04-2003, 01:15 PM
السلام عليكم...
بصراحه حبيت اخبركم..واذكر سلوك طيب بدر من وكالة الفلوكس واجن...اليوم اتصلو فيني و سالوني عن اخباري مع السياره واذا كنت مب مرتاحه منها او لا...وجاوبوني على كل استفسارتي بكل راحبة صدر...بصراحه حبيت هالشي منهم...انهم اتصلو واهتمو...هذا يدل على اهتمامهم بعملائهم...وهذا شي طيب...وحالياً ولله الحمد ما اسمع اصوات غريبه في المحرك والسياره صايره اوكي...بصراحه في البدايه ما كانت عاجبتني ويمكن تسرعت في الحكم عليها ....بس بعد ما تعوديت عليها في السواقه واكتشفت مزايها اكثر ..حبيتها...:D
الحمدالله أختي غالية على سلامة سيارتج وبالفعل يمكن المشكلة كانت في نوعية البترول او طريقة استعمال السيارة من البداية المهم انتبهي لها .............لا تنسين الجودة الالمانية لا يعلى عليها ;)
زورو الامارات
10-04-2003, 02:47 PM
السلام عليكم
زين ان المشكلة طلعت في البترول الحمدلله
والشي الحلو ان الوكالة تتابع مابعد البيع
على فكره يا غاليه
هل تتابعين منتدى السيارات ؟؟
ومامدى استفادتك من المواضيع المطروحه ؟؟
غالية
11-04-2003, 04:31 AM
الله يسلمك مشرفنا AMG و اشكر لك ردك على الموضوع...واكيد الجوده الالمانيه لا يعلى عليها..تحياتي لك:)
غالية
11-04-2003, 04:46 AM
اهلين اخوي...اما عن سؤلك...نعم انا متابعه بشكل دائما لقسم السيارات ومن مده بعد.. بس ما كنت اشارك....كنت بس اقرا..
قلت يمكن ما يكون لي قبول في قسم السيارات..لانه يمكن يكون شي غريب اني بنت و مهتمه بعالم السيارات.....
والحمدالله استفدت من المواضيع اللي يحطونها الشباب..تعلمت اشياء ما كنت اعرفها عن السيارات...و صور حلوه و مواضيع مفيده....
تحياتي لك واشكرك على الرد :)
زورو الامارات
11-04-2003, 04:20 PM
العفو يا اخت غالية
ماقمنا الا بالواجب :)
Oettinger
12-04-2003, 04:58 AM
شكلي جيت متأخر
الحمد لله خيتي انو السيارة طلعت اوكيه
لانو الله ما ارضى على الفولكس واجن لاني عندي باسات موديل 2000 وحابها مرة ، واخوي عندها بورا بعد ، وان شاء الله الوالد نخليه شتري بعد فولكس واجن
عموما الف مبروك على السيارة الجديدة ، وتتربى في عزج ان شاء الله ;)
غالية
12-04-2003, 09:32 AM
مرحبا اخوي Oettinger ...والله يبارك فيك...وخلاص انا انضميت لحزب VW مثلك وما ارضى عليها :D ....وعقبال ما نبارك لك سيارة الوالد ان شاء الله ...تحياتي لك:)