View Full Version : شباب....ممكن رايكم في السيارة..
PASSAT V6
15-04-2003, 01:37 PM
في الحقيقة حبيت اسالكم عن السيارة الالمانية PASSAT
من شركة volks wagen اشرايكم فيها ..
لاني من اشد المعجبين في هالسيارة ابي رايكم فيها والي عنده مثلها يقولي مزايها وعيوبها ...
والي عنده معلومات عنها لا يبخل عليه،،،،،،،،،،
واسف على الاطالة ،
ومشكورين.:black: :black:
انا اقول اختيارك موفق. السيارة حلوة و فخمة و شخصية. السيارة فيها مشكلتين، انها سيارة بناتية شوي. دوم البنات خصوصا الحلوين منهم يسوقونها. شباب انا ما امزح. دوم يوم اشوف الباسات اشوف فيها بنت حلوة. العيب الثاني انها مكن تتغير في القريب العاجل.
تحياتي
سيارة لا بأس فيها والاحلى لما تتوفر بثمان اسطوانات :o
أبوطارق
15-04-2003, 03:21 PM
السيارة ممتازة
لكن عيبها الوكيل سيء
وقطعها غالية وسعر بعد البيع :cry:
أخوك
أبوطارق
غالية
15-04-2003, 03:38 PM
سياره اوكي الصراحه.......أنا شرتنها من مده قصيره بس ما ادري اذا بتظهر فيها عيوب بعدين او لا..يعني أنا حديثة العهد بها...بس اعرف صديقاتي عندهم من 4 و 3 سنين يمدحون فيها....وإذا كنت تفكر بالمدى البعيد...ترا قطع غيرها نار مثل ما خبروني اللي مجربينها...
تدري انته سير الوكاله و اكتشفها بنفسك احسن...و ال Full Option V6 .. وايد روعه...فيها وايد مميزات حلوه...و سعرها قبل الخصم 115 الف درهم...
اما بخصوص العيوب اللي ذكرها الاخ 745...بالعكس هاي مميزات ;) ...انها بناتيه...هيه صحيح انها منتشره بين البنات وايد.. وايد...بس بعد اشوف في ريايل يسوقونها... بس تدري انته ثق في ذوق البنات .. على قولت 745 يسوقونها الحلوات..
عيل اكيد بيكون ذوقهم حلو...:D
اما شكلها انه بيتغير في الغريب العاجل....ترا والله اذا تغير قريب شكلها والله بنقهر..:damp:
Oettinger
15-04-2003, 04:07 PM
سيارة للذويقين;)
شوف الoettinger (http://www.cardomain.com/id/oettinger)
Lamborghini
15-04-2003, 04:24 PM
السلام عليكم
الستة فول ابشن آخر مرة سألت عنها ب 97 ألف
السيارة رايح تتغير في عام 2006
أخوي عنده وحدة مر عليها سنة وشهرين للحين ماغير فيها غير الآيل والبريك ومن هذا القبيل
أحلى شي فيها الحين هو الضمان 3 سنوات من دون تحديد الكيلومترات
SKYLINE GTR
15-04-2003, 04:33 PM
احلى شي اذا كانت بناتية ;)
واظن ان غالية قالت واحد من الاسباب وانت عارف الباقي
سيارة ممتازة .. ذات أسلوب قياده ممتع .. تعليقها يجمع ما بين الراحه والثبات
من ناحية الخدمة .. تعتبر من السيارات اللي أعطالها قليله ونادراً ما تحتاج الى صيانه .. وهذا شيء معروف في جميع سيارات VW .. جودة التصنيع في كل قطعه ( اسأل Oettinger يستخدمها Street Racing :D )
يعيبها ما يلي ..
- يفضل لوكان محركاتها أقوى من كذا .. سواءاً الـ V6 أو الـ 4 اسطوانات
- أسعار قطع غيارها مرتفعه
- سعرها قريب من سعر الأكورد الـ V6 .. اللي اعتبرها أفضل سيارة في فئتها ( مجرب )
عموماً .. لو شريت باسات V6 لن تندم :)
VIPER GTS-R
15-04-2003, 07:14 PM
السلام عليكم
اخوي عندي بس ملاحضة بسيطه
اذا كنت من عشاق السرعة والمقاومات او حتى الدعس انصحك لا تاخذ المحرك 2.0 هو صحيح انه اقتصادي بس ترى مرة مافيه عزم خصوصا من صفر الى 100 يعني معضم السيارات راح تطلع عليك ...
هذي بس الملاحظة اما الشكل والامان ما عليها كلام بس يقولون القطع غاليه 400 ريال للفخمات :rolleyes: الاماميه ....
فاااااااااايبر .
VW-609
15-04-2003, 11:55 PM
السياره شي جبار واسأل مجربين ،،
وعندك اوتنقير اقرب مثال
انا مع أخوي M5 في كل ماذكره
وضيف عيب إذا كنت من السعوديه
وكيلها شوي سئ وله سوابق:corsair:
Lamborghini
16-04-2003, 01:15 AM
هههههه حلوه ( له سوابق :corsair: ) .. :D :D
Oettinger
16-04-2003, 05:39 AM
الصراحة i AMUSE MY CAR
يعني تعذيب ، والحقيقة تتحمل ما شاء الله ، لو كانت سيارة يابانية بنفس استخدامي كان "تفككت" من زمان
بالنسبة لنغمة قطع غياراها غالية ، صحيح في قطع غالية!! بس اشمعنا مركزين عليها واجد؟؟
في احد هنا قال عن الماكسيما قطع غياراها غالية؟ ليش؟؟
مثلا الهبات الامامية للماكسيما الاثنين ب 1200 ريال!!!! وللباسات الستة سلندر 800 ريال
والخلفية في الماكسيما ب 800 ريال ، وللباسات 450 ريال!! ليش ما احد يعلق؟؟
صحيح القمااشات ب 800 ريال للباسات كلهم ، والماكسيمل حول ال 400 ريال! بس تعالوا شوفوا الفرق في التحمل والعمر والقوة!!
الباسات بريكها اقوى 10 مرات من الماكسيما ، ولو تضل تمسك فيه من الصبح لليل على سواقتي ما يخالف مو مثل الماكسيما من يصير ساخن خلاص ما يمسك صح!! ومع ذلك يعيشوا الاماميين عندي 30 الف كيلو!!
يعني شوفوا الفرق ، الاسعار تصير كويسة
واتحدى اي واحد يقارن لي مثلا اسعرا قطع الباسات باي سيارى من فئتها وانا اثبت له انو معقولة!! على الرغمن من نصب ساماكو تضل معقولة ، ولو ربنا ريحنا من ساماكو مثل ما ريحنا من صدام راح تشوفوا الاسعار احسن
PASSAT V6
16-04-2003, 06:06 AM
حقيقة ماقصرتوا ..
بس ودي اسال الاخ Lamborghini يقول شكلها بتغير...
ياليت عندك صور لها؟؟
وسؤال ثاني بينزل محركات جديده لها ولا لا.؟..
ومشكورين مرة ثانية..:black: :black:
اخ VIPER GTS-R والله انك صادق انها مافيها قومة ....