View Full Version : خاص لبرنامج Norton فقط و ضروري
BooMeR
21-04-2003, 12:03 AM
شباب انا مركب برنامج نوتن norton systemworks 2000 <---- مافي أقدم منه صح ؟ أدري :D :D
المهم البرنامج الحين مقفل ما أقدر أحدثه ، ابي أطوره من النت ، و اعرف على فيروسات جديدة و ما لقيت سيريال للحين ، عرفت ان فر فكرتين الحين ممكن استخدمهم :
1 - تنزيل التطوير من برامج الداون لوود و تركيبها على النورتن من عدة مواقع منها هذا
http://download.com.com/3000-2239-10198772.html?tag=lst-0-1
2 - لقيت برنامج يقول انه يخترق كل برامج النورتن <---- قوية صح ؟ ما تتصدق :D :D
البرنامج هذا يقول أنه يرد التاريخ تسجيل النورتن للوراء ملف بامتداد "ini"
أبي رايكم شنو الطريقة الأفضل ؟
جرب 2003 رهيب مرة وفيه مميزات قوية .. وفيه أصلاحات للجهاز .. اذا شريت السيدي راح تدعي لي .. :D
بنت اهلها
21-04-2003, 05:14 AM
هلا
فيه طريقتين
جرب هذي اول
Start
run
انسخ واللصق هذه iralrshl /force
لاتنسى انه يوجد فراغ بعد كلمة iralrshl وقبل علامة /
ثم ok
بعدين سجل البرنامج من جديد مع سيمانتك وعبر الانترنت.. واعتقد انك تقدر تحدثه من جد وجديد.
الطريقة الثانية احذف البرنامج وجميع متعلقاته، ثم ثبته من جديد ويصبح التحديث ممكن .. الا إن كانت الشركة المنتجه لا تدعم تحديثه إن كان قديم بالمره..
كذلك طريقة إنك تنزل التحديثات اللي في Downloads هي تحديثات لبرنامج مكافحة الفايرسات.. وأنا بنزلها هالحين وبسويها في جهاز ثاني وسأخبرك هل الطريقة ناجحه لبرنامج 2000 . انتظر جوابي..
بالتوفيق
-------------
BooMeR
21-04-2003, 06:37 AM
ماشالله تعريفن في أوامر الوندوووز
ما أدري انتوا من وين تييبون الأوامر هذي هل في لها عنوان خاص فيها في الانترنت أو من الخبرة ؟
عموما أختي بنت أهلها شكرا و ما قصرتي
بس .. :(
فكرة حذف البرنامج و إعادة تثبيته راح تسوي لي مشكلة و اهي اني راح افقد معاها كل التحديث اللي سويته على و انا مركب برنامج
"norton systemworks 2000"
يعني أنا مسوي تطوير لأكثر من شي ، و ليش مركب هذا الإصدار القديم ؟ لأني سمعت أنه أخف على الجهاز من الاصدار الجديد . يعني راح أتعب شوي في حذف البرنام و تثبيته من أول .
إلا إذا كان هناك طريقة لعمل "Backup" للتحديث اللي سويته على البرنامج .
أما الطريقة الثانيه من خلال الأمر أبدأ ، فالأمر مشى مثل ما قلتي ، و دخلني على صفحة التسجيل "Rigester" سجلت البرنام و خلصت من التسجيل بس ما تغير شي :cry: :cry:
انا ناطر متى تجربين الموقع اللي حطيته و بشوف ردج .
بنت اهلها
21-04-2003, 06:48 AM
فعلا قمت بتحميل تحديثات الفيرسات اللي في Downloads واضفتها لــ norton antivirus 2002 بعد ان حذفت 2000 بسبب انه انتهت مدة الاشتراك لبرنامج 2000 والذي لا يوجد عندي له دسك ... لذلك اضطريت اني اثبت البرنامج ( اللي هو 2002) من جديد بسبب عدم وجود انترنت لتحديث الاشتراك حسب الطريقة التي ذكرتها اولاً اللي عن طرق run و iralrshl /force
كذلك هل مدة الاشتراك منتهية في البرنامج اللي عندك؟
يعني طريقة الاوامر اللي من run مانفعت انها تخلي اشتراك البرنامج جديد؟
BooMeR
21-04-2003, 06:54 AM
أحنا الحين ذكرنا 4 طرق ، انتي ذكرتي 2 و انا ذكرت 2 ، اي وحده اللي نجحت معاك أختي ؟
بالنسبة للموقع اللي فوق ، هل هذا الموقع فيه كل شي من الصفر إلى هذي اللحظة أو أن فيه تحديثات شهر أو مدة محددة بس ؟ ، انا عشان هالشي كنت أبي التحديث يكون من البرنامج نفسه بس ، ولا كنت أقدر أحدثه من النت
بنت اهلها
21-04-2003, 07:13 AM
انا جربت طريقة تحميل التحديثات اللي في داون لوود و اضافتها لبرنامج 2002 وكنت قد اعدت تثبيته من جديد بعد حذف البرنامج القديم 2000 ... وكانت العملية ناجحة.. وهذه التحديثات عملتها على جهاز الكمبيوتر الخاص بالعائلة و الذي لا يتصل بالانترنت على الاطلاق.
لذلك نصيحتي هي حذف ثم إضافة برنامج norton antivirus لوحده فقط.. يعني بدون ماتحذف البرامج الاخرى اللي في norton systemworks عشان ماتضيع التحديثات اللي انت عملتها..
طبعا انا ماعندي norton systemworks ولكن اعتقد انها مثبته بشكل منفرد عن norton antivirus في جهازك..
وإن كان برنامج norton antivirus مثبت في نفس البرنامج لجميع منتجات نورتون، ولا يوجد له ايقونة حذف منفردة فجرب طريقة انك تضيف او تعيد تثبيت برنامج norton antivirus لوحده بواسطة Brows disc ثم ابحث عن NAV setup
يمكن عملية اعادة التثبيت تعيد الاشتراك من جديد!!
بنت اهلها
21-04-2003, 07:18 AM
لحظة
انتظر مني رد سوف اقرا هذا الموضوع
اضغط هنا (http://service1.symantec.com/SUPPORT/nav.nsf/docid/2001061911223206?Open&src=w&docid=2001092114452606&nsf=nav.nsf&view=docid&dtype=&prod=&ver=&osv=&osv_lvl=)
مانوع الوندوز اللي انت تستخدم؟
بنت اهلها
21-04-2003, 07:26 AM
لا تذهب بعيد سوف نحل المشكلة إن شاء الله
يوجد برنامج متخصص في حذف norton antivirus لوحده .. وهذا البرنامج مجاني في سمانتك.
ايش نوع الوندوز اللي انت تستخدم ؟
بنت اهلها
21-04-2003, 07:57 AM
اذهب لهذا العنوان
اضغط هنا (http://service1.symantec.com/SUPPORT/nav.nsf/docid/2001092114452606?Open&src=w&docid=2001061911223206&nsf=nav.nsf&view=docid&dtype=&prod=&ver=&osv=&osv_lvl=)
ابحث عن هذه الايقونة في منتصف الصفحة
http://techxp.net/bub/Rnav2003.gif
اضغط عليها وحمل برنامج صغير واحفظة على سطح المكتب.
ثبت البرنامج ثم قم بفتحه.
احذف norton antivirus 2000
قم بتثبيت برنامج norton antivirus 2000 من جديد
سوف يكون البرنامج جديد الاشتراك وتستطيع إضافة التحديثات من الاضافات التي في داون لوود.
والتحديثات اللي في البرامج اللي انت حطيت من داون لوود حديثة بالمره وفيها الاضافات الاخيرة ، يعني من شهر فماقبل..
كذلك تستطيع إضافة تحديثات جديدة بواسطة طريقة التحديث من موقع سيمانتك عن طريق التحديث الذكي ..
اضغط هنا (http://securityresponse.symantec.com/avcenter/defs.download.html)
إن شاء الله هذه الطريقة الناجحة
BooMeR
21-04-2003, 08:43 AM
السلام ، انا أقدر أحذف البرنامج من خلال "Add/Remove" في الويندوز ، و فيه تطلع لي خيارات تطلب تحديد برامج النورتن المطلوب حذفها ، انا عندي أكثر من واحد ، بعد التحديد ينحذف كل شي .
و الويندوز الي عندي 98 الإصدار الثاني ، هم سمعت على إذاعة "يقولون" أنه أخف على الجهاز :D :D
أفضل ما في السالفه أن تحديثات الفايروسات كلها موجوده على النت ، جاهزة أما عن تحديثات البرنامج نفسه فهي اللي شوي راح تتعب ، لأن المطلوب بعد كل تحديث ريسارت
شكرا مرة ثانيه على المجهود هذا كله
بس بقى كم سؤال :
1 - شلون تحطين الوصلات بهذه الطريقة تحت أزرار "اضغط هنا" ؟
2 - كيف وصلتي للبرنامج القديم من النورتن من الموقع الأصلي ؟( لأنه المفروض إذا كان موجود في الموقع الأصلي يكون موجود بعد في باقي مواقع الدوان لوود)
3- التحديثات اللي انتي حاطتها تحت غير عن اللي موجوده في الوصلة اللي انا حاطها فوق الموجوده على داون لود وت كوم "Download.com" ؟
بنت اهلها
21-04-2003, 08:59 AM
هلا أخوي
1-الوصلات تحطها بعد ما تحفظ العنوان المرغوب عرضه بواسطة الضغط على ايقونة http الي فوق عندما تكتب موضوع هنا في سوالف، بعدين تكتب اضغط هنا ثم ok ثم تلصق عنوان الصفحة اللي عندك.
2-البرنامج القديم موجود عندي على دسك.
3- التحديثات اللي حطيت عنوانها هي تحديثات سمانتك الاسبوعية ، ولن تضاف للبرنامج اذا كان منتهي تاريخ الاشتراك.
العملية في تحديث البرنامج هو في أن يكون الاشتراك لم ينتهي بعد.. وطريقة حذف البرنامج ثم تثبيته من جديد تعطيك اشتراك جديد ولمدة سنة عشان تضيف التحديثات الاسبوعية..
وبالتوفيق
BooMeR
21-04-2003, 09:43 AM
الصراحة ما قصرتي أختي بنت أهلها ، و الله يكثّـر من أمثالج :rolleyes:
البرنامج الحين شغال بحذفه و أركب كل ش من جديد ، و انشالله خير
:)