خدعوك فقالوا: المرأة مظلومة

[دمعة لم تجف]

والله قهر ...:mad:


الحين صاجينا حقوق المرأة حقوق المرأة ....

شوف وش حاصل عندنا بالسعودية ويمكن بكل دول الخليج

واقف أنا على الرصيف ابغى أقطع الشارع المزحوم .... ولا سيارة وقفت لي :mad:
تجي ست الحسن والدلال ومن قبل ما توصل للرصيف .. تلقى السيارات كلها واقفه كأنهم شافوا أشارة حمراء .

في البيت أتهاوش مع أختي وهي الغلطانه ونروح لحكم اللي هو الوالد يقوم يهاوشني ويتركها ...

أما إذا صار لك مشكلة مع بنت في الشارع فيا ويل ويلك ... الناس من غير ما تعرف السبب تضربك قبل ما تفهم وش السالفة ... حتى لو البنت هي سبب المشكلة .
حتى أن الأمر وصل لو كنت أنت صاحب محل وجتك زبونة ( حرامية ) سرقت وهربت لا تحاول تطاردها لانه راح تصرخ وتتهمك بأنك تحاول تتحرش فيها . وساعتها تبي تتفل العافية .

ويا ويلك لو وصلت الأمور لقسم الشرطة لانها ملاك وأنت أبليس بذاته .

في مرة دخلت لمحل جوالات كان البائع جالس على الكرسي ويكلمني من طررررررررف خشمه . ويوم دخلت ذيك البنت إلا كانه جندى شاف عقيد وقف على طول ... وترحيب وابتسامته واصله لآذانه .

والله حاله ....

وآخر كلامي ....

خدعوك فقالوا: المرأة مظلومة !!!

[fahoodi]

في مرة دخلت لمحل جوالات كان البائع جالس على الكرسي ويكلمني من طررررررررف خشمه . ويوم دخلت ذيك البنت إلا كانه جندى شاف عقيد وقف على طول ... وترحيب وابتسامته واصله لآذانه
هههههههههههههههه

بالله مصدق ان المرأة مظلومة ؟
عندنا في السعودية والله ان الشباب هم المظلومين
هم الضعيفين في كل شي
يعني ولا مكان نروح له مايقولو عوايل
حتى السوق اذا بغينا نروح نشتري اغراض قالو عوايل
والله حالة
:cry: :cry: :cry: :cry: :cry: :cry: :cry: :cry: :cry:

مشكور يادمعة :)

[WHATZ UP]

والله انك صادق

وانا ما قاهرني غير حاجه وحده

انه تجيك البنت حاطه ذاك الروج و خابصه المكياج تقل طايحه في كيس طحين

والطيب يفوح على بعد عشرطعش كيلو

وقاعده تتمشى في السوق و شكله يقول (( اتحداك تتعرضني ))

واذا تعرضته بسبب (( انك انفتنت ))

خذ تمحط من الي حولك (( يقالهم فزعه او يسوون فيها ابطال عنده ))

حتى الفراش مايخليك ..... اذا نحشت تلقاه يسابقك و يناديهم عليك

صديق صديق ....... هذا نقر موجود هنا (( ياحبه للشر ))

ترى ما صارت لي ... ولله الحمد
بس شفت


Women, You Can't Live With Them, And You CAn't Live With Out Them
http://www.harrythecat.com/graphics/k/skull23.gif

[_eyad_]

:D :D :D :D :D :D

[كـيـمـو]

هذا هو يادمعة بس لو فكرنا ليش؟؟؟
أحنا كمان الأمرأه عندنا ماتسوق لوتسوق وش كان حصل :confused:
الظاهر أنها بتنقل الدنيا علينا تصير أفضلية السير للمرأه
هذا الشراع للنساء ممنوع دخول الرجال من هذا الشارع تحصل الشارع نظيف مافية ولا مطب :D
وش ثاني بعد القسايم للرجال فقط النساء مالهم قسايم


وفي مصر أفضلية السير للمرأه مطبقة عندهم يعني حط بالك مين يسوق رجال ولا حرمة ركز ولا القسيمة جاية :D

بس السؤال اللي يتضراب مع نفسة
ليش كذا :confused:

يمكن عشانهم ظعيفين :D
بس والله العكس أحنا المساكين والمضطهدين :(

[CAMARO4EVER]

كلامك عدل % 100 يادمعة ..



في كل الاحوووال وفي كل المشاكل تكون هي المرأه التي تطلع من السالفة مثل الشعره من العجين ...

والسبب نفس مالقلت ...


..وتحياتي ,,,:black:

[فيجا الكبير]

والله كلامك صح..

فعلا في السعودية.. المرأة جوهرة ثمينة.. وهذه من تقاليد الإسلام العريقة..
الحمد لله إني مسلم..

لا تفكروا إني أتفاخر بالسعودية لأنني سعودي.. لا أنا فلسطيني عايش بالسعودية..

بس أتفاخر بالسعودية لأنها بلد الإسلام.

البلد الوحيد في العالم الذي يطبق الشريعة الإسلامية في أحكامه هي السعودية..

ومشكوووووو رعلى الموضوع..

[moon_back]

ايه والله صادق :Sad2:

[el badrah]

يحيـــــا العــــدل :D

[ابو الفياصل]

والله كلام قهر ويبط التسبد.!

والتسبد هي الكبد ولكن بلهجه نجداويه.!

بالنسبه للمشكله هذي.

يقولون او المفروض.. ان البنت مكانها بيتها.. بس نشوف الوضع الحين الشاب مكانه بيته:(

[هلاليه]

رد مقتبس من دمعة لم تجف



في البيت أتهاوش مع أختي وهي الغلطانه ونروح لحكم اللي هو الوالد يقوم يهاوشني ويتركها ...




انا جربت اروح لامي لم اتهاوش مع اخوي ويكون هو الغلطان

وجاني الهواش انا:shock2:


جرب وروح لامك

وشوف وش اللي يصير:glasses2:

ماراح تخسر ....ابصم لك على المليوووووووووووون:banana:

:banana: :banana:

[© MATCHLESS]

الحااال تغير يا دمعه !! ....

اول اقدر ادخل مع ام محمد السوق والمحلااات ....

بس من عقب موقف صار لي .... حرّمت انزل السوق معها !!


والسالفه الحين غير اول ... الحين الرجال هو المفروض يوسع الطريق ...

لأنه لو ما سواها كان علوم .... لأن فيه حريم ما تفرق معها انها تصدم في الرجال .... الا بالعكس والعياذ بالله :(


والحرمه ما تنتحارش في السوق !! .... لان الموضوع ما يسوى ان الواحد يتعرض لموقف يتهزأ فيه :headshak:




الله يرحم بالحااال :(
Matchless

[ever4camaro]

اي والله وانت الصاج:)