View Full Version : عندي مشكله ارجو ان اجد لها حل؟؟!!
غالية
14-05-2003, 05:41 AM
السلام عليكم....
عندي مشكله.. :( .يمكن بيعتبرها البعض سخيفه...ولكن بالفعل هي اتنرفزني....:mad:
طبعاً انتو كلكم تعرفون ان دخلنا في فصل الصيف..
ويت مفاجات الصيف الغير مفاجاه...رطوبه خانقه...حراره قاتله...شمس محرقه..:laugh:
مشكلتي هي مع ارتفاع رطوبة وحرارة الجو تتشكل الرطوبه على الزجاج الامامي للسياره...بشكل بالفعل يعتم الرؤية تماماً....
الزجاج الخلفي اعرف ان نضغط على زر عشان يشل الضباب المتكون على الزجاج...
بس الامامي...بتقلون لي شغلي المساحات....:cry:
اوكي كم بشغلهن...و بصراحه ما احب المساحه تلف وادور و انا اسوق....كمن ثانيه و يرجع الضباب..وهالمشكله تستوي خصوصاً في المساء...
ابغي اعرف اذا فيه شي يستخدمونه عالزجاج....
او طريقه تمنع تشكل هذا الضباب..:help: :help: ؟؟؟
الارهابي
14-05-2003, 06:07 AM
في ماده شفتها مره عند واحد من الشباب من زمان
طبعا صناعتها امريكيه :mad: ( قاطعوا يا شباب )
فايدتها انها تمنع تكون الضباب على القزاز
و مثلا لو صبيت على القزاز ماي على طول ينزل و لا يبتل القزاز
بس ما ادري بكم
ولا من وين
عيبها الاول انها امريكيه
و العيب الثاني ( اعتبره غباء ) لو تستخدم المساحات ( المساحات تلخبط الدنيا )و ترش الماي بعد
تصير سويت مصيبه
و القزاز ما تقدر تشوف منه
و لازم تنظف القزاز من اول و جديد
VIPER GTS-R
14-05-2003, 06:12 AM
الطريقة بسيطة
حولي فتحات التكييف الى الفتحات الموجودة على الطبلون عن طريق زر مثل اللي بالاسفل طبعا المروحة لازم تكون على النص او اعلى ..
شوف الزر الخامس من جهة اليسار تقريبا جميع السيارات فيها نفس هالعلامة ....
http://homepage2.nifty.com/JB-Pri/Car/kaisoku/image18/Aircon82.jpg
فاااايبر .
الارهابي
14-05-2003, 06:20 AM
او مثل ما قال الاخ VIPER GTS-R
هذي هي الطريقه التقليديه و اعتقد انها الافضل
بلا مساحات بلا مواد بلا خرابيط :D :D :cool:
kin porch
14-05-2003, 06:27 AM
اذا كان الطبلون فيه مادة التلميع والحماية الي يسوونها في ورش التلميع ومغاسل السيارات فحاولي تلغيها لأنها تضر اكثر مما تفيد
بالاضافة الى انها تزيد مشكلة الرطوبة الي تعاني منها...
silver
14-05-2003, 07:40 AM
بسيطة... لا تشغلين المكيف :D :D :D :banana:
روح الامارات
14-05-2003, 10:33 AM
والله يا غالية ,باين من كلامك انك تخلين مجرى الهواء الخارجي يدخل للسيارة علشان جذه الجامه تضبب لكن لو خليتي الهواء الداخلي للسيارة مثل ماقال الاخ فايبر وهو الفص اللى على اليسار اول واحد مابيخلي الجامه تضبب لان الهواء بيكون داخلي اما اذا مامنها فايدة احسن استعمال المساحات
غالية
14-05-2003, 11:01 AM
اشكركم للمساعده اخواني...
الارهابي...اشكر لك ردك...وبالفعل انا ادور شي يرشونه ويمنع الضباب...بس ما دام انته تقول ايسوي
مشاكل اذا اشتغلن المساحات بلاش منه...
VIPER GTS-R : مشكور على التوضيح والرد...
kin porch...اعتقد انه فيه مادة تلميع على السياره...حاطينها غسيل السيارات لي...اشكر لك ردك...
silver: اخوي ما اعتقد ان الجو يساعد اني ما اشغل المكيف :D
روح الامارات: شكرا اخوي على الرد...
تحيـــــــــــــــاتــــــــــــــــــــــي للجميــــــــــــــــــــــــع :)
supra se
15-05-2003, 12:38 PM
يالله مررررررره حررر
تم تعديل الرد من قبل المشرف
ومافي داعي لهذا الكلام
Lamborghini
15-05-2003, 03:26 PM
حيج عندج مكيف ، حليلنا حنا الفقارى !!:Sad2:
تدرين ولا مرة سارتلي هالمشكلـة تدرين ليش ؟؟ لأن السيارة عندي مافيها مكيف أصلا !! :o
غالية
15-05-2003, 03:43 PM
اشكـــــر المشــــــــرف :)
زورو الامارات
15-05-2003, 04:13 PM
العفو سستر هذا واجبنا