سوبرا و بس

[Crower]

اهداء للشباب في المنتدى...
سياره اعز اصدقائي ... بعد تغيير اخر توربو و وصلناها حوالي 800 حصان احد اوقاتها هو 11.1 في ربع الميل على بوست 1.5 بار ووقود عادي و رنجات 19 (بدون سليكس و بدون غاز) و مع البترول(116 اوكتان) وصلت 10 ثواني بدون غاز
اتمنى اسمع اراء الشباب

http://uaeboy.com/images/DSC00144.JPG

http://uaeboy.com/images/DSC00150.JPG


http://uaeboy.com/images/DSC00165.JPG

http://uaeboy.com/images/DSC00144.JPG

http://uaeboy.com/images/DSC00154.JPG

[Oettinger]

ما شاء الله

السيارة في نظري الفخر الوحيد لتويوتا حتى الان!!



يا ليت تزودنا بلستة بالتعديلات والتوربو سيتب اخوي كرور ، والاهم التكلفة اللي حطيتوها في المكينة عشان تصول قوة معتمدة مش دعسة وتحتاج تفك الراس!!



تحياتي

[camry gtx 99]

تسلم اخوي والسياراه معليها كلام بس كم كلف كل هالتعديل

[سردال]

سيارة ثانية من البطين :laugh:
كل يوم تقريباً أتمشى في هذا المكان :)

أريد أعرف كيف تحسبون عدد الأحصنة؟

[The Black]

لم تظهر ولا صورة !!!!

:black:

[MAD MAX]

:cry: :cry:
I want one

[Third Eye]

للأسف ولا صورة طلعت

الظاهر ممنوع هذا الموقع في السعودية

[سيف الإمارات]

^1

على هذه الأرقام التي ذكرتها

السيارة قوتها خيالية :shock2:

بس عدد الأحصنة بالداينو؟؟

[760IL]

ماشااااااااااء الله السياره رهيبه ...لاكن كل مااشوف سوبرا ابكي....لانها تقريبا حسب توقعاتي بما انها لاتنتج منها ....اذا بعد 4 سنوات راح ينقرض اسم السوبرا

[Crower]

اوتينقر: لستة التعديل كبيره و صدقني صعب اني اكتب كل شي
بس تقدر تقول: توربو سيستم HKS T51 SPL BB
فيول سيستم كامل و كمبيوتر كامل من الالف الى الياء
اكزوز سيتم كامل, نظام تعليق كامل, كراسي ريكارو, بدي كت كامل, رنقات 19 بليتز, بلو اوف, انتركولر, ويست غيت, و و و وو
ما اذكر كل شي..... اعذرني
كامري: و الله ما اقدر احسب كل شي لانه ما صار كل التعديل على مره وحده بس على فترات كل يوم شي و تغيير التوربو و ما ادري شو..... و يعني البروجكت هذا من اكثر من 4 سنين و الريال يعدل كل يوم شي و يصبغ السياره لون و يغير شي.. بس ما تقل عن60-70 الف درهم للتعديلات الاساسيه على السياره.
سردال: البطين ما نصبر عنها
بالنسبه لعدد الاحصنه الحسبه بسيطه.... نحن ما عندنا داينو بس قول على التعديلات اللي على السياره من نوع التوربو و نظام الوقود و الكمبيوتر و المحرك شو عليه و نقارنه بسيارات من نفس النوع نحن نعرف شو عليهم كمثال اغلب السيارات اللي في امريكا و مركبين نفس التعديل او اقل ما تقل قوتهم باي حال من الاحوال عن 800 حصان على الداينو.....( قصدي نفس التعديل بالضبط او اقل بعد ) ان ماكان اكثر فنحن و لان السياره كامله من جميع النواحي الحمدالله تقدر تتوقع القوه حوالي كم... و بعدين التجربه في ربع الميل تنفع وايد و تقدر تخبرك شو مستوى السياره
و على فكره في احدى الصور بتشوفون سياره جميله ايضا و لنفس المالك....... سكاي لاين أر 32

[kin porch]

ما شاء الله ...
شغل حلو
بس اقدر اعرف الاضافات الخارجية وين نفذت ؟؟

بالتوفيق

[Crower]

اهم شي الصبغ اما التركيب فصاحبها ركبها في الورشه عنده

[kin porch]

اذا الاضافات سهلة، تقدر تفيدني في هذا المجال اخوي Crower
؟
لانه انا لي اهتمامات بمجال الاضافات الخارجية

[Crower]

بس شو نوع سيارتك؟
و يعتمد انا قلتلك عن السوبرا انها سهله
بس ما اتوقع تكون صعبه في باقي السيارات دام الكت متوفر لها
الكت اهم شي تفصيل لالالالالا

[Lamborghini]

هذا مب نفس السوبرا اللي في التقنيـة ؟؟ :confused:

[Crower]

راعيها ابو عيال يشتغل ما يدرس مخلص دراسه من زمان
وضحلي؟

[Lamborghini]

والله أني أشوف وحدة دائما توقف عند ( المنجرة ) علـى طريق الطلعـة .. نسخـة طبق الأصل نفس الرنجات ونفس اللون بس ما انتبهت لو فيها فتحـة في البونيت ولا لأ !! .. :OO:

[Crower]

وضح؟

[corvette 40th]

Crower
السيارة قمة في الأداء
الله يعطيه خيرها ويكفيه شرها

حبيت اتخبرك، في واحد من اهل جميرا (المنطقة الرابعه) عنده سوبرا لونها احمر (فيها شبه كبير من هذه السوبرا) و انا سمعت انها فعلا قوية

اذا تعرفها، شو الاقوى و الاسرع من بينهم؟؟


على فكرة هذه السوبرا الي اكلمك عنها انعرضت في عده مجلات امريكية قبل ما صاحبها يابها الامارات

:) :) :) :) :)

[corvette 40th]

عندي صور السوبرا في الإميل (مصورة في امريكا) :D

[Crower]

بس ما اعرف شو لون سيارة بن فهد بس اسمع بها ان كانت هي هاي قويه وايد بعد عليها توينات HKS و غاز و ان كانت مب هي يمكن مال حد من الشباب في الجميرا وايد يحبون السوبرا هم

[corvette 40th]

هي بالفعل سيارة بن فهد

و هذه صورها بعد ما صبغها احمر


http://img.villagephotos.com/p/2003-5/193302/moh7.jpg

http://img.villagephotos.com/p/2003-5/193302/moh6.jpg

http://img.villagephotos.com/p/2003-5/193302/moh9.jpg

http://img.villagephotos.com/p/2003-5/193302/moh1.jpg

و هذا مقال يتكلم عن سيارة بن فهد السابقة على ما اضن كانت مزوده بتوربو واحد و يقارنها بسوبرا توين توربو
Turbomagazine (http://www.turbomagazine.com/tech/0103tur_singlevstwin/)

:) :) :) :) :)

[Crower]

بن فهد انا تلاقيت وياه مره وحده في ورشه نسيبي, ما شاء الله عليه انسان فاهم في السوبرا و عارف لها عدل, و هو عطاني وايد معلومات كنت ادورها, بس ما شفت سيارته من قبل لاني ايي على فترات البلاد مثل ما تعرف و هو بعد كان توه مخلص من امريكا و الدراسه. و سيارته كان مكسور جيرها الفتره اللي تلاقيت معاه فيها , و صاحب السوبرا اللي صورتها فوق ربيع بن فهد من زمان و خبرته ما تقل عن خبره بن فهد و انا اعتبرهم اكثر اثنين فاهمين للسوبرا في الامارات بصراحه....
و على فكره سياره بن فهد ما شاء الله عليها قويه وايد و مضبطنها في امريكا قبل ما يخلص على اخر كت التوين HKS , و مشكور على المعلومات و ان شاء الله بصورلكم سيارته اكثر يوم برجع الامارات لاني بحاول اتلاقى وياه عندي كم موضوع معاه

[Crower]

يدريبهم لان صاحبها كمثال ما يبغي حد يعرف سيارته و اعطيكم امثله من اللي اعرف سيارتهم عدل و شايفنهم بعيني:
- لكزس LS430 توربو 700 حصان.
- بي تي كروزر دفع خلفي و 500 حصان.
- لكزس التيزا 500 حصان.
-السوبرا البيضا مال واحد من الشباب نسيت اسمه ؟؟ سنقل توربو و كانت من اقوى السوبرات في الامارات قبل ما تنباع.
-نيسان سفاري 2001 توربو من اقوى النياسين في البلاد و عليه سنغل توربو و انتي لاق و غاز و مستواه مع السوبرات المزوده و مع السكاي لاين المزود.
-لاند كروزر الاسود مال بن دلموك في دبي و اللي سبق المورشيلاجو في السباق المشهور ( توربو )
-الايفو الخضرا مزوده في الورشه 600 حصان و انتي لاج و بلاوي ( طياره )
- كمارو كالاواي توين تيربو مال السيد في ابوظبي ( عمره فوق 50 سنه) و عنده بعد CLK 55 رين تك ( 4.0 ثواني من صفر الى 100 كم )
و بلاوي و بلاوي هاي بس بعض السيارات اللي مرت علي و الباقي اعظم.:black: :glasses2:

[760IL]

لكزس LS430 توربو 700 حصان>>>:shock2:

-لاند كروزر الاسود مال بن دلموك في دبي و اللي سبق المورشيلاجو في السباق المشهور ( توربو )


بصراحه انت دايما تتكلم عن هذا السباق الاسطوري ...وياليت له فيديو علشان نشوفه:cry:

[Third Eye]

رد مقتبس من Crower

-نيسان سفاري 2001 توربو من اقوى النياسين في البلاد و عليه سنغل توربو و انتي لاق و غاز و مستواه مع السوبرات المزوده و مع السكاي لاين المزود.
-لاند كروزر الاسود مال بن دلموك في دبي و اللي سبق المورشيلاجو في السباق المشهور ( توربو )
-.:black: :glasses2:

مشاء الله
أتمنى انك تجيب لنا فيديو للسفاري وهو يجرب مع السوبرا أو سكايلاين





وتحياتي

[Crower]

الافلام مب قادر احصلهم في حد مصور هالسباقات بس مب قادر اعرف منو هالشخص.... على العموم هالسباق فعلا وايد مشهور في الامارات و الادهى ان شكل اللاندكروزر وكاله من الخارج يعني ما تشك فيه ابدا
:black:
ادعولي احصل الافلام و انا اوعدكم احطهم

[mill_955]

السلام عليكم

ماشالله اداء السياره ممتاز جدا وقوه خياليه

بس تتوقع لو ركب عليها سليكس راح تقطع الربع ميل في اقل من 9 ثواني ولا لا

وبعدين ممكن تقولي وشو اللاق

شباب ممكن احد يحط الصور في موقع ثاني عشان نقدر نشوفها

وشكرا

[Crower]

اولا بالنسبه لل9 ثواني هذا شي صعب بس مش مستحيل
كل ما حطيت في بالك رقم اقل في الربع ميل كل ما احتجت لتجهيزات اكثر و دخلت في الاصعب... و كمثال ان وصلت 10 ثواني بغاز و سليكس (10 ثواني بسيمي سلكس للسوبرا اللي فوق) لازم تعدل جهاز التعليق في سيارتك و لازم تخليه للمسافات القصيره بحيث انك تبحث عن اكثر قدر ممكن من التماسك و لازم تعدل الجير في بعض الحالات و الربع ميل تجهيزه مختلف تماما عن الشارع في التعليق و الجير......
اما اللاق... لما تسوق سياره توربو ما تلاحظ انه السياره تزيد قوتها بشكل ملحوظ عند ار بي ام معين.!! او تقدر تقول تفتح بعد عدد دورات محرك معينه كمثال 3000 ار بي ام
هذا معناه ان التوربو يفتح او يبدا بالعمل على هذا الار بي ام و كل ما زاد حجم التوربو اللي على السياره كل ما كان التوربو يفتح على دورات محرك اكبر و العكس صحيح مثال : السوبرا ستوك تفتح على 3000 اربي ام اما عند تجهيزها بسنقل توربو اكبر بكثير يمكن تفتح على 4500 اربي ام او اكثر بعد والى ان تصل الى هالدورات تحس المحرك ما فيه قوه. هذي الفتره لحد ما يفتح التوربو تسمى لاق.. و الانتي لاق هو التحكم في التوربو و جعله يفتح من اقل من 500 اربي ام و لكن هالشي يضر المحرك و التوربو
اتمنى اني وضحت

[mill_955]

مشكور اخوي Crower على التوضيح

[Crower]

العفو اخوي