View Full Version : طلب النصيحة والمشورة في اختيار سيارة
HaKeM
16-05-2003, 05:09 PM
السلام عليكم
أخواني يريت تفيدوني في انواع الجيوب أو مايعادلها في الحجم كالجمس بحيث يكون الدفع خلفي أو رباعي ويكون خرابها قليل ومكيفها بارد في البلد وحدود سعرها 150ألف ريال.
لأنه السيارة للوالد والسيارة للسواقة في البلد والخطوط السريعة
ماهي لتطعيس ولا رمال.
تحياتي:o
Lamborghini
17-05-2003, 02:47 AM
همممممممممممم .. تبيها عائليـة 3 صفوف كراسي ولا عادي تكون صفين بس ؟؟ :confused:
HaKeM
17-05-2003, 07:34 AM
والله مافي مشاكل في عدد الكراسي ولو يكون3 صفوف أفضل وتكون السيارة اوتوماتيك أنا عجبني السوبربان لكن سمعت انه في مشاكل يريت الي عنده جمس سوبربان أو يوكون من عام2001 إلى 2003 إذا عنده مشاكل يفيدني.
تحياتي:rolleyes:
ACCORD-V6
17-05-2003, 06:33 PM
لاند كروزر
ولا طوراق:eek: :eek: شي رائع
خلك من الجمس واليوكون والامريكي كله ماله داعي ولازم نقاطع:mad: :mad:
اسف على الاطاله
Lamborghini
17-05-2003, 06:45 PM
والله الأمريكي بشكل عام ابتعد عنه .. لو تبي سيارة عائليـة مالك أحسن من اللاندكروزر .. لو تبي سيارة فخمـة ومريحـة علـى الخط بنفس السعر الوحيدة المتوفرة هي الطوارق ... ولو إني أشوف مادام السيارة ماريحـة تدخل رملـة أشوف إنك تحول لسيارة صالون أحسن .. :)
HaKeM
18-05-2003, 04:33 PM
طيب ايش رايكم في الباترول هل هوا أفضل من اللاندكروزر
الطوارق ما سمعت احد اشتراها اخاف تطلع فيها عيوب
صالون مين.. الي يتعود على الجيوب والجمسات ما يعجبه غيرها .. تطلع رصيف ولا أحد يفكر يسقط عليك.. يعني أنا في البلد والخط ولا أحد قدي ..ههه;)
لكن السيارة للوالد.
تحياتي
Lamborghini
19-05-2003, 12:56 PM
هههههههههههههه .. :D
بالنسبـة للنيسان باترول صراحـة حق العيلـة مايصلح ، وغير جي السيارة براغي البيبان والمفاصل تنفك ابسرعـة ، ولو اخترب فيها شي مارايح تخلص تصليح ، أشوف إن اللاندكروزر أحسن للاستخدام العائلي ، و اللاندكروزر أريح في الخط ويستحمل كرف وايد .. :)
بالنسبـة للطوارق السيارة توها جديدة أول دفعـة رايح توصل للوكيل في أبوظبي هي في شهر سبعـة .. و الدفعـة محجوزة بالكامل .
صحيح إن جميع العيوب ( إذا ظهرت ) تغطيها الوكالـة لكن مادامك مرتاب أشوف بلاش طوارق .. :)
ابوعليوه
20-05-2003, 03:45 AM
تبي الصراحة انا جربت اليوكون وجمس 2002 قطع 15 ويوكن موديل 2001 مو دفع رباعي
الجمس مايصلح داخل الديرة لأنه ثقيل مو حق شغل السيارة طف السيارة اما اليوكن استعمال حلوو جداً واحسن مافيه انه خفيف واذا العائله 6 الى 8 انفار انصحك باليوكون لاكن مشكلته انه مايمسك سعره وحتى الجمس عند البيع,,,
HaKeM
20-05-2003, 07:21 AM
مايهم تقل السيارة الوالد معاه جمس 95 عيبه البيبان ييبغالها تربيط تقربع مع كثرة الحفر لكن اليوكون هوا نفس الجمس لكن أخف وشنطته اصغر... ومايهم السيارة تمسك سعرها
الطوارق شي لكن خايف تطلع فيه عيوب ولساع محد جربه.. أما اللاندكروزر أحسه زي العلبة مافيه ولاشي من الفخامه .
تحياتي:glasses2:
Lamborghini
اخوي انت الظاهر لالحين قديم:D
بغيت انبهك ترا مشكلة التفكك بالنيسان انمسحت بمديل 2002 2003
صار جامد او ما قام يتفكك ونا عندي سوبر سفاري 2002 او ماشي خمسين الف او مافيه ولا صوت او كل الي عندهم سفاريات جدد مثل كلامي انها انحلت هل مشكله بالمديلات الجديده
او حتى اذا قرقع الموتر ترا تظبيبه حيل سهل يمكن 20 دينار كويتي بس او بيوم واحد يتضبب
حبيت انبهك بس :)
Lamborghini
20-05-2003, 12:57 PM
فاهم :
في البيت عندنا موديل 2000 طلعت فيه هالسوالف السنة اللي طالفت .. و أخوي وداها الترصيص ثلاث مرات لما طفر و المشكلـة بعدها موجودة ..
يعني مايحتاج نستعجل .. علـى العموم الحمد لله المشكلـة انحله ( مع إني افضل انتظر سنتين وأشوف النتايج) ...
---------------------------------
علـى العموم يتم اللاندكروزر صرفيته أقل وأحسن حق الخطوط والعوايل .. وفوق هذا يحتفظ ابسعره .. ;)
Lamborghini
20-05-2003, 12:58 PM
أبوعليوه .. همممممممممممممممممممم .. :confused:
طيب لازم وكالـة ولا ممكن مستعمل ؟؟ :confused:
silver
20-05-2003, 02:06 PM
شوف اليوكن ... اظن انه فل كامل بـ 130 ألف .... واظن يجي معاه شاشة وما ادري ايش
وفي عندك المتسوببيشي باجيرو
وفي الهونداي تراكان
ACCORD-V6
20-05-2003, 03:01 PM
حرام عليك اخوي عندك خيار اسمه طوارق وتقولي نيسان:corsair: :corsair:
والله الطوارق حلو
لاتأخذ من الدفعه الاولى اصبر شوي احسن من تتسرع وتاخذ نيسان ولا يوكون:mad: :mad:
خذ طوارق اذا ماتبغاه خذ لاند كروزر
وشكرا...
HaKeM
20-05-2003, 03:10 PM
اشكر كل من قام بالرد لكن شكله جيب طوارق حيكون الخيار النهائي لكن كيف أعرف الدفعه الأولى من الثانية.
تحياتي:glasses:
ACCORD-V6
20-05-2003, 03:33 PM
الدفعه الاولى راح تكون محجوزه:D :D
يعني لاتشتريها اول ماتنزل يعني بعد شهر شهرين
واسف على الاطاله
Lamborghin
يا هلا والله اي مديل 2000 مو شي انا قلتلك من 2002 او فوق صار اقوى
بعدين شلون وديتوه او ما تظبب:OO:
ترا والله سهله انت سوها بنفسك فك الباب او ظب براغيه او شوف النتيجه
بعدين انا عندي هم في اكس ار 2001 او رب الكعبه انه صوت قرقعته تبط الراس او قطيته على اخوي او خذيت السفاري :)
بعدين طال عمرك السفاري انشالله بعد جم شهر يكمل عندي سنتين ولحمدالله تمام التمام بس صارت فيه خرابات بسيطه ولحمدالله :)
Lamborghini
21-05-2003, 04:24 AM
الله يسلمك لان أخوي راعي بر وخطوط ، يسير يوديه يشدولـه البراغي بعد ثلاث أشهر كل شي يرجع مثل أول ويرد يسير لهم .. وجذي .
لاماشاء الله مادام قربت تكمل عندك سنتين واظهر شي يعني المشكلـة انحلت :)
ويالله تتربى السيارة بعزك انشاء الله .. :D
Lamborghini
21-05-2003, 04:26 AM
حاكم العدل .. خبرنا باختيارك النهائي وبالمواصفات اللي ناوي تحطها في السيارة .. :)
Lamborghini
الله يسلمك :D
HaKeM
25-05-2003, 05:05 PM
اخويLamborghini الإختيار النهائي بإذن الله جيب طوارق 6سلندر لأنه لقيت مقارنة في مجلة كار درايفر والطوارق أخذ المركز الأول في التجربة ومميزاته ممتازة وشكله حلو ومكينته قوية
لكن اهم شي المكيف كيف؟
لأنه الوالد أتعقد من مكيف الأمريكي يشغله تخرب السيارة وأهم شي المكيف يكون بارد في الصيف والسيارة ما تسخن زي الأمريكي.
وجيب طوارق متى ينزل موديل 2004؟
تحياتي:D
السائق المثالي
26-05-2003, 04:57 PM
جيب لكزس أتوقع انه مناسب ،
في نفس حجم اللاند كروزر ومواصفاته أحلى .
HaKeM
26-05-2003, 05:12 PM
ياخي لكزس مصمم لترف والدلع لكن الgx ممتاز لكنه مادخل السعودية لكن أنا عجبني الطوارق وأنشاء الله اقنع الوالد بيه
تحياتي
Lamborghini
27-05-2003, 01:02 AM
السلام عليكم .. :)
بالنسبـة للمكيف جميع مكيفات الفولكسواغن بدون استثناء تكيفها ممتاز ، السبب إن الشركـة متعاقدة مع شركـة يابانيـة متخصصـة في هالمجال ، يعني تشتري تكيف ياباني !! .. :D
بالنسبـة لمتى تنزل . عندنا في الإمارات راح تنزل الدفعـة الأولـى في شهر سبعـة ، وهذي الدفعـة ميزتها إنك تقدر تطلب الأشياء اللي تبيها في السيارة ، حلاوة هذي الميزه إنك تقدر تبدل أشياء ماتحتاجها ومش ظروريـة في السيارة بأشياء أخرى أفضل وعمليه ، مثلا بدل الكيلس إنترني تاخذ حساسات و تلفون وستاير ، بهالطريقـة تقدر تحصل المواصفات اللي تبيها بالسعر اللي تبيه .. :)
HaKeM
27-05-2003, 03:21 AM
أخوي Lamborghini أيش الكيلس إنترني ؟
احتمالية بعد اسبوعين أروح المعرض اشوف السيارة والمواصفات لأنه الإختبارات بعد اسبوع .
تحياتي:)
Lamborghini
05-07-2003, 05:51 PM
السلام عليكم ... والله آسف بس إنقطعـت عن المنتدى سارلي فترة .. :o
بالنسبـة للنظام ... إذا كان المفتاح في جيبك ما يحتاج تاخذه وتبطل الباب كل اللي عليك إنك تحط إيدك علـى قبظـة الباب و بينفتح علـى طول .. :) ، نفس الشي بيكون لتشغيل السيارة السيارة تشتغل من دون مفتاح ... :) "النظام اسمه مب كي ليس إنتري بس له علاقـة فيه "
صحيح إن النظام حلو لكنه كمالي زيادة عن اللزوم ..
أظن مظى أكثر من اسبوعين .. ها بشر سرت الوكالـة ولابعدك ؟؟ :D
TOP-SECRET
05-07-2003, 06:03 PM
خذ لك لاند كروزر GX-R فل اوبشن ولون ذهبي بعد:glasses: :glasses:
سياره كشخه وحلوه وسيارت عائله وتحمل الكرف :banana: :banana:
يعني كل شي حلو فيها:cool:
يكفي اسمها TOYOTA
BYE
HaKeM
05-07-2003, 08:56 PM
ههههههههههههههههه مارحت تعرف بداية الإجازة والتماشي
قال إجازة قال (ترم صيفي)
المهم فينك أختفيت ونسيت موضوعك:D
http://www.swalif.net/sforum1/showthread.php?s=&threadid=168498
Lamborghini
06-07-2003, 07:12 AM
السلام عليكم
لا والله مانسيت لكني كنت ماخذ اسبوع اجازة منه أغير جو ومنه أقدم علـى وضايف .. :D
إنشاء الله راح أبدأ بالموضوع اليوم وراح يخلص يوم الأربعاء ( لأن الموضوع 7 صفحات تقريبا !! ) .. :)
علـى العموم إنشاء الله يعجبكم الموضوع ويكون مفيد .. :D