نصب الوكاله - والا غباء المهندسين

[PT Cruiser]

اهلين شباب كيفكم
عساكم بخير
شوفو مشكلتي
وانتو احكمو هل هو نصب من الوكاله
والا غباء من المهندسيين والفنيين
---
انا معاي افالون موديل 2000
المكيف حقها تمام يبرد ثلج
من اسبوع ومع بداية الحر بالرياض
المكيف ما عاد يبرد ابد
ولو حطيته على اعلى شي رقم خمسه
يا دوب يطلع هوا
وديت السياره للوكاله فحصوها لي
وقالوا منظم المكيف خربان
طيب بكم قالو المنظم 800 ريال
غير شغل اليد
المهم دخلتها الوكاله كلفتني 950 ريال

المكيف بارد اول يوم
رجع زي اول مافي هوا يا دوب قليل مره
رجعتها للوكاله
قام المهندس يخربط على
قلت يا ولد ما عنده ما عند جدتي
رححت للصناعيه
فحصوها قالو الثلاجه وسخه
كم تكلم
قالو فك الثلاجه وتنظيفها وتعبئة فريون تكلفك 400 ريال
خلصت انا وياهم ب 320 ريال
نفس الحكايه
طفشت من السياره ولا حركتها
قبل امس كنت واحد من الشباب هو من النوع الي يحب يعرف اي صغيره وكبيره عن السيارات
اذا راح يودي سيارته الصنايعه يدوام عندهم يفك ويركب معاهم
المهم قلت له عن سيارتي ومكيفها
قال لي انت جاي فيها
قلت ايه
المهم طلعنا
شغلت السياره قال لي شغل المكيف على اعلى شي
شغلت المكيف على اعلى شي حط يده على المكيف ضحك وقال طفي السياره
قال اجل 950 ريال و 320 ريال
يتمسخر على
قلت طيب تعرف وش علتها
قال خمس دقايق وهي جاهزه
قلت يالله على يدك
فتح درج السياره ما ادري وش تسمونه ( اسمه العلمي خخخخخخخخ درج القفازات )
المهم فتح الدرج وفكه
طلع من وراه فلتر مستطيل
اخذه وغسله طبعا لونه اسود غامق بقوه غسله سار لونه ابيض
وركبه مره ثانيه
وطلع المكيف يبرررررررررررررد زي اول واحسن
والا الحين وه ويبرد
فما ادري هو غباء مهندسين
والا نصب وكاله

[السائق المثالي]

الاثنين

نصب وكالة

ونصب مهندسين أيضا

وأتمنى يكون عندي صديق فيه مواصفات صديقك ..

فعلا نحتاج مثل هؤلاء كثيـــــــــــــــــــــــــــــــــرا

[CAMARO4EVER]

نصب .

[غالية]

نصابين والله من وكاله ومن مهندسين...
يعني غسل فلتر المكيف بس...مثل ما تغسل فلتر مكيف الغرفه العادي...وهم سواها لك سالفه...
ذكرتني بسالفة وحده عندها بي ام....تقول ان اخترب في سيارتها نظام التلفزيون والسي دي..فا لما راحت الوكاله قالو لها 8 الالف....قالت ما اريد اصلح...طلعت راحت عند واحد متخصص في هالنوع من السيارت...قال لها التصليح ب 3 الالف....فا وافقت...واتصلح اوكي عندها..
بعد ما صلحت السياره وخلصت خبرت عمها السالفه...قال لها ليش ما خبرتني من اول......لان نفس القصه صارت لصديقه اخترب سيستم السياره...وكل العله في واير واحد بس يتبدل قيمته 5 دراهم فقط :shock2:
تخيلو يا جماعه النصب و الاحتيال كيف :headshak:

[الشرقاوي]

بس ماقلتلي ليش مارحت للوكاله وهز~تهم لو مارحت ما وصيك رح ولا يردك الا المدير:mad:

[Accord-R]

والله حاااااااله .. يعني اللي ما عنده خبره في هالشغلات ينقص عليييه




AVALON2000XLS.....
الا وش قصدك بـ ( درج السياره - درج القفازات )
والله مو فاهم عليه

[VW-609]

رد مقتبس من Accord-R
والله حاااااااله .. يعني اللي ما عنده خبره في هالشغلات ينقص عليييه




AVALON2000XLS.....
الا وش قصدك بـ ( درج السياره - درج القفازات )
والله مو فاهم عليه


انا برووح اشيك الفلتر !! :D

الدرج هو الدرج الي في سياراتك الي تحط فيه الأستماره :headshak:

[PT Cruiser]

اهلين شبابي
مشكله عاد يطلع نصب وغباء
على فكره خويي ايل اقولك عنه معاه قراند ماركيز من كثر ماطلع فيها خرابات
الرجال صار اي مسمار يتحرك بسيارته يعرف وين مكانه
--------
اهلين camaro4ever
شكرا على ردك
--------
اختي غاليه
هذه المشكله يا غاليه ان تكون المشكله بشي صغير والوكاله او اي واحد ثاني يكبرها لكي
ليه يبي ياخذ فلوسك
وبنسبة 90 بالميه ظامنين انهم راح يستفيدون ... سالتيني ليش ؟ انا اقولك ليش
لا الوكاله قسم الصيانه مكتوب على الباب حقه ( ممنوع الدخول لغير العاملين )
يعني سيارتك مقفل عليها باب وشغال عليها واحد فلبيني ما تدرين هو صادق والا كاذب بشغله
يعني لو عطاك السياره وهو ما صلح فيها شي ومطلع فاتوره انه مصلح ما راح تستلمين سيارتك الا بعد ما تدفعني
وانا اقول يسون تخفيض ليه -خخخخخخخخخخخخخخخخ ماهم خسرانين شي
----
اهلين شرقاوي
لو رحت للوكاله ودخلت عند المدير اعرفه بيقعدني على الكرسي وشاي وقهوة وسواليف ويسكتني بكلمتين وبطلع وانا ما سويت شي
--------
اهلين اخوي Accord-R
مثل ما قال لك اخوي vw-609 هو الدرج الي تحط فيه الاستماره
---
اهلين اخوي vw-609
شيك وان طلع اسود اغسله
بس انتبه ترا اذا طلع وسخ بيعدم لك المكان الي بتغسل فيه
------------
خلوني اقولك سالفه ما قلتها لكم سارت لي بسيارتي
هذه السالفه تدل على نصب الوكاله
الحادث الي سويته ونزلت صورته هنا بالمنتدى
طلعت السياره وكل شي زي الفل واحسن بعد ( شغل وكاله )
المهم بعد ما استملت السياره مسكت خط على طول ابي اجرها وافك كربنتها اذا كانت مكربنه
المهم لاحظت ان مثبت السرعه ما يشتغل
رجعت للشامل ( تامين تيوتا ) قلت لهم عن مثبت السرعه قالو مالنا دخل في روح للصيانه الي على طريق خريص
رحت لهم قالو لي ارجع للشامل
فاانا اخذتها من قاصرها وعرفت المرمرطه الي راح تصير فيني
فقلت يا ولد اشتري راحة بالك
قلت بكم تصلحونه
قالو يبي لك مثبت سرعه جديد
طيب اوكي مافيه خلاف بكم
ما اذكر والله بالضبط بكم بس اذكر انه كان غالي
قلت يا ولد وعلى ايش ما قد اتستعملته ابد ( الي هو مثبت السرعه )
فطنشت الوضع
--
بعدها بكم يوم وانا نايم في امان الله الساعه تقريبا 10 السصباح
جا على جوال رقم من جده
ناظرت يا ولد ما اعرف احد بجده يالله خلينا نرد ونشوف مين هو
المهم رديت
طلع لي بنت
الو السلام وعليكم السلام
المهم قالت لي الاخ عبدالعزيز
قلت ايه مين معاي
قالت معاك فلانه نسيت اسمها من شركة تيوتا المركز الرئيسي بجده
قلت هلا والله خير
قالت خير ان شاء الله
انت مسوي حادث قبل فتره ومعاك افالون ذهبيه لوحتها ط و و 4 4 7
قلت ايه
قالت اوكي سيارتك خلصت كيف حصلت الشغل هل هو نظيف هل كان في تاخير بالشغل ومن الاسئله هذه
اكلت راسي بالحكي ما خلت شي ما سالت عنه
حتى تخيلو سالت اذا كان الجلد توسخ والا لا
المهم بالنهاية قالت اذا في اي شكوى بعطيك رقم فاكس وترسله لنا قلت اوكي
هي ما قفلت من هنا
الا وانا كاتب فاكس وراسه له طبعا كتبت بالفاكس عن حكاية مثبت السرعه
بنفس اليوم العصر
الا مدير الصيانه في طريق خريص داق علىّ
المهم جيت لهم جلست في مكتبه وهلا وسهل فيني ( حشا كان شاري اسهم عندهم )
ومرحبتين ويا حبيبي ويا مدري ايش
المهم دخل سيارتي بالصيانه خمس دقايق وهي طالعه
وش قالو انهن صلحو المثبت
يا ولد شلون وش طلع فيه
قالو ابد بس السلك حق المثبت نسيو يشبكونه
:Sad2: :Sad2: :shock2: ايش رايكم

[HaKeM]

اخوي AVALON2000XLS مشكلة المكيف معروف انها من الفلتر راجع كتاب السيارة تلاقي مكتوب انه لازم يتغير كل فترة والله مني فاكر أعتقد كل 20 ألف كيلو ..

وبالنسبة للمدير خش عليه ولا سلام ولاكلام انزل فيه لين يتجنن السيارة تطلع من عندهم ميه ميه

أما بالنسبة للبنت من جده هذي طفشتني اسألة عن مستوى المعرض وعن عدد أفرادالأسرة والدخل قال ايش معلومات شخصية الخ..
تقول تبغى تخطبني (امزح);)

المشكلة كلها في المهندس الي يستلم السيارة منك بعضهم من جنب القده ماعندهم سالفة وبعضهم فاهمين الشغل ومشكلتي في الأفلون انتهت بأني اتعاملت مع واحد مهندس في شركة تويوتا من بعد صيانة ال15 ألف وهوا فاهم الشغل ومحترم وصار المهندس المشرف على سيارتي لأنه الباقين كلهم ماعندهم سالفة
http://www.swalif.net/sforum1/showthread.php?s=&threadid=163874&highlight=%DA%ED%C8+%CA%D5%E4%ED%DA%ED

تحياتي:D

[deaddly 99 yukon]

رد مقتبس من AVALON2000XLS
قالت معاك فلانه نسيت اسمها من شركة تيوتا المركز الرئيسي بجده
قلت هلا والله خير

:Sad2: :Sad2: :shock2: ايش رايكم [/B]
في بنات يشتغلون بوكالة تويوتا :damp: :damp: :confused: :confused:

[PT Cruiser]

اهلين deaddly 99 yukon
انا استغربت زيك
بس قلت مو معقول يكون رجال وصوته ناعم للدرجه هذه هو ناعم مره مره مره مره مره
وفوق هذا كله ان اسمه بنت
خخخخخخ
يمكن بجده بالمركز الرئيسي بالاداره يعني مو بالمعرض يشغلون بنات عندهم
كل شي جائز :banana:

[ACCORD-V6]

اخوي افالون مااتوقع انه غباء يمكن نصب لان حقين الوكاله اعوذ بالله:black: :black: :black: مايفوتهم شي بس يبغون ياخذون كل اللي في جيبك

ومافيه تصليح تغيير



------------------------------------------------------------------------------------------------
على فكره خويي ايل اقولك عنه معاه قراند ماركيز من كثر ماطلع فيها خرابات
الرجال صار اي مسمار يتحرك بسيارته يعرف وين مكانه
-------------------------------------------------------------------------------------------------
سبحان الله اي واحد معه امريكي تلقاه فاهم في الصيانه والخرابات وخصوصا اذا كانت السياره امريكيه لانهم مساكين دايم مداومين في الورشات سواء كانوا سيارتهم 2003 ولا 79:D :D


ولا وش رايكم....

[PT Cruiser]

انا اوافقك
واحد من الشباب معاه بيوك او ( بويك )
شغلته بالحياة رديتر + مروحة

[STS4ever]

شباب استفسار بسيط الفلتر ذا موجود في كل سياره ورى الدرج ؟؟!! ولا تختلف من سياره لسياره

سلام

[خليل أبو سمرة]

أنا صارت معي نفس المشكلة في المكيف
و في الوكالة قالولي بتكلف 800 درهم و تعال خذ السيارة بعد 3 أيام
قلت بشوف برة كم بتكلف
رحت على كراج في الصناعية قالي هذي شغلت 15 دقيقة و بتكلف 35 درهم :D

فعلا غير بس منظم الحرارة اللي يتحكم في مقدار الغاز الداخل على السيارة و بس

و ألحين السيارة ماشالله ممتازة

شو رأيكم

:glasses: SL 55 AMG:glasses:

[PT Cruiser]

اخوي STS
والله العظيم ما اقدر افيدك
بس اتوقع ان لكل سياره فيها فلتر للمكيف
الا اذا كانو نزلو سيارات المكيف الي فيها ( اسبليت )
خخخخ