View Full Version : الى رقصني ياقدع ( شرخشين )
STS4ever
17-05-2003, 01:51 PM
سلام
اقول بغيت اسال كم تنزل السياره اصبع اذا قصيت لفه وحده من الياي ؟؟
وبس
AVANTGARDE
17-05-2003, 03:07 PM
بخصوص قص السبرينج فما انصحك به لان في النهاية راح تحصل على شكل من غير فعل...
في شركات متخصصة في السبرنجات والتعليقات السبورت ..
وفي جميع الاحول تغيير سبرينج من غير الهيدوليك ايضا راح يعطي شكل من غير فعل..
اذا تبغي ذاك الشغل الصح اختر القطعه الكاملة الا وهي السبرينجات مع التعليقات.. CUP KIT ..
وفي شركات متخصصه وقطعها مضمونه مثال على ذلك شركة:
H&R
وشركة
EIBACH
الشركتين هذيل هم اضمن الشركات العالمية في صناعة التعليقات لجميع انواع السيارات...
STS4ever
17-05-2003, 04:20 PM
اوكي اخوي انا معك بس مااتوقع الاقي للـ STS ؟!
وانا ماسالت عن الشغله هاذي الا لاني بركب جنوط 18 واخاف يطلع شكلها غلط ولاكن خلاص مابنزل بخليها على شكلها على الجنوط 18 ويمكن تطلع اوكي ومايصير شكلها حفله :):)
سلام
الارهابي
17-05-2003, 05:08 PM
شي استغربت منه
الجميع ما يأيد فكره قص الياي
لكن مجله chevy hi performance في موضوع قاعدين يشتغلوا على سياره
و جابوا لها يايات من شركه ( نسيت اسمها )
قالوا نت الشركه تنصح بقص اليايات بما لا يزيد عن طيه ونص عشان لا تكون السياره مرتفعه من الامام :D :D :D :D :D
المهم
لما تقص اليايات بتفرق معاك على حسب نوع الياي
لان و لنفس السياره تجي ايات مختلفه الارام لو صفيتها جنب بعض راح تلاقيها بنفس الحجم لكن تختلف في مرونتها
فبعضها لو ركبتها بتنزل السياره بسرعه و بعضها تضل مرتفعه ولا تنزل ابد
بعدين اذا بغيت تكون في السليم
شوف اذا احد سوى هالحركه على سياره زي سيراتك اول
هل الامور معاه تمام
ما في اي طقطقه
او مشاكل
و بالتوفيق انشاء الله :D
HaKeM
17-05-2003, 05:27 PM
أخوي STS4ever حرام عليك السيارة جديدة والstsجداُ ممتاز في المناورة لو قصيت اليايات الله يعينك على عدم الراحة في السيارة.
تحياتي
STS4ever
18-05-2003, 11:33 AM
الف شكر اخوي الارهابي على الرد الحلو والواضح لاني فهمته :):)
اخوي حاكم عدل اوكي خلاص انا شلت فكرة التنزيل نهائيا لاكن عندي سؤال ؟!
في واحد بالخبر لكزس LS 430 سماوي مركب جنوط 18 وطالعه اوكييييه بس ماادري هو منزلها ولا هي كذا لانه اذا بيطلع ارتفاع سيارتي زي ارتفاعها فهاذا شي حلووو واوكيه فماادري شفتوها ولا لا وهل هو منزل ولالا
سلام
شرخشين2000
18-05-2003, 02:48 PM
STS4ever
شوووووووووووووووووف عزيزي
اذا بتركب أي جنط غير جنط الوكالة لاااااااازم تنزل
تفرق اليايات من سيارة الى سيارة..
عندك مثلاً اللومينا SS و اللومينا العادية تختلف ياياتهم واااااااااااجد
مع انها نفس الارتفاع ،، لكن ياي الـ SS تجي لفاته أقل
وفي حركة مرررررررررررة حلوة ممكن تزيد من معامل الفتل للسبرنغ !!
بس دقيقة !!!
وشهو معامل الفتل ؟؟ ( هاذي معلمني ياها هشام ) ..
معامل الفتل هو : درجة ليونة أو صلابة السبرنغ..
يعني اذا كان معامل الفتل مرتفع تصير السيارة مرررة خشنة..
و العكس صحيح...
لكن..!!!!!
وش يصير لمّا تقص الياي و تنزل السيارة ؟؟؟؟؟
أنا أقول لك..
لما تقص الياي يصير معامل الفتل مرررررة ضئيل لأن وزن السيارة راح يتمركز على جهة واحدة بس و نظراً لقصر طول الياي ( بالنسبة للطول الاصلي و معامل الفتل الاصلي ) لدرجة ان السيارة تبدا تطامر مع أصغر مطب.. :headshak:
و الحل طيب ...؟؟
إما انك تغير الجمبينات وتركب SOFT او انك تركب أهواز..:shock2: :shock2:
ايوه أهواز ...!!
مستغرب ؟؟ أهااااا ،، أنا أقول لك ليه..
لما تركب اهواز ألمنيوم أوة حديد على الياي .. ايش راح يصير ؟؟؟
راح تزيد معامل الفتل للياي و بذلك تكون حصلت على ياي رياضي مصنع في السعودية..:D :D :D :D
أي خدمة عن محلات تنزيل أو أي شي بس عطني خبر...
little_chevy_266@yahoo.com
STS4ever
19-05-2003, 08:37 AM
اهلين شرخشينو .. احلا كلام والله بس خلاص انا بشيل فكره التنزيل مره من ماي راس مررررره :D :D وانشاء الله تبي تضبط السياره مع الجنوط 18 بدون تنزيل
والف شكر لك مره ثانيه وسلام
عاشق التضبيط
19-05-2003, 09:11 AM
السلام عليكم
كلام حلو اخوي شرخشين ومعلومات اول مره اعرفها
وفي كمان هذا الموضوع
http://www.swalif.net/sforum1/showthread.php?threadid=166252
رد مقتبس من شرخشين2000
اسأل مجرّب ولا تسأل خبير...
شوووووووووووووف عزيزي..
التجاري أنواع !!
تجاري مضروب !! وتجاري ممتاز :cool:
السوق موجود فيه تجاري مثل ( اندونوسي !! صيني !! ماليزي !! ) هذا ابعد عنه... من جد مضروووووووووووووووووووووووووب !!
أما التجاري الألماني :banana: فأنا أنصح فيه :D :D
وبما انك عندك لومينا يعني يبغالك جنوط 5 بلوط أبعادها 120 يعني مثل جنوط الـ BMW بس انتبه !!!!!
جنوط البي ام تركب على اللومينا والكابرس لكن لااااازم تعمل لك رجّة !!! تدري ليش ؟؟ أنا أقول لك ليش :D
لأن فتحات مدخل الهوب أكبر بشوي !!! ولحل هذه المشكلة لازم تفصّل عند أقرب مخرطة ما يسمّى بالـ ( أساور - جمع : إسوارة )
وهذي عبارة عن قطعة دائرية من ألمنيوم أو النحاس تركب في الفراغ اللي راح يكون بين الهوب والجنط...
أما الجنوط اللي ماهي للـ BMW فتركب وانت تضحك...
الأساور هي نفسها الاسبيسرات ؟ (مدري هي اسمها كذا )
ياليت اخوي لو تدلني على مخرطه تعرفها تسوي هالأسوار
وكمان ياليت محل تنزيل يعمل لي هالأهواز
وانا بالدمام
وفي شركات متخصصه وقطعها مضمونه مثال على ذلك شركة:
H&R
وشركة
EIBACH
هذي اقدر احصلها في السعودية ؟
abu_nasser
20-05-2003, 11:45 AM
رد مقتبس من شرخشين2000
STS4ever
وفي حركة مرررررررررررة حلوة ممكن تزيد من معامل الفتل للسبرنغ !!
بس دقيقة !!!
وشهو معامل الفتل ؟؟ ( هاذي معلمني ياها هشام ) ..
معامل الفتل هو : درجة ليونة أو صلابة السبرنغ..
يعني اذا كان معامل الفتل مرتفع تصير السيارة مرررة خشنة..
و العكس صحيح...
فيزياء
تراك ناسي معامل يونغ يا شرخشين :D
560SEL
20-05-2003, 03:54 PM
أخوي STS4ever انا ما أنصحك بالجنوط ال 18 الا اذا كانت من الماركات الممتازه بالذات على الSTSو الكدلك عموما لأنه يعمل بنظام السحب الامامي و الجنوط ال 18 بتأثر على العكوس و على المساعدات اذا كانت تجاريه
انا من رأيي انك تركب جنوط 17 و تكون نيكل اذا امكن و تكون من الانواع الجيده مو المضروبه
و كذلك ما أنصحك أبدا انك تقص اليايات لأن مثل ما قالوا الاخوان يايات ال STS و التعليق في ال STS من أبدع ما يكون
تحياتي
STS4ever
21-05-2003, 09:49 AM
الف شكر اخوي 560SEL وانا بركب جنوط المانيه اصليه برابوس وطلبتها وحتوصل يوم الخميس ذا باذن الله وطبعا دام انها اصليه اكيد خفيفه وبدون رجه وكل شي تمام انشاء الله بس تصدق والله مااعرف شكلها الا انها عشر فتحات ونيكل :) وفيها كفر فالكون او فالكين والله ماادري
وشكرا لك مره ثانيه على النصيحه اللي حعمل بيها
سلامو
560SEL
21-05-2003, 01:18 PM
كذا الشغل ممتاز
جنوط أصليه و مقاس 18 ان شاء الله ما راح تؤثر على السياره و بالذات انك اخترت نوع ممتاز (Brabus) و كذلك كفرات فالكين FALKEN نوعيتها ممتازه و من أهم مميزات هذا النوع من الكفرات انه ما راح ينزلق أو يفر محله في أيام المطر
الله يوفقك يا أخوي
تحياتي
عاشق التضبيط
22-05-2003, 11:21 AM
فوووق فوووق
شرخشين انتظر ردك ترى والله ذبحنا التناقز وذبحتنا الرجه
مجنون سيارات
22-05-2003, 03:01 PM
بنسبه للاخ ألي سأل عن السبيسرات الي هو اخ عاشق التضبيط
هذي القطعه موجوده في الدمام في شارع الزينه وسعرها حلو كلها 25 ريال واعتقد انها تركب على اي هوب لان فيها فتحات واجد وانا مركبها على سيارتي :D .
STS4ever
22-05-2003, 05:57 PM
زين اخوي مجنون سيارات ضبطت معاك وماصارت ترج ؟؟
لان شرخشين مصلحها عند مخرطه لاكن اللي عند محلات الزين بس تحطها على الهوب وتركب الجنط بدون اي لحام ولكن ماادري تضبط ولا لا
سلام
عاشق التضبيط
26-05-2003, 12:19 AM
مشكور اخوي مجنون سيارات